۩ Ёмон оғайнилардан ҳазир бўл!

۞ Хаттоб ибн Муалло ал-Махзумий ўғлига фойдали, узун васият қилди.

Шу васиятда келган сўзлардан:

“Киши шериги билан танилади. Ёмон ошна-оғайнилардан ҳазир бўл! Чунки, улар ҳамроҳларига хиёнат қиладилар, дўстларини маҳзун қиладилар. Уларга яқин келиш қўтирданда юқумлироқ. Улардан воз кечиш одобнинг комиллигидандир”.

•~~~•┈•⊰✿📖✿⊱•┈•~~~•
“Ровзатул Уқало” (201)

۩ Аллоҳ бандасининг У Зот учун зиммасига олган нарсани зое қилмайди

۞ Имом Ибнул Қоййим раҳимаҳуллоҳ деди:
“Аллоҳнинг махлуқотлари хусусидаги қонунияти шундай жорий бўлганки:
Ким ҳаромга етишиш ўрнига нақд-(мавжуд) оғриқни ийсор-(ихтиёр) қилса Аллоҳ бунинг ортидан унга дунёда тўкис шодлик беради.
Агар ҳалок бўлса, бас, буюк бахт (ҳали олдинда).
Аллоҳ бандасининг У Зот учун зиммасига олган нарсани зое қилмайди”.

•~~~•┈•⊰✿📖✿⊱•┈•~~~•
“Ровзатул Муҳиббин” (618)

۩ Имом Ибн Ражаб раҳимаҳуллоҳ деди:

“Имом Аҳмаднинг шуҳрати довруғ қозонганда ташвиш ва маҳзунликлари оғир кечди.
Ўз манзилларини кўп лозим тутдилар…
-Ибн Ражаб деди- мана шундай содиқларнинг ҳолати билан подшоҳ ва бошқаларнинг қалбини ўзига ром қилиш билан, (қолаверса) ҳар қандай йўл билан номи чиқишига ҳаракат қиладиганлар ҳолати ўртасида қанчалар ҳам (фарқ бор-а?) Лекин ҳақиқатлар рўёбга чиққанда шуҳратпарастдан холис маълум бўлади”.

•~~~•┈•⊰✿📖✿⊱•┈•~~~•
“Инна Ағбата Авлияий” ҳадиси шарҳи (17)

۩ Аллоҳнинг мўмин кишига фазлу карами ва лутф кўрсатиши

Имом Ибнул Қоййим раҳимаҳуллоҳ деди:
“У Зот уни (яъни мўмин кишини), унга ато этиши учунгина ундан ман қилди.
Унга офият бериш учунгина уни синади.
Унга чин муносабатда бўлиш учунгина уни имтиҳон қилди.
Уни тирилтириши учунгина ўлдирди. Уни бу диёрга чиқариши фақат У Зотга бориши учун шу диёрда тайёргарлик кўриши ва У Зотга элтувчи йўлдан юриши учунгинадир”.

•~~~•┈•⊰✿📖✿⊱•┈•~~~•
«Фавоид» (79-80)

۩ Расулуллоҳнинг ‎ﷺ‎ йўлларидан ортда қолишдан ҳазир бўл!

۞ Имом Ибнул Қоййим раҳимаҳуллоҳ деди:

“Уч киши бир жангда Пайғамбардан ортда қолди. Бошларига нималар тушганини эшитгансиз.
Умри (давомида) у киши (соллаллоҳу алайҳи ва салламнинг йўллари)дан ортда қолган кимса ҳақида нима дейсиз?”.

•~~~•┈•⊰✿📖✿⊱•┈•~~~•
“Бадаиъул Фавоид” (3/1208)

۩ Зикрлар хусусида набавий йўл

۞ Имом Ибнул Қоййим раҳимаҳуллоҳ Расулуллоҳ соллаллоҳу алайҳи ва салламнинг зикрлар борасида (тутган) йўллари ҳақида сўзлаб, шундай деди:

“У киши Аллоҳни ҳар вақт ва барча ҳолатларида зикр қилардилар. У кишининг Аллоҳни зикр қилишлари нафаслари қадар юз берарди: тик турган, ўтирган, ён бошлаган ҳолатда, юришлари, минишлари, кезишлари ва қўним топишлари, сафар ва муқимликларида”.

• ═════ ❁✿❁═════ •
“Задул Маъад” (2/332)

[أكثر الخَلْق منحرف في كلامه وسكوته...]

قال الإمام ابن القيم رحمه الله:

"وَفِي اللِّسَانِ آفَتَانِ عَظِيمَتَانِ، إِنْ خَلَصَ الْعَبْدُ مِنْ إِحْدَاهُمَا لَمْ يَخْلُصْ مِنَ الْأُخْرَى:

آفَةُ الْكَلَامِ،

وَآفَةُ السُّكُوتِ،

وَقَدْ يَكُونُ كُلٌّ مِنْهُمَا أَعْظَمَ إِثْمًا مِنَ الْأُخْرَى فِي وَقْتِهَا،

فَالسَّاكِتُ عَنِ الْحَقِّ شَيْطَانٌ أَخْرَسُ، عَاصٍ لِلَّهِ، مُرَاءٍ مُدَاهِنٌ إِذَا لَمْ يَخَفْ عَلَى نَفْسِهِ،

وَالْمُتَكَلِّمُ بِالْبَاطِلِ شَيْطَانٌ نَاطِقٌ، عَاصٍ لِلَّهِ،

وَأَكْثَرُ الْخَلْقِ مُنْحَرِفٌ فِي كَلَامِهِ وَسُكُوتِهِ فَهُمْ بَيْنَ هَذَيْنِ النَّوْعَيْنِ،

وَأَهْلُ الْوَسَطِ - وَهُمْ أَهْلُ الصِّرَاطِ الْمُسْتَقِيمِ - كَفُّوا أَلْسِنَتَهُمْ عَنِ الْبَاطِلِ، وَأَطْلَقُوهَا فِيمَا يَعُودُ عَلَيْهِمْ نَفْعُهُ فِي الْآخِرَةِ،

فَلَا تَرَى أَحَدَهُمْ يَتَكَلَّمُ بِكَلِمَةٍ تَذْهَبُ عَلَيْهِ ضَائِعَةً بِلَا مَنْفَعَةٍ، فَضْلًا أَنَ تَضُرَّهُ فِي آخِرَتِهِ،

وَإِنَّ الْعَبْدَ لَيَأْتِي يَوْمَ الْقِيَامَةِ بِحَسَنَاتٍ أَمْثَالِ الْجِبَالِ، فَيَجِدُ لِسَانَهُ قَدْ هَدَمَهَا عَلَيْهِ كُلَّهَا،

وَيَأْتِي بِسَيِّئَاتٍ أَمْثَالِ الْجِبَالِ فَيَجِدُ لِسَانَهُ قَدْ هَدَمَهَا مِنْ كَثْرَةِ ذِكْرِ اللَّهِ وَمَا اتَّصَلَ بِهِ.
--------
ص١٦١ - كتاب الجواب الكافي لمن سأل عن الدواء الشافي الداء والدواء - فصل اللفظة -


#ابن_القيم
• ═════ ❁✿❁═════ •
۩ Махлуқотларнинг аксари сўзлаши ва сукут сақлашида оғишувчидир…

۞ Имом Ибнул Қоййим раҳимаҳуллоҳ деди:

“Тилда икки улкан офат бор. Агар банда биридан халос бўлса иккинчисидан халос бўлолмайди:
Сўзлаш офати
Ва сукут сақлаш офати.
Гоҳида иккисининг ҳар бири ўз вақтида биридан гуноҳи улканроқ бўлади.
Ҳақни (сўзламай) сукут сақловчи кимса соқов шайтон, Аллоҳга итоатсизлик қилувчи, риёкор, тилёғламалик қилувчидир агар ўзи ҳақида қўрқмаса.
Ботилни сўзловчи эса гапирувчи шайтон, Аллоҳга осий.
Махлуқотларнинг аксари сўзлаши ва сукут сақлашида оғишувчидир. Улар ана шу икки тур ўртасида.
Ўрта йўлни тутганлар -улар тўғри йўл узра юрувчилар- тилларини ботилдан тиядилар ва уни Охиратда фойдаси ўзларига қайтадиган сўзларда ишлатадилар.
Уларнинг биронтаси Охиратда зарар берадиган сўзни қўя туринг, фойдасиз зое бўладиган сўзни сўзлаётганини кўрмайсиз.
Банда Қиёмат Куни тоғлардек ҳасанотлар билан келади ва тили шуларнинг барини вайрон қилганини кўради.
Ҳамда тоғлардек гуноҳлар билан келиб, Аллоҳни кўп зикр қилгани ва У Зотга кўп боғлангани сабабли уларни (яъни гуноҳларни) вайрон қилганини кўради”.

•~~~•┈•⊰✿📖✿⊱•┈•~~~•
“Жавобул Кофий” (161)

#til #sukut #gap #soz

۩
۞ Имом Ибн Ражаб раҳимаҳуллоҳ деди:

“Ҳайит янги кийим кийган кишига хос эмас.
Балки ҳайит тоат-ибодати зиёдалашиб борадиган кишига хос.
Ҳайит кийим ва улов билан чиройли бўлган кишиники эмас.
Балки ҳайит гуноҳлари мағфират қилинганларникидир”.

•~~~•┈•⊰✿📖✿⊱•┈•~~~•
“Латоиф ал-Маориф” (483)

#iyd #hayit #tavba

۞ Имом Ибн Таймия раҳимаҳуллоҳ деди:

Салафий пайғамбар йўлидан юз ўгирувчи анавиларда (қуйидагилар) жамланган:

Адаштирувчи шаҳват ва залолатга бошловчи фитналарга эргашиш. Уларда адашиш ва залолат Аллоҳ Пайғамбарини юборган йўлдан чиққанлари қадар мавжуд бўлади”. 

•~~~•┈•⊰✿📖✿⊱•┈•~~~•
“Даръ Таъаруз ал-Ақл ва ан-Нақл” (1/166)

۩ Имом Вакиъ ибн Жарроҳ раҳимаҳуллоҳнинг ибодатгўйлиги

۞ Имом Вакиъ раҳимаҳуллоҳнинг таржимаи ҳолида (шундай маълумот) келади:

У киши ҳар кеча ўзининг (одатий) ўқийдиган қисми - Қуръоннинг учдан бирини (ўқимагунча) уҳламас эди.
Сўнг тун охирида туриб, муфассални* ўқирди.
Сўнг ўтириб, тонг отгунча истиғфор айтарди.

•~~~•┈•⊰✿📖✿⊱•┈•~~~•
“Сияр Аълам ан-Нубала” (9/148).

*Муфассал - Қоф сурасидан Қуръонни охиригача

#ibodat

قال سفيان الثوري -رحمه الله:
"السلامة في أن لا تحب أن تُعرف"
يير أعلام النبلاء (٥٨/٧)
• ═════ ❁✿❁═════ •

۩ Суфён Саврий раҳимаҳуллоҳ деди: “Саломат қолиш - танилишни яхши кўрмаслигингдадир”.

•~~~•┈•⊰✿📖✿⊱•┈•~~~•
“Сияр Аълам ан-Нубала” (7/58).

#kibr #ilm #tolib #riyo

۩ Қалб тириклиги илм биландир

۞ Имом Ибнул Қоййим раҳимаҳуллоҳ деди:

“Аллоҳ субҳанаҳу қалб учун илмни Ер учун ёмғир каби қилди.
Худди Ер учун ёмғирсиз ҳаёт бўлмаганидек, қалб учун илмсиз ҳаёт йўқдир”.

•~~~•┈•⊰✿📖✿⊱•┈•~~~•
“Мифтаҳ Дарус Саъдаҳ” (1/478)

#ilm

۩ Кишининг аёли унинг масканидир

۞ Хаттоб ибн Муъалло ал-Махзумий ўғлига фойдали, узун васият қилди. Васиятида (қуйидаги жумлалар) ўрин олган:

“Эй ўғилчам! Дарҳақиқат, кишининг аёли унинг масканидир. Эр учун аёли билан ихтилоф қилиш ила ҳаёт йўқ.
Агар бирон аёл билан никоҳланишга қарор қилсанг, бас, унинг аҳли оиласи ҳақида сўра! Чунки, яхши илдиз ширин мева ўстиради”.

•~~~•┈•⊰✿📖✿⊱•┈•~~~•
“Ровдатул Уқалa” (202)

#nikoh #muhabbat #oila #uylanish

۩ Имом Бухорийнинг ошиқиши

۞ Имом Ибн Касир деди:
“Бухорий бир кечада уйқусидан уйғониб, чироқни ёқарди.
Зеҳнидан ўтган фойдани ёзиб қўярди.
Сўнг чироғини ўчирарди. Сўнг яна бир бор турарди.
Ҳатто бу (ҳолат) у кишидан йигирма мартага яқин такрорланарди”.

•~~~•┈•⊰✿📖✿⊱•┈•~~~•
“Ал-Бидая ва ан-Ниҳая” (14/528)

#buxoriy #ilm #tolibiilm

۩ Имом Бухорий ҳақидаги муаттар олқиш

۞ Илм аҳлининг имом Муҳаммад ибн Исмоил ал-Бухорий ҳақида қоғозга туширилган гўзал олқишларидан бири, унинг шайхи имом Қутайба ибн Саъиднинг сўзидир:

“Агар Муҳаммад ибн Исмоил саҳобалар ичида бўлганда, албатта, оят-(пешқадам) бўларди”.

•~~~•┈•⊰✿📖✿⊱•┈•~~~•
“Ҳадюс Сарий” (483), “Тағлиқ ат-Таълиқ” (5/402)

۩ Ўлимнинг маълум ёши йўқ
Аллома Абу Абдуллоҳ ал-Қуртубий деди:

“Уммат ўлимнинг маълум ёши, маълум замони ва маълум бир касали йўқ эканига ижмоъ қилган. Сабаби, киши бунга шай туриши ва тайёргарлик кўрган бўлиши учундир”.

•~~~•┈•⊰✿📖✿⊱•┈•~~~•
“Ат-Тазкир биаҳвали ал-Мавта ва Умурил Ахиро” (124)

۩ Суҳуфийдан* илм олинмайди

Имом Авзоийдан шундай деганлари собит бўлган:
“Бу илм то қоғозга тушгунча кишилар қабул қилиб олар экан мудом азиз эди. Натижада уни нолойиқ кимсалар эгаллади ёки унга кириб келди”.

“Сунан Доримий” (1/483-рақам)
Имом Шофеий деди:
“Ким китоблардан фиқҳ-(илм) ҳосил қилса ҳукмларни зое қилибди”.

•~~~•┈•⊰✿📖✿⊱•┈•~~~•
Нававий “Муқаддима ал-Мажмуʼ” (1/38)
• ═════ ❁✿❁═════ •
*Суҳуфий - шайхларнинг ҳузурида илм олишни тарк этиб, фақат китоблардан илм ҳосил қиладиган кимса

#ilm

۩ Ўзимга, умуман аҳли сунна ва хусусан талабаларга биродаримиз, суйганимиз, йўлдошимиз ҳурматли шайх, доктор Холид ибн Қосим ар-Роддадий вафоти билан таъзия изҳор қиламан.

Аллоҳ у кишини Ўзининг кенг раҳмати билан буркасин, у кишига олий Фирдавс (жаннати)ни маскан айласин. Аҳли оила ва зурриётларига сабр ва тасалли берсин. Дарҳақиқат, биз Аллоҳникимиз ва батаҳқиқ, биз Унинг ҳузурига қайтгувчимиз. Эртага бомдод намозидан кейин Аллоҳнинг изни билан масжид ан-Набавийда у кишига жаноза намози ўқилади.