ENERGOTEJAMKORLIK — BUGUNNING USTUVOR VAZIFASI

Buvayda tumanidagi “Xilolko‘l” fermer xo‘jaligida tasarrufida transformator punktlari hamda elektr uzatish tramoqlari mavjud bo'lgan fermer xo'jaliklariga "Energiya samaradorligini oshirish hamda elektr energiyasidan oqilona foydalanish masalalari"ga bag‘ishlangan amaliy seminar tashkil etildi.

Bugungi kunda Buvayda tumanida 320 dan ortiq fermer xo‘jaliklari faoliyat yuritmoqda. Shundan 211 tasining tasarrufida transformator punktlari hamda elektr uzatish tarmoqlari mavjud bo‘lib, ularning ekin maydonlari asosan suv nasoslari orqali sug‘oriladi. Bu esa elektr energiyasidan samarali va tejamkor foydalanish masalasini yanada dolzarb etmoqda. Shu bois energiya resurslarini tejash, mavjud elektr tarmoqlaridan oqilona foydalanish hamda texnik yo‘qotishlarni kamaytirish bugungi kunning muhim vazifalaridan biri sifatida e’tirof etilmoqda.

“Farg‘ona hududiy elektr tarmoqlari korxonasi” AJ mutaxassislari tomonidan transformator punktlari va elektr uzatish tarmoqlariga ega fermer xo‘jaliklarining elektr ta’minoti hamda energiya samaradorligi o‘rganilganda, ularning 114 tasida elektr energiyasidan foydalanishda belgilangan me’yorlardan ortiqcha yo‘qotishlar mavjudligi aniqlangan.

Mazkur muammolarni bartaraf etish maqsadida o‘tkazilgan seminar davomida energiya yo‘qotishlarini kamaytirish, elektr tarmoqlaridan samarali foydalanish hamda energiya tejamkor texnologiyalarni joriy etish bo‘yicha aniq amaliy tavsiyalar berildi. Bu boradagi ishlar “Xilolko‘l” fermer xo‘jaligi misolida amaliy tarzda namoyish etildi. Unda elektr uzatish tarmoqlarini to‘g‘ri ekspluatatsiya qilish, transformator punktlarini muntazam texnik ko‘rikdan o‘tkazish hamda nasos uskunalarining samaradorligini oshirish masalalari yuzasidan atroflicha tushuntirishlar berildi.

Seminar davomida tasarrufida transformator punktlari hamda elektr uzatish tarmoqlari mavjud bo‘lgan fermer xo‘jaliklariga mavjud elektr uzatish tarmoqlari va transformator punktlarini mukammal joriy ta’mirlash, ularning texnik holatini yaxshilash hamda energiya yo‘qotishlarini keskin kamaytirish bo‘yicha aniq vazifalar belgilab berildi.

Seminar yakunida fermer xo‘jaliklari rahbarlari tomonidan berilgan savollarga soha mutasaddilari tomonidan batafsil javoblar berildi.

Mazkur amaliy seminar nafaqat elektr energiyasidan samarali foydalanish madaniyatini oshirishga, balki fermer xo‘jaliklarining barqaror rivojlanishi, ishlab chiqarish samaradorligining ortishi hamda qishloq xo‘jaligi tarmog‘ining yanada mustahkamlanishiga xizmat qiladi.

⚡️ t.me/farhetk_admin

🌿HASHAR — HAMJIHATLIK VA OBODLIK TIMSOLI

Bugun erta tongdan mamlakatimizda bo’ylab boshlangan umumxalq xayriya hashari doirasida “Farg‘ona hududiy elektr tarmoqlari korxonasi” AJ jamoasi ham obodonlashtirish va ko‘kalamzorlashtirish ishlariga kirishishdi.

Korxona hududida hamda unga tutash maydonlarda keng ko‘lamli tozalash ishlari, atrof-muhitni obod qilish, hududni tartibga keltirish va yashil maydonlarni ko‘paytirishga alohida e’tibor qaratilmoqda. Xodimlar tomonidan daraxtlar parvarish qilish, yangi ko‘chatlar ekish, yo‘laklar va xizmat binolari atrofi tozalash ihslari bajariladi.

Mazkur hashar jarayonida jamoaning barcha bo‘g‘in vakillari bir yoqadan bosh chiqarib, hududni yanada obod va fayzli qilishga o‘z hissalarini qo‘shadilar. Bunday ezgu tadbirlar nafaqat atrof-muhitni asrash, balki jamoada hamjihatlik va birdamlik muhitini mustahkamlashga xizmat qilmoqda.

Ta’kidlash joizki, “Farg‘ona hududiy elektr tarmoqlari korxonasi” AJ tomonidan umumxalq xayriya hashari doirasida hududlarni obodonlashtirish, yashil maydonlarni kengaytirish hamda ekologik muhitni yaxshilashga qaratilgan tadbirlar davom ettiriladi.

⚡️ t.me/farhetk_admin

✍️ HASHAR — HAMJIHATLIK VA OBODLIK TIMSOLI

Bugun erta tongdan mamlakatimizda bo’ylab boshlangan umumxalq xayriya hashari doirasida “Farg‘ona hududiy elektr tarmoqlari korxonasi” AJ jamoasi ham obodonlashtirish va ko‘kalamzorlashtirish ishlariga kirishishdi.

⚡️ t.me/farhetk_admin