#jarayon

Marg'ilon shahrining “Ma'shad” mahalla fuqarolar yig’ini hududida yangi elektr uzatish tarmoqlari foydalanishga topshirildi.

Ayni vaqtda mutaxassislar tomonidan eski elektr tarmoqlarini yechib olish (demontaj) ishlari bajarilmoqda.

⚡️ t.me/farhetk_admin

QURILISH UCHUN ZARUR MAHSULOTLAR O'Z VAQTIDA YETKAZILMOQDA

Qo‘qon shahrida barpo etilayotgan zamonaviy texnopark hududida muhim infratuzilma loyihasi amalga oshirilmoqda. Innovatsiya va texnologiyalar markaziga aylanishi rejalashtirilgan ushbu hududda yangi elektr podstansiyasi qurish ishlari jadal sur’atlarda olib borilmoqda.

Texnopark — bu faqat bino va inshootlar majmuasi emas. U ilmiy-tadqiqot institutlari, sanoat obyektlari, biznes markazlari, ko‘rgazma maydonchalari, ta’lim muassasalari hamda xizmat ko‘rsatish infratuzilmasini o‘zida mujassam etgan murakkab va zamonaviy tizimdir. Bunday muhit esa barqaror, kuchli va uzluksiz elektr energiyasini talab etadi.

Ayni paytda mutaxassislar tomonidan yangi podstansiyani elektr energiyasi bilan ta’minlash maqsadida yuqori kuchlanishli elektr tarmoqlarini tortish uchun tayanch o‘rnatish ishlari bajarilmoqda.

⚡️ t.me/farhetk_admin

10 KVT QUVVATGA EGA QUYOSH PANELLARI ISHGA TUSHIRILDI

So‘nggi yillarda yurtimizda muqobil energiya manbalaridan foydalanishga bo‘lgan e’tibor tobora ortib bormoqda. Bu jarayon ekologik muvozanatni ta’minlash bilan birga, elektr energiyasidan oqilona va samarali foydalanish imkonini ham yaratmoqda.

Marg‘ilon shahridagi “A.Yassaviy” mahalla fuqarolar yig‘ini Mevazor ko‘chasi 104-uyda istiqomat qiluvchi fuqaro Odiljon Quchqarov o‘z xonadonida quvvati 10,5 kVt bo‘lgan quyosh panellarini o‘rnatdi. Ushbu tizim yordamida u uy xo‘jaligi ehtiyojlarini muqobil energiya hisobidan ta’minlash bilan birga, ortiqcha ishlab chiqarilgan elektr energiyasini umumiy tarmoqqa uzatish imkoniyatiga ega bo‘lmoqda.
Loyiha amalga oshirilishi davomida shahar elektr ta’minoti korxonasi mutaxassislari tomonidan zarur texnik ko‘rsatmalar berilib, uskunalarning samarali ishlashi hamda doimiy nazoratni yo‘lga qo‘yish bo‘yicha tushuntirishlar olib borildi.

“Farg‘ona hududiy elektr tarmoqlari korxonasi” AJ tomonidan viloyat hududida muqobil energiya manbalarini keng joriy etish, aholi va tadbirkorlar o‘rtasida ushbu yo‘nalishda targ‘ibot-tashviqot ishlarini kuchaytirish doimiy e’tiborda bo‘lib kelmoqda.

⚡️ t.me/farhetk_admin

✅ YANGI KABEL TARMOG'I TORTILMOQDA

Prezidentimiz tashabbuslari bilan Marg‘ilon shahrida "Yangi O‘zbekiston" massivi qurilishi davom etmoqda.

Massivga tutash hududda qad rostlayotgan Burhonuddin Marg‘iloniy xalqaro ilmiy-tadqiqot markazi uchun yangi elektr uzatish kabel tarmog’ini tortish ishlari bajarilmoqda.

Ma’lumot uchun Marg‘ilon shahridagi yangi massivda 110 gektar maydonda bunyodkorlik ishlari olib boriladi.

Xususan, 25 ming aholiga mo‘ljallangan 5 mingta xonadonli ko‘p qavatli uylar quriladi.

Shuningdek, Maqom teatri, yuridik institut, 4 ta mehmonxona, shoir va san’atkorlar xiyoboni, savdo va xizmat majmualari qad rostlaydi.

⚡️ t.me/farhetk_admin

✍️#jarayon

"Farg'ona hududiy elektr tarmoqlari korxonasi" AJ tomonidan Marg'ilon shahrida bunyod etilayotgan "Yangi O'zbekiston" shaharchasida yuqori elektr uzatish tarmoqlarini qurish ishlari davom etmoqda.

⚡️ t.me/farhetk_admin