۩ Муҳим огоҳлантирув

۞ Имом Ибн Таймия деди:

“Одамларга лозим бўладиган нарса: салафларга, улар Расулуллоҳ ‎ﷺ‎ замонларида юрган йўлларига эргашишни одат қилишларидир. Чунки, улар асрларнинг энг яхшиси. Сўзларнинг энг яхшиси Аллоҳнинг Сўзи. Йўлларнинг энг яхшиси Муҳаммад соллаллоҳу алайҳи ва салламнинг йўллари. Бирон киши махлуқотларнинг энг яхшисининг йўли ва асрларнинг энг яхшисининг йўлини қўйиб, ундан қуйисига юрмайди”

•~~~•┈•⊰✿📖✿⊱•┈•~~~•
«Мажмуʼ» (1/375)

۩ Имом Ибнул Қоййим ушбу “Иккингиздан қайсингиз тиббиётни билувчироқсиз?”, ҳадисига шундай дея изоҳ берди:
“Ушбу ҳадисда ҳар бир илм ва ишда моҳирроқ ва билимдонроғидан фойдаланиш лозим бўлади. Чунки, у тўғри (ечим)га яқинроқ.
Шунингдек, фатво сўровчи бошига тушган иш ҳақида билимдонроқ ва билувчироқдан фойдаланиши вожиб бўлади. Чунки, у ундан қуйидаги кишидан тўғри (ечим)га яқинроқдир”.

“Задул Маъад” (4/121)

۩ Шариат илмининг озлиги ва шайтон

۞ Имом Ибн Абдулҳадий деди:

“КИШИНИНГ ИЛМИ ОЗЛИГИ ҚАДАР ШАЙТОН УНИ АДАШТИРАДИ”. 

•~~~•┈•⊰✿📖✿⊱•┈•~~~•
“Ас-Сорим ал-Мункий” (299)

۩ У киши соллаллоҳу алайҳи ва саллам аҳли оилалари билан чиройли турмуш кечирганлари

۞ Имом Ибн Касир «Тафсир»да (1/477) деди:
“У киши соллаллоҳу алайҳи ва салламнинг хулқларидан: гўзал турмуш кечирувчи, доим хурсанд қилувчи, аҳли оилалари билан ҳазиллашардилар, уларга латофат билан муомала қилардилар, таъминотда кенглик қилардилар, аёллари билан кулишардилар… Ҳар кеча тунаб қоладиган уйларида аёллари билан тўпланардилар.. Баъзи вақтларда кечки овқатни улар билан йердилар.. Шу сабаб билан уларга янада яқин бўлардилар”.

۩ Саҳобалар розияллоҳу анҳумнинг фазилатларидан.

Шайхул Ислом Ибн Таймия деди:
“Саҳобалар розияллоҳу анҳум исломдаги ҳар бир илм, салоҳият, ҳидоят ва раҳматнинг асосидир”. 

•~~~•┈•⊰✿📖✿⊱•┈•~~~•
“Минҳaж ас-Сунна ан-Набавия” (6/370)

۩ Маъсиятлардан ҳазир бўл!

۞ Имом Ибн Ражаб деди:

“Маъсиятлардан ниҳоятда ҳазир бўлиш лозим. Маъсият қанчадан-қанча неъматни тортиб олди.
Қанчадан-қанча балони олиб келди.
Қанчадан-қанча юртни хароб қилди.
Қанчадан-қанча юртни аҳлидан холи-(бўшаб қолган) қилди. Бас, улардан бирон кимса қолмади.
Маъсият осийлардан қанчасини интиқом билан жазога тортди.
Уларнинг қанчадан-қанча изларини ўчирди”.

•~~~•┈•⊰✿📖✿⊱•┈•~~~•
“Латоифул Маъориф” (277)

۩ Нафсни сарҳисоб қилиш.

۞ Буюк тобеин Маймун ибн Миҳрон деди:

“Киши, (тижоратдаги) шерик ўз шеригини сарҳисоб қилишиданда ўзини қаттиқроқ сарҳисоб қилмагунча, ҳамда кийиши, ейиши ва ичиши қаердан, ҳалолданми ёки ҳаромдан эканини билмагунча тақводор бўлмайди”.

•~~~•┈•⊰✿📖✿⊱•┈•~~~•
“Таҳзибул Камол” (29/219).
«Сияр» (5/74)

۩ Аллоҳ Йўлидаги биродарлик ҳаққига риоя қилиш

۞ Буюк имом Язид ибн Абу Ҳабиб ал-Мисрий деди:
“Биродарим менга икки бора ғазаб қилишига қўймайман. Балки у ёмон кўрадиган нарсага назар ташлаб, уни тарк этаман”.

•~~~•┈•⊰✿📖✿⊱•┈•~~~•
“Тазкиротул Ҳуффоз” (1/98), “Тарихул Ислам” (8/305) икки манба ҳам Ҳофиз Заҳабийга мансуб

۩ Мушк анбар хушбўйлик турларининг подшоҳидир

۞ Имом Ибнул Қоййим деди:
“Мушк анбар: хушбўйлик турларининг подшоҳи, энг шарафлиси ва энг хушбўйи. У зарбул масал қилинади, бошқаси унга ўхшатилади, у эса бошқасига ўхшатилмайди. У жаннат қумтепалиги… Унинг манфаатлари жуда кўп”.

•~~~•┈•⊰✿📖✿⊱•┈•~~~•
“Задул Маъад” (4/363)

۩ Ашуро қўлдан кетиши мумкин

۞ Икки ҳофиз Байҳақий ва Ибн Абдулбар ўз иснодлари билан Абу Жабаладан (ривоят қилиб), деди:
“Ибн Шиҳоб билан сафарда эдим. У киши Ашуро куни рўза тутдилар.
У кишига: “Сафарда Ашуро куни рўза тутасизу Рамазонда рўзани очасиз?”, дейилди.
У киши: “Дарҳақиқат, Рамазоннинг саноғини бошқа кунларда (тутиб берса бўлади). Ашуро эса қўлдан кетади”, деди”. 

•~~~•┈•⊰✿📖✿⊱•┈•~~~•
“Шуъабул Ийман” (5/3518), «Тамҳид» (7/215)

۩ Аёллар билан яхшиликда турмуш кечиринглар

۞ Имом Ибн Касир «Тафсир»да (1/477) Нисо сурасидаги оятга ушбу сўзи билан изоҳ берган ҳолда деди:
“Яъни: аёлларга хушсўзли бўлинглар, қудратингиз қадар фел ва ташқи кўринишингизни чиройли қилинглар.
Аёл томондан ҳам шуни яхши кўрганингиздек сиз ҳам аёлга нисбатан шундайини қилинг”.

۩ Уч нарса яхшига ҳам, ёмонга ҳам адо этилади

۞ Имом Маймун ибн Миҳроннинг ушбу сўзи саҳиҳ (иснод) билан ворид бўлган:
“Уч нарса яхшига ҳам, ёмонга ҳам адо этилади: аҳд-(келишув)ни яхшига ҳам, ёмонга ҳам вафо қиласиз, қариндошчилик риштасини яхши билан ҳам, ёмон билан ҳам боғлайсиз, омонатни яхшига ҳам, ёмонга ҳам адо этасиз”.

•~~~•┈•⊰✿📖✿⊱•┈•~~~•
Саъид ибн Мансур «Сунан» (2/2601-рақам) ва бошқалар

۩ Аллоҳ пайғамбарлари алайҳимус-салоту вас-саламга нусрат бериши

۞ Имом Ибн Таймия деди:

“Аллоҳ қўллаб-қувватлаган нубувват даъвогарларидан ҳар бир киши фақат ростгўй бўлган. Худди Нуҳ, Иброҳим, Мусо, Ийсо ва Довудни дастаклагани каби… Дарҳақиқат, Аллоҳнинг қонунияти шундайки, У Зот пайғамбарларини, ва иймон келтирган зотларни ҳаёти дунёда ва гувоҳлар қойим бўладиган Кунда нусрат беради”.

•~~~•┈•⊰✿📖✿⊱•┈•~~~•
“Ал-Жаваб ас-Саҳиҳ” (1/410)

۩ Ҳатим ал-Асомнинг ақлу заковати
۞ Бағдод аҳли Ҳатим ал-Асомга деди:
“Бирон киши сиз билан гаплашса, албатта, уни (ҳужжат билан) кесасиз. Бунинг сабаби қандай?”
У киши: “Менда учта хислат бўлиб, шу билан рақибимни мағлуб қиламан”, деди.
Улар: “У қайси нарса экан?”, дедилар.
У киши: “У тўғри топса хурсанд бўламан, хатога йўл қўйса унинг учун маҳзун бўламан, нафсим унга жоҳиллик қилиб қўймаслиги учун уни сақлайман”, деди.
Бу (хабар) Аҳмад ибн Ҳанбалга етди.
Шунда у киши: “Субҳаналлоҳ! Бу киши қанчалар ҳам ақлли экан”, деди.
•~~•┈•⊰✿📖✿⊱•┈•~~•
“Тарих Бағдод” (8/236)

۩ Маъсиятнинг асоратларидан

۞ Имом Ибнул Қоййим маъсиятларнинг кишидаги асоратларини санаб, шундай деди:

“Шулардан: ишлари унга қийин қилиб қўйилиши. Натижада бирон ишга юзланса уни қулфланган ёки унга қийин кечадиган ҳолда топади.
Бу эса худди Аллоҳдан тақво қилган кишига, У Зот ишларига енгиллик берганидек.
Кимда-ким тақвони бекор қилса, У Зот ишини унга қийин қилиб қўяди”.

•~~~•┈•⊰✿📖✿⊱•┈•~~~•
“Дард ва даво” (134)

۩ Аллоҳ таолодан қўрқиш ҳавойи нафсга эргашишдан тўсади

۞ Имом Ибн Таймия деди:
“Қўрқиш -яъни У субҳанаҳудан- ҳавойи нафсга эргашишдан тўсади. Аллоҳ таоло деди:

۝ “Энди ким (ҳаёти дунёдалик пайтида Қиёмат Куни маҳшаргоҳда) Парвардигорининг (ҳузурида) туриши (ва У Зотга ҳисоб-китоб бериши)дан қўрққан ва нафсини ҳавойи хоҳишлардан қайтарган бўлса, у ҳолда фақат жаннатгина (унинг учун) жой бўлур”. ۝
(Назият: 40-41).

•~~~•┈•⊰✿۩ 📖۩ ✿⊱•┈•~~~•
“Жамиʼ ар-Росаил” (2/181)

۩ Қалб қотишидан Аллоҳнинг паноҳига қочинглар!

۞ Имом Ибнул Қоййим деди:
“Қалб қотиши фосиқликни олиб келади. Агар қаттиқлашса -яъни қотиш- бидъат, зулмат ва ҳавойи нафсга эргашишни олиб келади. Агар (янада) қаттиқлашса куфр ва мунофиқликни олиб келади. Кўпинча унисини ва бунисини олиб келади”.

•~~~•┈•⊰✿۩📖۩✿⊱•┈•~~~•
“Ал-Калам аъла Масъалат ас-Самаʼ” (367)

۩ Буни ўйлаб кўр!

۞ Имом Ибн Таймия деди:

“Ер аҳлининг Расул соллаллоҳу алайҳи ва салламга муҳтожликлари қуёш, ой, шамол ва ёмғирга муҳтожликлари каби эмас.
Инсон ўз ҳаётига муҳтожлиги каби ҳам эмас. Кўз ўз ёруғлиги ҳамда жисм таом ва ичимликка муҳтожлиги каби ҳам эмас. Балки бундан улканроқ, ва фараз қилиниши мумкин бўлган ва хаёлга келган ҳар қандай нарсадан муҳтожлиги қаттиқроқдир”.

•~~~•┈•⊰✿۩📖۩✿⊱•┈•~~~•
«Ал-Мажмуʼ» (19/101)