۩ Жоҳиллик ва ҳасад

Аҳли суннанинг имоми Аҳмад ибн Ҳанбалнинг таржимаи ҳолида Халлолнинг сўзи келади:
“Ўзларини уламо деб ўйлайдиган жоҳил қавмга гирифтор бўлдик. Агар Абу Абдуллоҳнинг фазилатларини ёдга олсак, ҳасад уларни, ишончли киши менга хабар беришича баъзиларини шундай дейишга олиб борган: Аҳмад ибн Ҳанбал уларнинг пайғамбаридир”!!

•~~~•┈•⊰✿📖✿⊱•┈•~~~•
“Сияр Аълам ан-Нубала” (11/305)

۩ Имом Ибнул Қоййим деди:

“Дунёни Охиратдан ийсор-ихтиёр қилиш, ё иймондаги бузуқлик сабаб, ёки ақлдаги бузуқлик сабаблидир. У иккиси сабабли бу нарса қанчалар ҳам кўп учрайди.

Шунинг учун Расулуллоҳ соллаллоҳу алайҳи ва саллам ва у кишининг саҳобалари дунёни ортларига ташладилар, қалбларини ундан бурдилар, уни улоқтирдилар ва унга ўрганиб қолмадилар, унга мойил ҳам бўлмадилар. Уни жаннат эмас, зиндон деб санадилар”.


• ═════ ❁✿❁═════ •
«Фавоид» (137)

۩ Шаръий амал

Имом Ибн Таймия деди:
“Ҳар бир тоат-ибодат солиҳ амал. Ҳар бир солиҳ амал тоат-ибодатдир. Ва у шаръий, суннат амал. Зеро шаръий, суннат амал у: вожиб ёки мустаҳаб тарзида буюрилган иш ва у солиҳ амал, яхшилик, эзгулик ва хайрдир”.

•~~~•┈•⊰✿📖✿⊱•┈•~~~•
“Ал-Амру Бил Маъруф” (18)

۩ Нафсга қарши курашиш

۞ Имом Ибнул Қоййим деди:
“Дунё ва шайтон сендан ташқаридаги икки душман. Нафс эса ичингдаги душман. Жиҳод қилиш суннатидандир:۝“Эй мўминлар, ён-атрофларингиздагиларга қарши жанг қилинглар”. ۝
(Тавба: 123)”. 

•~~~•┈•⊰✿📖✿⊱•┈•~~~•
“Бадаъиул Фавоид” (3/1202-1203)

۩ Бахт тегирмонининг ўқи

۞ Мунофиқ ва мулҳидлар Шом аҳли устидан гуноҳлари сабабли ҳукмрон бўлди. Имом Ибн Абдулҳадий айтади:
“Сўнг динлари ўнгланди. Шунда Аллоҳ уларни азиз қилди ва душманлари устидан нусрат-(ғалаба) берди Аллоҳ ва Расулига итоат қилиб, Раббилари томонидан уларга нозил қилинган нарсага эргашганларида. Демак, Аллоҳ ва Расулига бўйсуниш бахт тегирмонининг ўқи ва тегирмон унинг атрофида айланади”.


•~~~•┈•⊰✿📖✿⊱•┈•~~~•
“Сорим ал-Мункий” (290)

۩ Муҳим огоҳлантирув

۞ Имом Ибн Таймия деди:

“Одамларга лозим бўладиган нарса: салафларга, улар Расулуллоҳ ‎ﷺ‎ замонларида юрган йўлларига эргашишни одат қилишларидир. Чунки, улар асрларнинг энг яхшиси. Сўзларнинг энг яхшиси Аллоҳнинг Сўзи. Йўлларнинг энг яхшиси Муҳаммад соллаллоҳу алайҳи ва салламнинг йўллари. Бирон киши махлуқотларнинг энг яхшисининг йўли ва асрларнинг энг яхшисининг йўлини қўйиб, ундан қуйисига юрмайди”

•~~~•┈•⊰✿📖✿⊱•┈•~~~•
«Мажмуʼ» (1/375)

۩ Имом Ибнул Қоййим ушбу “Иккингиздан қайсингиз тиббиётни билувчироқсиз?”, ҳадисига шундай дея изоҳ берди:
“Ушбу ҳадисда ҳар бир илм ва ишда моҳирроқ ва билимдонроғидан фойдаланиш лозим бўлади. Чунки, у тўғри (ечим)га яқинроқ.
Шунингдек, фатво сўровчи бошига тушган иш ҳақида билимдонроқ ва билувчироқдан фойдаланиши вожиб бўлади. Чунки, у ундан қуйидаги кишидан тўғри (ечим)га яқинроқдир”.

“Задул Маъад” (4/121)

۩ Шариат илмининг озлиги ва шайтон

۞ Имом Ибн Абдулҳадий деди:

“КИШИНИНГ ИЛМИ ОЗЛИГИ ҚАДАР ШАЙТОН УНИ АДАШТИРАДИ”. 

•~~~•┈•⊰✿📖✿⊱•┈•~~~•
“Ас-Сорим ал-Мункий” (299)

۩ У киши соллаллоҳу алайҳи ва саллам аҳли оилалари билан чиройли турмуш кечирганлари

۞ Имом Ибн Касир «Тафсир»да (1/477) деди:
“У киши соллаллоҳу алайҳи ва салламнинг хулқларидан: гўзал турмуш кечирувчи, доим хурсанд қилувчи, аҳли оилалари билан ҳазиллашардилар, уларга латофат билан муомала қилардилар, таъминотда кенглик қилардилар, аёллари билан кулишардилар… Ҳар кеча тунаб қоладиган уйларида аёллари билан тўпланардилар.. Баъзи вақтларда кечки овқатни улар билан йердилар.. Шу сабаб билан уларга янада яқин бўлардилар”.

۩ Саҳобалар розияллоҳу анҳумнинг фазилатларидан.

Шайхул Ислом Ибн Таймия деди:
“Саҳобалар розияллоҳу анҳум исломдаги ҳар бир илм, салоҳият, ҳидоят ва раҳматнинг асосидир”. 

•~~~•┈•⊰✿📖✿⊱•┈•~~~•
“Минҳaж ас-Сунна ан-Набавия” (6/370)

۩ Маъсиятлардан ҳазир бўл!

۞ Имом Ибн Ражаб деди:

“Маъсиятлардан ниҳоятда ҳазир бўлиш лозим. Маъсият қанчадан-қанча неъматни тортиб олди.
Қанчадан-қанча балони олиб келди.
Қанчадан-қанча юртни хароб қилди.
Қанчадан-қанча юртни аҳлидан холи-(бўшаб қолган) қилди. Бас, улардан бирон кимса қолмади.
Маъсият осийлардан қанчасини интиқом билан жазога тортди.
Уларнинг қанчадан-қанча изларини ўчирди”.

•~~~•┈•⊰✿📖✿⊱•┈•~~~•
“Латоифул Маъориф” (277)

۩ Нафсни сарҳисоб қилиш.

۞ Буюк тобеин Маймун ибн Миҳрон деди:

“Киши, (тижоратдаги) шерик ўз шеригини сарҳисоб қилишиданда ўзини қаттиқроқ сарҳисоб қилмагунча, ҳамда кийиши, ейиши ва ичиши қаердан, ҳалолданми ёки ҳаромдан эканини билмагунча тақводор бўлмайди”.

•~~~•┈•⊰✿📖✿⊱•┈•~~~•
“Таҳзибул Камол” (29/219).
«Сияр» (5/74)

۩ Аллоҳ Йўлидаги биродарлик ҳаққига риоя қилиш

۞ Буюк имом Язид ибн Абу Ҳабиб ал-Мисрий деди:
“Биродарим менга икки бора ғазаб қилишига қўймайман. Балки у ёмон кўрадиган нарсага назар ташлаб, уни тарк этаман”.

•~~~•┈•⊰✿📖✿⊱•┈•~~~•
“Тазкиротул Ҳуффоз” (1/98), “Тарихул Ислам” (8/305) икки манба ҳам Ҳофиз Заҳабийга мансуб

۩ Мушк анбар хушбўйлик турларининг подшоҳидир

۞ Имом Ибнул Қоййим деди:
“Мушк анбар: хушбўйлик турларининг подшоҳи, энг шарафлиси ва энг хушбўйи. У зарбул масал қилинади, бошқаси унга ўхшатилади, у эса бошқасига ўхшатилмайди. У жаннат қумтепалиги… Унинг манфаатлари жуда кўп”.

•~~~•┈•⊰✿📖✿⊱•┈•~~~•
“Задул Маъад” (4/363)

۩ Ашуро қўлдан кетиши мумкин

۞ Икки ҳофиз Байҳақий ва Ибн Абдулбар ўз иснодлари билан Абу Жабаладан (ривоят қилиб), деди:
“Ибн Шиҳоб билан сафарда эдим. У киши Ашуро куни рўза тутдилар.
У кишига: “Сафарда Ашуро куни рўза тутасизу Рамазонда рўзани очасиз?”, дейилди.
У киши: “Дарҳақиқат, Рамазоннинг саноғини бошқа кунларда (тутиб берса бўлади). Ашуро эса қўлдан кетади”, деди”. 

•~~~•┈•⊰✿📖✿⊱•┈•~~~•
“Шуъабул Ийман” (5/3518), «Тамҳид» (7/215)

۩ Аёллар билан яхшиликда турмуш кечиринглар

۞ Имом Ибн Касир «Тафсир»да (1/477) Нисо сурасидаги оятга ушбу сўзи билан изоҳ берган ҳолда деди:
“Яъни: аёлларга хушсўзли бўлинглар, қудратингиз қадар фел ва ташқи кўринишингизни чиройли қилинглар.
Аёл томондан ҳам шуни яхши кўрганингиздек сиз ҳам аёлга нисбатан шундайини қилинг”.

۩ Уч нарса яхшига ҳам, ёмонга ҳам адо этилади

۞ Имом Маймун ибн Миҳроннинг ушбу сўзи саҳиҳ (иснод) билан ворид бўлган:
“Уч нарса яхшига ҳам, ёмонга ҳам адо этилади: аҳд-(келишув)ни яхшига ҳам, ёмонга ҳам вафо қиласиз, қариндошчилик риштасини яхши билан ҳам, ёмон билан ҳам боғлайсиз, омонатни яхшига ҳам, ёмонга ҳам адо этасиз”.

•~~~•┈•⊰✿📖✿⊱•┈•~~~•
Саъид ибн Мансур «Сунан» (2/2601-рақам) ва бошқалар

۩ Аллоҳ пайғамбарлари алайҳимус-салоту вас-саламга нусрат бериши

۞ Имом Ибн Таймия деди:

“Аллоҳ қўллаб-қувватлаган нубувват даъвогарларидан ҳар бир киши фақат ростгўй бўлган. Худди Нуҳ, Иброҳим, Мусо, Ийсо ва Довудни дастаклагани каби… Дарҳақиқат, Аллоҳнинг қонунияти шундайки, У Зот пайғамбарларини, ва иймон келтирган зотларни ҳаёти дунёда ва гувоҳлар қойим бўладиган Кунда нусрат беради”.

•~~~•┈•⊰✿📖✿⊱•┈•~~~•
“Ал-Жаваб ас-Саҳиҳ” (1/410)