أكتر حاجة مبتتنسيش مع مرور الأيام مين اللي وقت ما كنت تايه وهمومك محاوطاك حسسك بس إنك مش لوحدك وإن عنده إستعداد يشيل كل ده مكانك عشان بس يشوف ضحكتك منورة تاني مجرد الإحساس بالأمان بينسيك اللي أنت فيه، لحظات جبر الخواطر بتفضل محفورة في القلب قبل الذكريات.
❤4
مش هتعرف تغيّر طبع الناس، بس السهل إنك تعمل مسافات، كل واحد يقرب منك على قد ما بترتاحله، والمسافة البعيدة دي مش معناها إنك تعاملهم وحش، دي معناها بس إنك بتكبر دماغك عن الطباع اللِّي مش حاببها، وبتكتفي بإن العلاقة تفضل طيبة وفيها سلام.
❤4
يارب نؤجر على حزننا ودموعنا، وعن ألمنا النفسي، وعن الضيق المفاجىء، وعن قلة الحيلة، وعن عدم التقبل، عن كل ألم نفسي شتت روحنا وحسسنا بعجزنا وأحنا رضينا، يارب راضي نفسنا وروحنا وقلبنا عن كل اللي فات دا.
❤3
الواحد مش محتاج حاجة غير شخص يعرف يحكيله كل حاجة بصراحة، شخص لما يسألني أنت كويس أعرف أرد عليه ب لأ علي طول وأشرحله أنا مش كويس ليه وإيه مزعلني، شخص أتكلم عن مشاكلي معاه حتي لو مش هيعرف يحلها كفاية إنه يسمعني، بيتهيألي أفضل حاجة ممكن تقدمها لأي حد بتحبه إنك تخليه مطمن بس.
❤2
من أكتر الحاجات الجميلة اللي اتمناها في علاقتي مع أي إنسان، إن عُمره مايفهمني غلط أو يفترض سوء نية في قول أو فعل صدر مني، وإن الناس اللي بحبها تكون متأكدة دايماً إني عمري ما أقصد أبداً إني أؤذيهم أو أتمني ليهم غير كُل خير، عشمي دايمًا إن الناس اللي بحبها تكون متأكدة إني بحبها بدون أي سبب أو مجهود ، و دايماً يكون في بالهم جملة أنا بحبك فهحب أشوفك دايماً مبسوط، فمستحيل أوذيك في كلمة أو فعل أو أتمنى ليك حاجة تضايقك أو تضرك، شكراً لكل حد سهل بسيط في حياتي عمري ما احتجت أي جُهد لتبرير تصرفاتي ليه.
❤4
بشكر ربنا ان لسه ضميري بيأنبني بعد كل حاجه وحشه بعملها ، واني بقعد اراجع نفسي واقول انا غلطت ف كذا وكذا واعتذر ، والحقيقه معرفش من غير شويه جلد الذات والتصالح مع النفس دول كنت هستحمل نفسي ازاي والله ، الحمدلله ع نعمه اللوم والعتاب ع النفس اللي بتبقي جوانا دي .
❤2
مش كل حاجة تستاهل المعافرة، انت مش مضطر تصلح كل حاجة غلط حواليك، مش مضطر تثبت وجهة نظرك لكل الناس، سلامك النفسي أهم من إنك تبقى صح، من الآخر اختار الحاجات اللي تستاهل إنك تحارب علشانها علشان متلاقيش إنك ضيعت سنين من عمرك واستنفذت طاقتك في الولا حاجة وانت بتحارب في معارك مش بتاعتك.!
❤5
مش عارف ده نضج ولا انهزاميه بس انا بقيت احس إني عايز اعيش فى حالى، وماليش علاقه بحد، وبقيت حاليًا بحب ابقى لوحدى اوى ومش مهتم اوي الناس بتعمل ايه ولا مهتم اعمل زيهم في حاجه ومبحاولش حتى اقول رأى فى اى حاجه.
❤3👏1
حط في دماغك إنك مش مديون بأي اعتذار لأي حد لمجرد إن شخصيتك وطريقتك اتغيرت، من حقك ومن الطبيعي جدًا تغير تفكيرك، وتبدل وجهات نظرك، وتبني نفسك من أول وجديد بالشكل اللِّي يريحك أنت، كمان من حقك تعيد حساباتك في الناس اللِّي حواليك وتحدد مكانة كل واحد من غير ما تضطر تبررّ أو تشرح أسبابك لحد، في الآخر دي دنيتك ورحلتك لوحدك مش حياتهم هم، ومفيش أي داعي ترهق نفسك علشان ترضي الناس في قرارات متخصهمش في أي حاجة.
❤2
ياربٌ مبقاش قاعده مستنية حاجة مش من نصيبي ولا هتجيلي في يوم من الأيام..
يارب ميتزرعش جوايا حب لحاجة مش بتاعتي ولا أشيل جوايا ود لغير أصحابه، يارب يا حبيبي تعلم مقدار خوفي وأملي وألمي فأْمِن روعاتي
آمين ألف مرة."))
يارب ميتزرعش جوايا حب لحاجة مش بتاعتي ولا أشيل جوايا ود لغير أصحابه، يارب يا حبيبي تعلم مقدار خوفي وأملي وألمي فأْمِن روعاتي
آمين ألف مرة."))
❤1