قاومت گدام عينك بس وراك
الله شاهد حتّى بالشارع بچيت .

رجعت من الحرب مصيوب أبشرنك
ولميت الجروح وسولفت عنك

وتذكر من اجي
الشوفتك جيت الروج
وعلى حطتك جرف ضليت ماملك
لااني من البحر خلصان وابقى وياك
ولا جرفك يكضني وتعبت خلك

أنا بيا حال يل تسئل على أخباري
بيتي على النهر بس ماطفت ناري

واكف الموس بلهاتي
وطلع من عيني الكلام
تمددت فوگ السيوف
وطاحت بعيني السهام
وانت بطران وتكلي
ليش ماتكدر تنام
دكلي شلون انام

اجيت وعندي ملكه ينافس الچيلات
بس ردك البارد موت اللهفه

من اسولف ضيم هجرك للعصافير
تحط يم بابنه وما تقبل اتطير
صار سنين حلمك ساكن العين
اجيب منين يوسف ينطي تفسير
نهر شوكك يبس ماضل أثر بي
وماتت بالهجر كل النواعير
عساها بخت كلمن گلك اتروح
وعساها اتصيبه دعوات المكاسير
مو ايوب طبعي واصبر بهاي
صرت شجرة وعلي فزعة مناشير
تفرهد كلشي بيه الحيل والحال
ابشرك ثمر زرعي ابلا نواطير
تعال وشوف حالي يبچي جلمود
مثل ام الغريچ وتشكي للبير
مثل ضايع بوادي وكومة ذياب
وين يروح گلي بيا جهه يسير
الصارن بيك كلهن صارن وياي
بس البيه ما ظن عندك يصير

شسويلك بعد
بهدومي اوجّ النار
من تبرد چنت
وتگلي دفيني

وافتهمتك
وأدري چانت غلطه مني
من ردت عالحب أجبرك
وهيه ابد مو منطقيه
طول عمرك
ما صرت فد يوم أليه
شبيه خايف لا أخسرك

بجناسينه العمر ماينحسب كون
بأول شوفة الك تبدي المواليد

أصبر الروح بسمك
من يضكها الشوك

انا الشايل جفن من ماتمر بي
حرب وي النعاس يخوض يوميه
انا گبال النجوم التشمت بفرگاك
أغمض حتى أگلهن منتظر ضيه
وعليه يبين فراگك بوجهي ألگاه
مثل وجه اليفز وروحه ماهيه

عن يادكه اسولف كلي ياهيه
ماميت بعدني ومثلت بيه
من كد ماكلامك جان قاسي وياي
مو بذني انه شلته بكلبي ترجيه
سولفلي الحقاره البيك من يانوع
اشك لو لدغتك تتسمم الحيه

البارحه مگابل حنيني وما عرفته!
شگد كُبر
اني والشباج نگعد نحچي بيك
ويگعد ويانه المطر
تدري أذكرك وأبجي وأركض
حتى أحط راسي أعله چتفك بالصور

انا سَهران ليلي بيك وبلَياك
الفرق مابينهن مِرتاح ومعلعل

شمدريني اليلح بالشوك ينمَل