‏آه ياليت أكثر الرغبات يدركها التمني
‏كل ماقالوا من الأحلام لك حلم وتمنّه

‏كان والله ما أعشق إلاّ كل شيٍ فوق ظني
‏وما أكرَه إلاّ كل شيٍ فيه فضل وفيه منّه

‏"وحشا ما مات لك غصنٍ يشفّ الما بجذوره"

‏يا المخطي اللي ما لـ ذنبه مغفرة
‏ليت العفو مثل الهوى كان فـ يدي

‏من قال لك إنَّ العفو .. بـ المقدرة
‏ما قالك جرحك معي كان أجودي ؟

شايبٍ في جمجمة راسي رزين
‏ ما يداني ورع في جوفي شقي

"ماني مع الشعر مثل أول بوجهه ضحوك
‏كنت أحسبه من منابع خافقي قد نضب

‏مدري تجمّلت بـ أفكاري عليّ و أكتبوك
‏ولّا تجمّلت فيني.. وأنت كلّك سبب"

"تركتك للزمن ذكرى ويقولون الزمن دوار
‏رسمتك في سما عمري وأثاري هالعمر فاني

‏كثر ما دارت الذكرى على بالي وأنا محتار
‏كثر ما ردني عقلي قبل لا يحكي لساني

‏يمر الشوق في لحظه ويهد الحيل لك تذاكر
‏وتلعب بي أحاسيسي وأحس القلب ولهاني

أنا من بعد ما عفتك وأنا عاجز بعدك أختار
‏رغم كثر الذي شفته بشر أشكال والواني

‏عجزت ألقى شبيهٍ لك كأنك شي ما قد صار
‏كأنك شخص لا يمكن يجي مثله أحد ثاني"

حسبي على الذكرى تخلي كل جرحٍ يستفيق
‏تكدر الحاضر علي وتعرض همومي قبل

‏وأنا طموحاتي وراها حد سيف ونشف ريق
‏ويدق فيها الهرج مثل اللي يدقون الطبل

مابين شوق الفجر وبين ضيق العصر
مشاعرٍ ضاع فيها كل قلبٍ دليل

تغرّك ضحكةٍ في وجهي المتغاضي المرتاح
‏وأنا والله أشيل ديار في صدري بأهاليها

على الهون يا زهرة شبابي و تو الناس
‏علام العمر يمضي و الافراح منسرقة

‏تلّج الطواري كل ما ذعذع النسناس
‏على واحدٍ بين العرب واضحٍ فرقه

‏شعور المسافة بين حبل الرجا و الياس
‏شعور المسافر كل ما طالت الطرقة

‏"يا وجدي أن عوّد المألوف مثل الغريب
‏ذي والله الحاجه اللي تستفز الشعور"

‏أدري إن الحب يخلف هقاوي من هقى
‏مثل ما تخلف ظروف الزمن بعض أصدقاي

‏فدوتك ما راح و أحسب حساب اللي بقى
‏دام الأرض أرضي و باقي سحابك في سماي

"يا صديقي كل حزنٍ يفرح الشمات خبّه
‏ودك إن اللي يعاني ما يقول انه يعاني

‏لو بسولف بتعبي واسمّع اللي ما تعب به
‏كأني اللي حط فوق الجرح الأول جرح ثاني

‏الأكيد إن الليال أوضح من اللي كنت أحبه
‏والدموع أصدق من البسمات في يوم التهاني

لا تلوم اللي لقى الغربه ولا حنّ لـ مربه
‏وأنت واقف من ورى الأبواب واسوار المباني

‏يوم شفت إن الصداقه مصلحه والحب هبّه
‏قلت ربي لا تذرني فردًا وتحفظ اخواني

‏واعتزلت الناس كأن بيني وبين الناس غبّه
‏لا حبيب ولا صحيب ولا ضفاف ولا مواني

الحياة المستقرة .. والأمور المستتبة
‏والله إنها تغني من أحلام وآمال وأماني

‏كنت امر بـ حزن لا يوصف وحالٍ ما يشبّه
‏جعل ربي ما يحط إنسان غيري في مكاني"