KO‘P QAVATLI UYLARNING ELEKTR TA'MINOTI YAXSHILANMOQDA

Bag'dod tumanining “Ittifoq” mahalla fuqarolar yig'ini “Farg'ona yo'li” ko’chasidagi 1-sonli ko‘p qavatli uyning elektr energiyasi bilan ta’minlovchi elektr qutisi (shit) mutaxassislar tomonidan to'liq ko'rikdan o'tkazilib, ta’mirlanmoqda.

⚡️ t.me/farhetk_admin

❗️ISH JARAYONIDA XAVFSIZLIK – BIRINCHI O‘RINDA

“Farg‘ona hududiy elektr tarmoqlari korxonasi” AJ tizimida mehnat muhofazasi va texnika xavfsizligini ta'minlash doimiy e'tiborda. Ayniqsa, ishchilarning hayoti va salomatligini asrash maqsadida amaliy mashg‘ulotlar, nazorat tadbirlari muntazam ravishda tashkil etilmoqda.

Shu yo‘nalishdagi navbatdagi o‘quv-amaliy tadbir Toshloq tuman elektr ta'minoti korxonasida bo‘lib o‘tdi.

Korxonaning o’quv maydonida tashkil etilgan mashg’ulotdan asosiy maqsad — ish jarayonida yuzaga kelishi mumkin bo‘lgan xavf-xatarlarni oldindan aniqlash, ularning oldini olish bo‘yicha aniq tavsiyalar berish va ishchilarning texnika xavfsizligi qoidalariga to‘liq amal qilinishini ta'minlashdan iborat bo‘ldi.

Mashg‘ulot davomida mutaxassislar tomonidan real ish sharoitlariga yaqin bo‘lgan holatlar yaratilib, har bir bosqich amaliy tarzda namoyish etildi.

Xodimlarga shaxsiy himoya vositalaridan to‘g‘ri foydalanish, ularni saqlash va ish paytida qo‘llash qoidalari batafsil tushuntirildi.

⚡️ t.me/farhetk_admin

🤔MARG‘ILONDA KO‘P QAVATLI UYLARNING ELEKTR TA’MINOTI YANGILANDI

Marg‘ilon shahrining “Vatan” mahalla fuqarolar yig‘ini hududida joylashgan 419-sonli ko‘p qavatli uyni elektr energiyasi bilan ta’minlovchi kabel tarmog‘ini yangilash ishlari boshlandi.

Ta’mirlash jarayonida eskirgan kabel tarmoqlari zamonaviy, ishonchli va yuqori sifatli yangi elektr uzatish kabel tarmoqlariga almashtirilmoqda. Natijada elektr energiyasini uzatish jarayonidagi texnik yo‘qotishlar kamaytirilib, ta’minot sifati sezilarli darajada yaxshilanadi.

Bajarilayotgan ishlarning asosiy maqsadi mavsum davomida elektr yuklamasining ortishi natijasida elektr qurilmalarida yuzaga kelishi mumkin bo‘lgan nosozliklarning oldini olish, mavjud tarmoqlarning barqaror ishlashini ta’minlash hamda iste’molchilarga uzluksiz va sifatli elektr energiyasini yetkazib berishdan iborat.

Yangi kabel tarmog‘ining ishga tushirilishi orqali mazkur ko‘p qavatli uyda istiqomat qiluvchi fuqarolar uchun yanada qulay va xavfsiz elektr ta’minoti yo‘lga qo‘yiladi.

Mazkur ishlar aholi farovonligini oshirish, yashash sharoitlarini yaxshilash hamda hudud infratuzilmasini rivojlantirish yo‘lidagi muhim qadam bo‘lib xizmat qiladi.

⚡️ t.me/farhetk_admin

YANA BIR YANGI TRANSFORMATOR PUNKTI O’RNATILMOQDA

Quva tumanini jadal kompleks rivojlantirish boʻyicha amaliy ishlar olib borilmoqda.

Oʻzbekiston Respublikasi Prezidentining “Respublika hududlarini jadal kompleks rivojlantirish uchun tanlab olingan tuman (shahar)larda amaliy chora-tadbirlarni amalga oshirish toʻgʻrisida”gi Qaroriga muvofiq Quva tumanini jadal kompleks rivojlantirish boʻyicha tegishli loyihalar asosida hududlarning elektr ta’minotini yaxshilash va yangilash ishlari olib borilmoqda.

Ayni vaqtda mutaxassislar tomonidan tumanning “Qayirma” mahalla fuqarolar yig’ini hududiga yangi transformator punktlarini o’rnatish ishlari bajarilmoqda.

⚡️ t.me/farhetk_admin

“KARKIDON” SUV OMBORI HUDUDIDAGI TURIZM MARKAZIGA YANGI TARMOQ TORTILMOQDA

Quva tumanidagi “Karkidon” suv ombori hududida yirik turizm majmuasi qurilish ishlari jadal davom etmoqda. Ushbu loyiha nafaqat hududda zamonaviy dam olish infratuzilmasini yaratish, balki ichki va tashqi turizmni rivojlantirishga ham xizmat qiladi.

Mazkur zamonaviy turizm markazini sifatli elektr energiyasi bilan ta’minlash maqsadida “Farg‘ona hududiy elektr tarmoqlari korxonasi” AJ tomonidan yangi elektr uzatish tarmoqlarini tortish ishlari amalga oshirilmoqda.

Bu esa, kelgusida majmuaning barqaror elektr ta’minotini kafolatlash, xizmat ko‘rsatish sifatini oshirish hamda turizm rivojiga keng yo‘l ochib beradi.

⚡️ t.me/farhetk_admin

TOM USTIDAGI KELAJAK

Quva tumanidagi “So‘fi” mahallasida joylashgan bir xonadon bugun oddiy uy bo‘lishdan chiqdi. Endi u — energiya manbai. So‘fi ko‘chasi, 433-uy tomida jimjit ishlayotgan quyosh panellari esa kelajak haqida gapirmoqda.

Bu xonadon egasi Ilxomjon Qobilov 12 kVt quvvatga ega quyosh energiyasi tizimini ishga tushirdi. Natijada u endi faqat elektr iste’molchisi emas, balki ishlab chiqaruvchiga aylandi. Ya’ni, elektr energiyasi bu uyda “hisoblanmaydi” — yaratiladi.

Quyosh charaqlagan soatlarda ishlab chiqarilgan quvvat avvalo xonadon ehtiyojlarini qoplaydi. Ortiqcha energiya esa umumiy tarmoqqa uzatiladi. Bir tom, bir uy, lekin butun tizim uchun foyda. Bu kichik qadam — katta o‘zgarishning boshlanishi.

Loyiha davomida elektr ta’minoti korxonasi mutaxassislari tomonidan texnik ko‘maklar berildi. Uskunalarning xavfsizligi, to‘g‘ri ishlashi va maksimal samaradorligi doimiy nazoratga olingan. Hammasi aniq hisob-kitob asosida.

Quyosh — har kuni chiqadi. Endi u nafaqat yorug‘lik, balki foyda, barqarorlik va kelajak energiyasidir.

⚡️ t.me/farhetk_admin

ELEKTR INFRASTRUKTURADA YANGI QADAM...

Quva tumanida o‘zgarishlar izchil davom etmoqda. Bugun bu jarayon nafaqat qurilishlarda, balki energiya infratuzilmasida ham yaqqol namoyon bo‘layapti.

Prezident qaroriga muvofiq, hududlarni jadal kompleks rivojlantirish doirasida Quva tumanining elektr ta’minotini yanada barqaror va zamonaviy qilishga qaratilgan loyihalar amalga oshirilmoqda. Maqsad aniq: tadbirkorlik subyektlarini sifatli elektr energiyasi bilan ta’minlash.

Ayni paytda “Ilg‘or” va “Rohatoy” mahalla fuqarolar yig‘inlari hududlarida yangi transformator punktlari o‘rnatilmoqda. Ushbu qurilmalar tadbirkorlik subyektlarini faoliyatlari barqaror olib borishlariga xizmat qiladi.

Yangi transformator — bu shunchaki texnika emas. Bu ishonchli ta’minot, uzluksiz faoliyat va kelajakka qaratilgan investitsiya.

Quvada elektr ta’minoti yangilanmoqda. Chunki rivojlanish barqaror va ishonchli energiyadan boshlanadi.

⚡️ t.me/farhetk_admin