ELEKTR INFRASTRUKTURADA YANGI QADAM...

Quva tumanida o‘zgarishlar izchil davom etmoqda. Bugun bu jarayon nafaqat qurilishlarda, balki energiya infratuzilmasida ham yaqqol namoyon bo‘layapti.

Prezident qaroriga muvofiq, hududlarni jadal kompleks rivojlantirish doirasida Quva tumanining elektr ta’minotini yanada barqaror va zamonaviy qilishga qaratilgan loyihalar amalga oshirilmoqda. Maqsad aniq: tadbirkorlik subyektlarini sifatli elektr energiyasi bilan ta’minlash.

Ayni paytda “Ilg‘or” va “Rohatoy” mahalla fuqarolar yig‘inlari hududlarida yangi transformator punktlari o‘rnatilmoqda. Ushbu qurilmalar tadbirkorlik subyektlarini faoliyatlari barqaror olib borishlariga xizmat qiladi.

Yangi transformator — bu shunchaki texnika emas. Bu ishonchli ta’minot, uzluksiz faoliyat va kelajakka qaratilgan investitsiya.

Quvada elektr ta’minoti yangilanmoqda. Chunki rivojlanish barqaror va ishonchli energiyadan boshlanadi.

⚡️ t.me/farhetk_admin

ELEKTR BARQARORLIGI — ISHONCH ASOSI

Bugungi kunda iste’molchilarni barqaror va sifatli elektr energiyasi bilan ta’minlash eng ustuvor vazifalardan biri hisoblanadi. Ayniqsa, mavsumiy yuklama keskin ortadigan davrlarda tarmoqlarda yuzaga kelishi mumkin bo‘lgan uzilish va nosozliklarning oldini olish muhim ahamiyat kasb etadi. Shu bois hududlarda elektr ta’minotini mustahkamlashga qaratilgan ishlar izchil va tizimli ravishda olib borilmoqda.

Mazkur chora-tadbirlar doirasida Marg‘ilon shahrining “Yangiobod” mahalla fuqarolar yig‘ini hududida muhim loyiha amalga oshirilmoqda. Mavjud 284-sonli transformator punktiga qo‘shimcha tarzda yangi transformator punkti o‘rnatilmoqda. Ushbu amaliy qadam hudud elektr tarmoqlaridagi yuklamani yengillashtirish hamda ta’minot barqarorligini sezilarli darajada oshirishga xizmat qiladi.

Yangi transformator punktining ishga tushirilishi bilan mahalla aholisi yanada ishonchli va sifatli elektr energiyasidan foydalanish imkoniyatiga ega bo‘ladi. Bu esa kundalik hayotda qulaylik yaratish, kuchlanishdagi pasayishlar va kutilmagan uzilishlarning oldini olish demakdir.

Hududlarda iste’molchilar ehtiyojlari doimo e’tiborda. Elektr ta’minotining uzluksizligi va ishonchliligini oshirish yo‘lidagi amaliy ishlar esa jadallik bilan davom etmoqda.

⚡️ t.me/farhetk_admin

XAVFSIZLIK — QOIDА EMAS, MADANIYAT

“Farg‘ona hududiy elektr tarmoqlari korxonasi” AJda mehnat xavfsizligi amalda mustahkamlanmoqda. Xodimlar hayoti va salomatligi eng ustuvor qadriyat sifatida doimiy e’tiborda.

Shu maqsadda Farg‘ona shahar elektr ta’minoti korxonasida navbatdan tashqari o‘quv-amaliy yo‘riqnoma o‘tkazildi. Tadbir davomida kundalik ish jarayonida eng ko‘p uchraydigan xavfli holatlar real misollar orqali ko‘rsatib berildi.

Mutaxassislar har bir harakat texnik reglament asosida bajarilishi lozimligini, beparvolik esa og‘ir oqibatlarga olib kelishini yana bir bor eslatdi. Himoya vositalarining holati tekshirilib, ularning to‘g‘ri qo‘llanishi amalda namoyish etildi.

Shuningdek, yil boshidan buyon sodir bo‘lgan ayrim hodisalar tahlil qilinib, xulosa chiqarildi. Maqsad bitta — xatoni takrorlamaslik.

Xavfsiz mehnat — bu majburiyat emas.
Bu har bir xodimning kundalik mas’uliyati.

⚡️ t.me/farhetk_admin

AMALIY TAJRIBA — XAVFSIZ ISHNING KALITI

O‘zbekiston tuman elektr ta’minoti korxonasining o‘quv maydonida xodimlar uchun o‘quv-amaliy mashg‘ulot tashkil etildi. Unda asosiy e’tibor ish jarayonida xavfsizlikni ta’minlash, to‘g‘ri harakat qilish va mas’uliyatli yondashuvni kuchaytirishga qaratildi.

Mashg‘ulot davomida xodimlar real ish sharoitiga yaqin vaziyatlarda amaliy ko‘nikmalarni mustahkamladi. Elektr qurilmalari bilan ishlashda ehtiyot choralariga rioya qilish, himoya vositalaridan to‘g‘ri foydalanish hamda favqulodda holatlarda tezkor va to‘g‘ri qaror qabul qilish masalalari alohida ko‘rsatib berildi.

Mutaxassislar tomonidan eng ko‘p uchraydigan xatolar tahlil qilinib, ularning oldini olish bo‘yicha aniq tavsiyalar berildi. Shuningdek, xavfsizlik qoidalariga loqayd qarash qanday oqibatlarga olib kelishi mumkinligi real misollar asosida tushuntirildi.

Mazkur mashg‘ulotlar xodimlarning nafaqat bilimini, balki ishga bo‘lgan mas’uliyatini ham oshiradi. Chunki elektr sohasida har bir to‘g‘ri qaror — inson hayotini asraydi.

⚡️ t.me/farhetk_admin

#24_soatlik_ish_faoliyatida

Hududlarda iste’molchilarni barqaror elektr energiyasi bilan ta’minlash maqsadida tashkil etilgan tezkor chiqish brigadalari tunu kun uzluksiz ish olib bormoqda.

Jumladan, Qo‘qon shahrini elektr energiyasi bilan ta’minlovchi 6 kVli “Kamolot” elektr uzatish kabel tarmog‘ining boshlanish qismi mutaxassislar tomonidan ta’mirdan chiqarildi. Amalga oshirilgan ishlar tarmoq ishonchliligini oshirish hamda kutilmagan nosozliklarning oldini olishga qaratildi.

⚡️ t.me/farhetk_admin

✅ FAROVONLIK YO‘LIDAGI BUNYODKORLIK ISHLARI DAVOM ETMOQDA

Prezidentimiz tashabbuslari bilan Marg‘ilon shahrida "Yangi O‘zbekiston" massivi qurilishi davom etmoqda.

Massivga tutash hududda qad rostlayotgan Burhonuddin Marg‘iloniy xalqaro ilmiy-tadqiqot markazi uchun yangi elektr uzatish kabel tarmog’ini tortish ishlari bajarilmoqda.

Ma’lumot uchun Marg‘ilon shahridagi yangi massivda 110 gektar maydonda bunyodkorlik ishlari olib boriladi.

Xususan, 25 ming aholiga mo‘ljallangan 5 mingta xonadonli ko‘p qavatli uylar quriladi.

Shuningdek, Maqom teatri, yuridik institut, 4 ta mehmonxona, shoir va san’atkorlar xiyoboni, savdo va xizmat majmualari qad rostlaydi.

⚡️ t.me/farhetk_admin