🗺️Қай салаларда Қазақстанда ең көп кәсіптер ашылған.

Қазақстанда 1,3 миллионнан астам жеке кәсіпкер тіркелген. Бір жыл ішінде олар 20,3%-ға өсті.

2022 жылғы 1 қыркүйектегі жағдай бойынша жеке кәсіпкерлердің айналысатын көпшілігі
▫️сауда
▫️ауыл шаруашылығы
▫️жылжымайтын мүлік операциялары
▫️тасымалдау
▫️қоймалау

Гендерлік статистиканы алсақ, ерлер-кәсіпкерлер – 47,9%, ал әйелдер – 52,1%. Әйелдер негізінен сауда саласында серіктестіктер ашады.

@findala

🏠Қазақстанда ипотекалық бағдарламадағы «толық емес отбасы» санаттарының шарттары өзгертілді

Несие беруді талдау нәтижелеріне сүйенсек, «толық емес отбасылар» сияқты санат соңғы төрт жылда ең жылдам қарқынмен өсіп келе жатқаны белгілі болды.

Егер 2017 жылы 54,6 мың ажырасу болса, 2018 жылы олардың саны 54,7 мыңға өссе, 2019 жылы 59,7 мыңға жетті. Ажырасу туралы арыз беру қиындаған ковид кезеңінде, олардың саны 48 мыңға дейін азайған, ал 2021 жылы қайтадан өсті. Банк басшысы мұндай өсімді қазақстандықтардың жеңілдікпен баспана алуға деген ұмтылысымен байланыстырады.

23 қыркүйекте Үкімет қаулысы аясында «толық емес отбасы» санатын «Шаңырақ» бағдарламасы бойынша («5-10-20») ипотека шарттарына енгізу қолдау тапты. Ал «Бақытты отбасы» бағдарламасынан мүлдем алынып тасталды. Министрлік өткен жылы өтініштердің 50 пайыздан астамы толық емес отбасылардан түсіп, бұл басқа санаттар үшін тең емес жағдай туғызатынын айтты. Бағдарламадағы басым санаттарға жетім балалар, 1 және 2 топтағы мүгедектер, сондай-ақ мүмкіндігі шектеулі балаларды тәрбиелеп отырған отбасылар кіреді.

@findala

🧑‍💻Ақмола облысының тұрғындары интернет алаяқтарының кесірінен 2 миллион теңгеден астам ақшадан айырылды

4 қазанда Ақмола облысының полициясы интернет-алаяқтықтың төрт фактісін тіркеді. Алаяқтар өздерін банктің қауіпсіздік қызметкері ретінде көрсетіп, жәбірленушілердің атына бейтаныстар несие алып жатқаның хабарлады. Схема бойынша несиеден бас тарту үшін, жәбірленуші банкте өзідері несие рәсімдеп, алаяқ көрсеткен есепшотқа ақша аударуы керек болған. Алданған тұрғын бейтаныс есеп шотына 480 мың теңге, ал екіншісі 797 мың теңге аударып, миллионнан асатын шығынға кірді. Сондай-ақ, олар өздерін «Инвест» аналитикалық компаниясының қызметкерлеріміз деп таныстыруы мүмкін - осылайша тағы зардап шеккен азамат 82 мың теңге жоғалтқан.

Басқа деректер бойынша, алданған адамдар TikTok арқылы ақша табуды үйрену үшін 887,4 мың теңге белгісіз шотқа қайтарымсыз аударған болған. Осылайша Ақмола облысының тұрғындары интернеттегі алаяқтардың кесірінен 2 миллион теңгеден астам шығынға ұшырады.

@findala

🖊️Binance ресми түрде Қазақстанда жұмыс істеуге АХҚО лицензиясына ие болды

Binance криптовалюта биржасы АХҚО-да сандық активтер платформасын басқаруға және кастодиандық қызметтерді көрсетуге ресми лицензия алды. АХҚО Қаржы қызметтер органының (AFSA) тұрақты лицензиясы Қазақстандағы Binance-ке реттелетін платформа мәртебесін береді.

Биржа атқаратын жұмысы:

▫️айырбастау және конвертация қызметтері
▫️фиат валюталарын депозитке салу және алу
▫️криптовалюта активтерін сақтау
▫️биржалық сауданы ұсына алады

Кез келген елдің жеке және заңды тұлғаласы, тіркеу арқылы оған қол жеткізе алады. Болашақта Binance Қазақстанда өз қызмет көрсету ауқымын кеңейтуді көздеп отыр.

@findala

​​🚜КазАгро

Бүгін біз #Қаржы_институттар айдарының аясында "ҚазАгро" холдингі туралы сөз қозғаймыз. Ол «Бәйтерек» холдинг қыздарының бірі екені мәлім. Бүгін біз оның не ұйым екенін, оның функционализациясы, қызметтері, еншілес кәсіпорындары туралы талкылайтын боламыз.

Бұл не?

«КазАгро» — Байтерек апайымыздың сүйікті қызының бірі, сондықтан ол оған 100% меншіктІ. Холдинг «халық үшін, ел үшін» осындай қызмет етеді:
🔸агроөнеркәсіп кешенін 🔸несиелендіру,
🔸лизинг,
🔸несиені өтеуге кепілгер ретінде әрекет ету

«КазАгро-ның басты міндеттерінің бірі —
🔹ас атасы нан дегендей, ол әр дастарханда тұру үшін, мемлекеттік астық қорын сақтайды
🔹сол бидайды өсіретіндерді ренжітпей, оларға көмек ретінде,
🔹ұяттары шақпау үшін, ауыл шаруашлық саласына ақша құйып, өнімді пайда алады

📃Бәйтеректің қанаты астында

КазАгро-ның жеке 82 миллионға жуық акциясы бар, ол жай-май компания емес екені мәлім. Тек сол миллиондаған акциясын Бәйтерек апамыз 100% өз меншігінде ұстап тұр. Жұмыс істелінуде, табыс келуде, қазына толтырылуда. Уайымдайтыны түгі жоқ, себебі бәрі де госпрограммаларды қанағаттауға кетеді.

📎Ешкім де, ештене де ұмытылмайды!

Корона дағдарысы басталған жылы «ҚазАгроның» қызы бюджеттен алынған ақшаны екінші деңгейлі банктің депозитіне, кейіннен жеке пайда алу үшін заңсыз аударған.

Бастапқыда бұл ақша әлеуметтік нысандарды дамытуға, сумен қамтамасыз етуге, ауыл шаруашылығын қолдау үшін бөлінген. Сондықтан осындай іс-әрекет қазір де түгел ұйым жұмысының ашықтығына күмән келтіреді.

🖍️Қорытынды

«ҚазАгро» Бәйтеректің басқа қыздары сияқты өз жұмысын мемлекеттік қаржыландыру арқылы атқаруда. Оның үстіне «Қазагро» Ұлттық қор сатып алған 0,01 пайыздық теңгемен облигациялар шығарғаны мәлім. Жомарттықтың немесе ақымақтықтың белгісін білдіретін бұл сыйлықтар барлығын таң қалдырды. Алайда осы арқылы мемлекеттік компания әлі де аяқта қалай тік жүргенін түсіндіреді.

@findala

💸Жарты миллионнан астам қазақстандықтар шағын несиеге қарыз

Қаржы нарығын реттеу және дамыту агенттігінің мәліметінше, 2022 жылғы 1 шілдедегі жағдай бойынша, мерзімі 90 күннен асқан екінші деңгейдегі банктер және микроқаржы ұйымдарда қарыз алушылардың жалпы саны 1 520 000 адамды құрайды.

Деректер бойынша, жалпы мерзімі өткен 10 қарыз алушының 4-і микроқаржы ұйымының борышкері екені белгілі болды. Бұл ретте, ұйым
осындай несиелерді төлемеушілік деңгейін, жасанды түрде төмендету мақсатында, коллекторлық агенттіктерге портфельдегі мерзімі өткен несиелерді сатады, яғни шынында олардың борышкерлер саны әлдеқайда көп екенін ескеру қажет.

Сот тәжірибесінде микронесие шарттары жарамсыз екені мәлім, борышкерлердің мойнына жылдық 30 000%-ға дейін прецеденттерді іліп қойған тәжірбиелер де кездеседі. Осындай «қаржылық озбырлыққа» тап болған борышкерлер саны өсуде, тек өкінішке орай, көбісі сот қорғауына жүгінген жоқ.

Мәжіліс 2022 жылғы 30 наурызда, кредиттік бюролардың жұмысына тексерісті талап еткен. Аудит нәтижесінде қаржылық реттеушілердің бірқатар өрескел бұзушылықтары анықталды, мысалы:

▫️кредиттік бюроларды аттап, жаңартылмаған деректерді пайдалану,
▫️сауалнамада көрсетілген, алайда расталмаған деректер негізінде, қарыз жүктемесінің коэффициентін есептеу
▫️ақпараттарды несиелік бюроға уақтылы жеткізбеуі,
Бұл тек үш қарыз алушыға ғана қатысты бұзушылықтар болды, ал негізгі сан жарты миллионнан асады, сонда тізім қалай толатыны белгісіз..

@findala

🏠Қазақстанда тұрғын үйге сұраныстың күрт өсуі

Елдегі жылжымайтын мүлік нарығы үш айлық тыныштықтан кейін күрт жанданды. Естеріңізге сала кетсек, көктемнің соңына қарай тұрғын үй сатып алу саны 60 мыңнан 30 мыңға дейін екі есеге қысқарды. Алайда тамыз айында тұрғын үйге сұраныстың қайта өскені байқалды:

🔹Алматы мен Шымкентте көрсеткіш 30%-ға
🔹Астанада 46%-ға
Сарапшылар бұл оң үрдістің негізгі 2 себебі бар деп есептейді.

Біріншіден, күзгі егін жинау. Ауыл шаруашылығымен айналысатын ірі бизнесмендер егін жинағаннан кейін жылжымайтын мүлікке ақша салады. Бұл құбылыс жыл сайын орын алуда. Қазіргі уақытта бастапқы пәтерлерге сұраныс 29,6%-ға өссе, тұтынушы ағыны 14,3%-ға жетті.

Екіншіден, «Отбасы банк» тарифтерінің көтерілуімен байланысты. Айта кетсек, ол арқылы нарықтағы тұрғын үйдің 60%-дан астамы сатып алынады. Ақшасы алты айдан аз депозитте тұрған клиенттер үшін мөлшерлеме 6 қазаннан бастап 7-8,5%-дан 10-11,5%-ға дейін көтеріледі. Сондықтан, жинақтары бар қазақстандықтар жылжымайтын мүлік нарығында қызу сұраныс тудырып, тарифтер көтерілгенге дейін тұрғын үй сатып алу операцияларын жабуға тырысты. Ал сарапшылар тұрғын үй бағасының ұзақ мерзімді перспективалары жайлы әзірше мүлдем болжам бере алмай тұр.

@findala

📈«ҚазМұнайГаздың» IPO процесі 10 желтоқсанға дейін өтеді

«ҚазМұнайГаздың» IPO-сы желтоқсанның басында өтеді. Алдағы IPO аясында инвесторлар шартты түрде үш топқа бөлінді.

▫️Біріншісі – Қазақстанның барлық азаматтары.
▫️Екінші топ – белгілі бір шекті шектен жоғары баға ұсыныстарын беретін қазақстандық институционалдық инвесторлар.
▫️Үшінші топ – халықаралық институционалдық инвесторлар.

“Жергілікті нарық даму қарқыны айтарлықтай сезілуде. Бұған финтехтің дамуы, қаржы институттарының қызметтерін цифрландыру, жалпы алғанда, халықтың қаржылық сауаттылығының өсуі ықпал етіп отыр. Оған қоса делдалдық шоттар санының жақсы өсу динамикасы бар, бұл көңіл қуантады. Сондықтан компанияны биылғы жылы IPO-ға шығару – барлығы үшін ең жақсы шешім”, - «Самұрық-Қазына» мемлекеттік қорының даму және жекешелендіру жөніндегі басқарушы директоры Ернар Жанаділ мәлім етті.

Акцияларды сатып алуға өтінімді AIX және KASE биржаларының сауда-саттық мүшелері – брокерлер арқылы, сондай-ақ Tabys мобильді қосымшасында тікелей тіркелу немесе Қазпошта бөлімшелерінде алуға болады.

@findala

🏠Қымбат баспананың 720 иесі 610 миллион теңге мүлік салығын төлеуі тиіс

Қазақстанда құны 100 миллион теңгеден асатын, қымбат жылжымайтын мүліктің 720 иелері салық түрінде 610 миллион теңге төлеу қажет. Өткен жылдың өзінде 3,8 миллион қазақстандықтың мүлкіне салынатын салық сомасы 15,3 миллиард теңгені құрады. Статистикалық мәліметтерге сүйенсек, салық төлеушілердің негізгі саны - құны 4 миллион теңгеге дейінгі қымбат емес мүліктің иелері шамамен 3 миллион адам.

Мемлекет басшысының 2022 жылғы 1 қыркүйектегі «Әділетті мемлекет. Бір халық. Гүлденген қоғам» атты Қазақстан халқына жолдауына сәйкес, салық реформасы жоспарланған. Атап айтқанда, қымбат жылжымайтын мүлікті сатып алу кезінде, алынатын қымбат мүлікке салықты енгізу мүмкіндігі қарастырылуда.Сонымен қатар көлік салығы бойынша, қозғалтқыш көлеміне байланысты салық ставкаларының прогрессивті шкаласы белгіленді.

Бұл ретте олар жылжымайтын мүліктің бағалау құны мен нарықтық құны әртүрлі болатынын ескеру қажеттігін қарастырады. Бұл мәселе әлемдік тәжірибені ескере отырып, Ұлттық экономика министрлігі аясында қаралатын болады.

@findala

🖊️Құрметті оқырмандар, біз жаңа #сөздік айдарын бастаймыз. Қаржылық және экономикалық терминдердің мағынасын түсіндіріп, бізбен бірге болуды шақырамыз 🤙🏻

Акциялар – бұл компания үлесінің пайызы, яғни сізді меншік иелерінің бірі ете алатын бағалы қағаздар.

Әлемдегі ең қымбат акция – сақтандыру, теміржол көлігі және коммуналдық қызметтермен айналысатын Berkshire Hathaway Inc. Бір акцияның құны $418 349 құрайды.

@findala

👛Миллиондаған қазақстандықтар айына $100 табысқа күн көреді

«Цифрлық отбасы картасына» сәйкес, елде жылына орташа табысы 1,3 мың доллардан аспайтын 2 миллионнан астам отбасы тұрады. Жалпылай алғанда, 6,6 миллион адамның айлық көрсеткіші $108,3, яғни шамамен 50,8 мың теңге.

Ұлттық статистика бюросының деректеріне сүйінсек, қазақстандықтардың кіріс құрылымында:
▫️еңбек белсенділігіне - 73,3%
▫️әлеуметтік аударымдарға - 22,9% арналған

Әлеуметтік төлемдердің ішінде
▪️зейнет ақы – 18,4%,
▪️жәрдемақы – 3,9%.
Сонымен бірге, осы жылы жәрдемақы алушылардың саны 3,8 миллион құрады, олардың орташа төлемдері 91,2 мың теңге.

Қазіргі таңда, мемлекеттік қызметкерлердің жалақысы кезең-кезеңімен көтерілуде. Биыл бұл шара 600 мыңнан астам қызметкерді қамтыды. Олардың ішінде
🔸білім саласы – 25%,
🔸денсаулық сақтау – 20-30%,
🔸әлеуметтік сала – 25%,
🔸мәдениет ұйымдары, мұрағаттар - 20% өсті

Еңбек министрлігі мемлекетте ең төменгі жалақы 49 мың теңгеден 60 мың теңгеге дейін өсіп, ал 2025 жылға қарай 98 мың теңгені құрайтының мәлімдеді. Сондай-ақ министрлік ең төменгі жалақыны 60 мың теңгеге дейін көтеру арқылы, 1,6 миллион қызметкердің кірісі өскенін еске салды.

@findala

🏦Қазақстандық банктердегі депозит көлемі 28 триллион теңгеден асты

Ұлттық банктің мәліметінше, 2022 жылдың қыркүйегінде қазақстандықтардың жинақтары 14,2 трлн теңгені құрады. 2022 жылдың қаңтарымен салыстырғанда олар 5,8%-ға немесе 788,3 млрд теңгеге өсті. Заңды тұлғалардың депозиттері де жыл басынан бері 11,5%-ға (+1,4 трлн теңге) өсіп, 16 трлн теңгеге жетті. Жалпылай алғанда, қыркүйек айының басында депозиттер көлемі 28,2 трлн теңгеден асты (жыл басынан бері +8,6%).

@findala

🥖Ауыл шаруашылық министрлігі нан бағасының көтерілу себебін атады

Қазақстандағы нан бағасының қымбаттауы туралы, ауыл шаруашылық министрі Ербол Қарашүкеев айтуынша, қазан айында әлеуметтік маңызы бар тауарлардың бағасы 11,9%-ға өсті, бірақ қаңтарда бағаны тұрақтандыру шаралары қабылданғаны туралы еске сала кетті. Қолдағы бар қорларды ескере отырып, барлық әлеуметтік маңызы бар өнімдердің, соның ішінде әлеуметтік ұнның бағасын толығымен сақтап қалуда.

Министр атап өткендей, бағаның үлкен көтерілуіне негіз жоқ – ұн өткен жылмен салыстырғанда көп өндірілді, бидайдың түсімі орташа жылдық деңгейден жоғары. Биылғы жылы қор бір миллион тонна астық жинауды жоспарлап отыр. Оның ішінде 900 мың тонна бидай.

Атап кетсек, қыркүйек айында Сенат депутаты Андрей Лукин премьер-министрге Қазақстан базарларындағы әділетсіз, қарапайым халық арқылы байғысы келген алыпсатарлардың үстіне шағымданған болатын. Азық-түлік бағасының өсуіне осындай кісілер кінәлі екенін айтты.

@findala

​​📈Қазақстанда инфляцияның шарықтау шегі 2023 жылдың ақпан айында күтілуде

Халықаралық валюта қоры Қазақстанда инфляцияның ең жоғарғы көрсеткіші келесі жылдың басында болатынын мәлімдейді. Қазіргі таңда елдегі баға тұрақтылығы Украинадағы қақтығысқа қатты тәуелдігін көрсетеді.

Халықаралық валюта қорының қыркүйек-қазан айларында Алматы мен Астанада өткен консультациялардың қорытындысы бойынша, инфляция шамамен 17%-ға жетіп, содан кейін төмендеу динамикасына жетеді. Алайда 2024 жылға дейін 6%-дан жоғары көрсеткіште қалады деп айтылған.

@findala

🏦Қазақстанның қай банктерінде мерзімі өткен несиелер саны ең аз?

Бір жыл ішінде қазақстандық банктердің несие портфелі 24,7%-ға өсті. 2022 жылдың 1 қыркүйегіндегі жағдай бойынша ол 21,8 трлн теңгеге жетті (жылына +24,7%). Тамыз айында қаржы институттарынан алынған несиелердің жалпы көлемі де 1,1%-ға өсті.

Ең жоғары өсу қарқыны
▫️Jusan Bank +142,5%-ға, 1,1 трлн теңгеге дейін.
▫️Отбасы Банк +53,5%,
▫️ЦентрКредит Банкі +49,9%,
▫️Еуразиялық +48,5%
▫️Bank RBK +42,7%.

Мерзімі өткен қарызға келетін болсақ, оның қазақстандық банктердегі көлемі 1,5 триллион теңгеге жетті, бұл несие портфелінің 7% құрайды. Бұл ретте, 90 күннен астам мерзімі өткен несиелер көлемі 786,8 млрд теңгені немесе портфельдің 3,6% пайызын құрады.

Егер NPL 90+ жағдайын қарастырсақ, Jusan несие қоржынының теріс өсімі бойынша көшбасшы болып табылады. Көрсеткіш 135,4 млрд теңге (несие портфелінің 11%-дан астамы).

@findala

​​🇰🇿🇹🇷Қазақстан мен Түркия тауар айналымы 10 миллиард долларға жетеді

Қазақстан мен Түркия президенттері Жоғары деңгейдегі стратегиялық ынтымақтастық кеңесінің 4-ші отырысын өткізді. Отырыстың күн тәртібінде саясат, инвестициялық және сауда-экономикалық ынтымақтастық сынды тақырыптар қаралды.
Мемлекет басшылары қысқа мерзімді перспективада тауар айналымын 5 миллиард долларға, орта мерзімді перспективада 10 миллиард долларға жеткізуге келісті. Әзірге барлығы жоспар бойынша жүріп жатыр. Қазақстан мен Түркияның көлік-логистика секторындағы ынтымақтастығы қысқа мерзімде, орта мерзімді перспективаға қойылған мақсаттарға қол жеткізуге мүмкіндік береді. Каспийдің де қазір маңызы артып келеді.

Кездесу барысында келесі меморандумдар мен келісімдерге қол қойылды:
▪️ветеринариялық және азық-түлік қауіпсіздігі
▪️денсаулық сақтау саласындағы ынтымақтастық
▪️мұражай ісі, ескерткіштерді қорғау және қалпына келтіру
▪️техникалық реттеу, стандарттау, метрология, аккредиттеу және сәйкестікті бағалау
▪️отбасылық және әлеуметтік қызметтер

@findala

💰Қаржылық сауаттылық: шығындарды қалай басқаруға және жинақтарды көбейтуге болады

Нені білу міндетті?

Егер де сіз жалақыға үнемі қарызға ақша алатын болсаңыз, онда қаржылық сауаттылық деңгейін арттыру туралы ойлануыңыз жөн. Қаржылық ағындарды ақылға қонымды басқару арқылы, бюджетті дұрыс жоспарлау және ақшаны дұрыс басқару қабілетіне, несие және сақтандыру өнімдерін білуге, ақшаны тиімді инвестициялауға және үнемдеуге көмектеседі.

👩‍💻Техникалық сауаттылық

Жыл басынан бері, Қазақстанда 7 млрд теңге залал келтірген 11 763 интернет-алаяқтық фактісі анықталды. Қылмыскерлер адамдарға қоңырау шалып, түрлі сылтаулармен олардың басына несие алу немесе банк карталарына қол жеткізу үшін, жеке мәліметтерін білуге ​​тырысады. Егер де сіз алаяқтардың құрбаны болғаныңызды түсінсеңіз, барлық банк шоттарынызды дереу бұғатуыңыз жөн. Қауіпсіздік мақсатында жеке куәлігіңіз бен ЖСН-ді қоса, әрі өзіңіз туралы ешқандай ақпаратты бермеуге кеңес береміз.

👛Бюджетті жоспарлау

Тапқан ақшаңызды тұрақты және ауыспалы шығынға бөліп, жоспарлау маңызды. Бірінші топқа үй жалдау, ипотека, несиелер мен коммуналдық қызметтер жатады, ал екіншісіне қалған шығындар. Сіз оны Excel электрондық кесте немесе арнайы қолданбалар арқылы жасай аласыз. Шығындарды жоспарлау, қажетсіз заттардан бас тартуға және ақшаны үнемдеуге көмектеседі. Сарапшылар кірістің 50%-ын тұрақты шығындарға, 30%-ын ауыспалы шығындарға және қалған 20%-ын үнемдеуге немесе инвестицияға жұмсауға ұсынады. Себебі әр дайым қаржы ретінде қауіпсіздік жастықшасының болуы міндетті.

💸Несиеден аулақ жүру

Егер де сатып алынатын затыңыз өзіңізге жақсы инвестиция болса, оны несие алған жөн. Мысалы, кәсіпті кеңейту үшін, жабдықты несие арқылы алуға дұрыс. Дегенмен, ол табысыныздың өсуіне сөзсіз көмектесетініне көз жеткізу маңызды. Сондай-ақ, несиеге өтініш бермес бұрын, банктердің ұсыныстарын салыстырып, шектеулерді, айыппұлдар мен сыйақы жүйесін зерттеу қажет.

👨‍⚖️Құқықтық сауаттылық

Кез келген құжатқа қол қою арқылы, сіз онда көрсетілген барлық шарттармен келісетіңізді білдіресіз. Қажетсіз ақшалай міндеттемелерді өзіңізге алмау үшін, инвестор ретінде сіздің мүдделеріңіз келісім-шартта қалай қорғалғанын қадағалау маңызды. Бұл мәселеде білімді заңгерге хабарласқан дұрыс. Сондай-ақ қаржылық тұтынушы ретінде, сіздің құқықтарыңыз әрқашан заңмен реттелетінін есте сақтау қажет. Қаржы ұйымдарын бақылайтын және оларға лицензия беретін Қазақстан Республикасының Қаржы нарығын реттеу агенттігі бар, сондықтан керек компанияны реттеушінің веб-сайтында тексеруге болады.

@findala

💵Отбасы банкке үкімет резервінен 49,9 млрд теңге бөлінеді

Алдын ала және аралық тұрғын үй несиелендіру үшін Индустрия және инфрақұрылымдық даму министрлігі республикалық бюджеттен Отбасы банкке
49 900 000 000 теңге бөлді. Жоба министрліктің басқа бюджеттік бағдарламалары бойынша пайдаланылмаған қаражат есебінен жүзеге асырылады. Жобаның қабылдануы, Отбасы банкке 4 738 адамға жылдық 5% мөлшерлемен несиелік тұрғын үй сатып алуға көмектеседі.

Бұған дейін Индустрия және инфрақұрылымдық даму министрі Қайырбек Өскенбаев, Қазақстанда 7 пайыздық қолжетімді мөлшерлемемен «7-20-25-ке» балама болатын жаңа ипотекалық бағдарлама жоспарланып жатқаны туралы айтқан болатын.

Еске сала кетсек, 2022 жылдың қыркүйегінде, Қазақстанда тіркелген тұрғын үйді сатып алу-сату саны 36 241 жетті, оның 8 905-і жеке үйлерге және 27 336-сы пәтерлерге қатысты. 2022 жылдың тамыз айынан бастап (35 686) тұрғын үйді сатып алу-сату операцияларының саны 1,6%-ға өсті. Мәмілелер саны бойынша көшбасшы қалалар
▫️Астана (6 347)
▫️Алматы (6 342)

@findala

🏦Мемлекеттік бюджеттің кірісі 35% өсті

Осы жылдың қаңтар-шілде айларының қорытындысы бойынша, Қазақстанның мемлекеттік бюджетіне 11,4 трлн теңге түсті. Бұл өткен жылмен салыстырғанда 35,4% артық.

Кірістің басым бөлігі:
▫️дәстүрлі салық 8,1 трлн теңге
▫️табыс салығы 3,1 трлн теңге
▫️тауарларға, жұмыстар мен қызметтерге ішкі салықтар – 2,9 трлн. теңге
▫️халықаралық сауда мен сыртқы операцияларға салықтар – 1,2 трлн. теңге
▫️әлеуметтік салық – 567,7 млрд.теңге
▫️мүлік салығы – 254,5 млрд

Жыл ішінде салықтық емес түсімдер де 22,6%-ға өсіп, 242,1 млрд теңгені құрады. Алайда ҚР Қаржы министрлігі 2021 жылдың салығы шамамен 1,8 млн меншік иесі жалпы сомасы 7,1 млрд теңгеге тең мүлік салығын төлемегенін хабарлайды.

@findala

💰Жыл басынан бері сақтандыру компаниялары 95 миллиард теңгеден астам табыс тапты

Тамыз айының соңында, сақтандыру ұйымдарының активтері 0,7%-ға өсіп, 2 трлн теңгені құрады. Көрсеткіш жыл басынан бері сақтандыру қызметінен түскен кірістердің ұлғаюы нәтижесінде 10,3%-ға өсті.

2022 жылдың 1 қыркүйегіндегі жағдай бойынша, активтер құрылымындағы ең үлкен үлесті
▫️бағалы қағаздар – 1,4 трлн теңге (70,8%),
▫️қолма-қол ақша мен екінші деңгейдегі банктердегі депозиттер – 127 млрд теңге (6,3%),
▫️сақтандыру дебиторлық берешегі – 100 млрд теңге (5,0%) алады

Сақтандыру ұйымдардың міндеттемелері негізінен 0,5%-ға немесе 1,3 трлн теңгеге өсті.

Меншікті капитал тамыз айында 0,9%-ға немесе 6,5 млрд теңгеге өсіп, 759 млрд теңгені құрады.

Таза пайда сақтандыру нарығында тамызда 6,9 млрд теңгені, ал жыл басынан бері жалпы 95,2 млрд теңгені құрады.

@findala

⬆️ЦентрКредит Банкі жеке тұлғалардың депозиттерінің өсімі бойынша бірінші орында

Елдегі 20 банк арасында жасалған талдамалық есеп бойынша, ЦентрКредит Банкі +74 млрд теңге көрсеткішімен, депозиттердің өсімі бойынша көшбасшы болды. Бір айда банкте жеке тұлғалардың депозиттік портфелі бірден 6,5%-ға өсті.

ЦентрКредит Банкі депозиттерге міндетті кепілдік беру жүйесінің мүшесі болып табылады. Мемлекет депозиттің сақталуына кепілдік береді. Банктегі ең танымал депозит – «Менің мақсатым». Бұл нәтижеге жетуге ынталандыратын қарапайым және ыңғайлы депозит. Мақсатқа жету үшін жинақтау көлемі мен мерзімін таңдауға болады. Сіз өзіңіз толықтыра немесе жинақтай аласыз, ақшаны депозитке автоматты түрде аудару үшін, жай тұрақты төлемге қосыла аласыз.

@findala