YANGI TRANSFORMATOR PUNKTI O’RNATILMOQDA

Quva tumanini jadal kompleks rivojlantirish boʻyicha amaliy ishlar olib borilmoqda.

Oʻzbekiston Respublikasi Prezidentining “Respublika hududlarini jadal kompleks rivojlantirish uchun tanlab olingan tuman (shahar)larda amaliy chora-tadbirlarni amalga oshirish toʻgʻrisida”gi Qaroriga muvofiq Quva tumanini jadal kompleks rivojlantirish boʻyicha tegishli loyihalar asosida hududlarning elektr ta’minotini yaxshilash va yangilash ishlari olib borilmoqda.

Ayni vaqtda mutaxassislar tomonidan tumanning “Sultonobod” mahalla fuqarolar yig’ini hududiga yangi transformator punktlarini o’rnatish ishlari bajarilmoqda.

⚡️ t.me/farhetk_admin

10 KVT QUVVATGA EGA QUYOSH PANELLARI ISHGA TUSHIRILDI

So‘nggi yillarda yurtimizda muqobil energiya manbalaridan foydalanishga bo‘lgan e’tibor tobora ortib bormoqda. Bu jarayon ekologik muvozanatni ta’minlash bilan birga, elektr energiyasidan oqilona va samarali foydalanish imkonini ham yaratmoqda.

Marg‘ilon shahridagi “Toshkesar” mahalla fuqarolar yig‘ini Axkamdor ko‘chasi 70-uyda istiqomat qiluvchi fuqaro Nabijon Yuldashev o‘z xonadonida quvvati 10 kVt bo‘lgan quyosh panellarini o‘rnatdi. Ushbu tizim yordamida u uy xo‘jaligi ehtiyojlarini muqobil energiya hisobidan ta’minlash bilan birga, ortiqcha ishlab chiqarilgan elektr energiyasini umumiy tarmoqqa uzatish imkoniyatiga ega bo‘lmoqda.
Loyiha amalga oshirilishi davomida shahar elektr ta’minoti korxonasi mutaxassislari tomonidan zarur texnik ko‘rsatmalar berilib, uskunalarning samarali ishlashi hamda doimiy nazoratni yo‘lga qo‘yish bo‘yicha tushuntirishlar olib borildi.

“Farg‘ona hududiy elektr tarmoqlari korxonasi” AJ tomonidan viloyat hududida muqobil energiya manbalarini keng joriy etish, aholi va tadbirkorlar o‘rtasida ushbu yo‘nalishda targ‘ibot-tashviqot ishlarini kuchaytirish doimiy e’tiborda bo‘lib kelmoqda.

⚡️ t.me/farhetk_admin

MARG‘ILONDA YANA BIR KICHIK ELEKTR STANSIYA

Marg‘ilon shahrining “Kosibchilik” mahallasidagi oddiygina xonadon bugun kichik, ammo muhim bir tajribaga aylandi. Majnuntol ko‘chasi, 28-uy tomida endi energiya ishlab chiqarilmoqda.

Ushbu manzilda istiqomat qiluvchi fuqaro Muxammadaziz Mo’sajonov o‘z uyida quvvati 10 kVt bo‘lgan quyosh panellarini ishga tushirdi. Natijada xonadon oddiy iste’molchidan energiya ishlab chiqaruvchi subyektga aylandi. Bu endi nafaqat tejamkorlik, balki energiya madaniyatining yangi bosqichi.

Kun davomida ishlab chiqarilgan elektr energiyasi avvalo uy xo‘jaligi ehtiyojlarini qoplaydi. Quyosh saxiyroq bo‘lgan paytlarda esa ortiqcha quvvat umumiy elektr tarmog‘iga uzatiladi. Ya’ni, bitta xonadon — tizimga hissa qo‘shmoqda.

Loyiha jarayonida shahar elektr ta’minoti korxonasi mutaxassislari tomonidan texnik maslahatlar berilib, uskunalarning to‘g‘ri ulanishi, xavfsiz ishlashi va samaradorligi bo‘yicha amaliy ko‘rsatmalar taqdim etildi. Eng muhimi, tizim doimiy nazorat ostida.

Quyosh har kuni chiqadi. Endi u shunchaki yorug‘lik emas — imkoniyat.

⚡️ t.me/farhetk_admin

KO‘P QAVATLI UYLARNING ELEKTR TA'MINOTI YAXSHILANMOQDA

Bag'dod tumanining “Ittifoq” mahalla fuqarolar yig'ini “Farg'ona yo'li” ko’chasidagi 1-sonli ko‘p qavatli uyning elektr energiyasi bilan ta’minlovchi elektr qutisi (shit) mutaxassislar tomonidan to'liq ko'rikdan o'tkazilib, ta’mirlanmoqda.

⚡️ t.me/farhetk_admin

❗️ISH JARAYONIDA XAVFSIZLIK – BIRINCHI O‘RINDA

“Farg‘ona hududiy elektr tarmoqlari korxonasi” AJ tizimida mehnat muhofazasi va texnika xavfsizligini ta'minlash doimiy e'tiborda. Ayniqsa, ishchilarning hayoti va salomatligini asrash maqsadida amaliy mashg‘ulotlar, nazorat tadbirlari muntazam ravishda tashkil etilmoqda.

Shu yo‘nalishdagi navbatdagi o‘quv-amaliy tadbir Toshloq tuman elektr ta'minoti korxonasida bo‘lib o‘tdi.

Korxonaning o’quv maydonida tashkil etilgan mashg’ulotdan asosiy maqsad — ish jarayonida yuzaga kelishi mumkin bo‘lgan xavf-xatarlarni oldindan aniqlash, ularning oldini olish bo‘yicha aniq tavsiyalar berish va ishchilarning texnika xavfsizligi qoidalariga to‘liq amal qilinishini ta'minlashdan iborat bo‘ldi.

Mashg‘ulot davomida mutaxassislar tomonidan real ish sharoitlariga yaqin bo‘lgan holatlar yaratilib, har bir bosqich amaliy tarzda namoyish etildi.

Xodimlarga shaxsiy himoya vositalaridan to‘g‘ri foydalanish, ularni saqlash va ish paytida qo‘llash qoidalari batafsil tushuntirildi.

⚡️ t.me/farhetk_admin

🤔MARG‘ILONDA KO‘P QAVATLI UYLARNING ELEKTR TA’MINOTI YANGILANDI

Marg‘ilon shahrining “Vatan” mahalla fuqarolar yig‘ini hududida joylashgan 419-sonli ko‘p qavatli uyni elektr energiyasi bilan ta’minlovchi kabel tarmog‘ini yangilash ishlari boshlandi.

Ta’mirlash jarayonida eskirgan kabel tarmoqlari zamonaviy, ishonchli va yuqori sifatli yangi elektr uzatish kabel tarmoqlariga almashtirilmoqda. Natijada elektr energiyasini uzatish jarayonidagi texnik yo‘qotishlar kamaytirilib, ta’minot sifati sezilarli darajada yaxshilanadi.

Bajarilayotgan ishlarning asosiy maqsadi mavsum davomida elektr yuklamasining ortishi natijasida elektr qurilmalarida yuzaga kelishi mumkin bo‘lgan nosozliklarning oldini olish, mavjud tarmoqlarning barqaror ishlashini ta’minlash hamda iste’molchilarga uzluksiz va sifatli elektr energiyasini yetkazib berishdan iborat.

Yangi kabel tarmog‘ining ishga tushirilishi orqali mazkur ko‘p qavatli uyda istiqomat qiluvchi fuqarolar uchun yanada qulay va xavfsiz elektr ta’minoti yo‘lga qo‘yiladi.

Mazkur ishlar aholi farovonligini oshirish, yashash sharoitlarini yaxshilash hamda hudud infratuzilmasini rivojlantirish yo‘lidagi muhim qadam bo‘lib xizmat qiladi.

⚡️ t.me/farhetk_admin