لما شرحوا الهيستوري منذ أن بدأ الطب
كانت هناك قاعدة لازم الدكتور يقولهالك بعد قاعدة (ناس أُمَرَة) بشوية
ويختار البعض قبلها، حسب اختلاف مدارسهم...
القاعدة بتقول "اوعى المريض يتوّهك وانت بتاخد منه هيستوي"
تخيل بقى لو عرفوا إن فيه مريض ممكن "يوجّهك"🤭

طب ما تيجي نشوف🤷‍♂️🚶‍♂️
مريض جاي الصبح الاستقبال الساعة ٨ ونص كده
شاب في أواخر التلاتينات من عمره،
يا دكتور عندي حرقان وحموضة شديدة من امبارح
أكلت أكلة تقيلة شوية ومن بعدها وانا تعبان، أخدت فوّار وحبوب وبرضو مفيش راحة غير خفيف
حتى وأنا جاي دلوقتي قلت أركب العَجَلة تساعد على الهضم شوية لكن برضو تعبان (ليته ما فعل)
=ألف سلامة عليك يا باشا
...في الخلفية بقى [ده ألم، وظاهرياً مرتبط بالأكل يعني زي.ما بيقولوا ألم ال git يكون related to meal، وبيقولك حرقان في نص الصدر كده، مستني ايه أكتر من ده تقول انه gerd 🙄]
مستني أني أقولك كده المريض كشف على نفسه، حضرتي معملتش معاه حاجة!
ومستنى أعمله رسم قلب عشان ده
Pain from umblicus to lower jaw
حتى لو كان atypical chest pain

=الألم ده طبيعته عاملة ازاي؟ ومسمع في أي مكان تاني؟
_مش اللي في بالك يا دكتور أنا بحثت ودورت ده حموضة عادي 🙄
=طب معلش جاوب ع السؤال
_حرقان في نص الصدر ومش مسمع

=زاد لما عملت مجهود أو حاجة؟
_مش اللي في بالك برضو
بصراحة هو لم يخف لما عملت مجهود وده مستغربه! لكن مقدرش أقولك زاد تماما يعني

=بتدخن؟!
_علبة ونص أو علبة في اليوم
واديني حقنة للحموضة الله يكرمك عشان تعبان
=نعمل رسم قلب الأول نطمن عليك...

Few moments later...
رسم القلب فيه inferior MI😳😲
وسحبوا انزيمات قلب وطلعت positive!

كل شوية أسأل اللي جابلي رسم القلب، ده الشاب اللي قاعد في الأول ده؟ طب ده اللي قال عندي حموضة؟!

كان لسان حالي _وحاله_ فيه قول المتنبي
فَزِعتُ فيه بآمالي إِلى الكَذبِ

لكن قدر الله نافذ
===========================
نتعلم ايه بقى هنا؟
*مش أي ألم related to meal يبقى GIT؛ أساسا من ضمن ال stress اللي بيعمل stable angina أكلة تقيلة😐

*any pain from umblicus to lower jaw
Do ECG

* اوعى المريض يوجّهك وتمشي وراه

الطب مهنة عجيبة!
كفيلة بأن ترفعك في الجنة درجات، وتهوي بك في النار دركات...
فيها ترى من نفسك عجباً، أأنا سخرني الله للحاق برجلٍ كاد أن يموت؟ أو مداواة مريض يذهب عقله من الألم؟ أو مساعدة مسكين لا يعرف أين يتوجه بكل هذه الأمراض!
وعلى العكس تماماً
قد يتسرب لنفسك الكبر والعجب، أنا فعلت هذا وذاك. أو أنا صاحب النهي والأمر لكل هؤلاء، افعل ولا تفعل...
وأول علاجٍ لمثل هذا كما قالوا
"أول العلم أن تعلم أنك لا تعلم"
ولا حول ولا قوة إلا بالله،
فلا حول لك على طلب علم وتعلمه والعمل به، ولا قوة لك على التحول من جاهل لا يعلم شيئاً إلى طبيب يداوي مريضاً
إلا بالله العلي العظيم...
ولا ترى لنفسك شيئا او فضلاً،

وها نحن ذا في غُرة عام هجري تلوح في الأفق ذكريات الهجرة، ونفحات هذه الرحلة...
يرقب المؤمن فيها سير الأنصار كيف أنهم لم يروا لأنفسهم فضلاً على المهاجرين الذين جاؤوا شعثاً غبراً لا مال لهم ولا دار
فارّاً كلٌ منهم بدينه فحسب...
بل كانوا لهم إخوة متحابين
وزِد على هذا فقد كانوا يرون أنهم خيرٌ منهم وأفضل!
فيؤثرون على أنفسهم!
كذا الطبيب
لا يرى نفسه خيراً من أحد، ولا يرى لنفسه على مريض يداويه فضلاً...بل هذا من فضل الله عليك أن علمك ووفقك لمداواته فتؤجر على ذلك!
ولا ترى نفسك خيراً من طبيب آخر
فإنما هو فضل الله يؤتيه من يشاء..

القاعدة دايما تقول
You see what you know...
في مرة د/حسام مختار كان بيتكلم عن
ال pain in right iliac fossa او في ال lumbar region ف قال أنه من ضمن الأسباب انه يكون radiculopathy
(ديسك ضاغط على nerve root) بس المهم إنك تلاقي معاه بقية الأعراض بتاعة ال neuro

عدى كام يوم
حالة جاية الاستقبال، فيميل ٤٠ سنة
جت بِـ right iliac pain وماسك كمان ال lumbar
دخلت استقبال الباطنة والألم شديد
_طب تكشف جراحة الأول
=كشفت فعلا ودكتور الجراحة قال مفيهاش حاجة
والمسالك قال كويسة
ولا حصوات ولا مغص كلوي حتى؟🫣
عملت سونار وطلع كويس مفيش حاجة🙃

_طب نستبعد أسباب النسا برضو...🙂
بالهيستوري والفحص مفيش حاجة،
كمان السونار مش شاكك في حاجة خالص...

افتكرت كلمة د/حسام
_ارفعي رجلك كده لو سمحتِ
مقدرتش ترفعها من الألم وزاد جدا عليها...
بدأت أكمل الهيستوري معاها ناحية ال radiculopathy
وبالفعل هي كان عندها ديسك من فترة ولو شالت حاجة تقيلة بتحس بألم شديد أسفل الضهر
وأعراض موجودة ومتكررة
مع وجود خدل وتنميل

حولناها جراحة مخ وأعصاب، تبقى تعمل رنين وتشوف ايه أفضل طريقة مناسبة للعلاج...

بس كده

ربنا يعلمنا وإياكم وينفع بنا وبكم

كان أويس إذا أمسى تصدق بما في بيته من الفضل من الطعام والثياب ثم يقول: اللهم من مات جوعا فلا تؤاخذني به، ومن مات عريانا فلا تؤاخذني به.

ولما كانت التسبيحة في رمضان خير من ألفٍ في غيره، كذا كان البذل في موضع خير من غيره
فلما نادى سيدنا رسول الله ﷺ من يجهز جيش العسرة، انبرى لها ذو النورين رضي الله عنه فكانت له الجنة!
وهاهي هي أوقات استضعاف الأمة وتجويع إخواننا وقتلهم بالجوع والعطش والنار
فأي وقت تنتظر لتقوم بواجبك؟!

فيا كرام المسلمين ورجال هذا الدين
هذا أوان البذل، وشكر النعمة ودفع النقمة؛
وهذا واجب لا نفل ورب الكعبة
فهاهم إخوانكم يموتون جوعى!!!
فإن لم يكن بكم حث تعاليم الإسلام
فلتكن مروءة زُهير في الجاهلية
نأكل الطعام وإخواننا في غزة هاشم جوعى!!!
فلا تتخاذلوا ولا تكسلوا، فكلنا سيقف أمام الله وحده
فلنعد للسؤال جوابا

وهذا مصدر موثوق للتبرع إن شاء الله

https://t.me/baraagk/3413

قد يأتي في بالك إن رسم القلب ده لمريض جاي الطوارئ ماسك صدره وبألم شديد جدا، لكن الواقع إني شوفت المريض ده بعلامة أخرى قبل ما أشوف أو أعرف الألم في صدره

المريض ده كان جاي بيعرق بكمية كبيرة جدا
العرق بشكل مش طبيعي وغريب
أول حاجة سألته عليها
عندك ألم في صدرك يا حاج؟
قالي أيوا كان موجود الصبح قلت هيخف بعد شوية لكن محصلش

طلبنا رسم قلب بسرعة
طلع بالشكل ده
St elevation in Anterior leads

STEMI

من هنا بقى متنساش ال association اللي تتواجد مع ال typical chest pain هي ال autonomic symptoms
Sweating , nausea and vomiting.


والأهم من ده كله إنك متنساش تدعي لإخواتك
أو بمعنى أصح لنفسك
هم أنت، والدم دمك
ولا تنسى نصرتهم بما تستطيع

السلام عليكم ورحمة الله وبركاته
تكلمنا قبل كده عن خطورة إن المريض يوجّهك،
طب لو المرضى فاقد الوعي DCL
خلي بالك من المرافق🙃
ف ركز كويس وامشي بنظام عشان متكونش متحيز لتشخيص.
.....
فيميل ٥٨ سنة DCL
المرافق جايبها
يا دكتور والدتي عندها غيبوبة كبدية
مالها ايه اللي حصل؟
احنا كنا محجوزين في المستشفى بغيبوبة كبدية وطلعنا من يومين اتنين بالظبط
وكانت نفس الأعرض دي
احنا كل شوية بنتحجز عشان كده

وبالهيستوري فهي فعلا قريبة من الأعراض اللي بتتدرج بيها درجات الغيبوبة الكبدية

بس لحظة....
أنا مكشفتش على المريض، كل اللي عملته إني أخدت هيستوري
Female pt, DM, HTN, cirrhotic liver with recurrent hepatic encephalopathy and admission...
طب وباقي الطب يابني؟
هنرمي الباقي وكده المريض شخص نفسه؟

قلت أبدأ من الأول على نضافة كده
نفيتل الحالة ونشوف ونشتغل صح
الضغط كويس
النفس في السليم
النبض يمكن سريع شوية بس
الوعي عندها GCS=12 مثلا

نبدأ Approach of DCL كده
بسم الله
الأكسجين زي الفل
السكر
هوووب ٤٥ !!!!

بدأنا بسرعة ١٠٠سم جلوكوز ٢٥%
بعد أقل من ٥ دقايق بفضل الله الحاجة بتتكلم معانا وفايقة وزي الفل الحمد لله رب العالمين

السلام عليكم ورحمة الله وبركاته
كيف حالكم يا رفاق، عساكم بخير حالٍ تركتكم عليه، ومآل أفضل مما كنتم فيه وإليه
نعتذر منكم عن التقصير
عُدنا بإذن الله والعودُ أحمد
وإن شاء الله بداية عودتنا باجتماع
ظن إخوانكم بأخيكم خيراً بكرم أخلاقهم وحسن ظنهم
وإن شاء الله نلتقي الليلة باجتماع على Google meet
الساعة ٩:٣٠ م
حول الامتياز والشتات والبداية...
كيف الطريق
وما هو المطلوب منه!
محاور نتكئ عليها
وغاية نرنوا إليها
ومنحدراً وعِراً يطيب بتوفيق الله
والرِّفقة الطيبة والأُنس في ظلمات الطريق")

كونوا بالقرب:)
https://meet.google.com/ory-wkuq-rad

اللينك الجديد يا شباب

فراغ الامتياز: بين التشتت والإنجاز
December 28, 2025, 9:15pm – December 29, 2025, 1:00am ·
Time zone: UTC
Google Meet joining info
Video call link: https://meet.google.com/iga-roiu-rtf

فترة الامتياز بين التشتت والإنجاز.

السلام عليكم ورحمة الله وبركاته
أُهَيل الطب وأحبابه، رفاق الدرب وصَحبِه.
عهدناكم للأمة بالطب أمدادًا، وعرفناكم في شدتها رجالًا، ونظن بكم الخير أن تكونوا لها أيضًا بالوعي والعلم أمدادًا

لا يسير في دربنا غير ذلك...

وجئنا نبشّركم، ونجمع شتات فِكركم ومعرفتكم

هاكَ البشاراتِ فسُقْ
للحائرينَ على الطُّرُق

لا يكونن الطبيب طبيبًا مسلمًا قبل أن يكون مسلمًا في المقام الأول،
يعلم ما لا يسعه جهله ويفقهه، ويعي الواقع حوله ويفهمه.
اليوم...
نتجاوز حالة الشتات المعرفي...
فَـ
نجمُ الهُدى زَانَ الأُفُق
نِعمَ البناءُ المنهجِيّ

دونكم برنامج البناء المنهجي.
فالتحقوا بالرِّكب، وأخلصوا النوايا، واصدقوا العزم...
وخذوا الكتاب بقوة.

https://t.me/BinaaManhaji/317

السلام عليكم

صديق بعت يسألني عن حالة فيميل ٣٥ سنة جاية ب left shoulder pain و left side weakness
عمل رسم قلب وبعتهولي والحمد لله طلع كويس
لما كلمته تاني
عرفت منه إن الحالة فيها left side weakness محترم، مش مشكلتها الألم خالص...
قولتله طيب شوف السكر والضغط وحولها لحد نيورو
قالي معندهاش لا سكر ولا ضغط 🤷‍♂
بس لازم تقيسهم...
الحمد لله قاس السكر
وطلعت الحالة hypoglycemia!

بعيدا عن كون السكر من ضمن ال vital signs
لكنه أيضا من ABCDE approach اللي واجب عمله لأي حالة طوارئ

والأهم
إن ال hypoglycemia من ضمن
Stroke mimics 💡
وده تقدر تعرفه لو سمعت
STEOKE DD :)