مولود للمهدي عجل الله فرجه
على طور
اكبر معجزه العباس /سواها
🍁🍁🍁🍁🍁
ذخر الله اوعلي /دنيانه ظواها

كل فرحه اوسعد للشيعه ظماها
ذخر الله اوعلي /دنيانه ظواها

هاذا اليوم نرجس نورها جاها

ذخر الله وعلي /دنيانه ظواها

ببن المصطفى الباري علاها

ذخر الله اوعلي /دنيانه ظواها

صلو وارفعو الاصوات للطاها

ذخر الله اوعلي/دنيانه ظواها

جانه اظماد كل علتنا ودواها

ذخر الله اوعلي /دنيانه ظواها

بيه امة محمد اشكثر تتباها

ذخر الله اوعلي /دنيانه ظواها

اطلب حاجتك هاليوم تلكاها

ذخر الله اوعلي /دنيانه ظواها

عجل بالفرج كل يوم كلناها

ذخر الله وعلي/دنيانه ظواها

شفاعه من محمد وال نرجاها

ذخر الله وعلي/دنيانه ظواها
🌹🌹🌹🌹
تمت بعون الله ✍
https://t.me/fatima2000ss

مولود موشح بهوسه
للامام المنتظر عجل الله فرجه
بطور/حسين المايفرحله/مامحسوب من الخدام

🍁🍁🍁🍁🍁🍁
عجل يبن الزهره/ ظهورك يحيينه 
🍁🍁🍁🍁🍁
تدري دنيه ابدونك

ظلمه والحب لونك

خوفي ليشوفونك

اعداكم ويحسدونك

كلمن عاده المهدي/ حصوه انخلي  ابعينه

عجل يبن الزهره/اظهورك يحيينه
🍁🍁🍁🍁🍁
انته نور ايامي

بهجتي واحلامي

بيك كافي اسلامي

جبر كلبي الدامي

تنثر خير اوفرحه/ظلمه وتضوينه

عجل يبن الزهره /ظهورك يحيينه
🍁🍁🍁🍁🍁
الضلع تاخذ ثاره

الكلب تطفي ناره

ابسيفك البتاره

الظلم تنهي اشراره
اتصيح الباطل وينه/  يحفر لسنينه

عجل يبن الزهره /ظهورك يحيينه
🍁🍁🍁🍁🍁🍁
الصبح يزهي انواره

الله حامي اسراره

من عهد لبراره

الجنًه كلها داره

حجة الله المهدي/امودعها اوبينه

عجل يبن الزهره/ ظهورك يحيينه
🍁🍁🍁🍁🍁🍁
هلا ابنور اسرارها
 
شيعه ضوت دارها

اكلوب طفت نارها

من حظر خطارها

اشموع اوزينه انعلك/ جانا اليروينه
عجل يبن الزهره/ظهورك يحيينه
🍁🍁🍁🍁🍁
أخمصطعش شعبانه
انغيض بي عدوانه
المنتظر عنوانه
ابمهدي يعله شانه

ابسيف المرحب يرجع/بيه ايحامينه

عجل يبن الزهره /ظهورك يحيينه
🍁🍁🍁🍁🍁🍁
مهدي ذخر الباري

كال بيه اسراري

من صدق بخباري

ساكي من انهاري

ياهو اتمسك بالله/ وابحب يوفينه

عجل يبن الزهره/ظهورك يحيينه
🍁🍁🍁🍁🍁
تمت بعون الله✍
ام اسعد الشمريhttps://t.me/fatima2000ss

مولود لولادة الإمام المهدي

لحن المولود على مولاتي يامولاتي


مهدينه يامهدينه يامهدينه
كلنه اجينه بمولدك هنينه
نقدم تهانــي __ سيدي
بأاحلى الأماني __ سيدي
كلنه اجينه بمولدك هنينه


✫───⊹⊱❤️⊰⊹───✫

اجمــل تهاني نقدم بميلادك
نفرح بجيتك سيدي واعيادك
ونهني هذا اليوم بيك اجدادك
والكربله تعــنت الك وفـادك

ساحرنـه نورك __ سيدي
جينــه نزورك __ سيدي

بأحلى اناشيد الفرح سوينـه
مهدينه يامهدينه يامهدينـه

✫───⊹⊱❤️⊰⊹───✫

يلساكن بكل كلب شيعي أموالي
بيك انسعد وانسر صدك دلالي
بالنصف من شعبان جيت الغالي
والخير بصيارك علينـــه أيــلالي

منـك اجانـه __ سيدي
ونَـور سمانه __ سيدي

بأسمك بعالي صوتنـه نادينه
مهدينه يامهدينه يا مهدينــه

✫───⊹⊱❤️⊰⊹───✫

نادينه ياميت هلــه بميلاده
واليوم هنينه بصياره الساده
ونبارك بمولوده كل اجداده
وبكربله يصير الفرح واعياده

نجدد عهدنـه __ سيدي
ونعلن فرحنه __ سيدي

ياس أورد بالفرحه هل طشينه
مهدينه يامهدينه يامهدينــه

✫───⊹⊱❤️⊰⊹───✫

بميلاد سلطان العصر سيدنـه
ندعي الله بالمهدي يلم شملنه
تكبر الفرحه بطلعته استبشرنه
والأرض تفرح والسمه لفرحنه

ونعلكله شمعه __ سيدي
وتفرح البضعه __ سيدي

سر الوجود بطلعتك ولينــه
مهدينه يامهدينـه يامهدينـه

✫───⊹⊱❤️⊰⊹───✫

صاحب زماني وافخر بهيامي
كل يوم اسلمله ويرد سلامـي
مجنون بمحبته اعلنت غرامي
بالفرج ادعيله العجل امامي

ندعي لطلعته __ سيدي
بينــه محبتـه __ سيدي

مثـلـه حنين علينه مالكينــه
مهدينه يامهدينه يامهدينــه

✫───⊹⊱❤️⊰⊹───✫


2025

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
https://t.me/fatima2000ss

لا تنسوا نيه الصيام:
اللهُم إني نويت أن أصوم رمضان كاملاً لوجهك الكريم ايماناً وأحتساباً
اللهُم تقبل مني وأغفر لي فيه وبارك لي وزدني علماً يا الله

ذكروا بها غيركم🤍.

لطميه للأمام علي ؏ ( هاليوم مهضومه )


زينب بالحزن هاليوم مهضومه
ماشي للنجف عنهه يجيدومه
❥━──➸➽❥💔❥━──➸➽❥💔
ماشي للنجف يالمرتضى عنهه
وأسهام الحزن والضيم حاطنهه
ما بطل عليك أم الخدر ونهه
يصگار الزلم ما ينحمل يومه
❥━──➸➽❥💔❥━──➸➽❥💔
يا سور الحمايه الچان حاميهه
عنهه غربيت أو ما ترد ليهه
يا وسفه الحزن هالسير أعليهه
أدموع العين عالوجنات مرسومه
❥━──➸➽❥💔❥━──➸➽❥💔
بويه أتصيح زينب لا تخليني
يا والي اليتامه أو نور البعيني
عگبك يا علي لوعات تبريني
والفرحه بعد عيناك معدومه
❥━──➸➽❥💔❥━──➸➽❥💔
معدوم الفرح بعدك ولا شفته
وكل عزي أو دلالي اليوم فارگته
يا هالناس حيدر شال عن بته
جرحك بالضمير وسالت أدمومه
❥━──➸➽❥💔❥━──➸➽❥💔
أتعاين زينب أعلى الدار خليانه
تصرخ شال عزنه وشال ملفانه
ما كمل صلاته أو شهر رمضانه
روحي عالمصيبه اليوم مجسومه
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

السبت / ١٠ من شهر رمضان
الموافق / ٢٠٢٦/٢/٢٨
https://t.me/fatima2000ss

لطميه للأمام علي ؏ ( أبونه شال )


أبونه شال ويه جيت العيد
شفت نعشه مشه من داره لبعيد
❥━──➸➽❥💔❥━──➸➽❥💔
أصيامه ما كمل وأبشهر رمضان
وما نسمع بعد من صوته الأذان
الكوفه اليوم غطت بيهه الأحزان
على فگده الگلب نيرانه أتزيد
❥━──➸➽❥💔❥━──➸➽❥💔
خالي الدار منه ومن صلاته
عمت عين الدهر غيب صفاته
هاذي أعمامته وهاذي عباته
خايب يا دهر من عدنه شتريد
❥━──➸➽❥💔❥━──➸➽❥💔
رحت بويه وگلبنه أعليك مهضوم
نشم بهدومك ونتباچه كل يوم
أجانه العيد بالأحزان وأهموم
عگب وجهك يبويه الفرح ميفيد
❥━──➸➽❥💔❥━──➸➽❥💔
بعد بالعيد أبونه ما يجينه
ذكرنه گعدته الحلوه وبچينه
الغيبه يا علي طالت علينه
صعب فگد الأبو والونه متهيد
❥━──➸➽❥💔❥━──➸➽❥💔
يا بويه مشيت وعفت الأعيال
أخلافك يا علي كل الحمل مال
دمعنه دم عليك أعلى الوجن سال
ونيران الهجر بگلوبنه أتزيد
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأربعاء / ٧ من شهر رمضان
الموافق / ٢٠٢٦/٢/٢٥
https://t.me/fatima2000ss

*((من ديوان دموع وعبره في رثاء العتره))*
*قصيده حال مولاتنا زينب (ع)بعد فقد أبيها أمير المؤمنين (ع)*
*(طور قصيدة مسلم الكعبي ياعيوني)*

❥━──➸➽❥❂❥━──➸➽❥❂
    *يا ولينه ... تفارگينه*
*مودع بالله صحت  يمظلوم*
*آه يابويه آه يابويه آه يابويه آه يا بويه*

يا بويه هم ترد يوم ...والفرحة بالدار تحوم
يوم التجينه ...يوم التجينه
يابويه لو صار الليل ... و دموعنه عليك تسيل
ونصفك بدينه... ونصفك بدينه
وينك رحت منه بساع ...وسفه نمت حدر الگاع
مترد علينه ... مترد علينه
بدونك شنو تسوه الروح ...گلبي نمله هم وجروح
آه يا ولينه ... آه يا ولينه
ودعتني ... ما خذتني
ما ترد لينه بعد يمظلوم
آه يا بويه آه يا بويه آه يا بويه آه يا بويه
❥━──➸➽❥❂❥━──➸➽❥❂
اتمنه ارحل وياك ...هدملي حيلي فرگاك
يابو المحنه ...يابو المحنه
ما حسبت عني تروح ...بجفاك خلصت هالروح
ويثگل حملنه... ويثگل حملنه
ضليت اون طول الليل ...گلبي خلص منه الحيل
وانگطع ضنه ... وانگطع ضنه
اگظي العمر بس بالنوح ...والدمع لأجلك مسفوح
ويخلص املنه ...ويخلص املنه
ودعتني ... وحيرتني
بعيله وايتام وحرم يمظلوم
آه يابويه آه يابويه آه يابويه آه يا بويه
❥━──➸➽❥❂❥━──➸➽❥❂
بالحزن بعدك ضليت ...يابويه يا راعي البيت
موحش نزلنه ... موحش نزلنه
من بين كل هاي الناس ... تيتمت أخت العباس
اه يالكفلنه ... اه يالكفلنه
وانه أجر بس ونات ...گلبي انترس هم وآهات
اطشر شملنه...اطشر شملنه
اطشر شملنه اونيت...يابويه ترجع ياريت
وابعدت عنه ...وابعدت عنه
بالهظم عشت وبالاه ...واصرخ واصيحن ويلاه
ما يرجع النه ... ما يرجع النه
يالعفتني ... ما خذتني
بگيت انه بس اون يمظلوم
آه يا بويه آه يا بويه آه يابويه آه بويه
❥━──➸➽❥❂❥━──➸➽❥❂
ضنيت ترجعلي بيوم ...وتزيح عني الهموم
ونتلاگه ليله... ونتلاگه ليله
بلياك وحدي بالبيت ...يابويه بالهم ظليت
والدمع اسيله... والدمع اسيله
بس الدمع والحسرات ...اگظي العمر  باﻵهات
همومي ثگيله ...همومي ثگيله
يابويه رايح لا وين ...وبالحزن خليت حسين
وتبچي العقيله...وتبچي العقيله
فارگتني ... ما خذتني
وحشه وألهم والألم يمظلوم
آه يابويه آه يا بويه آه يابويه آه يا بويه
❥━──➸➽❥❂❥━──➸➽❥❂
يا بويه مني تبريت...نار بدليلي خليت
يوم العفتنه ...يوم العفتنه
ضليت أناشد بالدار ...بلكي تجيني الأخبار
يالضيعتنه ...يالضيعتنه
تمنيت اموتن وياك  ...ومحمل يبوبه فرگاك
يالفارگتنه ...يالفارگتنه
من روحتك خذت الروح ...بلياك گلبي مجروح
من ودعتنه ... من ودعتنه
ضيعتني ... ماخذتني
وعليك أصرخ كل وكت يمظلوم
آه يابويه آه يابويه آه يا بويه آه يا بويه

❥━──➸➽❥❂❥━──➸➽❥❂
*بقلم شاعرة اهل البيت ع*
*العلويه مريم النور نسألكم الدعاء الفاتحه الى روح اختي ولأمواتكم:🍃*
https://t.me/fatima2000ss

هوسات للأمام علي عليه السلام


يا وحشه الدار أخلاف واليهه
ضلمه وبس سواد أمخيم أعليهه
أشوف أنه الحزن للروح غاطيهه
《 مهضومه خلاني أفراگك 》
❥━──➸➽❥💔❥━──➸➽❥💔
أطب الكل مچان أتخيلك يمي
يل معوضني كلشي وبالأخص أمي
بعد المن أسولف ضيمي وهمي
《 أشكي أهمومي وأخلافك وين 》
❥━──➸➽❥💔❥━──➸➽❥💔
أبوي الخيمه چان اللملمت ولده
وشحده اليطبهه وگصده يتعده
مثل ماي برمل من أيدي وتبده
《 حيلي أبيومه حسيت أنهد 》
❥━──➸➽❥💔❥━──➸➽❥💔
أحس الحيل بعدك چوّر وراح
عگب ضحكتنه ذيچ أنعلي الأصياح
مثل حال الوگع ما بين الأرماح
《 عگب أنصاره الوحده أيضل 》
❥━──➸➽❥💔❥━──➸➽❥💔
وحيد أبلايه ناصر حيله مهدود
عليه كل الضاهري تحولن سود
لنوح أعليك نوح يجرح الأخدود
《 دمعت عيني من دم أصب 》
❥━──➸➽❥💔❥━──➸➽❥💔
أصب أعليك دم يجرّح العينين
وأعميهن عليك وداعت حسين
گصت بيه الليالي وتطلب بدين
《 ودلالي مهدوم الفگدك 》
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

الجمعة / ٩ من شهر رمضان
الموافق / ٢٠٢٦/٢/٢٧

https://t.me/fatima2000ss

*فزاعيه مع هوسات للامام علي(يا دفان ابو حسين)*
*من ديوان📚عبرات وانين ج٩*
❥━──➸➽❥❂❥━──➸➽❥❂
بهيده وياه يا دفان ابو حسين
تصيح الفاگده وتلطم عله العين
❥━──➸➽❥❂❥━──➸➽❥❂
بهيده وياه يا دفان ابونه
وسع حفرته من تدفنونه
بهيده نزله وغمض عيونه
*(مجروح ولا تاذي صوابه)*
❥━──➸➽❥❂❥━──➸➽❥❂
جرحه مألمه خل عينك عليه
نزله للگبر بس لا تأذيه
يا نوم اللحد ما لايگ عليه
*(يحلاله البيرغ و الهوسه)*
❥━──➸➽❥❂❥━──➸➽❥❂
يحله النوح وتلوگ العراضات
شالو حيدره گاضي الكلافات
هذا البالمعارك والفراضات
*(يندبونه باوكات الشده)*
❥━──➸➽❥❂❥━──➸➽❥❂
لو صارت الشده الكل تندبه
ما رجع طلب للي يطلبه
نون عليه والماتم ننصبه
*(نعازيها والحره اليوم)*
❥━──➸➽❥❂❥━──➸➽❥❂
نعازيها اعله ابوها الراح منهه
مهظومه ويفت الصخر ونهه
عاف الدار ضلمه وشال عنهه
*(والدار تون عالعافاها)*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
https://t.me/fatima2000ss

*فزاعيه للامام علي(والعيد بان علينه)*
*من ديوان 📚 عبرات وأنين ج ٩*
❥━──➸➽❥❂❥━──➸➽❥❂
يابويه عن عيني رحت
     والعيد بان علينه
❥━──➸➽❥❂❥━──➸➽❥❂
العين بان هلاله
والدمعات هماله
الحادي نعشك شاله
لتروح وتخلينه
❥━──➸➽❥❂❥━──➸➽❥❂
لتروح بويه يا علي
عگبك تراني انولي
ضليت وحدي بلا ولي
الزمن داير بينه
❥━──➸➽❥❂❥━──➸➽❥❂
الزمن اخذاك وشلت
وعنه عينه وسفه ارحلت
بينه ابد ما فكرت
ياحيد ياوالينه
❥━──➸➽❥❂❥━──➸➽❥❂
يا حيد يربات الحرب
افراگك علينه صعب
يالخذت وصله من الگلب
اغيابك يأذينيه
❥━──➸➽❥❂❥━──➸➽❥❂
ياذي گلبنه اغيابك
اتنوح بويه احبابك
مسدود صبح بابك
والمسجد ايبچينه
❥━──➸➽❥❂❥━──➸➽❥❂
مسجدك خلوان اوحش
من يوم شالوه النعش
وينك يالمرجع الشمس
ما ترد ساعه لينه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
https://t.me/fatima2000ss

قصيدة عن الأمام ؏ـلي //؏//

مشنـه نروح والزينب نعزيها
وماتمم اصيامه ومات واليها
............................
ينزف راس ابو الحسنين
بالسيف انجسم نصيـــن
يازينب لفـــاج البيــــــن
گومي الطبرت المهيوب شديها
............................
كومـي للجـــــرح شديه
مايكـــــدر ينــام عليـــه
راس ابو الحسن شوفيه
واسمعي اليوم ياونه اليون بيها
............................
وزينب سمعت الـــونه
وراسه الدم يصب منه
كالت خـل اشــــــوفنه
وشافت راس ابوها ونغشه عليها
............................
زينب راح منها الحيـل
شافت دم ابوها يسيل
مايكــــــدر ينام اليـــل
وصلاته اليوم ضلت ما مصليها
............................
ماصلى القدر حيدر
ومن الراس مايكدر
ساعه والفجر ينطر
ولو صار الصبح زينب نعزيها
............................
نعـــزيها بالطـــم ونـــوح
راس ابو الحسن مجروح
باجر عن بنــــاته يـــروح
وديران النجف حيدر نزل بيها
............................
ياوديان النجف ورمال
راح اليصــــطر العيـال
يوم العيد حيــدر شال
والدار احزنت من شال راعيها
............................

الكاتبة: انوار حسن
الملاية: ماعرفة🥲

تفاعلـكم واشتراك .. جزاكـم الله خير
https://t.me/fatima2000ss

*هوسات للامام علي عليه السلام*
#من_ديوان_عبرات_وأنين_ج7
❥━──➸➽❥❂❥━──➸➽❥❂
صابو حيدر الكرار ياويلي على الهامة
وظل من الالم نحلان ولحظة الليل مانامة
الحرة ابحسرة تنظرلة چنهن گربن ايامة
*(يفگدونة //والدهم راح)*
❥━──➸➽❥❂❥━──➸➽❥❂
عمت عيني عليه اترادت احوالة
ومنة ايس الدكتور ياهالناس من جالة
طبرت حيدر امچيدة يزينب حيل چتالة
*(والسيف مسمم //من صابة)*
❥━──➸➽❥❂❥━──➸➽❥❂
ماينفع دوة للوالي حتى انطيه
تغير لونة ياوسفة وتفجع حالتة اتشوفيه
يزينب ودعي الغالي ونوحي ووني اعليه
*(وايعينچ الله//اعلى اوداعة)*
❥━──➸➽❥❂❥━──➸➽❥❂
گعدت يم ابوها تنوح بالحسرات وتشمة
تگلة اشلون تتركني وانة اعليك متعلمة
يابوية انفجع گلبي وعليك الروح منلچمة
*(وماحملة افراگك//تدريني)*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
https://t.me/fatima2000ss

فزاعيه لجرح الإمام علي ع

اليلة بهامته مصيوب مولانه
ينعاه العرش وانرجت اكوانه
.............
اليله حيدره مصيوب عالهامه
فايض بالدمه وغركانه العمامه
يلوج من الصواب وزايده الامه
حزني الحيدره وغيمي يدنيانه
(غيمي عليه / تصوب حيدر )
..............
الدنيه غيمت والكون يبجيله
صاحت ياعلي ياحامي دخيله
يحيدر والوحي ينعالك اليله
دين الله انهدم وانهدت اركانه
(عله المصابه/ جبريل الينعه)
.............
اليله من صرخ جبريل بسماها
غركت هامت الكرار بدماها
زينب سمعته والخبر هداها
تصيح بلافكر طلعت الحزنانه
(هد حيلي / من كال تصوب )
............
ماضل حيل بيه وغابت اللواني
علمك ياعلي عالراس طكاني
كمت الطم عليك وطايره اذهاني
يبويه الصوبك بالكلب صابانه
(عله عيوني / البين صوابه )
..........
هاليله مصيبه وحلت علينه
ياشيعة علي نصبو تعازينه
بالمحراب وإليكم مصوبينه
اليله الحك يشيعه مال ميزانه
(صابو راسه / اليله الحك)

✍أم زينب كربلاء غير مبري الذمه من ياخذ الكلام وينسبه له او يحذف الاسم

https://t.me/fatima2000ss

#الطميه_بديوان_بحر_الولاء_الجزء_٨_.


لطميه لأمير المؤمنين عليه السلام


يا حيف راعي الزود طبروا هامته
ابمحرابه سال ادماه او خضب جبهته
❥━──➸➽❥💔❥━──➸➽❥💔
وابوسط محرابه
صار الدمه اخضابه
الملعون ما هابه
دمه الشريف اليوم سال ابوجنته
❥━──➸➽❥💔❥━──➸➽❥💔
يا حيف ابو الحسنين
محزن عليه الدين
رج العلم صوبين
بلهامه ابو الحملات صارت طبرته
❥━──➸➽❥💔❥━──➸➽❥💔
ما تمم اصيامه
مضروب بلهامه
راعيهه الاعمامه
ابمسجد الكوفه اليوم صارت وكعته
❥━──➸➽❥💔❥━──➸➽❥💔
حامي الحمه الكرار
ما هابته الاشرار
شلهم عليه من ثار
ارتجت عليه سبع الشداد القصته
❥━──➸➽❥💔❥━──➸➽❥💔
راعي الحميه اليوم
محرابه فاض ادموم
ركن العلم مهدوم
واهتزت اركان العرش لمصيبته
❥━──➸➽❥💔❥━──➸➽❥💔
اشلون من كربوه
وابهامته صابوه
عدوان ما هابوه
ونّت ملائكة السماء الونته
❥━──➸➽❥💔❥━──➸➽❥💔
ما هابته العدوان
سيد الأنس والجان
عليه ينحب القرآن
وابفيض دم الهامه خضبو شيبته
❥━──➸➽❥💔❥━──➸➽❥💔
رج السما جبريل
ناده ابتوالي الليل
والدمع منه ايسيل
ابن المرادي شلون يوصل حضرته
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
https://t.me/fatima2000ss

قصيدة حول الامام علي ع وكأني بالسيدة زينب ع



مصيوب  السبع  وصوابه بالهامه
بدم راسه صبغ مصبوغه العمامه



مصيوب  السبع  والهامه مطبوره
كلي شكال خويه حسين دكتوره
مأجوره   ببوج    يكلها    ماجوره
بدء ويانه الوكت ياخويه بسهامه
مصيوب  السبع  وصوابه  بالهامه



خيمتنه   وسندنه   وفخر  دنيانه
عله ابونه انوب هذا لوكت وازانه
اليله   شحالنه    مطبور     ملفانه
عليه مكسور كلبي كسرت الجامه
مصيوب  السبع  وصوابه بالهامه



عليه مكسور كلبي  وحيلي هديته
ماينشد   يجرحه   وكوه   شديته
علي  بويه بونينك  كلبي  كسريته
عمرنه اخلاف ابونه ترخص ايامه
مصيوب  السبع  وصوابه  بالهامه



ينزف   ما تلايم من  عمت عيني
احاجيه ويون  مابيه   يحاجيني
جنه يكول  زينب بويه ضمديني
وجنه يشيل عيب يتمم اصيامه
مصيوب  السبع وصوابه  بالهامه



تغير  لون  ابوي   وعينه  غمضها
مسلهم  والوساده بدمه  فيضها
رض روحي بونينه ياخلك رضها
ياجد   الولد  هل  وكت   مادامه
مصيوب السبع  وصوابه بالهامه


✍ الشاعرة الحسينية ام كرار الساعدي

https://t.me/fatima2000ss

لطمية للأمام علي علي عليه السلام ( عالهامه انطبر )


عالهامه انطبر حامي الحميه
والله يعينكم ياجعفريه
وگضاي الكلافه ... يون وماتشافه
وباچر تاخذه چفوف المنيه
والله يعينكم ياجعفريه


الله ايعينكم ياشيعته اليوم
حيدركم وگع مايگدر يگوم
تنزف هامته والراس مهشوم
وعينه امساهره وماضاگت النوم
گاعد للصبح ماغفه شويه
والله يعينكم ياجعفريه


گاعد للصبح مانام ساعه
ياحيف انهدم سور الشفاعه
اشلون يگوم ويصلي الجماعه
لازم طبرته وباجر وداعه
وثگلت ونته وصارت خفيه
والله يعينكم ياجعفريه


ثگلت ونته وصارت ثگيله
حيدر وانهدم ثلثين حيله
يم راسه الحسن يقره العديله
باجر ياخذه الموت ويشيله
وضل الموت يفتر عالشفيه
والله يعينكم ياجعفريه


ضل الموت يفتر فوگ منه
اتصيح ام البنين اوياك اخذنه
وزينب نشدت العباس عنه
باچر گالهه تگضي المحنه
والدكتور ايس هاي هيه
والله يعينكم ياجعفريه


عاين هامته وايس الجراح
وضل حسين يصفگ راح بالراح
مامرتاح گلبه اشلون يرتاح
وياعباس يوليدي علي صاح
خل اوصيك واسمع هالوصيه
والله يعينكم ياجعفريه


ياعباس اوصيك بعضيدك
وزينب سلمتهه امن ايدي ليدك
صير الهم سند بالطف اريدك
اعرفنك سبع والحرب عيدك
صل وماتهاب اجيوش اميه
والله يعينكم ياجعفريه



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص
https://t.me/fatima2000ss

لطمية للأمام علي عليه السلام


واعليآ .. واعليآ .. وآعلي


ياعلي الكرار ياحامي الحمه
صاح جبرائيل بركان السمه
راسك المطبور يتناگط دمه
فارغ المحراب والمنبر خلي


فارغ المحراب والمنبر حزين
تلطم اعليك وتنادي ام البنين
لاتشيل ابساع ريض يالحنين
هاك عمري وبالعمر بعدك شلي


هاك روحي وهاك كلشي والعمر
ياعلي اسم الله عليك امن الگبر
راسك المرفوع وسفه ينطبر
ياندامه بسيف حاقد تنولي


ياندامه تنولي بسيف الحقد
لايطيب اصوابك ولاينضمد
بالهضم والنوح دلالي انمرد
هم البگلبي بعد ماينجلي


هم البگلبي جبل ماينمحي
تلطم اعليك الرساله والوحي
والطبر راسك نذل مايستحي
كون تسلم هامتك والطبره الي


كون صوبني وطبر راسي النذل
كلشي عندي يهون بس اتضل عدل
ياعلي باچر عزيزك ينچتل
لاخيم زينب تضل ولاولي


لاخيم زينب تضل ولاكفيل
دم ابو السجاد بالحومه يسيل
ياعلي والنار توصل للعليل
بالمصايب والنوايب يبتلي


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر
https://t.me/fatima2000ss

لطمية للأمام علي عليه السلام (( نلطم الليله ))


عالهامات گومن نلطم الليله
ابو اليمه تصوب وانهدم حيله


نذكر هامته ونلطم عله الهامه
ماكمل صلاته وفارگ اصيامه
لايوگف بعد لاينگل اجدامه
(( وحسين شلون يتچيله ))


بالگوه الحسن وحسين تچوله
بينه اصواب راسك كون گالوله
وزينب ماتنام الليل مذهوله
(( كلساع تنوح وتبچيله ))


كلساع وتون اگبال والدهه
تعاين طبرته وماتگدر تشدهه
الله ايعينهه والله اليساعدهه
(( وتشوفه يودع بالعيله ))


من هسه الحنين يوادع اعياله
تنزف طبرته وكلش خطر حاله
عين ام الحزن للصبح هماله
(( وامضيعه الچانت تشكيله ))


ضيعته الشفيه تگول ضيعته
للعازه الچبيره وللحمل ردته
باچر مايضل ويعوف عايلته
(( بالضيم يخلي امداليله ))


نشبع ضيم باچر من يشيلونه
ادفنوني اگلهم لاتدفنونه
بلكت من احشمه يفتش عيونه
(( ريضلي وبطل هالشيله ))


لاترحل يبويه اتريض شويه
حيلي اوياك اخذته وحيل مابيه
لبو اليمه علي شدن اللطميه
(( يستاهل حماي ادخيله ))


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر
https://t.me/fatima2000ss

اللهي بِفاطم بِعلي ، بالحُب المَلكوتي