✍️TARMOQDAGI YUKLAMALAR TENG TAQSIMLANMOQDA

Qo'qon shahar elektr ta’minoti korxonasi tomonidan Qo'qon shahar “Amur Temur” mahalla fuqarola yig’inidagi 3-sonli, 5-sonli hamda 5g-sonli ko’p qavatli uylarni elektr energiyasi bilan ta’minlovchi elektr qurilmalar ko'rikdan o'tkazilib, yuklamalarni teng taqsimlash ishlari bajarilmoqda.

O’z navbatida olib borilgan ushbu texnik tadbir ishlari mavsumda iste’molchilarni barqaror elektr energiyasi bilan ta’minlash hamda yuzaga kelishi mumkin bo’lgan favqulodda avariyali uzilish holatlarni oldini olishga xizmat qiladi.

⚡️ t.me/farhetk_admin

🟢OQOLTINDAGI TRANSFORMATOR QUVVATI OSHIRILDI

Hududlarda "Farg‘ona hududiy elektr tarmoqlari korxonasi" AJ tomonidan iste’molchilarni elektr ta’minotini yaxshilash borasida amaliy ishlar davom etmoqda.

Jumladan, Farg‘ona tumanidagi "Oqoltin" mahalla fuqarolar yig‘ini hududida joylashgan o‘ta yuklama bilan ishlab kelayotgan 250 kVA quvvatdagi 418-sonli transformator punkti 400 kVA quvvatlisiga almashtirilib, quvvati oshirildi.

Natijada mahalladagi 150 dan ortiq xonadonlarning elektr taʼminoti sifati yaxshilandi.

⚡️ t.me/farhetk_admin

🔴#ogohlik

🤖TOBORA OMMALASHIB BORAYOTGAN TELEGRAM VIRUSLARIDAN OGOH BO‘LING!!!

Firibgarlarning maqsadi akkauntingizni egallab olish va Sizning nomingizdan kontaktlaringizga turli xil ko‘rinishlarda zararli havolalar tarqatish.

✍️ Firibgarlar tuzog‘iga tushib qolmaslik uchun quyidagilar tavsiya etiladi.

✍️Ikki bosqichli autentifikatsiyani o’rnating;

✍️Sms-xabarnomada kelgan raqamlarni hech kimga taqdim etmang;

✍️Messenjerning "qurilmalar" bo‘limidagi "Faol seanslarni" tekshiring.

❗️Agar Sizda ham shunday holat kuzatiladigan bo‘lsa darhol 102 yoki 1102 ☎️ ishonch raqamlariga murojaat qiling!

⚡️ t.me/farhetk_admin

MARG‘ILONDA KO‘P QAVATLI UYLARNING ELEKTR TA’MINOTI YANGILANDI

Marg‘ilon shahrining “Mustaqillik” mahalla fuqarolar yig‘ini hududida joylashgan “Yangi Farg‘ona” ko‘chasidagi 109-sonli ko‘p qavatli uyni elektr energiyasi bilan ta’minlovchi kabel tarmog‘i to‘liq yangilandi.

Ta’mirlash jarayonida eskirgan kabel tarmoqlari zamonaviy va ishonchli yangi elektr uzatish kabel tarmog’iga almashtirildi. Natijada elektr energiyasini uzatishdagi texnik yo‘qotishlar kamaytirilib, ta’minot sifati sezilarli darajada yaxshilandi.

Bajarilgan ishlardan asosiy ko’zlangan maqsad — ko‘p qavatli uy aholisini barqaror elektr energiyasi bilan ta’minlash, shuningdek, kelgusida yuzaga kelishi mumkin bo‘lgan avariyali holatlarning oldini olishdan iborat.

Yangi kabel tarmog‘ining ishga tushirilishi orqali mazkur uyda istiqomat qiluvchi fuqarolar uchun yanada qulay va xavfsiz elektr ta’minoti yo‘lga qo‘yildi.

Bu esa aholi farovonligini oshirish, yashash sharoitlarini yaxshilash va infratuzilmani rivojlantirish yo‘lidagi muhim qadam bo‘lib xizmat qiladi.

⚡️ t.me/farhetk_admin

🟢PREZIDENT MUROJAATNOMASI — JAMIYAT TARAQQIYOTI VA MAS’ULIYATLI MEHNATGA DASTUR

O‘zbekiston Respublikasi Prezidenti Shavkat Mirziyoyevning Oliy Majlis va O‘zbekiston xalqiga yo‘llagan navbatdagi Murojaatnomasining mazmun-mohiyatini keng jamoatchilikka yetkazish, unda belgilangan ustuvor vazifalarni chuqur anglash maqsadida “Farg‘ona hududiy elektr tarmoqlari korxonasi” AJ ishchi-xizmatchilari o‘rtasida ma’naviy-ma’rifiy tadbir tashkil etildi.

Mazkur tadbirda Farg‘ona davlat texnika universiteti Ijtimoiy fanlar kafedrasi professori, falsafa fanlari doktori Sodiqov Sanjar Subxoniddin o‘g‘li ishtirok etib, Davlatimiz rahbari tomonidan 26-dekabr kuni ilgari surilgan g‘oya va tashabbuslarning chuqur falsafiy hamda ijtimoiy-siyosiy mazmuniga atroflicha to‘xtalib o‘tdi.

Murojaatnomada ifoda etilgan har bir ustuvor yo‘nalish mamlakat taraqqiyotining uzluksizligini ta’minlashga, jamiyatda mas’uliyat, tashabbuskorlik va fidoyilik ruhini mustahkamlashga qaratilganini alohida ta’kidladi. Shuningdek, energetika sohasi xodimlarining faoliyati ushbu maqsadlar bilan bevosita uyg‘un ekani, har bir ishchi-xizmatchining vijdonan va sidqidildan mehnat qilishi yurtimiz ravnaqiga munosib hissa bo‘lib qo‘shilishini qayd etdi.

Tadbir davomida Murojaatnoma matni o‘qib eshittirilib, uning mazmun-mohiyati ishchi-xizmatchilarga sodda, tushunarli va hayotiy misollar asosida sharhlab berildi. Bu esa ishtirokchilarda Davlatimiz rahbari belgilab bergan vazifalarga nisbatan yanada chuqur mas’uliyat va faol fuqarolik pozitsiyasini shakllantirishga xizmat qildi.

Shubhasiz, bunday ma’naviy-ma’rifiy uchrashuvlar mehnat jamoalarida yuksak ong, islohotlarga daxldorlik hissi va umumxalq maqsadlari atrofida birlashishni ta’minlab, Yangi O‘zbekiston taraqqiyoti yo‘lida muhim ahamiyat kasb etadi.

⚡️ t.me/farhetk_admin