Qalblarni isloh qilish

Shayx Muhammad ibn Solih al-Usaymin rahimahulloh dedi:

الإيمان إذا وقر في القلب حمل الإنسان على العمل، لكن العمل الظاهر قد لا يحمل الإنسان على إصلاح قلبه، فعلينا أن نعتني بقلوبنا وأعمالها، وعقائدها، واتجاهاتها، وإصلاحها وتخليصها من شوائب الشرك والبدع، والحقد والبغضاء، وكراهة ما أنزل الله على رسوله وكراهة الصحابة رضي الله عنهم، وغير ذلك مما يجب تنزيه القلب عنه.

“Iymon qachon qalbda mustahkam oʻrnashsa, insonni amal qilishga undaydi. Lekin zohiriy amal har doim ham insonning qalbini isloh qilishga olib kelavermaydi. Shuning uchun biz qalblarimizga, ularning amallariga, aqidalariga, yoʻnalishlariga va isloh boʻlishiga ham ahamiyat berishimiz darkor. Ularni shirk va bidʼat aralashmalaridan, adovat va gʻayirlikdan, Alloh Oʻz Rasuliga nozil qilgan narsalarni, hamda sahobalarni roziyallohu anhum yomon koʻrishdan va qalbni poklash vojib boʻlgan boshqa barcha illatlardan xalos etishga jiddit eʼtibor qaratmogʻimiz lozim”.

•~~~•┈•⊰✿۩📖۩✿⊱•┈•~~~•

“Amma Juzi Tafsiri”, 154-bet.

#️⃣ #iymon #qalb #aqida #sahobalar #shirk #bidʼat #adovat
#иймон #қалб #ширк #бидъат #ақида #адоват #саҳобалар

۞ Shayx Solih al-Favzon hafizahulloh dedi:

«Allohning rahmatidan noumid boʻlish gunohi kabiralarning eng kattalaridandir. Chunki unda Alloh subhanahu va taologa nisbatan yomon gumon qilishlik bor. U oʻz sohibini tavba qilmaslikka undaydi. Chunki u: garchi tavba qilsam-da, Alloh meni magʻfirat qilmaydi, deydi. Alloh subhanahu va taolo esa shunday deydi: “(Ey Muhammad), Mening oʻz jonlariga jinoyat qilgan (turli gunoh-maʼsiyatlar qilish bilan) bandalarimga ayting: «Allohning rahmat-marhamatidan noumid boʻlmangiz! Albatta Alloh (Oʻzi xohlagan bandalarining) barcha gunoxlarini magʻfirat qilur. Albatta Uning Oʻzigina magʻfiratli, mehribondir. Sizlarga azob kelib, soʻngra yordam berilmay qolishidan ilgari (yaʼni Allohning biron balo-qazosiga duchor boʻlmay turib), Parvardigorlaringizga qaytinglar – Unga boʻyinsuninglar!”» (Zumar: 53-54).

•~~~•┈•⊰✿۩📖۩✿⊱•┈•~~~•

📚 «Tavhid kitobi sharhi».

#noumid #gunoh #kunfoydalari

Shayx Muhammad ibn Solih al-Usaymin rahimahulloh dedi:

لا يجوز لأحد أن يؤخر صبيا من الصف فيخرجه من المسجد أو يؤخره إلى الصف الثاني؛ لأن من تقدم إلى مكان في المسجد فهو أحق به من غيره.

“Hech kimga safda turgan bolani orqaga surib, masjiddan chiqarib yuborish yoki uni ikkinchi safga oʻtkazib qoʻyish joiz emas. Chunki masjidda kim biror joyni oldin egallagan boʻlsa, oʻsha joyga boshqalardan koʻra haqliroqdir”.

•~~~•┈•⊰✿۩📖۩✿⊱•┈•~~~•

“Sifatus Solah”, 207-bet.

#️⃣ #namoz #saf #jamoat #masjid #Usaymin
#намоз #саф #жамоат #масжид #Усаймин

۞ Imom Shofi'iy va hasadgo‘ylar

Imom Ismoil ibn Yahyo al-Muzaniy rahimahulloh dedi:

حضرتُ الشّافعيّ وقيل له: إنّ فلاناً يقولُ: الشّافعيُّ ليس بفقيهٍ. فضحك وأنشأ يقولُ:
إنِّي نَشأتُ وحُسّادي ذَوُو عَددٍ ...
ربَّ المَعَارِج لا تُفْنِي لهم عدداً

“Men Shofi’iy huzurlarida edim. Shunda u zotga: “Falonchi: ‘Shofi’iy faqih emas’, deyapti”, deyildi. Shunda u zot kuldilar va quyidagi baytni o‘qidilar:
Men shunday ulg‘aydimki, hasadgo‘ylarim son-sanoqsizdir,
Ey yuksak darajalar Robbisi, ularning sanog‘ini kamaytirmagin!”

•~~~•┈•⊰✿۩📖۩✿⊱•┈•~~~•

Bayhaqiy “Manoqib ash-Shofi'iy” (2/74); “Al-Javohir vad-Durar” (3/990).

📌 Izoh: Yaʼni, menga ato etgan ilm va fazilatni kamaytirma. Chunki Allohning bandasiga bergan neʼmati qancha ulugʻ boʻlsa, unga hasad qiluvchilar ham shuncha koʻp boʻladi.

#️⃣ #hasad #hasadgoʻy #ilm
#ҳасад #ҳасадгўй #илм

۞ Shayx Muqbil ibn Hadiy al-Vadiʼiy rahimahulloh dedi:

فحبُّ الشَّرف والمال والزعامة هو الذي يجعل الشخص يضطَّرب وله في كل يوم موقف ويتلوَّن

“Sharaf, mol-dunyo va peshvolikka bo‘lgan muhabbat kishini beqaror qilib qo‘yadi. Natijada u har kuni boshqa bir mavqeni tutadi va (vaziyatga qarab) o‘zgarib turadi”.

•~~~•┈•⊰✿۩📖۩✿⊱•┈•~~~•

“Maqtalu ash-Shayx Jamil ar-Rohman”, 42-bet.

#️⃣ #sharaf #hurmat #mol #dunyo #peshvolik #rahbarlik #Muqbil
#шараф #ҳурмат #мол #дунё #пешволик #раҳбарлик #Муқбил

۞ Qur’onda madh etilgan rijollar

«Rijollar (erkaklar) — ularni na tijorat, na oldi-sotdi Allohning zikridan, namozni to‘kis ado etishdan va zakot berishdan chalg‘ita olmas. Ular qalblar va ko‘zlar iztirobga tushadigan Kundan qo‘rqadilar.»

📖 Nur surasi, 37-oyat.

@Favoiduz

Dunyoning kengayishi va farovon hayot har doim ham yaxshilik alomati emas

عَن أَبِي جُحَيْفَةَ قَالَ: قَالَ رَسُول اللهِ ﷺ: «إِنَّهَا سَتُفْتَحُ عَلَيْكُمُ الدُّنْيَا حَتَّى تُنَجِّدُوا بُيُوتَكُمْ كَمَا تُنَجَّدُ الْكَعْبَةُ»، قُلْنَا: وَنَحْنُ عَلَى دِينِنَا الْيَوْمَ؟ قَالَ: «وَأَنْتُمْ عَلَى دِينِكُمُ الْيَوْمَ»، قُلْنَا: فَنَحْنُ يَوْمَئِذٍ خَيْرٌ أَمِ الْيَوْمَ؟، قَالَ: «بَلْ أَنْتُمُ الْيَوْمَ خَيْرٌ».

Abu Juhayfa roziyallohu anhu rivoyat qiladi. Rasululloh ﷺ dedilar: “Albatta dunyo sizga shunchalik ochiladiki, hatto uylaringizni Kaʼba bezatilganidek bezatadigan boʻlasiz”.
Biz: “Oʻsha paytda ham bugungidek dinimizda boʻlamizmi?”, dedik.
U zot ﷺ: “Ha, bugungidek diningizda boʻlasiz”, dedilar.
Biz: “Unda oʻsha paytdagi holimiz yaxshiroq boʻladimi yoki bugungimi?”, dedik.
U zot ﷺ: “Yoʻq, bugungi holingiz yaxshiroqdir”, dedilar.

📚 Bazzor “Musnad” (4227). Alboniy “As-Silsila as-Sahiha” (3486)da sahih degan.

وَعَنْ عَبْدِ اللَّهِ بنِ مَسعُودٍ قَالَ: نَظَرَ رَسُولُ اللَّهِ ﷺ إِلَى الْجُوعِ فِي وجُوهِ أَصْحَابِهِ فَقَالَ: «أَبْشِرُوا، فَإِنَّهُ سَيَأْتِي عَلَيْكُمْ زَمَانٌ يُغْدَى عَلَى أَحَدِكُمْ بِالْقَصْعَةِ مِنَ الثَّرِيدِ وَيُرَاحُ عَلَيْهِ بِمِثْلِهَا»، قَالُوا: يَا رَسُولَ اللَّهِ، نَحْنُ يَوْمَئِذٍ خَيْرٌ، قَالَ: «بَلْ أَنْتُمُ الْيَوْمَ خَيْرٌ مِنْكُمْ يَوْمَئِذٍ».

Abdulloh ibn Masʼud roziyallohu anhu rivoyat qiladi:
Rasululloh ﷺ sahobalarining yuzlarida ochlik alomatlarini koʻrib dedilar: “Xushxabar boʻlsin! Albatta sizlarga shunday zamon keladiki, ertalab sizlardan har biringizga bir lagan sarid (goʻsht va non aralashtirilgan taom) keltiriladi, kechqurun esa yana shundayi keltiriladi”.
Ular: “Ey Allohning Rasuli! Oʻsha paytda biz yaxshiroq boʻlamizmi?”, dedilar.
U zot ﷺ: “Yoʻq, bugungi holingiz oʻsha kundagi holingizdan yaxshiroqdir”, dedilar.

📚 Bazzor “Musnad” (1941). Alboniy “Sahih at-Targʻib vat-Tarhib” (2142)da sahih degan.

Bir oʻylab koʻring: “...uylaringizni Kaʼba bezatilganidek bezatadigan boʻlasiz...” va “...ertalab sizlardan har biringizga bir lagan sarid (goʻsht va non aralashtirilgan taom) keltiriladi, kechqurun esa yana shundayi keltiriladi...” Qasrlar, uylar va lazzatli taomlar... Shunga qaramay, Rasululloh ﷺ sahobalariga: “Yoʻq, bugungi holingiz yaxshiroqdir”, dedilar.
 
✍🏻 Shayx Abul Haris Ibrohim Tamimiy hafizahulloh
🔗 t.me/ebrahimtamimi/1661

#️⃣ #Hadis #Dunyo #Farovonlik #Taqvo #Qanoat
#Ҳадис #Дунё #Фаровонлик #Тақво #Қаноат

Qatoda rahimahulloh dedi:

من أعطي مالا أو جمالا وثيابا وعلما ثم لم يتواضع كان عليه وبالا يوم القيامة

“Kimga mol-dunyo, chiroy, kiyim-kechak va ilm (kabi neʼmatlar) ato etilsa-yu, shunga qaramay tavozeli (kamtar) boʻlmasa, Qiyomat kuni (bu neʼmatlar) unga balo boʻladi”.

•~~~•┈•⊰✿۩📖۩✿⊱•┈•~~~•

“At-Tavozuʼ val-Xumul”, 90-bet.

#️⃣ #Qatoda #Mol #Dunyo #Boylik #husn #chiroy #goʻzallik #kiyim #libos #Ilm #Tavoze #Kamtarlik #Neʼmat #Qiyomat #Oxirat
#Қатода #Мол #Дунё #Бойлик #Ҳусн #Чирой #Гўзаллик #Кийим #Либос #Илм #Тавозе #Камтарлик #Неъмат #Қиёмат #Охират

Shayx, alloma Robiʼ ibn Hadiy al-Madxaliy rahimahulloh dedi:

حارب نفسك من الكبر؛ خلق خبيث يدفع إلى الكفر وإلى احتقار الناس وإلى رد الحق

“Nafsingdagi kibrga qarshi kurash! Chunki u insonni kufrga, odamlarni mensimaslikka va haqni rad etishga olib boradigan razil xulqdir”.

•~~~•┈•⊰✿۩📖۩✿⊱•┈•~~~•

“Luqmonning o‘g‘liga qilgan vasiyati” sharhi, 21-bet.

#️⃣ #kibr #Madxaliy #кибр #Мадхалий

Imom Zuhriy rahimahulloh dedi:

لا تأخذ العلم جملة، فإن من رام أخذه جملة ذهب عنه جملة، ولكن الشيء بعد الشيء مع الأيام والليالي

“Ilmni birdaniga ola ko‘rma! Kim uni birdaniga olishga intilsa, undan birdaniga ayrilib qoladi. Biroq ilm oz-ozdan, kunlar va tunlar o‘tishi bilan egallanadi”.

•~~~•┈•⊰✿۩📖۩✿⊱•┈•~~~•

“Jomi’ Bayanil Ilm va Fadlih”, (1/104).

#️⃣ #ilm #Zuhriy #илм #Зуҳрий

Alloma Muhammad ibn Solih al-Usaymin rahimahulloh dedi:

صفر كغيره من الأزمنة يقدر فيه الخير والشر، وبعض الناس إذا انتهى من شيء في صفر أرّخ ذلك وقال: انتهى في صفر الخير، وهذا من باب مداواة البدعة ببدعة، والجهل بالجهل، فهو ليس شهر خير ولا شهر شر.

“Safar oyi ham boshqa vaqtlar kabi bo‘lib, unda ham yaxshilik, ham yomonlik Allohning taqdiri ila sodir bo‘ladi. Baʼzi odamlar Safar oyida biror ishini tugatsa, sanani qayd etayotib: Safarul-xayrda (yaʼni, xayrli Safar oyida) tugadi, deydilar. Bu esa bidʼatni bidʼat bilan, jaholatni jaholat bilan davolashga urinish jumlasidandir. Chunki u na yaxshilik oyi va na yomonlik oyidir”.

•~~~•┈•⊰✿۩📖۩✿⊱•┈•~~~•

“Al-Qavlul Mufid fi Sharh Kitab at-Tavhid” (1/567).

#️⃣ #safar #safar_oyi #Usaymin #сафар #сафар_ойи #Усаймин

Imom Ibnul Qоyyim al-Javziyya rahimahulloh dedi:

فقد تلاعب الشيطان بأكثر هذا الخلق، كتلاعب الصبيان بالكرة، وأخرج لهم أنواع الكفر والفسوق والعصيان فى كل قالب.

“Darhaqiqat, shayton odamlarning aksari bilan xuddi bolalar toʻp oʻynagandek oʻynadi. Natijada ularni kufr, fosiqlik va osiylikning turli koʻrinishlariga giriftor qildi”.

•~~~•┈•⊰✿۩📖۩✿⊱•┈•~~~•

“Igʻosatul Lahfan” (2/875).

#️⃣ #IbnulQoyyim #shayton #ИбнулҚоййим #шайтон

Shayx Muhammad Nosiruddin Alboniy rahimahulloh dedi:

أنا أنصحك أنت وغيرك أن لا تهتموا بالرد على كل ناعق، هذا باب واسع لا نهاية له، اليوم أصبح العلم فوضى، كل من شعر أنه يحسن أن يكتب عبارة ولو كانت مكسرة - من الناحية العربية - تكسيرا، فهو يكتب ولا يبالي؛ لأنه لا رقيب ولا حسيب، ولذلك فليس من العلم ولا من الحكمة في شيء أن الناس يهتموا بكتابة أي كاتب، وهو ليس له قدم لا أقول: راسخة، ليس له قدم في العلم فضلاً عن أقول: ليس له قدم راسخة في العلم.

“Senga ham, boshqalarga ham nasihatim shuki, har bir qagʻillovchiga raddiya berish bilan mashgʻul boʻlmang. Chunki bu nihoyasi yoʻq keng bir eshikdir. Bugungi kunda ilmda tartibsizlik hukm surmoqda. Kim oʻzini biror jumlani yozishni eplay olaman deb his qilsa, garchi u arab tili nuqtai nazaridan chil-parchin xatolarga toʻla boʻlsa ham, yozaveradi va bunga parvo ham qilmaydi. Chunki uni nazorat qiladigan ham, soʻroqqa tutadigan ham yoʻq. Shuning uchun, ilmda mustahkam oʻrin egallash u yoqda tursin, hatto oddiy qadami ham boʻlmagan har qanday kimsaning yozganlariga eʼtibor berish na ilmga va na hikmatga muvofiqdir”.

•~~~•┈•⊰✿۩📖۩✿⊱•┈•~~~•

“Silsilatu al-Huda van-Nur”, 676-tasma, 50-daqiqadan keyin.