АСОСИЙ МАҚСАД - ЯНГИ ИШ ЎРИНЛАРИ ЯРАТИШ

"Zarafshan Golden Group" компаниясига қарашли иссиқхоналар мажмуасига ташриф буюрган Навоий вилояти ҳокими Н.Турсуновга янги лойиҳалар тақдимоти ўтказилди.

Яқинда фойдаланишга топширилган қўшимча жами 4 гектарли шундан, 2 гектар Корея ва 2 гектар Голландия технологиялари асосидаги энерготежамкор ва кўмирда ишловчи иссиқхоналар ўз фаолиятини бошлаб, мажмуа майдони 15 гектарга етди.  Янги лойиҳа қиймати 3,5 млн. АҚШ долларини ташкил этиб, шундан, 1,2 млн. АҚШ доллари "Турон банк"  кредити ва 2,3 млн.  АҚШ доллари ўз маблағларимиз сарфлаган лойиҳага қўшимча 80 та янги иш ўрни яратилди.
Жами 15 гектарли иссиқхоналар комплексида 3,5 минг тн помидор ҳосили ва 40 тн қулупнай етиштирилиб, маҳсулотнинг 80 фоизи экспортга йўналтирилади. Йил давомида 5 млн. АҚШ долларига тенг маҳсулотлар экспорт қилинади, шу жумладан ҳозирги кунга қадар 2 млн. АҚШ долларлик маҳсулотлар хорижий давлатларга юборилиши таъминланди.
Ҳозирда 250 нафар ходимлар ишламоқда. Шундан, 45 та камбағал, “Аёллар ва ёшлар дафтарлари”га киритилган ҳамда ижтимоий ҳимояга муҳтож ходимлар иш билан таъминланган.

Компания Ахборот хизмати

Куни кеча компаниянинг Зарафшон шаҳридаги қурилиш ва ишлаб чиқариш объектларига ташриф буюрган компания таъсисчиси Зарафшон шаҳрининг 13-кичик туманида қурилган кўп қаватли турар-жой мажмуаси билан ҳам танишди.
Қурилиш ишлари якунига етган бўлиб, мазкур турар-жой мажмуаси шаҳардаги ўзига хос архитектура, дизайни билан ажралиб туриши лозимлиги. Ушбу хонадонларда яшовчилар учун автотураргоҳ, замонавий болалар майдончаси, маросимлар ўтказишлари учун шароитлар яратиш, ногиронлиги бўлган кишилар учун кириш йўлаклари ташкил этиш каби бир қанча топшириқлар берилди.
Шунингдек, турар-жой мажмуасини иссиқлик таъминотига улаш ишларини тезлаштириш учун шаҳар ҳокимлиги ва бошқа мутассади органларга мурожаатлар киритилиши айтиб ўтилди.

Компания Ахборот хизмати