AMALIY TAJRIBA — XAVFSIZ ISHNING KALITI

O‘zbekiston tuman elektr ta’minoti korxonasining o‘quv maydonida xodimlar uchun o‘quv-amaliy mashg‘ulot tashkil etildi. Unda asosiy e’tibor ish jarayonida xavfsizlikni ta’minlash, to‘g‘ri harakat qilish va mas’uliyatli yondashuvni kuchaytirishga qaratildi.

Mashg‘ulot davomida xodimlar real ish sharoitiga yaqin vaziyatlarda amaliy ko‘nikmalarni mustahkamladi. Elektr qurilmalari bilan ishlashda ehtiyot choralariga rioya qilish, himoya vositalaridan to‘g‘ri foydalanish hamda favqulodda holatlarda tezkor va to‘g‘ri qaror qabul qilish masalalari alohida ko‘rsatib berildi.

Mutaxassislar tomonidan eng ko‘p uchraydigan xatolar tahlil qilinib, ularning oldini olish bo‘yicha aniq tavsiyalar berildi. Shuningdek, xavfsizlik qoidalariga loqayd qarash qanday oqibatlarga olib kelishi mumkinligi real misollar asosida tushuntirildi.

Mazkur mashg‘ulotlar xodimlarning nafaqat bilimini, balki ishga bo‘lgan mas’uliyatini ham oshiradi. Chunki elektr sohasida har bir to‘g‘ri qaror — inson hayotini asraydi.

⚡️ t.me/farhetk_admin

#24_soatlik_ish_faoliyatida

Hududlarda iste’molchilarni barqaror elektr energiyasi bilan ta’minlash maqsadida tashkil etilgan tezkor chiqish brigadalari tunu kun uzluksiz ish olib bormoqda.

Jumladan, Qo‘qon shahrini elektr energiyasi bilan ta’minlovchi 6 kVli “Kamolot” elektr uzatish kabel tarmog‘ining boshlanish qismi mutaxassislar tomonidan ta’mirdan chiqarildi. Amalga oshirilgan ishlar tarmoq ishonchliligini oshirish hamda kutilmagan nosozliklarning oldini olishga qaratildi.

⚡️ t.me/farhetk_admin

✅ FAROVONLIK YO‘LIDAGI BUNYODKORLIK ISHLARI DAVOM ETMOQDA

Prezidentimiz tashabbuslari bilan Marg‘ilon shahrida "Yangi O‘zbekiston" massivi qurilishi davom etmoqda.

Massivga tutash hududda qad rostlayotgan Burhonuddin Marg‘iloniy xalqaro ilmiy-tadqiqot markazi uchun yangi elektr uzatish kabel tarmog’ini tortish ishlari bajarilmoqda.

Ma’lumot uchun Marg‘ilon shahridagi yangi massivda 110 gektar maydonda bunyodkorlik ishlari olib boriladi.

Xususan, 25 ming aholiga mo‘ljallangan 5 mingta xonadonli ko‘p qavatli uylar quriladi.

Shuningdek, Maqom teatri, yuridik institut, 4 ta mehmonxona, shoir va san’atkorlar xiyoboni, savdo va xizmat majmualari qad rostlaydi.

⚡️ t.me/farhetk_admin

🤔TEXNOPARK UCHUN YANGI PODSTANSIYA QURILMOQDA

Qo‘qon shahrida barpo etilayotgan zamonaviy texnopark hududida muhim infratuzilma loyihasi amalga oshirilmoqda. Innovatsiya va texnologiyalar markaziga aylanishi rejalashtirilgan ushbu hududda yangi elektr podstansiyasi qurish ishlari jadal sur’atlarda olib borilmoqda.

Texnopark — bu faqat bino va inshootlar majmuasi emas. U ilmiy-tadqiqot institutlari, sanoat obyektlari, biznes markazlari, ko‘rgazma maydonchalari, ta’lim muassasalari hamda xizmat ko‘rsatish infratuzilmasini o‘zida mujassam etgan murakkab va zamonaviy tizimdir. Bunday muhit esa barqaror, kuchli va uzluksiz elektr energiyasini talab etadi.

Ayni paytda mutaxassislar tomonidan yangi podstansiyani elektr energiyasi bilan ta’minlash maqsadida yuqori kuchlanishli elektr tarmoqlarini tortish ishlari amalga oshirilmoqda. Ushbu tarmoqlar kelgusida texnopark hududidagi barcha obyektlarning ishonchli va barqaror elektr ta’minotini kafolatlaydi.

Yangi podstansiya ishga tushishi bilan texnopark faoliyati uchun mustahkam energetik poydevor yaratiladi. Bu esa innovatsion loyihalar, zamonaviy ishlab chiqarish va ilmiy ishlanmalar uchun keng imkoniyatlar eshigini ochadi.

⚡️ t.me/farhetk_admin