طبعاً سابقاً كمية الإهتمام بالكتاب من ناحية الحبر والطباعة والتوضيحات مو طبيعية
تخيلوا كتب سنة طباعتها 1940-1960 جودة الكتاب وترتيبه أحسن من كتب هواي دور نشر حالياً !
الموضوع جداً محزن حقيقة من تشوف شلون الفكر المادي ممكن يدمر هيچ جمالية بعناوين تجارية فارغة وطبعات سيئة ورخيصة.

صباح الخير، جمعة مباركة عليكم إن شاء الله
اليوم بعد الفطور راح ننشر مجموعة جديدة من الكتب، بس هاي المرة أكو تحديثات جديدة :

1- عرض الـ 10 كتب بـ 20 ألف رجع ( على الكتب اللي سعرها 2,500 دينار فقط)
2- 80% من الكتب أسعارهن مابين 2,500-3,000
3- وفرنا كم كتاب طب ورياضيات بأسعار مناسبة جداً
4- وفرنا كتب باللغة الإنجليزية والفرنسية والألمانية والروسية والآرمنية، وجميعهن تقريباً بنفس السعر
5- وفرنا موسوعات نادرة وقديمة، صعب جداً يتحصلن داخل العراق، اليوم نسولف عن موسوعة مهمة إن شاء الله 🙏🌹

تم نشر جميع الكتب هنا 👇
https://t.me/fed_Ebook

❌تم الحجز❌
طبعاً جميع الموسوعات والكتب نشرناهن داخل گروب التليگرام
إلا هاي الموسوعة، راح ننشرها هنا
السبب؟
لأن ما أبالغ إذا گلت أنه هاي الموسوعة الثقل المعرفي مالتها قد يساوي جميع الكتب اللي ناشريهن بالگروب !!
نعم، نهائياً ماگاعد أبالغ
اللي گدامكم هي الموسوعة البريطانية أو encyclopedia britannica
من أقدم الموسوعات بالعالم، تخيلوا أول طبعة لهاي الموسوعة چانت بمنتصف القرن الثامن عشر، وهسة الموسوعة توقفت طباعتها من سنة 2012
عن شنو تحچي؟ تحچي عن حرفياً كل شيء !
شنو ببالك؟ أدب وتاريخ وعلوم وفن؟ موجود
موسيقى وكيمياء وفلك وأحياء؟ موجود
أي نوع معرفة ببالك موجود بهاي الموسوعة، وصعب جداً تتحصل بالعراق لأن مثل ماذكرنا سابقاً طباعتها متوقفة
Now guess what ?
وفرناها بفد مكتبة، 20 مجلد بسعر 100 ألف فقط
فرصة نادرة ماتتعوض 🙏

نرجو عدم الإزعاج

صباح الخير، مادام هاي الليالي مباركة
عرض خاص مستمر هالـ 3-4 أيام
أي شخص يدعيلنا بليلة القدر راح يجيه كتاب مجاني مع طلبه

بشرط ❗
1- اللي يدعيلنا يسوي الأعمال كاملة ( إلا صلاة الـ 100 ركعة بيها تساهل إذا ماصليتها كلها )
2- تدعولّنا بنية خالصة لأن محتاجين الدعاء دائماً
3- تدعون على إسرائيل وأمريكا وفانز التنمية البشرية (إجباري)
تحياتنا للجميع 🌹🙏

عروض على كتب الطب

الـ biggest inspiration مال فد مكتبة

العرض يشمل جميع الكتب اللي سعرها 2,500 دينار داخل گروب التليگرام 👇
https://t.me/fed_Ebook

العرض مستمر لنهاية شهر رمضان وينتهي بعدها، لذلك هاي خوش فرصة تستغلوها هسة 🙏

تنويه مهم جداً
الكتب اللي نبيعها ماراح تخليك "تحچي" إنگليزي
گاعد أكسر برزقي في سبيل توصل هاي الفكرة لأي شخص يتوقع أنه من يشتري كتاب أنگليزي راح يحچي بطلاقة.

أي صاحب مكتبة يقنعك أنه هذا الكتاب - في حال كان غير مخصص لتعلم اللغة الإنگليزية وغير تفاعلي - راح يعلمك تحچي إنگليزي هذا يچذب عليك.

الكتب اللي نبيعها تفيدك في حال تريد تتعلم مصطلحات جديدة، تقوّي الإملاء مالتك(في حال تكتب الكلمات الجديدة اللي تتعلمها)، تتعوّد على النمط القواعدي للغة الإنگليزية، تستمتع وتستفاد من الكتاب كأي كتاب آخر.

أما مهارة التحدث تحتاج منك ممارسة للغة، أن تستمع إلى متحدثين أصليين للغة(native speakers) وتسولف وياهم أو تقلد طريقة كلامهم، هيچ تدريجياً راح تكتسب مهارة التحدث.

هيچ بوست راح يضرنا أكثر مما ينفعنا، بس أتمنى أنه من تصرفون فلوسكم على كتاب تعرفون شنو راح تستفادون وتحصلون منه، حتى قرار الشراء يكون له غاية ومايكون عبثي.
وشكراً لكم 🙏🌹

موسوعة The Middle East And North Africa
مجلدين بسعر 20 ألف فقط

شوكت ينتهي هذا الإرهاب الفكري المنتشر بين الناس على السوشيال ميديا؟

شخصياً صارلي أسبوعين منهك نفسياً بسبب الأخبار والحرب، منهك إلى درجة ما عندي خلگ أرد على رسائل أي زبون بالمكتبة وأشوف أبسط الأشياء اللي چنت أسويها سابقاً صارت مرهقة إلى أبعد الحدود.

أنتم مستوعبين حجم الأزمة الأخلاقية والثقافية اللي گاعد نعاصرها حالياً؟
بعض الناس صارت ماعندها مشكلة تشمت وتتشفى بإستشهاد أشخاص آخرين من نفس بلدهم أو مذهبهم، فقط لأن يختلفون وياهم بالمباني المعرفية وبعض الآراء السياسية !!

كل هذا في سبيل شنو؟ حتى تجيك نشوة إنتصار وهمية وتحصل كم سافل مثلك يصفگلك بالتعليقات؟
لكن كون واقعي، بنهاية اليوم هم راح تبقى تتذكر منو أنت؟
كل هاي الأرقام والأشخاص المنحطين اللي يدعمون أي كلام تگوله ماراح يضفون أي شيء إلى جوهرك، راح تبقى إنسان قذر من الداخل حتى لو تغلفت بأي مسمى من المسميات.

أنت ماتختلف عن داعش أو أي فكر متطرف آخر غير أنه ماتمتلك القوة حتى تسوي مثلهم أو أكثر، كذلك عندك مجموعة من الحشرات تلتف حولك تبرر كلامك بأبشع التبريرات.
لهذا السبب مايهمني ولا راح يهمني يوم من الأيام شنو من شهادات علمية معلگها بحايط غرفتك، ولا مكانتك الإجتماعية، إذا أنت مو "خوش آدمي" ماراح أحترمك، وقد اضطر إلى إهانتك إذا استوجب الأمر.