የቴክኖሎጂ የበላይነት ያለው ሀይል ሁልጊዜም አሸናፊ ነው።
        ሌተናል ጀነራል ይመር መኮንን 

የኢፌዴሪ መከላከያ ሠራዊት ሃምሌ 29 ቀን 2017 ዓ.ም

የመከላከያ የሳይበር ዋና ዳይሬክትሬት በበጀት ዓመቱ ላከናወናቸው ተግባራት የዕውቅናና የምስጋና ዝግጅት አካሂዷል።

በዝግጅቱ ላይ በክብር እንግድነት የተገኙት የመከላከያ ትምህርትና ስልጠና ዋና መምሪያ ሀላፊ ሌተናል ጀነራል ይመር መኮንን፣ መከላከያ በሪፎርም ካሳካቸው ተግባራት በሳይበር ዘርፉ ያከናወነው ውጤታማ ተግባር አንዱ መሆኑን ጠቅሰው ዋና ዳይሬክቶሬቱ ከዕድሜ በላይ ውጤታማ ተግባር ያስመዘገበ የተቋሙ አቅም መሆኑን ጠቅሰዋል።

የዘመኑ ውጊያዎች በሳይንስና ቴክኖሎጂ የተደገፉ መሆናቸውን የጠቆሙት ሀላፊው ተቋምና ሀገርን ከሳይበር ጥቃት ለመከላከል የክፍሉ ሚና ከፍተኛ መሆኑን ጠቅሰዋል።

መከላከያ ለቴክኖሎጂ የሰጠው ትኩረትና የተገኘው ውጤት የሪፎርሙን ትክክለኛነት ማሳያ መሆኑን የገለፁት ሀላፊው የተቋሙን የትምህርትና ስልጠና ዲጂታላይዝ ለማድረግ ከሁሉም የሰራዊቱ ክፍሎች ጋር በትብብር እየተሰራ እንደሚገኝም ተናግረዋል።

የመከላከያ ሳይበር ዋና ዳይሬክቶሬት ዳይሬክተር ብርጋዲየር ጀኔራል ደረጀ ደመቀ በበኩላቸው ተቋማዊ የሳይበር ደህንነት ለማረጋገጥ የሚችል ፣ የሳይበር ምህዳርን በዕውቀት የሚጠቀም የነቃ ሰራዊትና ማህበረሰብ ለመፍጠር ውጤታማ ተግባራት የተከናወኑበት ዓመት መሆኑን ገልፀዋል።

ዋና ዳይሬክትሬቱ የሳይበር አደጋዎችንና ስጋቶችን በመቀነስና በመከላከል ፣ ተቋማዊና ሀገራዊ ደህንነትን በማስጠበቅ፣ በአቅም ግንባታ ፣በአሰራር  ስርዓት ዝርጋታና ቀረፃ ፣ በቴክኖሎጂ ጥናትና የእውቀት ሽግግር ዘርፍ በርካታ ስኬቶች ማስመዝገቡንም ገልፀዋል።

በዋና ዳይሬክቶሬቱ የሚገኙ ሁሉም ዳይሬክቶሬቶች የተሰጣቸውን ተልዕኮ መሰረት ያደረገ የሙያና የአመራር ስልጠና በማግኘት አቅማቸውን የጨመሩበትና የሳይበር ተጋላጭነትን ለመቀነስ ለበርካታ የሰራዊቱ ክፍሎችና አመራሮች የግንዛቤ ማስጨበጫ ስልጠና የተሰጠበት የበጀት ዓመት መሆኑንም ተናግረዋል።

በክፍሉ አባላት የሀርድዌርና የሶፍትዌር ስራዎችን መሰራታቸውንም ጠቁመዋል።

በዓመቱ የተገኙ ልምዶችንና ስኬቶችን አቅቦ በማቆየት ለበለጠ የስራ አፈፃፀም መዘጋጀታቸውንና የሀገራችንን ብሄራዊ ጥቅምና ደህንነት ለማስጠበቅ ከመቼውም ጊዜ በላይ ከሰራዊቱ ክፍሎች ጋር በትብብር ለመስራት መዘጋጀታቸውን ጠቁመዋል።

በዝግጅቱ ላይ በዓመቱ በስራ አፈፃፀማቸው የላቀ ውጤት ላስመዘገቡ ዳይሬክቶሬቶችና አባላት እውቅና  የተሰጠ ሲሆን የመቆያ ጊዜያቸውን ለሸፈኑና መስፈርቱን ላሟሉ አባላትም ማዕረግ እንዲለብሱ ተደርጓል።

በዝግጅቱ ላይ የመከላከያ የሰው ሀብት ዋና መምሪያ ሀላፊ ሌተናል ጀነራል አጫሉ ሸለመን ጨምሮ ከፍተኛ የሰራዊቱ አመራሮችና የዋና ዳይሬክቶሬቱ አመራርና አባላት ተገኝተዋል።

ዘጋቢ ብዙአየሁ ተሾመ
ፎቶግራፍ ፉራ አብደላ

የኢፌዴሪ መከላከያ ሠራዊት ድረ-ገፅ
https://dfmc.mod.gov.et/

የኢፌዴሪ መከላከያ ሠራዊት ዩቲዩብ
https://youtube.com/@fdredefenseforce-9629?si=Av-sDKCopw1FfTW2

የኢፌዴሪ መከላከያ ሠራዊት  ቴሌግራም 
https://t.me/+E_EOiTY9eq85ODI0

የኢፌዴሪ መከላከያ ሠራዊት ፌስቡክ
https://www.facebook.com/fdredefense.official

ዕዙ በተሰማራበት የግዳጅ ቀጠና አስተማማኝ ሰላም በማረጋገጥ ላይ መሆኑን አሥታወቀ።
               
የኢፌዴሪ መከላከያ ሠራዊት ሃምሌ 30 ቀን 2017 ዓ.ም

ምስራቅ ዕዝ በስራ አፈፃፀማቸው የተሻለ ውጤት ላስመዘገቡና የመቆያ ጊዜያቸውን ለሸፈኑ ከፍተኛ መኮንኖች እና መስመራዊ መኮንኖች ማዕረግ አልብሷል።

ዕዙ በተሰማራበት የግዳጅ ቀጠና አስተማማኝ ሰላም በማረጋገጥ የተሰጣቸውን ተልዕኮ በብቃት በመወጣት የመቆያ ጊዜያቸውን ለሸፈኑ፣ ካሉበት ሃላፊነት አንፃር አንድ ደረጃ ከፍ ማለት ለሚገባቸው የስታፍ አመራሮች የተፈቀደላቸውን ማዕረግ ለብሰዋል።

የምስራቅ ዕዝ ምክትል አዛዥ ለውጊያ አገልግሎት ድጋፍ ሜጄር ጄኔራል ፍቃዱ ፀጋዬ፣ ማዕረግ ሲጨምር የበለጠ ሃላፊነትና ተጠያቂነት የሚጨምር መሆኑን ጠቁመው የቀጣይ ተልዕኳችሁን በላቀ ሁኔታ ለመወጣት ራሳችሁን የምታዘጋጁበት የአመራር ብቃታችሁን ፣ ልምዳችሁንና ክህሎታችሁን የምታሳድጉበት በመሆኑ በተቋሙ ከፍተኛ እምነት ተጥሎባችሁ የተሰጣችሁ እድገት መሆኑን ልትረዱ ይገባል ብለዋል። ዘጋቢ አወል መሃመድ

የኢፌዴሪ መከላከያ ሠራዊት ድረ-ገፅ
https://dfmc.mod.gov.et/

የኢፌዴሪ መከላከያ ሠራዊት ዩቲዩብ
https://youtube.com/@fdredefenseforce-9629?si=Av-sDKCopw1FfTW2

የኢፌዴሪ መከላከያ ሠራዊት  ቴሌግራም 
https://t.me/+E_EOiTY9eq85ODI0

የኢፌዴሪ መከላከያ ሠራዊት ፌስቡክ
https://www.facebook.com/fdredefense.official

ብቃት ያላቸው ተተኪ የሠራዊት አባላትን ማፍራታችንን አጠናክረን እንቀጥላለን።
     ሌተናል ጄነራል ሰለሞን ኢተፋ

የኢፌዴሪ መከላከያ ሠራዊት ሃምሌ 30 ቀን 2017 ዓ.ም

በእውቀታቸው እንዲሁም በዲስፕሊናቸው ብቁ የሆኑ ተተኪ የስታፍ አባላትን የማፍራቱ ጥረት ተጠናክሮ መቀጠሉን የደቡብ ዕዝ ዋና አዛዥ ሌተናል ጄነራል ሰለሞን ኢተፋ ተናግረዋል።

የደቡብ ዕዝ ስታፍ እየሰራ ያለው ስራ በጣም ትልቅ እንደሆነ እና እታች ላሉ ስታፍ እንዲሁም ተዋጊ ለሆኑ ክፍሎች አንቀሳቃሽ ሞተር መሆኑን ብሎም ትልቁን ድርሻ የሚይዝ እንደሆነ አንስተዋል።

በሀገሪቱ በርካታ ቀጠናዎችን ሸፍኖ ግዳጁን እየተወጣ የሚገኝ ዕዝ መሆኑ ያነሱት ጀኔራል መኮንኑ የስታፍ ክፍሉም ከኋላ ደጀን ሆኖ ከፍተኛ ስራ መስራት እንደሚገባው እና መልካም አስተዳደርን በማስፈን ረገድ ውጤታማ ስራ መሰራቱን በመግለፅ ታዛዥ ብሎም ቅን በመሆን ተዋጊውን ኃይል መደገፍ እንደሚገባውም አሳስበዋል።

በተለያዩ መመዘኛዎች በመለካት ብቁ ተተኪ አባላቶችን በማፍራት ተሞክሮ ያለው ዕዝ መሆኑን የገለፁት አዛዡ የመቆያ ጊዜያቸውን ለሸፈኑ ብሎም ጥሩ የስራ አፈፃፀም ለነበራቸው አባላት ማዕረግ አልብሰዋል::

ዘጋቢ እዮብ ሰለሞን
ፎቶግራፍ አብረሀም ወርቁ

የኢፌዴሪ መከላከያ ሠራዊት ድረ-ገፅ
https://dfmc.mod.gov.et/

የኢፌዴሪ መከላከያ ሠራዊት ዩቲዩብ
https://youtube.com/@fdredefenseforce-9629?si=Av-sDKCopw1FfTW2

የኢፌዴሪ መከላከያ ሠራዊት  ቴሌግራም 
https://t.me/+E_EOiTY9eq85ODI0

የኢፌዴሪ መከላከያ ሠራዊት ፌስቡክ
https://www.facebook.com/fdredefense.official

የትራንስፖርት መምሪያ ዝግጁነታችንን ለማረጋገጥ ቁልፍ ሚና የሚጫወት ክፍል ነው።
ሌተናል ጄኔራል አብዱራህማን ኢስማኤል

የኢፌዴሪ መከላከያ ሠራዊት ሃምሌ 30 ቀን 2017 ዓ.ም

የመከላከያ ሎጅስቲክስ ዋና መምሪያ ኃላፊ ሌተናል ጄኔራል አብዱራህማን ኢስማኤል የሠራዊታችንን ሁለንተናዊ ዝግጁነት ለማረጋገጥ በሎጀስቲክስ ስር ያሉ ሁሉም ክፍሎች በቅንጅት የሚሠሩ ቢሆንም ትራንስፖርት መምሪያ ለየት ባለ የተዘጋጀውን ሁሉንም አቅርቦት ለሠራዊታችን በተፈላጊው ጊዜና ቦታ ኃላፊነት ወስዶ ተደራሽ በማድረግ እየፈፀመ ያለው ግዳጅ የሚያኮራ ነው ብለዋል።

የትራንስፖርት መምሪያ የውጊያ ድጋፍ አገልግሎት ለሁሉም የሰራዊት ክፍሎች እንዲደርስ እንዲሁም ዝግጁነታችንን ለማረጋገጥ ቁልፍ ሚና የሚጫወት ክፍል መሆኑንም አንስተዋል።

በተቋማችን በተቀመጠው አቅጣጫ መሰረት በሎጀስቲክስ እየተተገበሩ ያሉት የልማት ስራዎች አካል የሆነውን የትራንስፖርት ማዕከል ጽዱ፣ ውብና ለስራ የተመቸ በማድረጋቸው ጀኔራል መኮንኑ ምስጋና አቅርበው፤ በመምሪያው ውስጥ ያለው አሃዳዊ ፍቅር እና አንድነት የሚያኮራ እንደሆነ ገልጸዋል።

የትራንስፖርት መምሪያ ሃላፊ ኮሎኔል ፍቃዱ ታደሠ በበኩላቸዉ ተቋማችን አስተማማኝ የሞቢሊቲ  አቅም መገንባቱን ተናግረው፤ መምሪያው የትኛውንም ግዳጅ በብቃት መወጣት የሚያስችል ቁመና ላይ እንደሚገኝ ተናግረዋል።

ባለፈው በጀት አመት በሎጀስቲክስ ማዕከላት ግቢ ውስጥ ወጪ ቆጣቢና ዘመናዊ አሰራርን በመከተል ትርጉም ያለው የልማት ስራ መስራት መቻሉንም አንስተዋል።

በዕለቱ በግዳጅ አፈጻጸማቸው የላቀ ዉጤት ላስመዘገቡ የመምሪያው አባላት የምስጋና እና የዕውቅና መርሃ ግብር ተካሂዷል።

ዘጋቢ ዳዊት ብርሃኑ
ፎቶ ግራፍ በድሩ መሃመድ

የኢፌዴሪ መከላከያ ሠራዊት ድረ-ገፅ
https://dfmc.mod.gov.et/

የኢፌዴሪ መከላከያ ሠራዊት ዩቲዩብ
https://youtube.com/@fdredefenseforce-9629?si=Av-sDKCopw1FfTW2

የኢፌዴሪ መከላከያ ሠራዊት  ቴሌግራም 
https://t.me/+E_EOiTY9eq85ODI0

የኢፌዴሪ መከላከያ ሠራዊት ፌስቡክ
https://www.facebook.com/fdredefense.official

የተቋሙን ውጤታማ የለውጥ ጉዞ  በሳይበር ዘርፉም ለመድገም ተዘጋጅተናል።
  የሳይበር  ዋና ዳይሬክቶሬት አመራሮች 

የኢፌዴሪ መከላከያ ሠራዊት ሃምሌ 30 ቀን 2017 ዓ.ም

የመከላከያ ሳይበር ዋና ዳይሬክትሬት በበጀት ዓመቱ ላከናወናቸው ውጤታማ ተግባራት የዕውቅናና የምስጋና ዝግጅት አካሄዷል።

በዕለቱም ዕውቅናና ሽልማት ከተሰጣቸው  መካከል    የሳይበር ኦፕሬሽን ዳይሬክተር ኮሎኔል ሀገር አስቻለ ፣ በበጀት ዓመቱ ውጤታማ ተግባራትን በማከናወን የሀገርና የተቋሙን የቴክኖሎጂ መሰረተ ልማቶችን ከሳይበር ጥቃት ለመከላከል የሚያስችል ቁመና እየተገነባ  እንደሚገኝ ገልፀዋል።

በቀጣይም ችግር ፈቺ ፈጠራዎችን በማከል የተጀመሩ  ፕሮጀክቶችን የማጠናቀቅና በሳይበር ዘርፉ የተመዘገቡ ድሎችን አጠናክሮ ለማስቀጠል መዘጋጀታቸውን ገልፀዋል።

የሳይበር ኢንተለጀንስ ዳይሬክተር ኮሎኔል እስማኤል አብደላ በበኩላቸው በበጀት ዓመቱ የታቀዱ ስራዎችን በውጤታማነት በማከናወናቸው ለዕውቅና መብቃታቸውን ጠቁመው፣  በተለይም በሰው ሀይል ግንባታ፣ በሳይበር የስጋት ትንተና፣ በሳይበር እሴትና በፈጠራ ላይ በማተኮር የተሰሩት ስራዎች አበረታች ውጤት የተገኘባቸው መሆኑን ጠቁመዋል።

በ2018 የበጀት ዓመት የተሻለ የስራ ዕቅድ በማውጣትና ለመፈፀም የሚያስችል ሁለንተናዊ አቅም መገንባቱንም ገልፀዋል።

የሳይበር አካላዊ ደህንነት ቡድን መሪ ተወካይ ሻለቃ ሀብታሙ ደሳለኝ፣ በራስ ተነሳሽነት ሶፍትዌር በማበልፀግና የተቋሙን የሳይበር ደህንነት ለማስጠበቅ የደህንነት ሶፍትዌር በራስ አቅም መስራታቸውንና የተቋሙን የለውጥ ጉዞ ለማገዝ የሚጠበቅባቸውን ለመወጣት መዘጋጀታቸውን ገልፀዋል።

በዓመቱ ብቁና ዲሲፒሊን ወጣት የሳይበር ባለሙያዎችን ለማብቃት በርካታ ስልጠናዎች ሲሰጡ መቆየታቸውን የገለፁት በዋና ዳይሬክትሬቱ የሳይበር ደህንነት ስልጠና ክትትል ኤክስፐርት ሻምበል ሲሳይ ዴሬሳ ፣ ስራዎችን በዕውቀትና በዲሲፕሊን የሚሰሩ ባለሙያዎችን የማፍራትና የራስን አቅም የማሳደግ ተግባሩ ተጠናክሮ እንደሚቀጥል አረጋግጠዋል።

ዘጋቢ ብዙአየሁ ተሾመ
ፎቶግራፍ ፉራ አብደላ

የኢፌዴሪ መከላከያ ሠራዊት ድረ-ገፅ
https://dfmc.mod.gov.et/

የኢፌዴሪ መከላከያ ሠራዊት ዩቲዩብ
https://youtube.com/@fdredefenseforce-9629?si=Av-sDKCopw1FfTW2

የኢፌዴሪ መከላከያ ሠራዊት  ቴሌግራም 
https://t.me/+E_EOiTY9eq85ODI0

የኢፌዴሪ መከላከያ ሠራዊት ፌስቡክ
https://www.facebook.com/fdredefense.official