#bayram_tabrigi

Assalomu alaykum!

🌱Bugun, 8-mart — Xalqaro xotin-qizlar kuni munosabati bilan yurtimizdagi barcha mo‘tabar onaxonlarimizni, qadrli opa-singillarimizni va dilbar qizlarimizni chin qalbimdan samimiy muborakbod etaman.

Ayol — hayotimizning ko‘rki, oilaning mustahkam tayanchi, mehr va sadoqat timsolidir.

Sizlarning donishmandligingiz, sabr-bardoshingiz, cheksiz mehringiz tufayli xonadonlarimizda fayz-u baraka, jamiyatimizda esa mehr-oqibat va ezgulik hukm suradi. Farzand tarbiyasidagi ulkan hissangiz, oilaga va jamiyatga bag‘ishlagan fidoyiligingiz har qanday ehtiromga munosibdir.

Bahor faslining ilk bayrami bo‘lgan ushbu qutlug‘ kunda siz aziz onalarimizga, ayollarga, opa-singillarimizga chuqur hurmat va ehtiromimizni izhor etamiz.

Sizlarning borligingiz hayotimizga mazmun, qalblarimizga iliqlik bag‘ishlaydi.

Barchangizga mustahkam sog‘lik, xonadonlaringizga tinchlik va fayz-u baraka, qalbingizga esa doimo quvonch va shodlik tilayman. Go‘zallik va nafosat bayrami — 8-mart sizlarga cheksiz baxt va ilhom olib kelsin!

Hurmat bilan,
AZIZBEK SAYDALIYEV

“Farg‘ona hududiy elektr tarmoqlari korxonasi” AJ Bosh direktori

#Nafosat_va_goʻzallik_bayrami

🌸 8-mart – Xalqaro xotin-qizlar kuni munosabati bilan yurtimizdagi barcha aziz va muhtarama ayollarni samimiy muborakbod etamiz.

Sizlarning mehr-muhabbatingiz, fidoyiligingiz va matonatingiz jamiyatimiz taraqqiyotida muhim o‘rin tutadi.

Bayramingiz muborak bo‘lsin!

⚡️ t.me/farhetk_admin

Eng ulug‘ maqsad – Yangi O‘zbekistonni ayollari hayotdan rozi bo‘lib, baxtli-saodatli yashaydigan mamlakatga aylantirish.

⚡️ t.me/farhetk_admin

#farg'ona_24

Kuni kecha “Fargʻona hududiy elektr tarmoqlari korxonasi” aksiyadorlik jamiyati tomonidan Xalqaro xotin-qizlar kuni keng tantana qilindi.

⚡️ t.me/farhetk_admin

Yurtimizda 13–14-mart kunlari umumxalq xayriya hashari o‘tkaziladi

“Yurt obodligi, avvalo, mahalladan boshlanadi!” shiori ostida bo'lib o'tadigan umumxalq xayriya hasharida faol ishtirok etaylik!

⚡️ t.me/farhetk_admin

#tezkor
#10_03_2025

HUDUDLARDA TA'MIRLASH ISHLARI OLIB BORILADI

📌 FARG‘ONA SHAHRI HAMDA QIRGULI MAVZESI

Bugun, 09:00dan 17:00ga qadar Farg‘ona shahri hamda Qirguli mavzesining ayrim hududlarini elektr energiyasi bilan ta'minlovchi "Sakkokiy" va "Vatan" podstansiyalaridan chiquvchi elektr uzatish tarmoqlarida taʼmirlash ishlari bajariladi;

📌 UCHKO‘PRIK, BUVAYDA HAMDA DANG‘ARA TUMANLARI

Bugun, 09:00dan 17:00ga qadar Uchko‘prik, Buvayda hamda Dang‘ara tumanlarining ayrim hududlarini elektr energiyasi bilan ta'minlovchi yuqori kuchlanishli "L-Yangiqo‘rg‘on—Buvayda" elektr uzatish tarmog‘ida va "Yangiyo‘l", "Oqjar" podstansiyalarida taʼmirlash ishlari bajariladi;

📌 FURQAT TUMANI

Bugun, 09:00dan 17:00ga qadar Furqat tumanining ayrim hududlarini elektr energiyasi bilan ta'minlovchi "Navbahor" podstansiyasida taʼmirlash ishlari bajariladi;

📌 QUVA TUMANI

Bugun, 09:00dan 17:00ga qadar Quva tumanining ayrim hududlarini elektr energiyasi bilan ta'minlovchi "Bahor" podstansiyasida taʼmirlash ishlari bajariladi;

📌 YOZYOVON TUMANI

Bugun, 09:00dan 17:00ga qadar Yozyovon tumanining ayrim hududlarini elektr energiyasi bilan ta'minlovchi yuqori kuchlanishli "L-Qoraqushchi" elektr uzatish tarmog‘ida mukammal taʼmirlash ishlari bajariladi;

📌 BAG‘DOD TUMANI

Bugun, 09:00dan 17:00ga qadar Bag‘dod tumanining ayrim hududlarini elektr energiyasi bilan ta'minlovchi "Markaz" podstansiyasida taʼmirlash ishlari bajariladi;

Bundan tashqari viloyatimizda kuzatilayotgan kuchli yomg‘ir natijasida hududlarda favqulodda yuzaga kelgan nosozliklar bo‘yicha barcha hududlarda tezkorlik bilan kelib tushayotgan murojaatlarga asosan taʼminotni to‘liq tiklash choralari ko‘rilmoqda.

Yuqoridagi hududlarda olib boriladigan ta’mirlash ishlari jarayonining yuqorida belgilangan vaqtlarida elektr ta'minotida uzilishlar kuzatiladi.

Ta'mirlash vaqti elektr ta'minotidagi uzilishlar uchun uzr so'raymiz!

"Farg‘ona HETK" AJ
matbuot xizmati.

#tezkor

❗️Ayni vaqtda viloyatimizda kuzatilayotgan kuchli yomg‘ir sabab bugunga belgilangan barcha taʼmirlash ishlari boshqa kunga qoldirildi.

⚡️ t.me/farhetk_admin

Hurmatli yurtdoshlar!

❗️Firibgarlarning yangi tuzog‘idan ogoh bo‘ling!

⚡️ t.me/farhetk_admin

#Qonunchilikdagi_yangiliklar

❗️ Navro'z ayyomi ko'tarinki ruhda nishonlanadi

“2026-yilgi Navro'z umumxalq bayramiga tayyorgarlik ko'rish va uni o'tkazish to'g'risida”gi Prezident qarori (82-son, 06.03.2026-y.) qabul qilindi.

🏛 Qaror bilan 2026-yilgi Navro'z umumxalq bayramiga tayyorgarlik ko'rish va uni o'tkazish bo'yicha tashkiliy qo'mita (Tashkiliy qo'mita) tarkibi tasdiqlandi.

🍀 Qarorga ko'ra, Navro'z bayramini munosib nishonlash bo'yicha “Navro'zni ulug'lash – insonni ulug'lashdir!” degan ezgu g'oyani o'zida mujassam etgan tashkiliy-amaliy, madaniy-ma'naviy hamda targ'ibot tadbirlari dasturi tasdiqlanadi va uning amalga oshirilishi ta'minlanadi.

✔️ Bu yilgi Navro'z muborak Ramazon hayiti bayrami bilan hamohang tarzda nishonlanishi uning insonparvarlik tamoyillarini yanada kuchaytirishini inobatga olib, “Mehribonlik”, “Saxovat” va “Muruvvat” uylarida yashayotgan shaxslar, holidan xabar olish tashkil etiladi.

🌿 “Yashil makon” umummilliy loyihasi doirasida belgilangan tadbirlar amalga oshiriladi, “Men ham ko'chat ekaman” aksiyalari, umumxalq hasharlari tashkil etiladi.

✨ Toshkent shahridagi “Yangi O'zbekiston” majmuasida alohida dastur asosida xalq sayillari tashkil etiladi.

⚡️ t.me/farhetk_admin

#energiya_tejamkorlik

Elektr energiyasiga bo‘lgan ehtiyojlarimiz ortib borar ekan, ushbu resurslardan imkon qadar tejamkorlik bilan foydalanish sizning xarajatlaringizni kamayishida yordam beradi va albatta isrofgarchilikka yo‘l qo‘yilmaydi.

Bugun hayotimizni elektr energiyasiz tasavvur qila olmaymiz. Shunday ekan, zarurat bo‘lmagan hollarda elektr qurilmalarini tarmoqdan ajratib qo‘yish maqsadga muofiqdir.

✈️ Unutmang, energiya resurslaridan oqilona va tejamkorlik bilan foydalanish barchamiz uchun foydalidir.

⚡️ t.me/farhetk_admin

📌📌📌📌📌📌

2026-yil 1-apreldan ayrim to‘lovlar faqat naqdsiz shaklda amalga oshiriladi.

– Davlat va kommunal xizmatlar, tamaki va alkogol mahsulotlari, avtomobillarga yoqilg‘i (benzin, gaz, elektro-quvvat), shuningdek 25 mln so‘mdan ortiq tovar va xizmatlar uchun to‘lovlar naqdsiz usulda amalga oshiriladi.

– To‘lovni karta, mobil ilova yoki bank orqali amalga oshiring. 1-aprelga qadar o‘zingizga qulay to‘lov usulini tanlang.

Mazkur tartib 2025-yil 10-dekabrdagi PF-246-son Farmonga muvofiq joriy etilmoqda.

⚡️ t.me/farhetk_admin

KORRUPSIYAGA QARSHI KURASH – BARCHAMIZNING BURCHIMIZ!

Korrupsiya o‘ziga tamagirlikni qamrab olgan holda jamiyatning ma’naviy ustunlari hamda demokratiyani yemirib, mamlakatning iqtisodiy-ijtimoiy va siyosiy taraqqiy etishi uchun ulkan xavf tug‘diradi. Korrupsiya shaxsning o‘z mansab yoki xizmat mavqeidan shaxsiy manfaatlarini yoxud o‘zga shaxslarning manfaatlarini ko‘zlab moddiy yoki nomoddiy naf olish maqsadida qonunga xilof ravishda foydalanishi, shuningdek, bunday nafni qonunga xilof ravishda taqdim etish demakdir.

Korrupsiya jamiyat rivojiga rahna soluvchi xavfli illat hisoblanadi. Bu illatga qarshi kurashishda nafaqat huquq-tartibot idoralari vakillari, balki jamiyatning har bir a’zosi faol bo‘lishi zarur.

Shu maqsadda So‘x tuman elektr ta’minoti korxonasida korrupsiyaga qarshi kurashish, ochiqlik va halollik tamoyillarini mustahkamlashga qaratilgan targ‘ibot–tushuntirish yig‘ilishlari o‘tkazildi.

Tadbir davomida tizimda olib borilayotgan islohotlar, korrupsiyaning oldini olish, xizmat faoliyatida shaffoflikni ta’minlash hamda xodimlarning mas’uliyatini yanada oshirish masalalari muhokama qilindi.

Shuningdek, barcha yo‘nalishlar tanqidiy-tahliliy ruhda ko‘rib chiqilib, mavjud masalalar yuzasidan fikr almashildi.

Hududlarda bu kabi targ‘ibot–tashviqot tadbirlari izchil davom ettirilmoqda.

⚡️ t.me/farhetk_admin

#tezkor
#11_03_2025

HUDUDLARDA TA'MIRLASH ISHLARI OLIB BORILADI

📌 FARG‘ONA SHAHRI

Bugun, 09:00dan 17:00ga qadar Farg‘ona shahrining ayrim hududlarini elektr energiyasi bilan ta'minlovchi "Uysoz" podstansiyasidan chiquvchi "Beshbola" elektr uzatish tarmog‘ida taʼmirlash ishlari bajariladi;

📌 FARG‘ONA, QO‘SHTEPA, TOSHLOQ HAMDA YOZYOVON TUMANLARI

Bugun, 09:00dan 17:00ga qadar Farg‘ona, Qo‘shtepa, Toshloq hamda Yozyovon tumanlarining ayrim hududlarini elektr energiyasi bilan ta'minlovchi yuqori kuchlanishli "L-Oqava" elektr uzatish tarmog‘ida nosoz izolyatorlarni yangilash va taʼmirlash ishlari bajariladi;

📌 FARG‘ONA TUMANI

Bugun, 09:00dan 17:00ga qadar Farg‘ona tumanining ayrim hududlarini elektr energiyasi bilan ta'minlovchi "Vodil" podstansiyasida taʼmirlash ishlari bajariladi;

Hududlarda olib boriladigan ta’mirlash ishlari jarayonining yuqorida belgilangan vaqtlarida elektr ta'minotida uzilishlar kuzatiladi.

Ta'mirlash vaqti elektr ta'minotidagi uzilishlar uchun uzr so'raymiz!

"Farg‘ona HETK" AJ
matbuot xizmati.

#Ijtimoiy_rolik

⚡️ Uyingizni kitob bilan nurga to'ldiring...

⚡️ t.me/farhetk_admin