✍️“L-PM” YUQORI KUCHLANISHLI ELEKTR UZATISH TARMOG‘IDA TA’MIRLASH ISHLARI OLIB BORILMOQDA

Viloyatimizda elektr ta’minoti barqarorligi va ishonchliligini ta’minlash maqsadida yuqori kuchlanishli elektr uzatish tarmoqlarida rejali ta’mirlash ishlari izchil davom ettirilmoqda.

Jumladan, Farg‘ona, Rishton, Bag‘dod, Buvayda hamda Oltiariq tumanlarining ayrim hududlarini elektr energiyasi bilan ta’minlab kelayotgan “L-PM” yuqori kuchlanishli elektr uzatish tarmog‘ida nosoz izolyatorlarni yangilash va ta’mirlash ishlari amalga oshirilmoqda.

Mutaxassislar tomonidan o‘tkazilgan texnik ko‘riklar davomida xizmat muddati tugagan, tashqi ta’sirlar natijasida shikastlangan hamda xavfsizlik talablariga javob bermaydigan izolyatorlar aniqlanib, ular bosqichma-bosqich yangilariga almashtirilmoqda.

Shuningdek, tarmoq ustunlari va uskunalarining texnik holati ham sinchkovlik bilan ko‘zdan kechirilmoqda.

Ushbu ishlar elektr uzatish tarmoqlarida avariya holatlarining oldini olish, kuchlanish barqarorligini saqlash va iste’molchilarni uzluksiz elektr energiyasi bilan ta’minlashga xizmat qiladi.

Bu kabi rejali profilaktik tadbirlar kelgusida yuklamalar oshgan sharoitda ham tarmoqning ishonchli ishlashini ta’minlashda muhim ahamiyat kasb etadi.

⚡️ t.me/farhetk_admin

✍️Avvalgi va keyingi holati

✅KO‘P QAVATLI UYLARNING ELEKTR TA'MINOTI YAXSHILANMOQDA

Farg'ona shahri Qirguli mavzesining "Hamkorlik" mahalla fuqarolar yig'ini hududidagi 9-sonli ko‘p qavatli uyni elektr energiyasi bilan ta’minlovchi elektr qutisi (shit) mutaxassislar tomonidan ta’mirlandi.

Mazkur ta’mirlash ishlari ayni mavsumda iste’molchilarni barqaror elektr energiyasi bilan ta’minlash, shuningdek, yuzaga kelishi mumkin bo‘lgan favqulodda avariyali uzilish holatlarini oldini olishga qaratilgan.

⚡️ t.me/farhetk_admin

🤔TEXNOPARK HUDUDIDA ELEKTR INFRASTRUKTURASI BOSQICHMA-BOSQICH SHAKLLANTIRILMOQDA

Qo‘qon shahrida barpo etilayotgan zamonaviy texnopark hududida muhim infratuzilma loyihalari izchil amalga oshirilmoqda. Hududni barqaror va uzluksiz elektr energiyasi bilan ta’minlash maqsadida yangi elektr podstansiyasi qurish ishlari belgilangan reja asosida olib borilmoqda.

Texnopark hududi ilmiy-tadqiqot institutlari, sanoat obyektlari, biznes va xizmat ko‘rsatish markazlarini o‘zida mujassam etgan kompleks tizim bo‘lib, uning samarali faoliyati mustahkam va ishonchli elektr infratuzilmasini talab etadi.

Mazkur loyiha doirasida hozirgi kunda yuqori kuchlanishli elektr tarmoqlarini tortish uchun tayanchlarni o‘rnatish ishlari jadal sur’atlarda bajarilmoqda.

O‘rnatilayotgan tayanchlar kelgusida elektr ta’minoti barqarorligini ta’minlash, podstansiyani tarmoqqa ulash hamda texnopark hududining uzluksiz energiya bilan ta’minlanishida muhim ahamiyat kasb etadi.

⚡️ t.me/farhetk_admin