💡FOYDASIZ YONIQ TURGAN CHIROQLAR O‘CHIRILMOQDA

Rishton tumanida elektr energiyasidan oqilona va samarali foydalanish borasida amaliy choralar ko‘rilmoqda.

Mutaxassislar tomonidan kechki vaqtlarda muntazam ravishda reyd tadbirlari o‘tkazilmoqda.

Mazkur reydlar davomida foydasiz yoniq turgan ko‘cha chiroqlari, reklama panellari va boshqa ortiqcha yoritish vositalari aniqlanib, o‘chirilmoqda. Bu orqali elektr energiyasini isrof qilmaslik va mavjud resurslardan to‘g‘ri foydalanish maqsad qilingan.

Shuningdek, aholi va tadbirkorlar bilan uchrashuvlar tashkil etilib, ularga elektr energiyasini tejash bo‘yicha tushuntirish ishlari olib borilmoqda. Xususan, kundalik hayotda oddiy qoidalarga amal qilish orqali katta energiya tejash mumkinligi targ‘ib qilinmoqda.

Bu kabi sa’y-harakatlar nafaqat iqtisodiy samaradorlikni oshirish, balki ekologik barqarorlikka ham hissa qo‘shadi.

⚡️ t.me/farhetk_admin

#24_soatlik_ish_faoliyatida

Hududlarda isteʼmolchilarni barqaror elektr energiyasi bilan taʼminlash maqsadida tashkil etilgan tezkor chiqish brigadalari uzluksiz ish faoliyatini olib borishmoqda.

Ayni vaqtda Oltiariq tumani "Tinchlik" mahalla fuqarolar yig‘ini hududida joylashgan 9-sonli transformator punktini elektr energiyasi bilan taʼminlovchi kabel tarmog‘ida yuzaga kelgan nosozlik mutaxassislar tomonidan bartaraf etilmoqda.

Nosozlikni imkon qadar tez fursatda bartaraf etish uchun hududga qo‘shimcha brigadalar va malakali mutaxassislar jalb etilib, jarayonga kerakli barcha materiallar bilan to‘liq taʼmunlangan. Va maxsus avtotransport vositalari ham jalb etilgan.

Tez orada mazkur jarayon yakuniga yetkazilib, tarmoq orqali elektr taʼminoti to‘liq tiklanadi.

⚡️ t.me/farhetk_admin

#24_soatlik_ish_faoliyatida

TAʼMINOT TIKLANDI

Hududlarda isteʼmolchilarni barqaror elektr energiyasi bilan taʼminlash maqsadida tashkil etilgan tezkor chiqish brigadalari uzluksiz ish faoliyatini olib borishmoqda.

Marg‘ilon shahrining ayrim hududlarini elektr energiyasi bilan taʼminlovchi "Farg‘ona" podstansiyasidan chiquvchi "Cho‘lquvar-2" elektr uzatish tarmog‘ini bir qismida yuzaga kelgan favqulodda avariyali uzilish tezkor chiqish brigadalari tomonidan bartaraf etildi.

Nosozlikni imkon qadar tez fursatda bartaraf etish uchun hududga qo‘shimcha brigadalar va malakali mutaxassislar jalb etilib, jarayonga kerakli barcha materiallar bilan to‘liq taʼminlandi. Va maxsus avtotransport vositalari ham jalb etilgan.

Mazkur jarayon yakuniga yetkazilib, tarmoq orqali elektr taʼminoti to‘liq tiklandi.

⚡️ t.me/farhetk_admin

JAHOLATGA QARSHI MA’RIFAT BILAN!

“Jaholatga qarshi ma’rifat bilan” shiori ostida “Farg‘ona hududiy elektr tarmoqlari korxonasi” AJ ishchi-xodimlari o‘rtasida tegishli tashkilotlar mutaxassislari ishtirokida madaniy-ma’rifiy tadbir bo‘lib o‘tdi.

Mazkur tadbirning asosiy maqsadi jamiyatda ma’naviy-ma’rifiy muhitni yanada mustahkamlash, yoshlar va mehnat jamoalari o‘rtasida sog‘lom dunyoqarashni shakllantirish, turli yot g‘oyalar va jaholatga qarshi ma’rifat yo‘li bilan kurashishdan iborat bo‘ldi.

Tadbir davomida mutaxassislar tomonidan ma’naviyat, ma’rifat, milliy qadriyatlar, kitobxonlik madaniyati hamda axborot xurujlariga qarshi ongli munosabatni shakllantirish masalalari bo‘yicha atroflicha fikr-mulohazalar bildirildi. Shuningdek, ishtirokchilarga hayotiy misollar orqali jaholatning salbiy oqibatlari va ma’rifatning jamiyat taraqqiyotidagi o‘rni tushuntirib berildi.

Ishchi-xodimlar tomonidan mavzuga oid savollar berildi hamda mutaxassislar bilan ochiq muloqot tashkil etildi. Bu esa tadbirning yanada mazmunli va samarali o‘tishiga xizmat qildi.

Tadbir yakunida ma’naviy-ma’rifiy ishlar doimiy ravishda olib borilishi, bunday uchrashuvlar ishchi-xodimlarning ongini yuksaltirishda muhim ahamiyat kasb etishi ta’kidlandi.

⚡️ t.me/farhetk_admin