🤔BAXROMJON XONADONIGA QUYOSH PANEL O’RNATDI

Yurtimizda muqobil energiya manbalaridan foydalanishga bo‘lgan qiziqish ortib borayotgani quvonarli hol.

Bu esa nafaqat ekologik barqarorlik, balki energiya samaradorligini oshirishga ham xizmat qilmoqda.

Marg'ilon shahrining “Yorqin” mahalla fuqarolar yig‘ini Said Ahmad Xo’ja Eshon ko’chasi 74d-uyda yashovchi tashabbuskor fuqaro Baxromjon Kazakov o‘z yashash xonadoniga 10 kVt quvvatga ega quyosh panellarini o‘rnatdi. Bu tashabbus orqali u o‘z ehtiyojini muqobil yo‘l bilan qoplash bilan birga, ortiqcha elektr energiyasini tarmoqqa uzatish imkoniyatiga ham ega bo‘lmoqda.

Mazkur loyiha amalga oshirilishi jarayonida tuman elektr ta’minoti korxonasi mutaxassislari tomonidan texnik tavsiyalar berilib, quyosh panellarining samarali ishlashi va muntazam monitoring olib borilishi yuzasidan tushunchalar berildi.

"Farg‘ona hududiy elektr tarmoqlari korxonasi" AJ tomonidan viloyat hududlarida muqobil energiya manbalarini keng joriy etish maqsadida aholiga va tadbirkorlarga qaratilgan targ‘ibot-tashviqot ishlari muntazam olib borilmoqda.

⚡️ t.me/farhetk_admin

KORRUPSIYANING HAR QANDAY KO‘RINISHIGA YO‘Q DEYMIZ

Prezidentimiz o‘z murojaatnomalarida korrupsiyaga qarshi kurashishni davlat siyosatining ustuvor yo‘nalishlaridan biri sifatida alohida ta’kidlab, ushbu illat jamiyat taraqqiyoti, xalq ishonchi va adolatli boshqaruvga jiddiy to‘siq bo‘lishini qayd etib kelmoqda. Davlatimiz rahbari tomonidan belgilangan vazifalar asosida barcha soha va tizimlarda halollik, shaffoflik hamda qonun ustuvorligini ta’minlashga qaratilgan tizimli chora-tadbirlar amalga oshirilmoqda.

Shu maqsadda “Farg‘ona hududiy elektr tarmoqlari korxonasi” AJ tarkibidagi barcha korxonalarda xodimlarning kasbiy saviyasi, xizmat madaniyati va huquqiy ongini yuksaltirish, shuningdek, korrupsiyaga qarshi murosasiz munosabatni shakllantirish borasida izchil ishlar olib borilmoqda.

Mazkur yo‘nalishdagi navbatdagi targ‘ibot-tashviqot tadbiri tashkil etildi. Tadbirda korxona xodimlari ishtirok etib, xizmat madaniyati, odob-axloq qoidalari, davlat xizmatiga bo‘lgan hurmatni oshirish hamda korrupsiyaga qarshi kurashish masalalari yuzasidan muhim mavzular muhokama qilindi.

Yig‘ilish davomida xodimlarga xizmat vazifalarini halollik va vijdon bilan bajarish, fuqarolar murojaatlariga tezkor va e’tiborli munosabatda bo‘lish, ichki mehnat intizomiga qat’iy rioya qilish hamda jamoatchilik bilan muloqotda doimo xushmuomala va odobli bo‘lish zarurligi alohida ta’kidlab o‘tildi.

Korrupsiya jamiyat taraqqiyotiga to‘siq bo‘luvchi, fuqarolar ishonchiga putur yetkazuvchi xavfli illat ekani qat’iy ta’kidlanib, uning oldini olish bo‘yicha xodimlarga huquqiy va amaliy tushuntirishlar berildi.

Yakunda har bir xodimning halolligi, sadoqati va ochiq faoliyati xalq ishonchini mustahkamlash hamda jamiyat taraqqiyotiga munosib hissa qo‘shishda muhim omil ekani alohida qayd etildi. “Farg‘ona hududiy elektr tarmoqlari korxonasi” AJda korrupsiyaning har qanday ko‘rinishiga murosasiz munosabatda bo‘lish, halollik va shaffoflik tamoyillariga qat’iy amal qilish ustuvor vazifa bo‘lib qoladi.

⚡️ t.me/farhetk_admin

🤔 MUROJAAT IJOBIY YECHIM TOPDI

Marg’ilon shahri “Navbahor” mahalla fuqarolar yig’ini “Yangi Farg’ona” ko’chasida joylashgan 15-sonli ko‘p qavatli uyning elektr energiyasi bilan ta’minlovchi elektr qutisi (shit) hamda elektr montaj qismlari mutaxassislar tomonidan ta’mirlandi.

Mazkur ta’mirlash va yangilash ishlari ayni mavsumda iste’molchilarni barqaror elektr energiyasi bilan ta’minlash, shuningdek, yuzaga kelishi mumkin bo‘lgan favqulodda avariyali uzilish holatlarini oldini olishga qaratilgan.

⚡️ t.me/farhetk_admin

QUVA TUMANINI JADAL KOMPLEKS RIVOJLANTIRISH BOʻYICHA AMALIY ISHLAR OLIB BORILMOQDA

Oʻzbekiston Respublikasi Prezidentining “Respublika hududlarini jadal kompleks rivojlantirish uchun tanlab olingan tuman (shahar)larda amaliy chora-tadbirlarni amalga oshirish toʻgʻrisida”gi Qaroriga muvofiq Quva tumanini jadal kompleks rivojlantirish boʻyicha tegishli loyihalar asosida hududlarning elektr ta’minotini yaxshilash va yangilash ishlari olib borilmoqda.

Ayni vaqtda mutaxassislar tomonidan tumanning “Paxtakor” mahalla fuqarolar yig’ini hududiga yangi transformator punktlarini o’rnatish ishlari bajarilmoqda.

⚡️ t.me/farhetk_admin

QAYIRMAGA YANGI TRANSFORMATOR PUNKTI O’RNATILMOQDA

Quva tumanini jadal kompleks rivojlantirish boʻyicha amaliy ishlar olib borilmoqda.

Oʻzbekiston Respublikasi Prezidentining “Respublika hududlarini jadal kompleks rivojlantirish uchun tanlab olingan tuman (shahar)larda amaliy chora-tadbirlarni amalga oshirish toʻgʻrisida”gi Qaroriga muvofiq Quva tumanini jadal kompleks rivojlantirish boʻyicha tegishli loyihalar asosida hududlarning elektr ta’minotini yaxshilash va yangilash ishlari olib borilmoqda.

Ayni vaqtda mutaxassislar tomonidan tumanning “Qayirma” mahalla fuqarolar yig’ini hududiga yangi transformator punktlarini o’rnatish ishlari bajarilmoqda.

⚡️ t.me/farhetk_admin