Forwarded from أدهم شرقاوي
"أتمنى يا الله أن يهدأ عقلي، ويهنأ قلبي، وأن أشعر بالأمان، أن يأتي عليَّ صباح أحدث فيه الناس عن جبر خاطري منك، كيف كان ."
❤3
Forwarded from أدهم شرقاوي
"يارب امسح على هذا القلب من لطفك وحنانك، إلى أن يرتوي تمامًا كأنه لم يشقى أبدًا، كأنه لم يُخدش من قبل أبدًا"
❤2
Forwarded from أدهم شرقاوي
﴿ إِن تُعَذِّبهُم فَإِنَّهُم عِبادُكَ وَإِن تَغفِر لَهُم فَإِنَّكَ أَنتَ العَزيزُ الحَكيمُ ﴾
❤1
هل عمرك فكرت إنو النعمة البتعيش فيها اليوم ممكن تختفي للأبد و في ثانية؟
مساءُ الخيرِ يا سُكر ❤️
ونعوذ بالله من أن نعتاد النِعم فنفقدها🦋
الإبتلاء في الحياة ركيزة أساسية،
من دونه ما عرفنا للحياة طعم.
خليني اوريك حقائق صغنونة؛
مُعتاد العافية ما حيحس بطعمها إلا لم يمرض،
مُعتاد المال ما حيحس بأهميته إلا لم يفقر،
ومعتاد الفرح واليُسر في الحياة ما حيقول الحمدلله إلا إذا اشتد بيه البلاء!
واللي جمبه أسرة وأحباب ما يحس بإنهم نعمة إلا لم يمشوا أو يموتوا🦋
قريت مقولة في كتاب، "إسمو طويل ما بقدر أكتبه"،
بتقول:
الحياةُ تختفي من أمام العينِ في غضون ثانيتين!
ودي ما خُرافة أبداً،
من شدة ما نحن بنعتاد على النعمة بننسى نشكر ربنا عليها،
بننسى نستمتع بيها،
فبنلقى نفسنا لم نفقدها اتفاجأنا!
حسينا إنها اتشالت بسرعة!🦋
بتلقى الواحد مننا عايش مع أهله خمسين ستين سنة،
بس أول ما يموتوا بتلقاه عايز يرجع،
يقول ليك الوقت عدا بسرعة،
يتمنى يرجعو عشان يبرهم ويحسن إليهم،
في حين إنهم كانوا قدامه يمكن ٥٠ سنة،
بس عمره ما حس بأهمية وجودهم لأنو اتعود إنهم قاعدين ما بيمشو مكان،
ولا مرة فكر إنهم حيمشوا لأنو اتعود🦋
عموماً الحياة أسرع مما تبدو عليه!
والليلة إنت بتسرَّح وتمرح فيها بكرة تلقاها خلصت🦋
قدم في حياتك أولوياتك،
استمتع بي تفاصيل النعم الصغيرة،
أسرتك،
دراستك،
أصحابك،
شغلك المرتبه ما بكفيك إسبوع دا أحمد ربنا عليه حتى تحاول تغيره!❤️
#خِتاماً
أنا دايماً مُركزة على الجانب دا،
إني أوريك الحاجات العمرها ما اتعودنا نشوفها،
ولا عمرو قالوا لينا عنها ونحن صُغار،
الأمور البتكون في الهامش وماف زول منتبه معاها،
بس لو رجعنا ليها بنلقاها سبب سعادة أو كدر رغم صِغرها❤️
بذكر نفسي قبلكم،
صفحتي ما بس بنزل فيها منشورات وخلاص،
لا بالنسبة لي مُذكرة، مُنبه للحياة🦋
أكتبوا لي تحت في التعليقات المنشورات دي بتعجبكم؟
بتستفيدو منها حقيقي؟
'
ولو وصلتو لحدي هنا ما أوصيكم بصفحة الإستور Nani Store فلو ✅
https://whatsapp.com/channel/0029VbBlkAHF6sn4GK5QUg43
والسلام.
#الفاطمة_فتحي@fatimafthi
مساءُ الخيرِ يا سُكر ❤️
ونعوذ بالله من أن نعتاد النِعم فنفقدها🦋
الإبتلاء في الحياة ركيزة أساسية،
من دونه ما عرفنا للحياة طعم.
خليني اوريك حقائق صغنونة؛
مُعتاد العافية ما حيحس بطعمها إلا لم يمرض،
مُعتاد المال ما حيحس بأهميته إلا لم يفقر،
ومعتاد الفرح واليُسر في الحياة ما حيقول الحمدلله إلا إذا اشتد بيه البلاء!
واللي جمبه أسرة وأحباب ما يحس بإنهم نعمة إلا لم يمشوا أو يموتوا🦋
قريت مقولة في كتاب، "إسمو طويل ما بقدر أكتبه"،
بتقول:
الحياةُ تختفي من أمام العينِ في غضون ثانيتين!
ودي ما خُرافة أبداً،
من شدة ما نحن بنعتاد على النعمة بننسى نشكر ربنا عليها،
بننسى نستمتع بيها،
فبنلقى نفسنا لم نفقدها اتفاجأنا!
حسينا إنها اتشالت بسرعة!🦋
بتلقى الواحد مننا عايش مع أهله خمسين ستين سنة،
بس أول ما يموتوا بتلقاه عايز يرجع،
يقول ليك الوقت عدا بسرعة،
يتمنى يرجعو عشان يبرهم ويحسن إليهم،
في حين إنهم كانوا قدامه يمكن ٥٠ سنة،
بس عمره ما حس بأهمية وجودهم لأنو اتعود إنهم قاعدين ما بيمشو مكان،
ولا مرة فكر إنهم حيمشوا لأنو اتعود🦋
عموماً الحياة أسرع مما تبدو عليه!
والليلة إنت بتسرَّح وتمرح فيها بكرة تلقاها خلصت🦋
قدم في حياتك أولوياتك،
استمتع بي تفاصيل النعم الصغيرة،
أسرتك،
دراستك،
أصحابك،
شغلك المرتبه ما بكفيك إسبوع دا أحمد ربنا عليه حتى تحاول تغيره!❤️
#خِتاماً
أنا دايماً مُركزة على الجانب دا،
إني أوريك الحاجات العمرها ما اتعودنا نشوفها،
ولا عمرو قالوا لينا عنها ونحن صُغار،
الأمور البتكون في الهامش وماف زول منتبه معاها،
بس لو رجعنا ليها بنلقاها سبب سعادة أو كدر رغم صِغرها❤️
بذكر نفسي قبلكم،
صفحتي ما بس بنزل فيها منشورات وخلاص،
لا بالنسبة لي مُذكرة، مُنبه للحياة🦋
أكتبوا لي تحت في التعليقات المنشورات دي بتعجبكم؟
بتستفيدو منها حقيقي؟
'
ولو وصلتو لحدي هنا ما أوصيكم بصفحة الإستور Nani Store فلو ✅
https://whatsapp.com/channel/0029VbBlkAHF6sn4GK5QUg43
والسلام.
#الفاطمة_فتحي@fatimafthi
ليه المُعلم على عِظم رسالته، عندنا بيتعامل بإزدراء؟
المشكلة تفتكر في المُلعم ولا المجتمع الصور المُعلم كإنسان عادي بسيط وحصره في حتة الدُونية؟
مساءُ الخيرِ يا سُكر ❤️
"قُم للمعلم وفه التبجيلا
كاد المعلم أن يكون رسولاً"!
!!
أحمد الشقيري برنامجه السنة دي بعنوان " أبي مواقف وعِبر"
في واحدة من الحلقات ذكر قصة ليه مع معلمه حصلت قبل ٤٠ سنة،
إنو الشقيري كان طفل سعودي في القسم الإنجليزي من المدرسة،
وفجأة المملكة أصدرت قرار إنو كل مواطن سعودي لازم يكون في القسم العربي،
وقتها الشقيري لاقى صعوبة كبيرة في الانتقال من لغة للتانية وهو طفل،
بس أستاذه 'x'
كان داعمه بشكل كبير...
المُلفت إنو الشقيري حكى القصة في برنامج سين الموسم التاني وبكى وقتها،
ولم رجع نشر القصة في برنامجه الجديد "أبي مواقف وعِبر" كان باين في صوته الغُصة والتأثر والإمتنان حتى بعد أربعين سنة بنفس الدرجة من الوجع..!
والمُلفت كمان،
حِرص والد الشقيري إنو يُشكر الأستاذ برسالة،
حافظ عليها الأستاذ أربعين سنة،
ودا إن دلّ إنما يَدل على إنو حتى الأثر الإيجابي على الأستاذ والإمتنان والتقدير بيصنع منه مُعلم بحق❤️
«
في الجانب التاني قريت قصص بشعة لي ناس،
اتعرضت لي مواقف من مُعلميها،
هدمت شخصيتهم تماماً،
اتسببت في أنهم يسيبو درب التعليم نهائي،
العن.ف، التقليل،
المقارنة،
الحرمان من امتحانات وحاجات مفروض تتأخد بمهنية بدون حزازات شخصية.
«
#خِتاماً
الموضوع بتاع التعليم والمهنة العندنا ليها نظرة دونية، ما ذنب المعلم براه، ولا ذنب الناس براهم،
الذنب مُشترك نحن لازم نوعى ليه.
خُلاصة القصة عايزة أقول ليك كمُعلم،
خصوصاً لو كنت في التعليم المُبكر،
إنو إنت ما مُجرد موظف في دولة أو مُنشأة،
إنما إنت أب وداعم وسند ونور وبصيرة لأطفال،
موقف منك ممكن يبني إنسان ناجح وعظيم يتذكرك طول عمره،
وموقف تاني ممكن يهدم إنسان،
ويصنع جيل فاشل كا.ره وحا.قد على المعلمين.
وإنت كأب أغرس في ابنك انو التعليم عمره ما كان وظيفة نمشي ليها لم يتقفل الباب في وشنا،
إنما هو رسالة وهدف ومتاجرة مع الله سبحانه وتعالى❤️
ومن صَدَقَ صُدق!🦋
ما تنسو تعملوا متابعة لأحسن إستور ورد ستان وهدايا في السودان Nani Store .
https://whatsapp.com/channel/0029VbBlkAHF6sn4GK5QUg43
#الفاطمة_فتحي@fatimafthi
#كاتبة_محتوى
#محتوى
المشكلة تفتكر في المُلعم ولا المجتمع الصور المُعلم كإنسان عادي بسيط وحصره في حتة الدُونية؟
مساءُ الخيرِ يا سُكر ❤️
"قُم للمعلم وفه التبجيلا
كاد المعلم أن يكون رسولاً"!
!!
أحمد الشقيري برنامجه السنة دي بعنوان " أبي مواقف وعِبر"
في واحدة من الحلقات ذكر قصة ليه مع معلمه حصلت قبل ٤٠ سنة،
إنو الشقيري كان طفل سعودي في القسم الإنجليزي من المدرسة،
وفجأة المملكة أصدرت قرار إنو كل مواطن سعودي لازم يكون في القسم العربي،
وقتها الشقيري لاقى صعوبة كبيرة في الانتقال من لغة للتانية وهو طفل،
بس أستاذه 'x'
كان داعمه بشكل كبير...
المُلفت إنو الشقيري حكى القصة في برنامج سين الموسم التاني وبكى وقتها،
ولم رجع نشر القصة في برنامجه الجديد "أبي مواقف وعِبر" كان باين في صوته الغُصة والتأثر والإمتنان حتى بعد أربعين سنة بنفس الدرجة من الوجع..!
والمُلفت كمان،
حِرص والد الشقيري إنو يُشكر الأستاذ برسالة،
حافظ عليها الأستاذ أربعين سنة،
ودا إن دلّ إنما يَدل على إنو حتى الأثر الإيجابي على الأستاذ والإمتنان والتقدير بيصنع منه مُعلم بحق❤️
«
في الجانب التاني قريت قصص بشعة لي ناس،
اتعرضت لي مواقف من مُعلميها،
هدمت شخصيتهم تماماً،
اتسببت في أنهم يسيبو درب التعليم نهائي،
العن.ف، التقليل،
المقارنة،
الحرمان من امتحانات وحاجات مفروض تتأخد بمهنية بدون حزازات شخصية.
«
#خِتاماً
الموضوع بتاع التعليم والمهنة العندنا ليها نظرة دونية، ما ذنب المعلم براه، ولا ذنب الناس براهم،
الذنب مُشترك نحن لازم نوعى ليه.
خُلاصة القصة عايزة أقول ليك كمُعلم،
خصوصاً لو كنت في التعليم المُبكر،
إنو إنت ما مُجرد موظف في دولة أو مُنشأة،
إنما إنت أب وداعم وسند ونور وبصيرة لأطفال،
موقف منك ممكن يبني إنسان ناجح وعظيم يتذكرك طول عمره،
وموقف تاني ممكن يهدم إنسان،
ويصنع جيل فاشل كا.ره وحا.قد على المعلمين.
وإنت كأب أغرس في ابنك انو التعليم عمره ما كان وظيفة نمشي ليها لم يتقفل الباب في وشنا،
إنما هو رسالة وهدف ومتاجرة مع الله سبحانه وتعالى❤️
ومن صَدَقَ صُدق!🦋
ما تنسو تعملوا متابعة لأحسن إستور ورد ستان وهدايا في السودان Nani Store .
https://whatsapp.com/channel/0029VbBlkAHF6sn4GK5QUg43
#الفاطمة_فتحي@fatimafthi
#كاتبة_محتوى
#محتوى
Forwarded from ثرثرات ♡
أحيانًا لا يحتاجُ قلبُك إلى حلّ، بل إلى سكونٍ... إلى أن يهدأ من الرّكضِ خلف الإجاباتِ، وأن يطمئنَّ بأنّ كلَّ ما يحدث إنّمَا يجري بحكمةٍ أكبرَ من فهمِه؛ هناك لحظاتٌ لا تحتاجُ فيها أن تفهَم، بل أن تسلِّم... أن تضعَ رأسَك المثقَل على كتفِ الإيمان وتقول:
"يا ربّ، أنت تعلم، وأنا أثق."
فيتّسع صدرُك، ويصغُر همُّك، لأنّك أدرَكت أنّ الله تعالى لا يدير أمورك عبثًا، بل برحمةٍ بك، حتّى ولو لم تفهَم الآن، حتّى وإن بدَا ذلِك شرًّا لك.
"يا ربّ، أنت تعلم، وأنا أثق."
فيتّسع صدرُك، ويصغُر همُّك، لأنّك أدرَكت أنّ الله تعالى لا يدير أمورك عبثًا، بل برحمةٍ بك، حتّى ولو لم تفهَم الآن، حتّى وإن بدَا ذلِك شرًّا لك.
Forwarded from ثرثرات ♡
طبيعي جدًا تتلاشى لمعة عيونك لفترة من الزمن،
طبيعي يروح منك توهجك ونورك وتحس بانطفاء وشح في الإبداع،
طبيعي تفقد بوصلتك لمدة،
الغير طبيعي بقائك على وتيرة واحدة ومستوى مستمر من الانجاز والانتاج والطاقة المرتفعة.
أنت لست آلة، لا تتوقع الكمال الدائم منك. اهدي نفسك القبول والاحتواء.
طبيعي يروح منك توهجك ونورك وتحس بانطفاء وشح في الإبداع،
طبيعي تفقد بوصلتك لمدة،
الغير طبيعي بقائك على وتيرة واحدة ومستوى مستمر من الانجاز والانتاج والطاقة المرتفعة.
أنت لست آلة، لا تتوقع الكمال الدائم منك. اهدي نفسك القبول والاحتواء.
Forwarded from ثرثرات ♡
فِطرَة الإنسان أن يُنصِت إلى صوت قَلبه وأن يَتبِع خُطاه دائمًا، ولَكِنَّه يَلوذُ بِعقلِهِ حين يتأذى من الأحبَّة ويُصاب بالخيبة، وذلك لأن الأذى يُعِلُّ القَلب ويُضِلُّ العَواطِف..
لِذا فالأولى أن تحتَكُم لِعقلَك في وقت الأذى، إلى أن يَعودُ قَلبُك سَليمًا.
لِذا فالأولى أن تحتَكُم لِعقلَك في وقت الأذى، إلى أن يَعودُ قَلبُك سَليمًا.
Forwarded from ثرثرات ♡
وكَما قالت الأستاذة عَابدة كَدُّور:
"يحملُ كلٌ منّا في صَدره بكاءً عربيًا
لا يَدري أين يذهب به!"
"يحملُ كلٌ منّا في صَدره بكاءً عربيًا
لا يَدري أين يذهب به!"
Forwarded from ثرثرات ♡
بحب أوي دعوة الشيخ أنس
رزقكم الله نعمة الونس والأُنس والمؤانسة والاستئناس
وعافاكم من الوَحشة والغُربة والوِحدة والاستيحاش
يارب يا واسع يا وهاب:))
رزقكم الله نعمة الونس والأُنس والمؤانسة والاستئناس
وعافاكم من الوَحشة والغُربة والوِحدة والاستيحاش
يارب يا واسع يا وهاب:))
Forwarded from ثرثرات ♡
تعيش طويلاً في بيئة تجعلك في حالة استنفار دائم، فتظن أن سرعة الانفعال والقلق سمات متأصلة فيك.
ثم تكتشف حين تعيش في بيئة مستقرة، بأنك مثال للهدوء والسلام والسكينة.
أيقنتُ حقًا بأننا نذبل أو نزهر تبعًا للأرض التي نُزرَع فيها.
د/ مروه سامى
ثم تكتشف حين تعيش في بيئة مستقرة، بأنك مثال للهدوء والسلام والسكينة.
أيقنتُ حقًا بأننا نذبل أو نزهر تبعًا للأرض التي نُزرَع فيها.
د/ مروه سامى
Forwarded from ثرثرات ♡
يا الله
لا تجعل العمر يضيع في
ري حديقةٍ لا تُزهِر
وطَرق بابٍ لا يُفتح
وفي قلوبٍ لا نَصل إليها
ولا نعود.
لا تجعل العمر يضيع في
ري حديقةٍ لا تُزهِر
وطَرق بابٍ لا يُفتح
وفي قلوبٍ لا نَصل إليها
ولا نعود.
هل عمرك فكرت إنو النعمة البتعيش فيها اليوم ممكن تختفي للأبد و في ثانية؟
مساءُ الخيرِ يا سُكر ❤️
ونعوذ بالله من أن نعتاد النِعم فنفقدها🦋
الإبتلاء في الحياة ركيزة أساسية،
من دونه ما عرفنا للحياة طعم.
خليني اوريك حقائق صغنونة؛
مُعتاد العافية ما حيحس بطعمها إلا لم يمرض،
مُعتاد المال ما حيحس بأهميته إلا لم يفقر،
ومعتاد الفرح واليُسر في الحياة ما حيقول الحمدلله إلا إذا اشتد بيه البلاء!
واللي جمبه أسرة وأحباب ما يحس بإنهم نعمة إلا لم يمشوا أو يموتوا🦋
قريت مقولة في كتاب، "إسمو طويل ما بقدر أكتبه"،
بتقول:
الحياةُ تختفي من أمام العينِ في غضون ثانيتين!
ودي ما خُرافة أبداً،
من شدة ما نحن بنعتاد على النعمة بننسى نشكر ربنا عليها،
بننسى نستمتع بيها،
فبنلقى نفسنا لم نفقدها اتفاجأنا!
حسينا إنها اتشالت بسرعة!🦋
بتلقى الواحد مننا عايش مع أهله خمسين ستين سنة،
بس أول ما يموتوا بتلقاه عايز يرجع،
يقول ليك الوقت عدا بسرعة،
يتمنى يرجعو عشان يبرهم ويحسن إليهم،
في حين إنهم كانوا قدامه يمكن ٥٠ سنة،
بس عمره ما حس بأهمية وجودهم لأنو اتعود إنهم قاعدين ما بيمشو مكان،
ولا مرة فكر إنهم حيمشوا لأنو اتعود🦋
عموماً الحياة أسرع مما تبدو عليه!
والليلة إنت بتسرَّح وتمرح فيها بكرة تلقاها خلصت🦋
قدم في حياتك أولوياتك،
استمتع بي تفاصيل النعم الصغيرة،
أسرتك،
دراستك،
أصحابك،
شغلك المرتبه ما بكفيك إسبوع دا أحمد ربنا عليه حتى تحاول تغيره!❤️
#خِتاماً
أنا دايماً مُركزة على الجانب دا،
إني أوريك الحاجات العمرها ما اتعودنا نشوفها،
ولا عمرو قالوا لينا عنها ونحن صُغار،
الأمور البتكون في الهامش وماف زول منتبه معاها،
بس لو رجعنا ليها بنلقاها سبب سعادة أو كدر رغم صِغرها❤️
بذكر نفسي قبلكم،
صفحتي ما بس بنزل فيها منشورات وخلاص،
لا بالنسبة لي مُذكرة، مُنبه للحياة🦋
أكتبوا لي تحت في التعليقات المنشورات دي بتعجبكم؟
بتستفيدو منها حقيقي؟
والسلام.
#الفاطمة_فتحي@fatimafthi
مساءُ الخيرِ يا سُكر ❤️
ونعوذ بالله من أن نعتاد النِعم فنفقدها🦋
الإبتلاء في الحياة ركيزة أساسية،
من دونه ما عرفنا للحياة طعم.
خليني اوريك حقائق صغنونة؛
مُعتاد العافية ما حيحس بطعمها إلا لم يمرض،
مُعتاد المال ما حيحس بأهميته إلا لم يفقر،
ومعتاد الفرح واليُسر في الحياة ما حيقول الحمدلله إلا إذا اشتد بيه البلاء!
واللي جمبه أسرة وأحباب ما يحس بإنهم نعمة إلا لم يمشوا أو يموتوا🦋
قريت مقولة في كتاب، "إسمو طويل ما بقدر أكتبه"،
بتقول:
الحياةُ تختفي من أمام العينِ في غضون ثانيتين!
ودي ما خُرافة أبداً،
من شدة ما نحن بنعتاد على النعمة بننسى نشكر ربنا عليها،
بننسى نستمتع بيها،
فبنلقى نفسنا لم نفقدها اتفاجأنا!
حسينا إنها اتشالت بسرعة!🦋
بتلقى الواحد مننا عايش مع أهله خمسين ستين سنة،
بس أول ما يموتوا بتلقاه عايز يرجع،
يقول ليك الوقت عدا بسرعة،
يتمنى يرجعو عشان يبرهم ويحسن إليهم،
في حين إنهم كانوا قدامه يمكن ٥٠ سنة،
بس عمره ما حس بأهمية وجودهم لأنو اتعود إنهم قاعدين ما بيمشو مكان،
ولا مرة فكر إنهم حيمشوا لأنو اتعود🦋
عموماً الحياة أسرع مما تبدو عليه!
والليلة إنت بتسرَّح وتمرح فيها بكرة تلقاها خلصت🦋
قدم في حياتك أولوياتك،
استمتع بي تفاصيل النعم الصغيرة،
أسرتك،
دراستك،
أصحابك،
شغلك المرتبه ما بكفيك إسبوع دا أحمد ربنا عليه حتى تحاول تغيره!❤️
#خِتاماً
أنا دايماً مُركزة على الجانب دا،
إني أوريك الحاجات العمرها ما اتعودنا نشوفها،
ولا عمرو قالوا لينا عنها ونحن صُغار،
الأمور البتكون في الهامش وماف زول منتبه معاها،
بس لو رجعنا ليها بنلقاها سبب سعادة أو كدر رغم صِغرها❤️
بذكر نفسي قبلكم،
صفحتي ما بس بنزل فيها منشورات وخلاص،
لا بالنسبة لي مُذكرة، مُنبه للحياة🦋
أكتبوا لي تحت في التعليقات المنشورات دي بتعجبكم؟
بتستفيدو منها حقيقي؟
والسلام.
#الفاطمة_فتحي@fatimafthi
❤1
هل إنت متصالح مع عيوبك الشخصية؟
وشنو هو أكتر عيب فيك الناس بتشوفو و نفسك تتخلص منو؟
مساءُ الخيرِ يا سُكر ❤️
الحياة دي فيها مُلسمات لو انت اتقبلتهم حياتك حتمشي زي الفل،
الناس لا يمكن تتفق معاك كلها،
ولا يمكن يتفقو معاك مية المية،
وإنت كإنسان لا يُمكن تبقى مثالي وعشرة على عشرة بدون أخطاء!❤️
هل أنا بكلامي دا بحبطك؟
إنك ما تسعى تتخلص من عيوبك؟
ولا تسعى تنال رضى الناس أبدا؟!
لا أبداً أنا بس بديك الحقيقة،
ما عشان تبطل تحاول إنما عشان تتعلم "تنتقي"،
تختار الناس البتستاهل،
تعدي ليهم الغلط،
تعدي ليهم المشاكل،
تتجاوز ليهم بعض الصفات،
تبرر ليهم وتحاول تكسب ودهم،
وتبرز نفسك قدامهم بشكل جميل وعشانهم تتصلح وتصلح حياتك❤️
ما أي زول حيفهمك،
ولا أي زول حيتقبلك!
أما نفسك،
معلوم إننا بشر،
من اول خلقنا غلطنا،
ولحد اخر يوم حنغلط،
العبرة ما في المثالية،
وربنا لم خلق لينا الكون كان بإمكانوا يجيبنا ملائكة،
بدون مشاعر،
بدون شهوات،
بدون أغلاط،
بدون ذاكرة نساية،
بدون ناس بتعمل غلط فنحن نقوم نتشبه بيهم،
كان ممكن يجيبنا ملائكة خمسة نجوم ولا غلطة،
بيغلبوا؟🦋
لكن جابنا بشر،
بنغلط،
بنهفو،
بنتبع غرائزنا،
ومعانا شياطين انس وجن،
عشان يشوف منو الحيقدر يتغلب على دا كلو،
ويمسك في طريق ربنا،
منو الحيقع ويرجع يقوم تاني،
منو اللي لم نفسه تغلبه ويغلط،
..يرجع ويتوب ويستغفر❤️
#خِتاماً
الحياة محتاجة منك بس توازن وتتقبل نفسك وغيرك وتسعى تغير للأحسن🦋
لو وصلتو لحدي هنا ما أوصيكم دي صفحة الإستور اعملوا متابعة Nani Store
https://whatsapp.com/channel/0029VbBlkAHF6sn4GK5QUg43
❤️
#الفاطمة_فتحي
#بزنس
#محتوى
وشنو هو أكتر عيب فيك الناس بتشوفو و نفسك تتخلص منو؟
مساءُ الخيرِ يا سُكر ❤️
الحياة دي فيها مُلسمات لو انت اتقبلتهم حياتك حتمشي زي الفل،
الناس لا يمكن تتفق معاك كلها،
ولا يمكن يتفقو معاك مية المية،
وإنت كإنسان لا يُمكن تبقى مثالي وعشرة على عشرة بدون أخطاء!❤️
هل أنا بكلامي دا بحبطك؟
إنك ما تسعى تتخلص من عيوبك؟
ولا تسعى تنال رضى الناس أبدا؟!
لا أبداً أنا بس بديك الحقيقة،
ما عشان تبطل تحاول إنما عشان تتعلم "تنتقي"،
تختار الناس البتستاهل،
تعدي ليهم الغلط،
تعدي ليهم المشاكل،
تتجاوز ليهم بعض الصفات،
تبرر ليهم وتحاول تكسب ودهم،
وتبرز نفسك قدامهم بشكل جميل وعشانهم تتصلح وتصلح حياتك❤️
ما أي زول حيفهمك،
ولا أي زول حيتقبلك!
أما نفسك،
معلوم إننا بشر،
من اول خلقنا غلطنا،
ولحد اخر يوم حنغلط،
العبرة ما في المثالية،
وربنا لم خلق لينا الكون كان بإمكانوا يجيبنا ملائكة،
بدون مشاعر،
بدون شهوات،
بدون أغلاط،
بدون ذاكرة نساية،
بدون ناس بتعمل غلط فنحن نقوم نتشبه بيهم،
كان ممكن يجيبنا ملائكة خمسة نجوم ولا غلطة،
بيغلبوا؟🦋
لكن جابنا بشر،
بنغلط،
بنهفو،
بنتبع غرائزنا،
ومعانا شياطين انس وجن،
عشان يشوف منو الحيقدر يتغلب على دا كلو،
ويمسك في طريق ربنا،
منو الحيقع ويرجع يقوم تاني،
منو اللي لم نفسه تغلبه ويغلط،
..يرجع ويتوب ويستغفر❤️
#خِتاماً
الحياة محتاجة منك بس توازن وتتقبل نفسك وغيرك وتسعى تغير للأحسن🦋
لو وصلتو لحدي هنا ما أوصيكم دي صفحة الإستور اعملوا متابعة Nani Store
https://whatsapp.com/channel/0029VbBlkAHF6sn4GK5QUg43
❤️
#الفاطمة_فتحي
#بزنس
#محتوى
❤1
هل الميديا عندها تأثير سلبي على حياتك؟
شاركنا
مساءُ الخيرِ يا سُكر ❤️
من أهم أهم المساوئ اللي عملتها الميديا في حياتنا؛
إنها خلتنا في حالة مُقارنة دائمة،
بين حياتنا وحياة الناس ديك..!
خلتنا دائما حاسين انو دي ما الحياة المفروض نعيشها،
عايزين بيت زي المشهور الفلاني،
وملابس زي المودل هناية..
ونفطر مع شروق الشمس في جزر الملاديف،
والطيارة الخاصة تودينا لندن.
ولاب لاب لاب
..
أحكي ليكم حكاية بخصوص الموضوع دا؟!
"طبعاً موافقين ما بنتظركم تردو 🙈"
واحدة في قروب استشارات للبنات،
بتحكي انها كانت رافعة في الاستوري صورة فيها دهب وقروش وكدا،
وكاتبة انو دي العيدية النفسها فيها،
فقام زوجها أو خطيبها اتفاعل مع الاستوري بطريقة باردة وجافة، ما زي ما كانت متوقعة..
وطبعاً نصايح البنات ما تديك الدرب الطلعتو بخيل والطلعتو اناني وناقص وما عارفة شنو...!
تعليقي على القصة دي كان مختلف شوية وشفت الموضوع من وجهة نظر مختلفة،
حاحكيها من باب النصيحة،
بما انو الأغلبية من متابعين الصفحة فراشات!🦋
قريت قبل فترة كتاب إسمه "للرجال فقط"؛
حتقولو لي إسمه للرجال فقط قريتيه لشنو؟ حأقول ليكم فضول، والحمدلله الإسم طلع للجذب فقط..المهم..
أدهم شرقاوي هدفه من الكتاب،
إنو يوري النساء طبيعة الرجل والعكس،
بطريقة شرعية ودينية تسهل عليهم منظومة الشراكة الشرعية!
وفي ثنايا المواضيع تكتشف إنو تركيبة الرجل النفسية والطبيعية،
بتحتم عليه إنو يشيل المرأة الفي حياته،
أمه أو بنته أو أخته أو زوجته،
رجولته عندو بترتبط بالمعنى دا،
انو يكون هو المُعيل ليهم بعد الله سبحانه وتعالى وما ينقص منهم شيء،
ودا واحد من معاني القوامة،
وأي خلل في النقطة دي بحسسه بالعجز،
وإنه مُقصر،
فعشان كدا بتلقوهم بتقطعو في الشغل ليل نهار،
والواحد يجي يتبسط وهو بيصرف تعبه على أهل بيته.
وبالمناسبة دي من رحمة ربنا بينا نحن النساء.
فلقيت نفسي تلقائياً بسأل سؤال:
ليه عشان أنا أتابع التريند والميديا،
أحسس أبوي التعبان بي إنو ما قدر يوصلني المرحلة النفسي فيها،
ليه أحسس أخوي أو شريك الحياة إنو هو مُقصر،
والتعب النحن أكيد ما غايب عننا،
نضيعو بي إستوري سخيف عبيط؟
ليه الميديا تتحول من مكان مفروض يكون ترويح للنفس،
وتواصل،
وشغل،
وتعليم،
لي مكان ينقص علينا حياتنا،
يسبب لينا مشاكل وخلافات نحن في غنى عنها!
وحأقول ليك يا فراشة،
عايزة تحولي حياتك لي جحيم ركزي مع حياة غيرك،
وقارني بينك وبين فلانة،
وبين شريكك أخوك أبوك،
والتبع فلانة!
البنشوفه في الميديا دا عمرو ما كان الطبيعي،
الناس قدام الكاميرا زي ما بتستخدم فلاتر لي وجوههم،
بيستخدمو فلاتر لي حياتهم وبيوتهم،
بيصورو في أحسن حتى،
في أحسن وقت،
في أحسن حال..
وحتى لو كان دا الطبيعي في حياتهم،
نحن ما عارفين دفعو الثمن شنو عشان ياخدوه،
بلاش تقعدي تقارني،
وتعايني للنعمة العند غيرك،
أشكري ربك على العندك،
ومن حسن المعاشرة إني أهتم بصحة أسرتي النفسية كمان،
فبلاش نحسس بعض بالأقلية، أو العجز❤️
#خِتاماً
الوعي في الحياة بي نفسنا،
وبي حقيقة حياتنا،
وبي مشاعر ناسنا ضروري 🦋
الحياة بتبقى ساهلة لمن نحن نخفف على بعض.
#فاطمة_فتحي.
شاركنا
مساءُ الخيرِ يا سُكر ❤️
من أهم أهم المساوئ اللي عملتها الميديا في حياتنا؛
إنها خلتنا في حالة مُقارنة دائمة،
بين حياتنا وحياة الناس ديك..!
خلتنا دائما حاسين انو دي ما الحياة المفروض نعيشها،
عايزين بيت زي المشهور الفلاني،
وملابس زي المودل هناية..
ونفطر مع شروق الشمس في جزر الملاديف،
والطيارة الخاصة تودينا لندن.
ولاب لاب لاب
..
أحكي ليكم حكاية بخصوص الموضوع دا؟!
"طبعاً موافقين ما بنتظركم تردو 🙈"
واحدة في قروب استشارات للبنات،
بتحكي انها كانت رافعة في الاستوري صورة فيها دهب وقروش وكدا،
وكاتبة انو دي العيدية النفسها فيها،
فقام زوجها أو خطيبها اتفاعل مع الاستوري بطريقة باردة وجافة، ما زي ما كانت متوقعة..
وطبعاً نصايح البنات ما تديك الدرب الطلعتو بخيل والطلعتو اناني وناقص وما عارفة شنو...!
تعليقي على القصة دي كان مختلف شوية وشفت الموضوع من وجهة نظر مختلفة،
حاحكيها من باب النصيحة،
بما انو الأغلبية من متابعين الصفحة فراشات!🦋
قريت قبل فترة كتاب إسمه "للرجال فقط"؛
حتقولو لي إسمه للرجال فقط قريتيه لشنو؟ حأقول ليكم فضول، والحمدلله الإسم طلع للجذب فقط..المهم..
أدهم شرقاوي هدفه من الكتاب،
إنو يوري النساء طبيعة الرجل والعكس،
بطريقة شرعية ودينية تسهل عليهم منظومة الشراكة الشرعية!
وفي ثنايا المواضيع تكتشف إنو تركيبة الرجل النفسية والطبيعية،
بتحتم عليه إنو يشيل المرأة الفي حياته،
أمه أو بنته أو أخته أو زوجته،
رجولته عندو بترتبط بالمعنى دا،
انو يكون هو المُعيل ليهم بعد الله سبحانه وتعالى وما ينقص منهم شيء،
ودا واحد من معاني القوامة،
وأي خلل في النقطة دي بحسسه بالعجز،
وإنه مُقصر،
فعشان كدا بتلقوهم بتقطعو في الشغل ليل نهار،
والواحد يجي يتبسط وهو بيصرف تعبه على أهل بيته.
وبالمناسبة دي من رحمة ربنا بينا نحن النساء.
فلقيت نفسي تلقائياً بسأل سؤال:
ليه عشان أنا أتابع التريند والميديا،
أحسس أبوي التعبان بي إنو ما قدر يوصلني المرحلة النفسي فيها،
ليه أحسس أخوي أو شريك الحياة إنو هو مُقصر،
والتعب النحن أكيد ما غايب عننا،
نضيعو بي إستوري سخيف عبيط؟
ليه الميديا تتحول من مكان مفروض يكون ترويح للنفس،
وتواصل،
وشغل،
وتعليم،
لي مكان ينقص علينا حياتنا،
يسبب لينا مشاكل وخلافات نحن في غنى عنها!
وحأقول ليك يا فراشة،
عايزة تحولي حياتك لي جحيم ركزي مع حياة غيرك،
وقارني بينك وبين فلانة،
وبين شريكك أخوك أبوك،
والتبع فلانة!
البنشوفه في الميديا دا عمرو ما كان الطبيعي،
الناس قدام الكاميرا زي ما بتستخدم فلاتر لي وجوههم،
بيستخدمو فلاتر لي حياتهم وبيوتهم،
بيصورو في أحسن حتى،
في أحسن وقت،
في أحسن حال..
وحتى لو كان دا الطبيعي في حياتهم،
نحن ما عارفين دفعو الثمن شنو عشان ياخدوه،
بلاش تقعدي تقارني،
وتعايني للنعمة العند غيرك،
أشكري ربك على العندك،
ومن حسن المعاشرة إني أهتم بصحة أسرتي النفسية كمان،
فبلاش نحسس بعض بالأقلية، أو العجز❤️
#خِتاماً
الوعي في الحياة بي نفسنا،
وبي حقيقة حياتنا،
وبي مشاعر ناسنا ضروري 🦋
الحياة بتبقى ساهلة لمن نحن نخفف على بعض.
#فاطمة_فتحي.
❤1
حاجة كانت مضايقاكم في نفسكم...
وقدرتو غيرتوها؟
مساءُ الخيرِ يا سُكر ❤️
إنك تنشغل بي نفسك دي زاتو نعمة والله"!🦋
أحكي ليكم حكاية قبل نبدأ:
من سنة 22 ونحن برالمة في الجامعة..
عندي صحبتي...
كانت ما شاء الله تبارك الله قدوة في تعاملها مع الناس،
وقوة شخصيتها،
كانت إنسانة ساعية بمعنى الكلمة إنها تطلع أفضل نسخة منها!🦋
وكان عندنا مجموعة سناير لطيفين خالص،
فأنا وكم واحدة من صحباتي دخلنا فيهم بي سرعة واتعرفنا عليهم،
في يوم من الأيام..
صادف يوم محاضراتنا واتلاقينا معاهم وكانت نتايجهم بتاعت واحد من التيرمات،
فقعدنا نتكلم معاهم ونعرف درجاتهم...
بعد خلصنا قعدنا أنا وصحبتي ديك تحت شجرة وبنتونس..
فقامت قالت لي: فطوم فلانة ديك "صحبتنا من السناير" يا ربي تكون جابت كم لاقيناها قبل شوية بس ما ورتنا؟
وسكتت شوية...
بعدها قالت لي بصوت واطي كأنها بتكلم نفسها:
أنا مالي شاغلة نفسي بيها، يمكن هي ما عايزة تورينا، يلا ما حنسألها وإن شاء الله تكون جابت درجة حلوة🦋
عاينت لي صحبتي مسافة..
اتعجبت كيف إنها كسرت حواجز مخها كلها،
البتكون شغالة ليها:
يا ربي نجحت؟
سقطت؟
مالها ما ورتنا؟
بي حتة كلمات بسيطة شديد وشغلت نفسها عن صاحبتنا ديك🦋
...
موقفها دا لفت إنتباهي لي حاجة مُعينة:
ليه نحن لم نلقى نفسنا بنعمل حاجة غلط ولو كانت صغيرة..
بنخجل نعترف حتى بينا وبين نفسنا؟!
ليه ما بنوقف روحنا برانا كدا؟
بعد الموقف دا أنا ختيت حاجة واحدة في بالي؛
حياة الناس ما بتخصنا،
شغلهم ودراستهم ومواقف حياتهم البسيطة دي..
حاجة خاصة بيهم هم✨
الإنسان كل ما إنشغل بالناس،
فتركيزو حيتشتت عن نفسه،
كل ما قعدت تفكر..
فلان وعلان وعملوا وسوو..
اتاكد إنو حياتك حتفشل!
العايزة أقولوا ليك:
حب الإستطلاع دا غريزة جوانا،
وقدر ما تحاول تبعد نفسك عن حياة الناس،
حتلقى نفسك بطريقة أو أخرى عندك فضول اتجاههم،
ونحن فعلاً لو ما ضبطنا نفسنا حنتوه في الناس وعمايلهم،
فما عيب إني أشعر بالفضول،
العيب إني أستمر وأبحت ورا الناس واسأل وأتحشر🦋
#خِتاماً
الذكرني الكلام دا كلو..
موقف صغير حصل معاي قبل ٥ دقايق من كتابة البوست😂
أختي قالت لي أديني رقم فلانة،
لقيت نفسي ببساطة بقول ليها خليني استأذن منها وبرسلو ليك،
ما قلت ليها ليه عايزاه؟
مالها عايزة منها شنو؟
وسبحان الله حتى فضول إني أعرف ما حسيت بيه.
عكس من سنين، كان لم يجيني طلب زي دا..
لازم أعرف الموضوع من الصفر وأطلع عين الزول الطلب مني🤣
والحمدلله على هذه النعمة🦋
هل دا بيعني إنو ما عندي فضول أبدا؟
لا طبعاً..
بس بيعني إني قدرت أوجه فضولي، في حتة أنفع ومواقف أحسن وأقدر أستخدمه لم الموقف يسمح والموضوع يهمني أصلاً❤️
وعلى الموقف دا قيسوا ✨
أوصيكم إشتغلو على عاداتكم الصغيرونة دي،
وحسنو من نفسكم في أبسط الحاجات وشوفوا الفرق في حياتكم❤️
وصلتو لحدي هنا؟
يلا تابعوني في صفحة الإستور وعلقو واتفاعلو وأعملو دعوة لأصدقائكم✨
https://whatsapp.com/channel/0029VbBlkAHF6sn4GK5QUg43
#الفاطمة_فتحي #كاتبة_محتوى
وقدرتو غيرتوها؟
مساءُ الخيرِ يا سُكر ❤️
إنك تنشغل بي نفسك دي زاتو نعمة والله"!🦋
أحكي ليكم حكاية قبل نبدأ:
من سنة 22 ونحن برالمة في الجامعة..
عندي صحبتي...
كانت ما شاء الله تبارك الله قدوة في تعاملها مع الناس،
وقوة شخصيتها،
كانت إنسانة ساعية بمعنى الكلمة إنها تطلع أفضل نسخة منها!🦋
وكان عندنا مجموعة سناير لطيفين خالص،
فأنا وكم واحدة من صحباتي دخلنا فيهم بي سرعة واتعرفنا عليهم،
في يوم من الأيام..
صادف يوم محاضراتنا واتلاقينا معاهم وكانت نتايجهم بتاعت واحد من التيرمات،
فقعدنا نتكلم معاهم ونعرف درجاتهم...
بعد خلصنا قعدنا أنا وصحبتي ديك تحت شجرة وبنتونس..
فقامت قالت لي: فطوم فلانة ديك "صحبتنا من السناير" يا ربي تكون جابت كم لاقيناها قبل شوية بس ما ورتنا؟
وسكتت شوية...
بعدها قالت لي بصوت واطي كأنها بتكلم نفسها:
أنا مالي شاغلة نفسي بيها، يمكن هي ما عايزة تورينا، يلا ما حنسألها وإن شاء الله تكون جابت درجة حلوة🦋
عاينت لي صحبتي مسافة..
اتعجبت كيف إنها كسرت حواجز مخها كلها،
البتكون شغالة ليها:
يا ربي نجحت؟
سقطت؟
مالها ما ورتنا؟
بي حتة كلمات بسيطة شديد وشغلت نفسها عن صاحبتنا ديك🦋
...
موقفها دا لفت إنتباهي لي حاجة مُعينة:
ليه نحن لم نلقى نفسنا بنعمل حاجة غلط ولو كانت صغيرة..
بنخجل نعترف حتى بينا وبين نفسنا؟!
ليه ما بنوقف روحنا برانا كدا؟
بعد الموقف دا أنا ختيت حاجة واحدة في بالي؛
حياة الناس ما بتخصنا،
شغلهم ودراستهم ومواقف حياتهم البسيطة دي..
حاجة خاصة بيهم هم✨
الإنسان كل ما إنشغل بالناس،
فتركيزو حيتشتت عن نفسه،
كل ما قعدت تفكر..
فلان وعلان وعملوا وسوو..
اتاكد إنو حياتك حتفشل!
العايزة أقولوا ليك:
حب الإستطلاع دا غريزة جوانا،
وقدر ما تحاول تبعد نفسك عن حياة الناس،
حتلقى نفسك بطريقة أو أخرى عندك فضول اتجاههم،
ونحن فعلاً لو ما ضبطنا نفسنا حنتوه في الناس وعمايلهم،
فما عيب إني أشعر بالفضول،
العيب إني أستمر وأبحت ورا الناس واسأل وأتحشر🦋
#خِتاماً
الذكرني الكلام دا كلو..
موقف صغير حصل معاي قبل ٥ دقايق من كتابة البوست😂
أختي قالت لي أديني رقم فلانة،
لقيت نفسي ببساطة بقول ليها خليني استأذن منها وبرسلو ليك،
ما قلت ليها ليه عايزاه؟
مالها عايزة منها شنو؟
وسبحان الله حتى فضول إني أعرف ما حسيت بيه.
عكس من سنين، كان لم يجيني طلب زي دا..
لازم أعرف الموضوع من الصفر وأطلع عين الزول الطلب مني🤣
والحمدلله على هذه النعمة🦋
هل دا بيعني إنو ما عندي فضول أبدا؟
لا طبعاً..
بس بيعني إني قدرت أوجه فضولي، في حتة أنفع ومواقف أحسن وأقدر أستخدمه لم الموقف يسمح والموضوع يهمني أصلاً❤️
وعلى الموقف دا قيسوا ✨
أوصيكم إشتغلو على عاداتكم الصغيرونة دي،
وحسنو من نفسكم في أبسط الحاجات وشوفوا الفرق في حياتكم❤️
وصلتو لحدي هنا؟
يلا تابعوني في صفحة الإستور وعلقو واتفاعلو وأعملو دعوة لأصدقائكم✨
https://whatsapp.com/channel/0029VbBlkAHF6sn4GK5QUg43
#الفاطمة_فتحي #كاتبة_محتوى
❤1
أعترف أنني امرأة معقّدة بعض الشيء، وغريبة الأطوار.
أحب الكتب والروايات،
وأهجر الناس والأماكن المزدحمة،
ومولعة بالهدوء والصمت.
أحب القرب من صديقاتي،
ثم أغادرهن،
وأُفضّل الجلوس وحدي في بعض الأحيان.
أهوى قطط الشوارع،
وأنفر من الناس.
أحب الملابس الجديدة،
وأبغض الذهاب للشراء ومخالطة الناس.
أستمع إلى شكوى صديقتي المقرّبة باهتمام،
وأتجنّب الشكوى لها.
أحب الاستئناس،
ومع ذلك أُؤثر الوحدة أحيانًا.
أستطيع أن أجلس وحدي ليالي طويلة أقرأ، بل وأغوص في القراءة،
ومع ذلك يُصيبني الفتور عند مجالسة الناس.
قوية، وقد يبدو للبعض أنني حادّة،
ومع ذلك يُبكيني مشهد مسكينٍ عابر في طريقه.
أحب مساعدة الآخرين وترك أثر،
ومع ذلك أُفضّل التجنّب في معظم أوقاتي.
إنها أنا كما أريد، لا كما يريد الآخرون.
-إسراء علاء
أحب الكتب والروايات،
وأهجر الناس والأماكن المزدحمة،
ومولعة بالهدوء والصمت.
أحب القرب من صديقاتي،
ثم أغادرهن،
وأُفضّل الجلوس وحدي في بعض الأحيان.
أهوى قطط الشوارع،
وأنفر من الناس.
أحب الملابس الجديدة،
وأبغض الذهاب للشراء ومخالطة الناس.
أستمع إلى شكوى صديقتي المقرّبة باهتمام،
وأتجنّب الشكوى لها.
أحب الاستئناس،
ومع ذلك أُؤثر الوحدة أحيانًا.
أستطيع أن أجلس وحدي ليالي طويلة أقرأ، بل وأغوص في القراءة،
ومع ذلك يُصيبني الفتور عند مجالسة الناس.
قوية، وقد يبدو للبعض أنني حادّة،
ومع ذلك يُبكيني مشهد مسكينٍ عابر في طريقه.
أحب مساعدة الآخرين وترك أثر،
ومع ذلك أُفضّل التجنّب في معظم أوقاتي.
إنها أنا كما أريد، لا كما يريد الآخرون.
-إسراء علاء
❤1
شنو العادة السيئة..
اللي نفسك تتعالج منها؟؟
مساءُ الخيرِ يا سُكر ❤️
أنا مع مقولة: أكبر عدو للإنسان نفسه✨
بستغرب جداً فينا كبشر،
نحن يمكن الكائن الوحيد الممكن يأذي نفسه بنفسه وهو مُدرك و واعي لي دا،
والأذى دا ما إلا حاجة عظيمة ومصيبة،
مرات تصرفات صغيرة بس عوائدها السلبية،
بتكون كبيرة و جسيمة علينا!
بتذكر قبل فترة بنتونس أنا و واحدة صحبتي،
نحن الإتنين مهوسين بالإلتزام والشيفت كارير بتاعنا،
كنا بنضحك على نفسنا،
إنو كيف بنعمل خطط،
بنفضل نحاول نلتزم بيها أيام طويلة،
ونتعب نفسنا،
ونغير روتينا للأحسن،
ندخل عادات صحية،
ننوم بدري،
نصحى بدري،
نلتزم بعباداتنا،
نعمل تاسكاتنا و واجباتنا!
لحدي ما تبقى الدنيا حلوة و وردية،
ونبقى نحن ناس حلوين ملتزمين
ونسيب عادات سلبية كتيرة..
نتعب تعب المو.ت عشان نلتزم..
بس أول ما ننجح،
هوبااا نفسنا الأمآرة بالسوء تصحى وتقول كُجك كان ترجعو تنتكسو تاني!!
ونرجع تاني لنفس العادات السيئة،
وبعد فترة نرجع نخت برنامج عشان نصلح نفسنا..
وتدور الدائرة ونحن بنطحن نفسنا ونرجع نداويها!
بس الغريب والعجيب في الأمر،
إنو أنا كمان مؤمنة بمقولة تانية:
إنو أشطر طبيب للإنسان هو نفسه❤️
إنت البتقرر عن نفسك،
عايز اتعافى من الحاجة الفلانية،
عايز ابطل الصفة الفلانية،
عايز اجتهد في الموضوع الفلاني،
علاقتي مع ربنا بايظة عاوز اصلحها،
أمي وأبوي عايز ابرهم،
علاقتي الاجتماعية ما كويسة حاصلحها،
ولو عزمت على أمر حتعملو حتعملو بإذن الله.
بنسمع كتير إنو فلان عيان ليه فترة،
ما اتعالج،
الدواء ما بيدي مفعول،
وفي الختام الدكتور يقول المرض نفسي،
المريض رافض الإستجابة للدواء،
ودا بوريك إنو حتى المرض العضوي،
علاجه بيتحقق بي عزيمتك وتمسكك إنت بالعافية وإيمانك قبل كل شيء بالله تعالى❤️
#خِتاماً
أعرف إنو الحُفرة اللي إنت فيها، لو ما عزمت بنفسك إنك عاوز تطلع منها، لو كل العالم حيمد ليك يده ما حتطلع✨
النجاة من أي حاجة في الحياة دي بتبدأ من جواك إنت تحديداً❤️
لو وصلتو لحدي هنا فأهو إستورنا الظابط جداً ادعمونا باللايك والشير والتفاعل🙈✨
https://whatsapp.com/channel/0029VbBlkAHF6sn4GK5QUg43
#الفاطمة_فتحي
#كاتبة_محتوى #محتوى #gift #بزنس #تطويرالذات
اللي نفسك تتعالج منها؟؟
مساءُ الخيرِ يا سُكر ❤️
أنا مع مقولة: أكبر عدو للإنسان نفسه✨
بستغرب جداً فينا كبشر،
نحن يمكن الكائن الوحيد الممكن يأذي نفسه بنفسه وهو مُدرك و واعي لي دا،
والأذى دا ما إلا حاجة عظيمة ومصيبة،
مرات تصرفات صغيرة بس عوائدها السلبية،
بتكون كبيرة و جسيمة علينا!
بتذكر قبل فترة بنتونس أنا و واحدة صحبتي،
نحن الإتنين مهوسين بالإلتزام والشيفت كارير بتاعنا،
كنا بنضحك على نفسنا،
إنو كيف بنعمل خطط،
بنفضل نحاول نلتزم بيها أيام طويلة،
ونتعب نفسنا،
ونغير روتينا للأحسن،
ندخل عادات صحية،
ننوم بدري،
نصحى بدري،
نلتزم بعباداتنا،
نعمل تاسكاتنا و واجباتنا!
لحدي ما تبقى الدنيا حلوة و وردية،
ونبقى نحن ناس حلوين ملتزمين
ونسيب عادات سلبية كتيرة..
نتعب تعب المو.ت عشان نلتزم..
بس أول ما ننجح،
هوبااا نفسنا الأمآرة بالسوء تصحى وتقول كُجك كان ترجعو تنتكسو تاني!!
ونرجع تاني لنفس العادات السيئة،
وبعد فترة نرجع نخت برنامج عشان نصلح نفسنا..
وتدور الدائرة ونحن بنطحن نفسنا ونرجع نداويها!
بس الغريب والعجيب في الأمر،
إنو أنا كمان مؤمنة بمقولة تانية:
إنو أشطر طبيب للإنسان هو نفسه❤️
إنت البتقرر عن نفسك،
عايز اتعافى من الحاجة الفلانية،
عايز ابطل الصفة الفلانية،
عايز اجتهد في الموضوع الفلاني،
علاقتي مع ربنا بايظة عاوز اصلحها،
أمي وأبوي عايز ابرهم،
علاقتي الاجتماعية ما كويسة حاصلحها،
ولو عزمت على أمر حتعملو حتعملو بإذن الله.
بنسمع كتير إنو فلان عيان ليه فترة،
ما اتعالج،
الدواء ما بيدي مفعول،
وفي الختام الدكتور يقول المرض نفسي،
المريض رافض الإستجابة للدواء،
ودا بوريك إنو حتى المرض العضوي،
علاجه بيتحقق بي عزيمتك وتمسكك إنت بالعافية وإيمانك قبل كل شيء بالله تعالى❤️
#خِتاماً
أعرف إنو الحُفرة اللي إنت فيها، لو ما عزمت بنفسك إنك عاوز تطلع منها، لو كل العالم حيمد ليك يده ما حتطلع✨
النجاة من أي حاجة في الحياة دي بتبدأ من جواك إنت تحديداً❤️
لو وصلتو لحدي هنا فأهو إستورنا الظابط جداً ادعمونا باللايك والشير والتفاعل🙈✨
https://whatsapp.com/channel/0029VbBlkAHF6sn4GK5QUg43
#الفاطمة_فتحي
#كاتبة_محتوى #محتوى #gift #بزنس #تطويرالذات
❤1
🌸هذا المساء🌸
بحضر في حلقة من بودكاست شاي لبن، مصطفى النعيم كان مُستضيف _د. سلمى عبدالله المصباح_ ليها التحية، سألها في نُص الحلقة سؤال:
"آخر مرة بكيتي متين؟"
جاوبت عليه جواب طويل ومعاهو قصة زي ما بنحب ومعتادين منها، وفي نص كلامها قالت جملة لفتت إنتباهي جداً:
"إنو 90% من الغضب هو ألم في الحقيقة"!
وحقيقي نحن لم يصعب علينا شرح مشاعرنا خصوصاً لو كانت ألم أو حَزَن.. بنلجأ لطرق تانية نطلع بيها المشاعر دي وممكن تكون متطرفة جداً!
المنفذ الطبيعي جداً لشعور الألم انو نبكي أو نحكي!
إذا الإتنين ما إتوفرو أكيد حنلجأ لي منفذ تالت وممكن نسلُك طُرق عدوا.نية وغضب ومشاكل كتيرة لمُجرد إنو نحن نطلع الألم اللي ببساطة لو كنا "قلناه أو بكيناه" كان أفضل..!
نحن بطبيعتنا بشر، على الرغم من إختلافنا في رؤية الأشياء وتأثيرها علينا؛ ومدى حجم الضرر أو الأثر البيكتسبو كل واحد مننا من نفس الموقف..
إلا إننا نتفق على انو كلنا "بنزعل.. بنتجرح.. بنتألم.. بنغار.. بنفرح.. بنبكي.. بنغضب.. بنجي بالوحدة والحسد والكره وكمان الحب والإلفة"..💐
إختلافنا في تلقي المشاعر وطريقة تعبيرنا عنها ما بلغي حقيقتنا، ولو شفنا إنسان بعبر عن مشاعرو بي طريقة غريبة او عن.يفة نحن ما إعتدناها منو وخصوصاً لو كانت أقوى من الطبيعي في موقف ما يستحق.. الصح إنو نحتويه، نصححه، نساعده ينفس مشاعرو بطريقة سليمة..
ما ننفرو مننا بإسلوبنا ونشتمو وإنو إنت سيئ وبقيت غريب ولاب لاب...
كلامنا دا حيزيدو سوء وحيبعد عننا وما حيجي في يوم يقول:
أنا تعبان أو متأزم نفسياً، لأنو شاف إنو نحن ما مقدرين الشعور اللي هو بمر بيه ولا أديناه فرصة يقول..!
الأطفال علموهم يعبروا عن مشاعرهم في وقتها وبطريقة صحيحة، يبكو ويضحكو ويثرثرو عادي يمارسوا هويتهم الإنسانية.
#على_مشارف_الخِتام..
زي ما قالت سلمى: الغضب مرات ألم
أنا بقول ليك برضو:
- ردات الفعل القوية على مواقف ما بتستاهل أغلبها وراها صمت طوييل ما كان مفروض يكون!
- البكاء لو زاد وراهو كبّت
- والضحك لو زاد وراهو وجع كبير
- الصوت لم يعلى عن حدو وراهو محاولة تغطية نقص أو فرض شعور..!
- المشاعر مرات كتيرة نتيجة تربية أو مجتمع أو حتى ظروف كعبة؛ بنعبر عنها بطريقة سيئة وغريبة..!
🌸"لو شفت مني سوء خُت لي العذر مرات الحِمل ثقيل وأنا بس إنسان"🌸
#كاتبة_محتوى
#الفاطمة_فتحي.
بحضر في حلقة من بودكاست شاي لبن، مصطفى النعيم كان مُستضيف _د. سلمى عبدالله المصباح_ ليها التحية، سألها في نُص الحلقة سؤال:
"آخر مرة بكيتي متين؟"
جاوبت عليه جواب طويل ومعاهو قصة زي ما بنحب ومعتادين منها، وفي نص كلامها قالت جملة لفتت إنتباهي جداً:
"إنو 90% من الغضب هو ألم في الحقيقة"!
وحقيقي نحن لم يصعب علينا شرح مشاعرنا خصوصاً لو كانت ألم أو حَزَن.. بنلجأ لطرق تانية نطلع بيها المشاعر دي وممكن تكون متطرفة جداً!
المنفذ الطبيعي جداً لشعور الألم انو نبكي أو نحكي!
إذا الإتنين ما إتوفرو أكيد حنلجأ لي منفذ تالت وممكن نسلُك طُرق عدوا.نية وغضب ومشاكل كتيرة لمُجرد إنو نحن نطلع الألم اللي ببساطة لو كنا "قلناه أو بكيناه" كان أفضل..!
نحن بطبيعتنا بشر، على الرغم من إختلافنا في رؤية الأشياء وتأثيرها علينا؛ ومدى حجم الضرر أو الأثر البيكتسبو كل واحد مننا من نفس الموقف..
إلا إننا نتفق على انو كلنا "بنزعل.. بنتجرح.. بنتألم.. بنغار.. بنفرح.. بنبكي.. بنغضب.. بنجي بالوحدة والحسد والكره وكمان الحب والإلفة"..💐
إختلافنا في تلقي المشاعر وطريقة تعبيرنا عنها ما بلغي حقيقتنا، ولو شفنا إنسان بعبر عن مشاعرو بي طريقة غريبة او عن.يفة نحن ما إعتدناها منو وخصوصاً لو كانت أقوى من الطبيعي في موقف ما يستحق.. الصح إنو نحتويه، نصححه، نساعده ينفس مشاعرو بطريقة سليمة..
ما ننفرو مننا بإسلوبنا ونشتمو وإنو إنت سيئ وبقيت غريب ولاب لاب...
كلامنا دا حيزيدو سوء وحيبعد عننا وما حيجي في يوم يقول:
أنا تعبان أو متأزم نفسياً، لأنو شاف إنو نحن ما مقدرين الشعور اللي هو بمر بيه ولا أديناه فرصة يقول..!
الأطفال علموهم يعبروا عن مشاعرهم في وقتها وبطريقة صحيحة، يبكو ويضحكو ويثرثرو عادي يمارسوا هويتهم الإنسانية.
#على_مشارف_الخِتام..
زي ما قالت سلمى: الغضب مرات ألم
أنا بقول ليك برضو:
- ردات الفعل القوية على مواقف ما بتستاهل أغلبها وراها صمت طوييل ما كان مفروض يكون!
- البكاء لو زاد وراهو كبّت
- والضحك لو زاد وراهو وجع كبير
- الصوت لم يعلى عن حدو وراهو محاولة تغطية نقص أو فرض شعور..!
- المشاعر مرات كتيرة نتيجة تربية أو مجتمع أو حتى ظروف كعبة؛ بنعبر عنها بطريقة سيئة وغريبة..!
🌸"لو شفت مني سوء خُت لي العذر مرات الحِمل ثقيل وأنا بس إنسان"🌸
#كاتبة_محتوى
#الفاطمة_فتحي.
❤3