የሳተር..🧘🏽‍♂

ችኩሏ ቤዛ
(ሀሊድ......)
‎
‎ ቤዛ! ስስ ልብ አላት፣ከሰው ጋር መግባባት ትወዳለች፣ከሰውም ብዙ ትጠብቃለች... የምትጠብቀው የሰው 'ርሀብ ስላለባት ነው። በሰወች ዝቅ መደረግና ችላ መባል ሆድ ያስብሳታል። መጥፎ ባህሪዋ ደግሞ ችኩልነቷ ነው። ቤዛ ሲበዛ ችኩል ናት፣ብዙ ስህተቶችን በችኮላ ብትሰራም መጥፎውና ከባዱ ግን በእለተ ሀሙስ ቀን የተፈጠረው ክስተት ነበር።
‎
‎ እለተ ሀሙስ
‎
‎በእለተ ሀሙስ አንድ አሜሪካ ውስጥ በምቾትና በተድላ የምትኖር የነ-ቤዛ ጓደኛ ዝምታዋን ከመስበሯ በተጨማሪ ስጦታ በቪትስ መኪና አጠራቅማ ላከች፣ ስጦታውን የያዘው መኪና ሰፈር ውስጥ ሁነኛ ቦታ ላይ ቁሟል። ቤዛ እና የቤዛ ጓደኞች በሙሉ በቅጥበታት መሀከል ቪትስ መኪናዋን እንደ ጉድ ከበዋት ቆሙ፣ መኪናዋን የሚሾፍራት ጠንበርበር ያለ ጠብደል ከውጭ ቁሞ በየተራ ስማቸውን በመጥራት ስጦታውን ያድላቸው ጀመር።
‎
‎"ሜሮን! ሳባ! ኢክራም!..." የመኪናው ሹፌር ከያዘው ወረቀት ላይ የተነሸጠውን ስም እየጠራ በአብረቅራቂ ላፒስ የተሽሞነሞነውን ጥቅል ያድላቸው ጀመረ። በዚህ መሀል ቤዛ! ተራዋ አልደርስሽ አላት... ሌሎች ጓደኞቿ እየተጠሩ ስጦታቸውን ሲወስዱ ቤዛ ግን፦ "እህህ! ቆይ እኔ ከሁሎቹም በላይ ውድ ጓደኛዋ አልነበርኩምን? ታድያ ለኔ መጀመሪያ እንደመስጠት መጨረሻ!..." እያለች ማማረር ጀመረች፣ይህም አልሆነ፣ የስጦታ ጥቅሎች ሁለት ብቻ ቀሩ፣ ቤዛ ግን ስሟ አልተጠራም።
‎
‎ወደ ሹፌሩ ጠጋ አለችና ከዝርዝሩ ላይ ስሟን አየችው... ደነገጠች! ጭራሹን ስሟ ከዝርዝሩ ላይ አልነበረም። 'ባለቤቱ ያቀለለውን አሞሌ ባለ እዳ አይቀበለውም...' ብላ ሹፌሩ ላይ አላቅራራችም። በጓደኛዋ ስራ እያፈረች መጨረሻ ላይ ሳትሰጥ ስትቀር ጓደኞቿ እንዳያሸማቅቋት በመስጋት ቦታውን ለቃ ተፈተለከች... ቤቷ ገብታ እሪ፣ እንቧ አለች፣ በዚህ ስሜት ውስጦ ሁና ለጓደኛው እንዳዘነቺባትና፡ እንደጠላቻት፣ የለለ ነገር እየፈጠረች የለለ ጥላቻዋን የሚገልጥ መልዕክት በስልኳ ላከችላት፣
‎
‎አይ ችኩሏ ቤዛ! የስጦታ ጥቅሎች ላይ አይኗን ስታተራምስ የስጦታ ጥቅሎችን የያዘውን ቪትስ መኪና ዘነጋችው፡ ያ! ግርማ ሞገስ ያለው መኪና ለችኩሏ ቤዛ ታዞ ነበረ። ሹፌሩ ጥቅሎችን አራግፎ ከጨረሰ በኋላ መኪናውን ለቤዛ አስረክባታለሁ በሚል እሳቤ ቅድሚያ አልሰጣትም።,መጨረሻ ላይ ግን የስጦታ ጥቅሎችን አራግፎ መኪናውን ሊያስረክባት ቤዛን ብሎ ያማተረው አይኑ አላያት አለ።,ለአለቃው ደውሎ ቤቷ ሂዶ ሊሰጣት መሆኑን ሲነግራት ይህቺ አሜሪካዊ በቤዛ የችኮላ ንግግር ቆስላ ነበርና ዝም ብሎ እንዲመለስ አዘዘችው። በሂወት ውስጥ ክብርን የሚጋፋ ትዕግስን ሊኖረን ይገባል። ቤዛ ይህ መሳሪያ አልነበራትም።አይ ችኩሏ ቤዛ!

ye_satter

❤7👍3👏2

892 viewsedited 21:37