JAZIRAMA ISSIQ SHAROITIDA ELEKTR TAʼMINOTI BARQARORLIGI — USTUVOR VAZIFA

Yurtimizda kuzatilayotgan jazirama issiq ob-havo sharoitida aholi va iqtisodiyot tarmoqlarini uzluksiz elektr energiyasi bilan taʼminlash maqsadida Farg‘ona viloyatida elektr tarmoqlari va transformator punktlarida keng ko‘lamli profilaktik hamda nazorat ishlari izchil davom ettirilmoqda.

Shu maqsadda viloyat hokimi o‘rinbosari Hakimjon Dolimov hamda "Farg‘ona hududiy elektr tarmoqlari korxonasi" AJ bosh direktori Azizbek Saydaliyev Farg‘ona shahridagi "Jo‘ydam" mahalla fuqarolar yig‘ini hududida joylashgan 262-sonli transformator punkti faoliyati bilan yaqindan tanishdi. Ko‘rik davomida uskunalarning texnik holati, elektr yuklamalari, xavfsizlik talablari hamda amalga oshirilayotgan taʼmirlash ishlari atroflicha ko‘zdan kechirildi.

Mutaxassislar bilan muloqot chog‘ida bugungi murakkab ob-havo sharoitida bir lahza ham xotirjamlikka berilmaslik, har bir transformator punkti va elektr tarmog‘ini doimiy nazorat ostida saqlash, aniqlangan kamchiliklarni zudlik bilan bartaraf etish hamda barcha taʼmirlash va profilaktika ishlarini sifatli, tezkor va belgilangan muddatlarda bajarish yuzasidan aniq topshiriq va tavsiyalar berildi.

Shuningdek, Azizbek Saydaliyev yozning eng issiq kunlarida elektr energiyasiga bo‘lgan talab keskin ortayotganini inobatga olib, transformator punktlari va elektr tarmoqlarida profilaktik ishlarni jadallashtirish, mavjud kuch va vositalarni to‘liq safarbar etish hamda isteʼmolchilarga sifatli va uzluksiz elektr energiyasini yetkazib berish har bir energetikning ustuvor vazifasi ekanini alohida taʼkidladi.

Taʼkidlanganidek, yozning eng issiq kunlarida elektr energiyasiga bo‘lgan talab keskin ortadi. Bunday vaziyatda tizimning har bir bo‘g‘inida amalga oshirilayotgan masʼuliyatli mehnat minglab xonadonlar, ijtimoiy soha obyektlari va ishlab chiqarish korxonalarining uzluksiz elektr taʼminotini taʼminlashga xizmat qiladi.

"Farg‘ona hududiy elektr tarmoqlari korxonasi" AJ tomonidan barcha hududlarda nazorat va profilaktik tadbirlar kuchaytirilgan bo‘lib, transformator punktlari hamda elektr tarmoqlarida zarur texnik tadbirlar uzluksiz olib borilmoqda.

⚡️ t.me/farhetk_admin

BIRGINA EʼTIBORSIZLIK HAM BUTUN TARMOQ BARQARORLIGIGA SALBIY TAʼSIR KO‘RSATISHI MUMKIN

So‘ngi kunlarda elektr energiyasiga bo‘lgan talabning keskin ortishi elektr tarmoqlari va transformator punktlarida yuklamalarni mutanosib taqsimlash, uskunalarning texnik holatini doimiy nazorat qilish hamda profilaktik tadbirlarni o‘z vaqtida amalga oshirishni bugungi kunning eng muhim vazifalaridan biriga aylantirmoqda.

Shu maqsadda viloyat hokimi o‘rinbosari Hakimjon Dolimov Uchko‘prik tumanidagi "Bog‘ibo‘ston" mahalla fuqarolar yig‘ini hududida joylashgan 54-sonli transformator punktida olib borilayotgan nazorat va texnik ko‘rik ishlari bilan yaqindan tanishdi.

Ko‘rik davomida transformator punktining texnik holati, elektr yuklamalarining taqsimoti, kontakt birikmalarining ishonchliligi, uskunalarning ishchi holati hamda isteʼmolchilarga elektr energiyasini barqaror yetkazib berishga qaratilgan profilaktik tadbirlar atroflicha ko‘rib chiqildi.

Mutaxassislar bilan muloqot chog‘ida elektr tarmoqlari va transformator punktlarining har bir elementi uzluksiz nazorat ostida bo‘lishi lozimligi alohida taʼkidlandi.

Ayniqsa, yozning eng issiq kunlarida yuklamalarni to‘g‘ri taqsimlash, ortiqcha zo‘riqishlarning oldini olish, aniqlangan kamchiliklarni zudlik bilan bartaraf etish hamda taʼmirlash ishlarini sifatli va belgilangan muddatlarda yakunlash bo‘yicha zarur tavsiya va ko‘rsatmalar berildi.

Taʼkidlanganidek, elektr taʼminoti tizimida birgina eʼtiborsizlik ham butun tarmoq barqarorligiga salbiy taʼsir ko‘rsatishi mumkin.

Shu bois har bir transformator punkti, elektr uzatish tarmog‘i va taqsimlash qurilmasining ishonchli ishlashini taʼminlash, ularni muntazam texnik ko‘rikdan o‘tkazish va profilaktik xizmat ko‘rsatish energetiklarning ustuvor vazifasi hisoblanadi.

Hududlarda elektr tarmoqlari va transformator punktlarining ishonchli ishlashini taʼminlash, yuqori yuklama davrida yuzaga kelishi mumkin bo‘lgan nosozliklarning oldini olish hamda isteʼmolchilarga sifatli va uzluksiz elektr energiyasini yetkazib berishga qaratilgan amaliy ishlar izchil davom ettirilmoqda.

⚡️ t.me/farhetk_admin

YOZYOVONDA YUQORI YUKLAMA OSTIDAGI TRANSFORMATOR PUNKTIDA TEXNIK KO‘RIK ISHLARI OLIB BORILDI

Aynu kunlarda kuzatilayotgan issiq havo tufayli elektr energiyasi iste’moli keskin ortib, elektr tarmoqlari va transformator punktlariga tushayotgan yuklama sezilarli darajada oshmoqda.

Shu bois yoz mavsumida iste’molchilarni barqaror elektr energiyasi bilan ta’minlash maqsadida hududlarda texnik ko‘rik va profilaktik tadbirlar izchil davom ettirilmoqda.

Shu maqsadda Yozyovon tumanining "Qo‘rg‘oncha" mahalla fuqarolar yig‘ini hududida joylashgan 699-sonli transformator punktida mutaxassislar tomonidan texnik o‘rganish ishlari amalga oshirildi.

Ko‘rik davomida elektr energiyasi yo‘qotishlari yuqori bo‘lgan qurilmalar atroflicha tahlil qilinib, aniqlangan kamchiliklar o‘z vaqtida bartaraf etildi.

Bu esa tarmoqning ishonchli ishlashini ta’minlash, ortiqcha yuklamalarni kamaytirish hamda iste’molchilarni sifatli va barqaror elektr energiyasi bilan ta’minlashga xizmat qiladi.

⚡️ t.me/farhetk_admin

QO‘QONDA NAZORAT ISHLARI KUCHAYTIRILDI

Issiq ob-havo sharoitida elektr energiyasiga bo‘lgan talab keskin ortmoqda. Bu esa elektr tarmoqlari va transformator punktlariga tushayotgan yuklamani sezilarli darajada oshirib, ularning barqaror ishlashini ta’minlashni dolzarb vazifaga aylantirmoqda.

Shu munosabat bilan Qo‘qon shahrida elektr ta’minotida yuzaga kelishi mumkin bo‘lgan nosozliklarning oldini olish maqsadida texnik o‘rganish va nazorat ishlari olib borilmoqda.

Jarayonda Qo‘qon shahar hokimi o‘rinbosari R. Musayev hamda "Farg‘ona hududiy elektr tarmoqlari korxonasi" AJ mutaxassislari ishtirok etib, 222-, 234- va 235-sonli transformator punktlari faoliyatini atroflicha ko‘zdan kechirdi.

O‘rganishlar davomida elektr energiyasi yo‘qotishlari yuqori kuzatilayotgan uskunalar texnik jihatdan tahlil qilinib, aniqlangan kamchiliklarni bartaraf etish ishlari olib borilmoqda.

Amalga oshirilayotgan profilaktik tadbirlar elektr tarmoqlarining ishonchliligini oshirish, ortiqcha yuklamalarni kamaytirish hamda avariya holatlarining oldini olishga xizmat qilmoqda.

Ayni paytda Qo‘qon shahrida elektr tarmoqlari va transformator punktlarida nazorat ishlari yanada kuchaytirilgan.

Mutaxassislar tomonidan olib borilayotgan texnik ko‘rik va profilaktik tadbirlar yozning jazirama kunlarida aholi xonadonlari, tadbirkorlik subyektlari hamda ijtimoiy soha obyektlarini uzluksiz va sifatli elektr energiyasi bilan ta’minlashga qaratilgan.

⚡️ t.me/farhetk_admin

OLTIARIQDAGI TAʼMIRTALAB TRANSFORMATOR PUNKTI YANGI QIYOFA KASB ETDI

Yozning jazirama kunlarida elektr energiyasiga bo‘lgan talab rekord darajaga yetmoqda. Aynan shunday paytda elektr tarmoqlarining har bir bo‘g‘ini ishonchli ishlashi minglab iste'molchilar uchun muhim ahamiyat kasb etadi.

Shu maqsadda Oltiariq tumanidagi "Sertut" mahalla fuqarolar yig‘ini hududida joylashgan 190-sonli transformator punkti mukammal ta'mirlanib, zamonaviy texnik talablarga mos holatga keltirildi.

Ta'mirlash ishlari davomida eskirgan elektr uskunalari yangilanib, transformator punkti to‘liq tartibga keltirildi. Texnik kamchiliklar bartaraf etilib, elektr energiyasi yo‘qotishlarini kamaytirishga qaratilgan muhim ishlar amalga oshirildi.

Natijada iste'molchilarning elektr ta'minotining sifati hamda ishonchliligi sezilarli darajada yaxshilandi.

Bugungi kunda "Farg‘ona hududiy elektr tarmoqlari korxonasi" AJ tomonidan hududlarda nafaqat avariyalarni bartaraf etish, balki ularning oldini olishga qaratilgan profilaktik va modernizatsiya ishlari davom ettirilmoqda.

⚡️ t.me/farhetk_admin