🟢PREZIDENT MUROJAATNOMASI — JAMIYAT TARAQQIYOTI VA MAS’ULIYATLI MEHNATGA DASTUR

O‘zbekiston Respublikasi Prezidenti Shavkat Mirziyoyevning Oliy Majlis va O‘zbekiston xalqiga yo‘llagan navbatdagi Murojaatnomasining mazmun-mohiyatini keng jamoatchilikka yetkazish, unda belgilangan ustuvor vazifalarni chuqur anglash maqsadida “Farg‘ona hududiy elektr tarmoqlari korxonasi” AJ ishchi-xizmatchilari o‘rtasida ma’naviy-ma’rifiy tadbir tashkil etildi.

Mazkur tadbirda Farg‘ona davlat texnika universiteti Ijtimoiy fanlar kafedrasi professori, falsafa fanlari doktori Sodiqov Sanjar Subxoniddin o‘g‘li ishtirok etib, Davlatimiz rahbari tomonidan 26-dekabr kuni ilgari surilgan g‘oya va tashabbuslarning chuqur falsafiy hamda ijtimoiy-siyosiy mazmuniga atroflicha to‘xtalib o‘tdi.

Murojaatnomada ifoda etilgan har bir ustuvor yo‘nalish mamlakat taraqqiyotining uzluksizligini ta’minlashga, jamiyatda mas’uliyat, tashabbuskorlik va fidoyilik ruhini mustahkamlashga qaratilganini alohida ta’kidladi. Shuningdek, energetika sohasi xodimlarining faoliyati ushbu maqsadlar bilan bevosita uyg‘un ekani, har bir ishchi-xizmatchining vijdonan va sidqidildan mehnat qilishi yurtimiz ravnaqiga munosib hissa bo‘lib qo‘shilishini qayd etdi.

Tadbir davomida Murojaatnoma matni o‘qib eshittirilib, uning mazmun-mohiyati ishchi-xizmatchilarga sodda, tushunarli va hayotiy misollar asosida sharhlab berildi. Bu esa ishtirokchilarda Davlatimiz rahbari belgilab bergan vazifalarga nisbatan yanada chuqur mas’uliyat va faol fuqarolik pozitsiyasini shakllantirishga xizmat qildi.

Shubhasiz, bunday ma’naviy-ma’rifiy uchrashuvlar mehnat jamoalarida yuksak ong, islohotlarga daxldorlik hissi va umumxalq maqsadlari atrofida birlashishni ta’minlab, Yangi O‘zbekiston taraqqiyoti yo‘lida muhim ahamiyat kasb etadi.

⚡️ t.me/farhetk_admin

✨#milliy_kontent

🇺🇿MILLIY LIBOS – MILLAT KO‘ZGUSI!

"Farg‘ona hududiy elektr tarmoqlari korxonasi"AJ jamoasi milliy qadriyatlarimizni e’zozlab, navbatdagi “Milliy libos – millat ko‘zgusi” chellenjini davom ettirmoqda!

Siz ham ushbu ezgu tashabbusga qo‘shiling, chellenjda faol ishtirok eting!

⚡️ t.me/farhetk_admin

🤔BIRGA RO‘YXATDAN O‘TAMIZ – BIRGA KELAJAKNI QURAMIZ!

“Farg‘ona hududiy elektr tarmoqlari korxonasi” AJda davra suhbati tashkil etildi.

O‘zbekiston Respublikasi Prezidentining 2025-yil 19-sentabrdagi “O‘zbekiston Respublikasida aholi va qishloq xo‘jaligini ro‘yxatga olish tadbirini o‘tkazish to‘g‘risida”gi PF-173-son Farmoni ijrosini ta’minlash maqsadida joylarda tushuntirish va targ‘ibot ishlari izchil davom ettirilmoqda.

Shu munosabat bilan “Farg‘ona hududiy elektr tarmoqlari korxonasi” AJ mehnat qilayotgan ishchi-xodimlar o'rtasida aholi va qishloq xo‘jaligini ro‘yxatga olish tadbirining ahamiyati hamda mazmun-mohiyatiga bag‘ishlangan davra suhbati tashkil etildi.

Tadbir davomida ro‘yxatga olish jarayonining xalqaro standartlar asosida amalga oshirilishi, unda raqamlashtirish va zamonaviy axborot texnologiyalaridan keng foydalanish masalalariga alohida e’tibor qaratildi. Shuningdek, mazkur jarayonda aholining faolligi, haqqoniy va to‘liq ma’lumotlar taqdim etilishi ro‘yxatga olish natijalarining sifatiga bevosita ta’sir ko‘rsatishi ta’kidlandi.

Davra suhbati jarayonida ishtirokchilar ro‘yxatga olish tartibi, uning ijtimoiy-iqtisodiy ahamiyati hamda amaliy jihatlari yuzasidan batafsil ma’lumotga ega bo‘ldilar.

Tadbir yakunida aholi va qishloq xo‘jaligini ro‘yxatga olish jarayonida har bir fuqaroning mas’uliyati va faol ishtiroki muhim ekani, ushbu jarayon mamlakatni barqaror rivojlantirishga xizmat qilishi alohida qayd etildi.

⚡️ t.me/farhetk_admin

#24_soatlik_ish_faoliyatida

Hududlarda isteʼmolchilarni barqaror elektr energiyasi bilan taʼminlash maqsadida tashkil etilgan tezkor chiqish brigadalari uzluksiz ish faoliyatini olib borishmoqda.

Ayni vaqtda murojaatga asosan Qo‘shtepa tumani "Sarmozor" mahalla fuqarolar yig‘ini hududida joylashgan 491-sonli transformator punktidan chiquvchi 0,4 kVli elektr uzatish tarmog‘ida yuzaga kelgan nosozlikni bartaraf etish ishlari olib borilmoqda.

Tez orada mazkur jarayon yakuniga yetkazilib, tarmoq orqali elektr taʼminoti to‘liq tiklanadi.

⚡️ t.me/farhetk_admin