✅ UCHKO’PRIKDA ELEKTR TA’MINOTI YANADA MUSTAHKAMLANDI

“Yulg‘unzor” mahallasida quvvati oshirilgan transformator ishga tushirildi

Iste’molchilarni barqaror, sifatli elektr energiyasi bilan ta’minlash, ayniqsa mavsumiy yuklamalar keskin ortadigan davrlarda tarmoqlarda yuzaga kelishi mumkin bo‘lgan nosozliklarning oldini olish bugungi kunda ustuvor vazifalardan biridir. Shu maqsadda hududlarda izchil va tizimli amaliy ishlar olib borilmoqda.

Ana shunday chora-tadbirlar doirasida Uchko‘prik tumanining “Yulg‘unzor” mahalla fuqarolar yig‘ini hududida joylashgan 275-sonli transformator punktida muhim texnik yangilanish amalga oshirildi. Xususan, avval quvvati 100 kVA bo‘lgan transformator o‘rniga quvvati 250 kVA bo‘lgan zamonaviy transformator o‘rnatilib, foydalanishga topshirildi.

Mazkur texnik yechim hududdagi elektr ta’minoti barqarorligini sezilarli darajada oshirish, mavjud tarmoqlardagi ortiqcha yuklamani kamaytirish hamda kelgusida yuzaga kelishi mumkin bo‘lgan uzilishlarning oldini olishga xizmat qiladi.

Katta quvvatga ega yangi transformatorning ishga tushirilishi natijasida mahalladagi 100 ga yaqin xonadonning elektr ta’minoti sifati yaxshilanib, kuchlanish pasayishlari kamayadi. Bu esa aholining kundalik hayotida qulayliklar yaratib, elektr energiyasidan yanada samarali foydalanish imkonini beradi.

Bugungi kunda hududlarda iste’molchilar ehtiyojlari chuqur tahlil qilinib, elektr ta’minoti ishonchliligini oshirishga qaratilgan amaliy ishlar uzluksiz davom ettirilmoqda. Ushbu sa’y-harakatlar aholi farovonligini ta’minlash hamda energetika tizimini yanada mustahkamlashga xizmat qilmoqda.

⚡️ t.me/farhetk_admin

✍️ KORRUPSIYAGA QARSHI BIRLASHGAN SA’Y-HARAKATLAR

Toshloq tuman elektr ta’minoti korxonasida halollik va mas’uliyat targ‘ib qilindi

Korrupsiyaga qarshi kurashish bugungi kunda davlat siyosatining eng muhim va ustuvor yo‘nalishlaridan biri hisoblanadi. Prezidentimiz o‘z nutq va murojaatlarida ushbu illat jamiyat taraqqiyotiga jiddiy to‘siq bo‘lishini, xalq ishonchi va adolatli boshqaruv tizimiga salbiy ta’sir ko‘rsatishini alohida ta’kidlab kelmoqda.

Shu bois barcha soha va tizimlarda halollik, shaffoflik hamda qonun ustuvorligini ta’minlashga qaratilgan izchil islohotlar amalga oshirilmoqda.

Ana shunday ezgu maqsadlar yo‘lida “Farg‘ona hududiy elektr tarmoqlari korxonasi” AJ tizimida korrupsiyaga qarshi murosasiz munosabatni shakllantirish, xodimlarning huquqiy ongi va xizmat madaniyatini yuksaltirishga qaratilgan targ‘ibot-tashviqot ishlari izchil davom etmoqda.

Mazkur yo‘nalishdagi navbatdagi muhim tadbir Toshloq tuman elektr ta’minoti korxonasida tashkil etildi. Tadbirning ahamiyatli jihati shundaki, unda nafaqat korxona ishchi-xodimlari, balki ularning ota-onalari ham faol ishtirok etdi. Bu esa korrupsiyaga qarshi kurash masalasiga oilaviy mas’uliyat va ijtimoiy ong nuqtayi nazaridan yondashilayotganini yaqqol namoyon etdi.

Tadbir davomida xizmat madaniyati, odob-axloq qoidalariga rioya etish, davlat xizmatiga bo‘lgan hurmatni oshirish, fuqarolar murojaatlariga mas’uliyat bilan yondashish hamda korrupsiyaning har qanday ko‘rinishiga qat’iy qarshi turish masalalari keng muhokama qilindi. Xodimlarga xizmat vazifalarini halollik va vijdon bilan bajarish, ichki mehnat intizomiga rioya etish, jamoatchilik bilan muloqotda ochiq, xushmuomala va mas’uliyatli bo‘lish zarurligi alohida ta’kidlandi.

Shuningdek, korrupsiya jamiyat rivojiga putur yetkazuvchi, fuqarolar ishonchini susaytiruvchi xavfli illat ekani qayd etilib, uning oldini olish bo‘yicha huquqiy va amaliy tushuntirishlar berildi. Ota-onalar ishtiroki esa yosh va o‘rta avlod vakillarida halollik, poklik va mas’uliyat tuyg‘ularini mustahkamlashda muhim omil ekani e’tirof etildi.

Yakunda har bir xodimning halol mehnati, ochiq va mas’uliyatli faoliyati jamiyat taraqqiyoti va xalq ishonchini mustahkamlashda beqiyos ahamiyatga ega ekani alohida qayd etildi. “Farg‘ona hududiy elektr tarmoqlari korxonasi” AJ tizimida korrupsiyaning har qanday ko‘rinishiga nisbatan murosasiz munosabat, shaffoflik va halollik tamoyillariga qat’iy amal qilish bundan buyon ham ustuvor vazifa bo‘lib qoladi.

⚡️ t.me/farhetk_admin

✍️YUKLAMALAR QAYTA TAQSIMOT QILINMOQDA

Farg'ona tuman elektr ta'minoti korxonasi tomonidan mavsumni betalofat o’tkazish bo’yicha doimiy hududlardagi elektr tarmoqlari va qurilmalarida nazorat va amaliy ishlar olib borilmoqda.

Mutaxassislar tomonidan tumandagi 12-sonli transformator punktidan chiquvchi 0,4 kVli elektr uzatish tarmoqlarida fazalararo yuklamani teng taqsimlash ishlari olib borilmoqda.

⚡️ t.me/farhetk_admin

YANGI TAYANCHLAR O'RNATILMOQDA

Yozyovon tumanining “Qorasoy” mahalla fuqarolar yig‘ini hududidan elektr ta’minotiga oid yo’llangan murojaat mutaxasislar tomonidan joyida o’rganib chiqildi va ijobiy hal etildi.

Mahallaga yangi elektr uzatish tarmoqlari uchun yangi temir-beton tayanchlarini o'rnatish ishlari bajarilmoqda.

⚡️ t.me/farhetk_admin

#jarayon

Marg'ilon shahar elektr ta'minoti korxonasining tezkor chiqish brigadalari tomonidan hududlarda yuzaga kelgan nosozliklarni bartaraf etish ishlari uzluksiz olib borilmoqda.

Jumladan, shaharning "Navbahor" mahalla fuqaarolar yig'ini hududidagi 0,4 kVli elektr uzatish tarmoqlaridagi nosoz tayanchni yangilash ishlari bajarilmoqda.

⚡️ t.me/farhetk_admin

🤔#reyd

TARG’IBOT TADBIRLARI O’TKAZILIB, QARZDOR ISTE'MOLCHILAR TARMOQDAN AJRATILMOQDA

O'zbekiston tuman elektr ta’minoti korxonasi tomonidan tumandagi iste'molchilarni elektr energiyasidan noqonuniy foydalanishlarini oldini olish, mavjud qarzdorlikni undirish, elektr tarmoqlariga o’zboshimchalik bilan ulanishlarni aniqlash maqsadida hududlarda reyd tadbirlari o‘tkazilmoqda.

Avvalroq foydalangan elektr energiyasidan qarzdorligi sabab ASKUE tizimi orqali masofadan tarmoqdan o‘chirilganligiga qaramay, o‘zboshimchalik bilan tarmoqqa ulanib olgan iste'molchilar dastur orqali aniqlanib, tarmoqdan o‘chirilmoqda.

Mutaxassislar tomonidan tegishli tartibda dalolatnomalar tuzilib, iste'molchilarga elektr energiyasidan qonuniy foydalanishlari yuzasidan targ‘ibot-tashviqot ishlari bajarilmoqda.

⚡️ t.me/farhetk_admin