ပျော်အောင်နေနော်လို့ပြောပြီး
မပျော်တာကြီးတွေထဲ မင်းကထားခဲ့တယ်

- နွေသစ်ငြိမ်း

သူက သစ္စာတရားကိုတောင်
ဘောင်ခတ်ပြီးကြည့်တတ်တာ
မင်းအမြင်ကျဉ်းကျဉ်းလေးနဲ့တော့
လက်ပစ်မကူးချင်စမ်းနဲ့ ။

-သွယ်မြိတ်
မသက်ဆိုင်သူရဲ့သက်ဆိုင်သူသို့

အဖေ့ကို ချစ်တယ်လို့  
မပြောရဲခဲ့တဲ့ကောင်

ကမ္ဘာကြီးကို  
ကယ်တင်မယ်ဆိုတော့
အမေက  ရယ်ပါလေ ရော  ။

- လင်းဝေ

မတည်နိုင်တဲ့ကတိတွေကိုမပေးရဘူး
တာဝန်မယူနိုင်တဲ့စကားတွေကိုမပြောရဘူး
ကိုယ့်ဘက်ကပေါ့ပေါတန်တန်ထင်မှတ်ထားပေမယ့်
တစ်ဖက်ကလေးလေးနက်နက်အလေးထားတဲ့အခါ
ကိုယ့်စကားတွေဟာ တဖက်သူကိုနာကျင်စေတတ်တယ်။

#crd

မင်းတော့မသိဘူးကိုယ်တော့လွမ်းမိတယ်

တဲစုတ်ဟာလည်း မင်းနဲ့ဆို
ဗိမာန်ဖြစ်သလို
ပဲပြုတ်ဟာလည်း ချိုသယောင်။

-မြတ်နွယ်

တောင်းရမ်းပြီးပဲ ယူယူ
ခိုးပြီးပဲ ယူယူ ခန္ဓာကိုယ်နဲ့
နှလုံးသားကို ရင်းကာ…

မိဘအိမ်ကို စွန့်ခွာပြီး
မင်းဘဝထဲကို ရောက်လာတဲ့
ဇနီးမယားကို တန်ဖိုးထားပါ။ ❤️🍀

ဘဝထဲကို ဝင်လာပြီး
ပြန်ထွက် သွားမှာကို

ကိုယ့်စိတ်မပူပါဘူး...

အချစ်ရေ...

ချစ်ရဲ့သားနဲ့ ဝေးရမှာကိုတော့

ကြောက်တယ်...။

-လွမ်းရောင်မိုး

ပန်းလေးတစ်ပွင့်နဲ့ယှဉ်ပြီး
မင်းအလှကိုငေးရင်
ကိုယ်က ပန်းတစ်ခင်းလုံးကိုပါ
မမြင်ရတော့ဘူး ။

-စာတိုငဖြူ

ချစ်ခြင်းမေတ္တာ ဆိုတာ
မင်းဂရုမစိုက်တဲ့ ထောင့်ချိုးလေးမှာ
ပွင့်နေတတ်တဲ့ ပန်းလေးတွေလည်းဖြစ်နေနိုင်တယ်
မြင်အောင်ကြည့်ပါကွယ် ။

-ဂန္ဓမာ

ဘုရားမျက်ကွယ်ပြုခံရတဲ့လူငယ်တွေပါ‌
မွေးနေ့မှာပန်းတွေအစား ယမ်းတွေကိုရပါတယ်။
မိဘဆီကနေ အပြုံးတွေအစား
ဗုံးတွေကိုပဲရကြပါတယ်။
နိုင်ငံ့အရေးကိုတွေးမိတဲ့အခါ
နိုင်ငံ့အဝေးကိုပြေးချင်မိတဲ့
ရေမရောလူငယ်စစ်စစ်တွေပါ။

-သူဇာ

တိမ်တွေကပြို

မိုးကညို

လွမ်းစိတ်ကပို သူ့ဆီကို...။

- တက္ကသိုလ်ဘုန်းနိုင်

သေချာလား