۩ Имом Муҳаммад ибн Абдулваҳҳоб раҳимаҳуллоҳ деди:

۞ “Инсон бирон нарсани мазҳабига ёки одамларнинг одатига мухолиф бўлгани учун инкор қилиши жоиз бўлмайди. Инсонга фақат илм билан буюриши жоиз бўлганидек фақат илм билан инкор қилиши жоиз бўлади.
Бунинг бари Аллоҳ таолонинг ушбу қавли остига дохилдир:

۝ “(Эй инсон), ўзинг аниқ билмаган нарсага эргашиб кетавермагин!”.۝
(Исро: 36)”.

•~~~•┈•⊰✿۩📖۩✿⊱•┈•~~~•
“Ад-Дурар ас-Санийя” (4/9)

۩ Бахтли яхши

۞ Имом Ибнул Қоййим раҳимаҳуллоҳ деди:

“… Бахтли яхши кишига фақат яхшилик ярашади. Фақат яхши нарса олдига боради. У киши томонидан фақат яхшилик содир бўлади. Фақат яхши кишига ўралашиб юради… Яхши кишининг қалбидан тили ва аъзоларига яхшилик отилиб чиқади”.

•~~~•┈•⊰✿۩📖۩✿⊱•┈•~~~•
“Задул Маъад” (1/67)

۩ Ҳусни хулқ

۞ Аллома Мавардий раҳимаҳуллоҳ деди:

“Агар инсоннинг хулқи чиройли бўлса дўстлари кўпаяди ва душманлари озаяди…
Ҳусни хулқ мулойим феълли, юмшоқ муомалали, юзи табассумли, адовати оз, хушсўзли бўлишидир.

Дарҳақиқат, Расулуллоҳ ‎ﷺ‎ ана шу сифатларни кўрсатиб бердилар”.

•~~~•┈•⊰✿۩📖۩✿⊱•┈•~~~•
“Адаб ад-Дуня ва ад-Дин” (237)

۩ Офият

۞ Имом Ибнул Қоййим раҳимаҳуллоҳ деди:

“Мутлақ офият: куфр, фосиқлик, маъсият, ғафлат, (тоат-ибодатдан) юз ўгиришдан офиятдир. Ҳамда (нафси) яхши кўрмаган нарсаларни қилиш ва (нафси) яхши кўрган нарсаларни тарк этиш. Ана шу офиятнинг ҳақиқати. Шунинг учун ҳам Раб субҳанаҳудан офиятданда Унга севимлироқ бирон нарса сўралмаган. Чунки, у ёмонликнинг бари ва унинг сабабларидан халос бўлишни жамловчи сўздир”.

•~~~•┈•⊰✿۩📖۩✿⊱•┈•~~~•


(“Шифа ал-Алил” (1/364)

۩ Одамларга ҳамроҳлик

۞ Абу Нуъайм «Ҳиля»да (8/77) ўз исноди билан Шақиқ у Балхий- Ҳатим ал-Асомга шундай дея буюрганини ривоят қилди:

“Одамларга, оловга ҳамроҳ бўлганинг каби ҳамроҳ бўл: фойдасини ол ва сени куйдириб қўйишидан ҳазир бўл”.

•~~~•┈•⊰✿۩📖۩✿⊱•┈•~~~•
Қовам ас-Сунна “Сияр ас-Салаф ас-Солиҳин” (4/1211)да келтирди.

۩ Имом Ибнул Қоййим раҳимаҳуллоҳ деди:

“Дуо Аллоҳга убудийят-(қуллик бажо келтириш), У Зотга фақир эканини изҳор қилиш ва У Зотнинг ҳузурида хокисор бўлиш. Ҳар қачон банда дуони кўп ва узун қилса, қайтарса ва яна қайта бошласа, жумлаларини турли-туман қилса, бу унинг қуллик бажо келтириши, фақирлиги, хокисорлиги ва муҳтожлигини изҳор қилишда етукроқ бўлади. Ҳамда бу унинг учун Раббисига яқинроқ ва ажру савоби улканроқ бўлади”.

•~~~•┈•⊰✿۩📖۩✿⊱•┈•~~~•
“Жилаул Афҳам” (343)

۩ Нафис фойда

۞ Имом Ибнул Қоййим раҳимаҳуллоҳ деди:

“Ҳар бир инсоннинг камолоти ушбу икки тур билан тўкис бўлади: уни юксалтирадиган ҳиммат ҳамда кўзини очадиган ва уни ҳидоятга бошлайдиган илм. Бахт ва нажот даражаларини банда мана шу икки жиҳат ёки бири томонидан бой беради…”.

•~~~•┈•⊰✿۩📖۩✿⊱•┈•~~~•
“Мифтаҳ Дар ас-Саъада” (1/125)

۩ Пайғамбарга оид шарафли йўлланма
Саҳиҳайнда -Муслимнинг лафзи-

۞ Абу Ҳурайра розияллоҳу анҳудан ривоят, Расулуллоҳ соллаллоҳу алайҳи ва саллам шундай дедилар:

“Сизлардан қуйидаги кишиларга қаранглар. Сизлардан юқоридагиларга қараманглар. Бас, у устингиздаги Аллоҳнинг неъматини арзимас деб санамаслигингизга лойиқроқдир”.

۩ Оқил ва жоҳилнинг ҳавас қилиши ўртасидаги фарқ

۞ Имом Ибн Ражаб раҳимаҳуллоҳ деди:

“Оқил киши молини яхшилик йўли ва олий даражаларга эришишда инфоқ қилган кишига ҳавас қилади.
Жоҳил-(нодон) кимса эса молини шаҳват ҳамда ҳаром қилинган лаззатларга етишиш йўлида инфоқ қилган-(сарфлаган) кимсага ҳавас қилади”.

•~~~•┈•⊰✿۩📖۩✿⊱•┈•~~~•
“Латоиф ал-Маъориф” (435)

۩ Афв-(кечириш)нинг фазилати

۞ Ҳофиз Ибн Ҳиббон раҳимаҳуллоҳ деди:

“Одамларнинг энг олий мартабадагилари нодонликни ҳалимлик-(оқиллик) билан тўсган кишидир. Фазл, ёмонлик қилганга яхшилик қилган кишигагина хосдир. Яхшиликни яхшилик билан мукофотлашга келсак, бас, у ахлоқдаги тенгликдир”. 

“Ровдатул Уқала” (169)

۩ Ҳасанотларни яхши кўриш ва гуноҳларни ёмон кўриш

۞ Имом Ибн Таймия раҳимаҳуллоҳ деди: 

“Мўмин ҳасанотларни яхши кўришидан ўзга чора йўқ. Ҳамда гуноҳларни ёмон кўриши муқаррар.
Яхшилик қилиш уни хурсанд қилиши ва ёмонлик қилиш уни хафа қилишидан ўзга чора йўқ”.

•~~~•┈•⊰✿۩📖۩✿⊱•┈•~~~•
«Ал-Ийман» (45-46)

۩ Ҳақ уламоларининг ғариблиги

۞ Аллома, ҳофиз Заҳабий раҳимаҳуллоҳ қайтарилган ишни ҳикоя қилиб, сўнг деди:

“Дарҳақиқат -Аллоҳга қасамки- бузуқлик кенг қулоч ёзди, бидъатлар бўй кўтарди, суннатлар махфий бўлди.
Ҳақни сўзловчи озайди. Балки олим рост ва ихлос билан сўзласа, албатта, унга қарши ўша вақтнинг уламоларидан бир қанчаси қарши чиқиб, уни ёмон кўриб, жоҳилга чиқарадилар”.

•~~~•┈•⊰✿۩📖۩✿⊱•┈•~~~•
«Сияр» (14/166)

۩ Намоз билан шифо талаб қилиш

۞ Имом Ибнул Қоййим раҳимаҳуллоҳ деди:

“Дарҳақиқат, мусулмон шифокорларининг баъзи китобларида алифбо тарзида (ёзилган) даволарни зикр қилиш давомида «Сод» бобида намозни зикр қилганини кўрдим. Бир неча жиҳатдан шифо олиб келадиган танадаги намознинг манфаатлари ҳамда руҳ ва қалбдаги манфаатларини зикр қилган”.

• ═════ ❁✿❁═════ •
“Мифтаҳ Дар ас-Саъада” (2/712)

۩ Дарҳақиқат, ҳикматга лойиқ кишилар бор


۞ Байҳақий “Мадхал ила ас-Сунан ал-Кубро”да (587-рақам) ҳамда Низомул Мулк ат-Тусий «Амалий»да собит санад билан (10-рақам) 

Имом Ибн Уяйна раҳимаҳуллоҳдан шундай деганларини ривоят қилдилар:

“Дарҳақиқат, ҳикматга лойиқ кишилар бор. Агар уни (ҳикматни) лойиқ кишиларидан маън қилсанг жоҳил-(нодон) бўласан. Бас, малҳамни фойда берадиган жойга қўядиган олим шифокор каби бўл”.

۩ Махлуқотлар билан муомала қилиш

۞ Имом Ибн Таймия раҳимаҳуллоҳ деди:

“Махлуқотлар билан муомала қилишдаги саодат: улар билан Аллоҳ учун муомала қилиб, улар ҳақида Аллоҳдан умид қиласан, ва Аллоҳ Йўлида улардан умид қилмайсан.

Улар хусусида У Зотдан қўрқасан ва Аллоҳ Йўлида улардан қўрқмайсан.

Улар мукофотлашини эмас, Аллоҳнинг савобини умид қилган ҳолда уларга яхшилик қиласан.

Улардан эмас, Аллоҳдан қўрққан ҳолда уларга зулм қилишдан қўлингни тиясан”.

•~~~•┈•⊰✿۩📖۩✿⊱•┈•~~~•

Аллома Ибн Қосим “Мажмуʼ ал-Фатово” (1/51)

Эй Аллоҳ! Дарҳақиқат, мен Сендан Сурия ва Туркиядаги биродарлар бошига тушган зилзила, вайроналик, жон ва меваларнинг камайиши сабаб лутф, раҳмат ва кўмак сўрайман. Сабр қилгувчиларга хушхабар бергайсан!

Эй Аллоҳ! Уларнинг ўлганларини қабул қил, беморларига шифо бер, мусибат етганларига юпанч бер! Дарҳақиқат, Сен лутф Кўрсатгувчи, Раҳмлисан!


•~~~•┈•⊰✿۩📖۩✿⊱•┈•~~~•
Устоз, доктор Абдуллоҳ ибн Абдурраҳим ал-Бухорий

۩ Қариб-қартайишингдан олдин йигитлигингни ғанимат бил!

۞ Аҳмад ибн Муҳаммад ал-Варроқ:

“Аҳмад ибн Ҳанбални шундай деяётганларини эшитдим”, деди: “Ёшликни енгим ичида бўлиб, тушиб қолган нарсагагина ўхшатдим”.

•~~~•┈•⊰✿۩📖۩✿⊱•┈•~~~•

Ибнул Жавзий “Манақиб ал-Имам Аҳмад” (257 саҳифа), “Сияр Аълам ан-Нубала” (11/305), Бурҳониддин ибн Муфлиҳ “Ал-Мақсид ал-Аршад” (1/166)