Fidel Tutorial (ፊደል የጥናት አገልግሎት)

ዋጋው ስንት ነው ?

የአንድ በሬ ዋጋ ስንት ይገመታል? ብሎ ለጠየቀህ ሰው መልሱ ቀላል ሊመስልህ ይችላል። በእርግጥም ቀላል ነው! ገበያ ሄደህ ጠይቀህ ምታውቀውና የሚመለስ ስለ ሆነ። ጥያቄው ልብ ብሎ ላየውና፣ የጥያቄውን ስሜት ለተረዳ ሰው ግን የበሬው ዋጋ በገበያ ዋጋ ብቻ ሳይሆን፣ በሻጩ ፤ ለመሸጥ የወሰነበትን ከባድ ጊዜና ዋጋ መተመን አለበት ሊልህ ይችላል።
በእርግጥም ከ35 ዓመታት በፊት ለተሸጠ በሬ በገበያ ሚዛን ቢመመዘን አሁን ባለው ዋጋ የአንድ ኪሎ ስጋ ዋጋ ሊሆን ስለሚችል፤ ለአንድ በእርሻ ቤተሰቡን ለሚያስተዳድር ገበሬ ግን በሬውን ከማደለብ... ፈቶ ለልጁ ለወደፊት ተስፋ ሲል ተቸግሮ ለሸጠው ግን ዋጋው አሁንም ውድ ነው።

ከተወሰነ አመታት በፊት በአንድ ተራራማ ገጠር ውስጥ በአንዲት ጠባብ ጎጆ የሚኖር አንድ ተራ ገበሬ ነበር። ቤተሰቡን ለመመገብ በእርሻ የሚኖርና ልጆቹን ለማያሳድግ፣ ሌት ከቀን ደፋ ቀና የሚልና፣ ልጆቹን አብልጦ የሚወድ ተራ አባት።
ይህ ተራ አባት ግን ተራ ህልምና ተራ ተስፋ ያለው አባት አልነበረም...
አባትየው ፊደል ባይቆጥርም ፤ የሰው ልጅ በመማሩ ሕይወቱንና ቤተሰቡን መቀየር እንደሚችል አጥብቆ ያምናል።በዚህ እምነትም ልጁን ለማስተማር ቆርጦ ተነሳ!

በዚያ ተራራማ አካባቢ፤ አንዲት ትምህርት ቤት አለመኖሩንና በሁለት መቶ (200) ኪሎ ሜትር ርቀት ለሚገኝ ትምህርት ቤት ፤ ልጁን ለመላክ ግን የማይቻል ሆነበት።
ለልጁን የተመኘው የዕውቀትና የተስፋ መንገድ ግን በዚሁ ችግር እንዲቆም አልፈለገም፤ ካለበት ተራራማ ቦታ 200 ኪ.ሜ ርቆ ወደ ሚገኘው ከተማ ወስዶ ፣ ቤት ተከራይቶ ለማስተማር በሬውን ከቀምበሩ መፍታት ግድ የሆነበት፣
ለዚህ ውሳኔው የባለቤቱ ስምምነት ባይኖርም፤ እንደ ምንም አሳምኖ ልጁን ይዞ በሬውን ለመሸጥ ገበያ ወረደ። ያ የቤተሰቡ ዋስትናም በገበያ መስፈርት ተደራድሮ ሸጠው። ብራቸውን ተቀብለው ሲሄዱ ግን አባትና ልጅ ተያዩና አዝነው ከአይናቸው ዕንባቸው እየዘለለ ጉንጫቸው ላይ ፈሰሰ፡ ይህ እንባ የስንብትና የፍረሀት ቢመስልም ለልጁ ግን ለተከፈለለት የእንክብካቤና የፍቅር ዋጋ የቃልኪዳን ምልክት ነበር።
አሁን ከ35 ዓመት በኋላ ዋጋ ተከፍሎለት በዚያን ከተማ ቤት ተከራይተው ፤ ሰራተኛ ቀጥረው ፤ ላስተማሩት አባቱ ምስጋና ይሆን ዘንድ በኢንጂነሪንግ የተመረቀበት ቀን በማስመልከት አባቱን በአክብሮት ይዞ እዛች ገበያ ላይ ቆመ!
አሁን ግን ለመሸጥ ሳይሆን.........!!!!!

❤10👍2👏2😁1

1.57K views11:21