مصرع عزيز الزهراء
تجليبه
~~
هذا اليوم يوم امصاب ابو اليمه
ابحر الظهيره غارگ ابدمــــــــــه
🔳🔳🔳
امصاب الماجره مثلـــــــــــه ولايجره
ضامي ينذبح بيـــــــــه مهجة الزهره
على صدره الشمـــــر گاعد يحز نحره
الله ايعظـــــــــــــــم اجره فاطمه امه


على الغبره وگـــــــع اوتنزف اجروحه
من كثر الجراح اينازع ابروحــــــــــــه
على خدر العقيله اعيونه مشبوحـــــه
يخاف اهل الخيانه تحرگ اخيمـــــــه


سمع صوت العقيله اتنادي يبن امـــي
من بعدك يخويه منهو الي يحمـــــــي
ناداها ارجعي يختـــــــــــــــي لخيمي
يختي حرملـــــــه صوبنــــــي ابسهمه


تگلــــــه اشلون ارد يبن امـــي مااگدر
واعوفك عالوطيه دامــــــــــي المنحر
يخويه گطـــــــــــــــع الدلالي هالمنظر
متطشره اضلــــوع الصدر شيلمــــــــه


اروحن للنهر كافلنـــــه احشمنــــــــــه
اجيبــــــــه اوياه والصدرك المنــــــــه
يازينب كفيلج ايسي منــــــــــــــــــــه
اخيـــــــــــــــي عالنهر هامته متهشمه


يازينب ارجعــــــــــــي اوحامي العيله
ماعندج محامــــــــــــــي يختي الليله
يازينب عليلي انتــــــــي تجيلــــــــــه
يــــــوم الطف ابو الباقر كثر همــــــــه


ظل احسين عالغبره يجر ونـــــــــــــه
اوذباحـــــــــــــــــه يويلي يقترب منه
والظالم الذبحـــــــــــــــه خنجره سنه
گبل ذبحه يويلــــــــي يرفسه ابجدمه
🔳🔳🔳🔳🔳🔳🔳
تمت
*✍️الشاعر فالح العامري*
قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

الرادود المبدع احمد الكربلائي

لليلة الوحشه
فائزي
~~~
چلچل الليل اعله الحرم ياحامي الجار
لاحمــــــه عدها اولاولي وينك يكـــرار
🔳🔳🔳
عباس طاح اعله النهر مارجـــــع ليها
وينك يحماي الحمــــه لحگ عليـــها
ياعلي نيران الخيــــم طفت بديــها
واليوم يومك ياعلــــي ترجـــه تجيها
الحرم باچر لليســــــر تاخذها الأشرار


احسين نايـم عالثره والصدر مهشوم
والأكبــــر امگطع وذر مايگدر ايگـوم
وعباس فوگ العلگمي غارگ بالدمـوم
بس حرم ظلت حايره ادركها اليـــوم
ابكربلــــه يابا الحسن حفتها الأخطـار


زينب تنادي ياعلـــــي راحو اخوتــي
وانت يبويــــه بالغري مسمعت صوتي
ذنون انه الــــي صرت كربله صوتـــي
ياريت انه اويه اخوتي ايصير موتـــي
اولاشوف هاي النايبـه الحــرم طشار


راح الخدر وي كافلــه فوگ الشريعـه
اجفوف اخــي عالثره طاحت گطیعـه
من بعد عباس الشهم حلت الضيعـــه
ترضى يحيدر انسبــي وانه الوديعـــه
من بعد اخوتي حايره والفكر محتــار


منهو يبـــــاري للظعن لورحنـــه للشام
يابويـــه ابعيد الدرب ويطـــول الأيام
عالهزل اطفــال الأخو لـــــورادت اتنام
طاحت حرمكم ياعلي ابوليت الظـلام
لاجنها امنه فاطمــــه جدنه المختــار


طاحت حرمكم بالخطر لحگ عليــــها
نيران شبت بالخيــــــم وامسلبيــــها
الوليان نومـــه عالأرض امگطعیـــــها
من دم نحره امغسلــــه وامخضبيـها
يابويـه شحجيلك بعد ابكربلـه اشصار
🔳🔳🔳🔳🔳🔳🔳
تمت
*✍️الشاعر فالح العامري*

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

زينب وايام اليسر
تجليبه
~~
خذو زينب يسیره اوتجري دمـع العين
عله راس الرمح راس العضيد احسين
▪︎▪︎▪︎
مشوها سبيــــــه الديرة الكوفـــــــه
امتون ام الخدر والاید مچتوفـــــــه
هاذي بت علي بالخدر معروفــــــــــه
تبگــــــــــــه شامخه اوذلت الطاغين

زينب باليســــــر والعرش الها احجاب
ولو زينب عليــــها حــــــرگو الأطناب
اوهاي النـــــار عرفت زينب من الباب
من اصحاب السقيفـــه منطفت للحين


اهل كــــــــــــــوفان لمن شافو الزينب
ايديها امچتفـــــــــه والمعصب امترب
على حجاب الجلالـــــــه الدمع ينصب
ياوسفـــــــــــه عليها امخدره الطیبین


اهل كـــــوفان ذكرهــــا ابوكت حيدر
تحنين الروس لو شخص العقيلــه مر
وهســــــــــــــــه حايره وابهمها تتعثر
بطفال اوحرم تنطـــــــي الوجه لاوين


عافت على الثره امگطـــــــع ابو اليمه
وعباس الكفلها غارگ ابدمــــــــــــــــه
واچفــــــوفه اوجوده اورايته يمــــــه
عليه مریت اسمع منــــــــــــــه الونين


زينب انه ياكوفــــــــه اسمعينــــــــــي
اواصل ثورة احسين واتعرفينــــــــــي
واضل انه ابجهادي اگضــــــي اسنيني
وعلـــــــــــى هذا جهادي تشهد الثقلين


راح اگصد الشــــــام وهل الحرم وياي
واخلـــــــــي الناس كلها تعرف المنواي
واصيح احسين ذبحو ماشرب للمــــاي
ومن بعد الذبح اضلوعــــــــه امهشمين


اروح واهدم العــــــــــرش العين ايزيد
هذا الطاغيـــــــــه يمحي وحينه ايريد
راح اهدم العرشــــــه وانه اخت الحيد
هوه ابن هند وانـــــــــــــــه بت ياسين
▪︎▪︎▪︎▪︎▪︎▪︎▪︎▪︎▪︎▪︎
تمت
*✍️الشاعر فالح العامري*

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

أداء وتلحين ابو فاطمة التميمي...الحن الأول
قصيدة :هذا اليوم يوم امصاب ابو اليمه
لخادم اهل البيت ع الموفق: الأستاذ فالح العامري

الرادود احمد الكربلائي

الرادود الحسيني احمد الكربلائي

الرادود الحسيني احمد الكربلائي