مصرع العباس ع
نص بحر الطويل
~~~~~~
واويلي على العباس
طايح يجذب اونينه
🔳🔳🔳
فــــــــــوگ العلگمي مطروح
دمــــــــــــــه عالثره مسفوح
گلبـــــــــــــــه للحرم مجروح
طاحت منـــــــــــــــــه چفينه


گطعو منـــــــــــــــــه الچفين
اوسهم النايبـــــــــــــه بالعين
وينادي يخويـــــــــه احسين
ادركنــــــــــي يوالينــــــــــــه


ياخويــــــــه ولتنـــــي الگوم
چتالــــــي عليه ايحــــــــــوم
انــــــــــــه من العذب محروم
الكوثر علي يروينـــــــــــــــــه


خويــــــه احسين ادركنــــــي
اشوفك ايست چنـــــــــــــــي
عله الشاطــــــــــــــي تودعني
اخيك خلص اسنينـــــــــــــــه


طاحت رايتــــــــــــــــي يمي
يجري عالثـــــــره دمــــــــــي
امك یمــــــــــــــــــــک اويمي
الجيتك احنه تانينـــــــــــــــه


هاذي فاطمــــــــــــــه الزهره
وامـــــــــــــي الطاهره الحره
يمــــــــــــــي ايسچبن العبره
الحالك احنــــــــــــــه ابچینه


فاضت روحــــــــه ابو الغيره
اخيتــــــــــــه طاحت ابحيره
منــــــــــو ايــــــــردها للديره
تعتب ادري اعلينــــــــــــــــــه
🔳🔳🔳🔳🔳🔳🔳
تمت
*✍️الشاعر فالح العامري*

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri١

خوله بنت الحسين ع
تجليبه
~~
بچفوف الگلب ياخوله ادگ بابچ
ليل نهار انــــــه عايشه امصابچ
▪︎▪︎▪︎
ادگ بابچ يخولـــــــه ياحليفه الجود
يبت احسين اجيتــچ والچبد ممرود
اريد امراد منــــــــچ جودچ المشهود
مديت الچفـــــــــــوف واخذ امرادچ


مكســـــــــــورت گلب الدارچ اتعنيت
من ابعيد بسمـــــــــــچ بالدمع ناديت
كلف كلش لوني خايبــــــــــــه رديت
اريدن بيدي اخذ انـــــــــــــه شنيارچ


اجيت احمل اهموم انتــــــي تلگیني
طلب عندي اريده لاتردینـــــــــــــــي
من خدامكم ياخولـــــــــــه احسبیني
ياخوله عليـــــــــــــه فيضي بالطافچ


گصدت أنــــــــه الدارچ والدمع يجري
اونيران المصـــــــــايب تلهب ابصدري
يبت احسين افديلچ انــــــــــــه عمري
سجلینـــــــــــــــي اريد ابدفتر احبابچ


بيه ضاگت الدنيـــــــــــه يبت احسين
والغيرچ اروح انطي الوجـــــــه لاوين
يبت الجود انتـــــــــــي يانسل طیبین
اجيتچ احمل اهمومــــي ادخلت دارچ


دخلت الدارچ اوضيفه احسبینـــــــــي
يبت الكرم من جـــــــودچ اكرمینـــــي
من هاي المحن والعســـــــــــــر نجيني
يمن بالكرم اعرف شايعـــــــــه اخبارچ


امشي اعليچ نحر احسين واضلوعـــه
امشي اعليچ كل شيعي جره ادموعـه
امشي اعليچ كل طفله المفجوعـــــــه
من حرگو عليچ ابکربلــــــــــه اخيامچ


نيران الخيم لســـــــــــه بالچبد تسري
واحس اسـیـــوف عدوانچ تحز نحري
اسمــــع صوت وحده اتنادي ياضخري
اظن صوت العقيلــــه التحمي اخوانچ


ريت اوياچ امشـــــــي باليسر انــــــــه
عله امصــــــاب الغريب ايصير مبچانه
ويظل طول العمر للشـــــــــــام بحزانه
ويشارك محنتــــــــــــچ بالیسر والامچ
▪︎▪︎▪︎▪︎▪︎▪︎▪︎▪︎▪︎▪︎▪︎
تمت
*✍️الشاعر فالح العامري*

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

ازغر طباخ في خدمة الحسين عليه السلام
محمد حسين الربيعي

مصرع القاسم بن الحسن ع
تجليبه
~~~~
وگع جسام عالغبره اونزف دمـــــــــه
گعد يمـــــــــــــــــه يعاين حالته عمه
🔳🔳🔳
وگــــــــع فوگ الثره تتنازف اجروحه
ضامي ابن الحسن من فاضت الروحه
من نحره اوراسه ادمومه مسفوحــــه
صعبـــــه اشلون تنظر حالته امــــــــه

گعد يمــــــــــه ابو اليمــــه يشم نحره
حمل جسم ابن اخيــــه سنده الصدره
عله حاله اومصابــــه ادموعه متفجره
يعين الله عله اليجره ابو اليمــــــــــــه


يصد لبن الحسن الجسمـــــــــه امگطع
على گلبــــــــــــــه يعز للقاسم المصرع
ابو السجاد چبده الضامــــــــي اتصدع
وابياحال حينــــــه الجابه للخيمـــــــه


جابه للخيم والدمــــــــع يجري ادموم
صـــــــــاح ابصوت يازينب اوياچلثوم
جبت جســـــــــام گطعو منحره الگوم
يارمله ابنــــچ گطعو جسمــــــــــــــــه


هذا الي عليـــــه انتـــــــي بنيتی امال
ايجه يمچ يرملــــــه امگطع الأوصال
امصــــــــــاب الولد والله صعب چتال
تظل طــــــــــول العمر اتجالب الهمـــه


اويلـــــــــــي اشلون من رد الولد ليها
اتعاله الصــــــــوت منعدها اوبواچيها
خلي اليوم ياشيعـــــــــــــــه نواسيها
اوياها نصيــــــــــح ونلهچ اباسمــــــه


هوت رملـــــه اعله ابنها ابلوعه اتندبه
گامت بالأنين اونـــــــوحها اتعتبـــــــه
على صدره اونحره المدمع اتسچبـــــه
عله احنـــــــــــــه ظهرها ابلهفه اتضمه
🔳🔳🔳🔳🔳🔳🔳
تمت
*✍️الشاعر فالح العامري*
قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri

‏مقطع صوتي من ابن العراق

علي الأكبر ع
الوزن نصاري
~~~
ريت اليــــــوم تنظر حال الأكبر
مگطـــــــــوع النحر راسه تطبر
🔳🔳🔳
هذا اليشبــــه الهادي وأبوه احسين
يلــــــــوج اعله الثره يجذب للونين
اوصــــــاله اتگطعت وسط الميادين
وابدمـــــــــــــــه تخضب اله المنحر


ارماح العده فصلت جمســــــــــــــه
يالهــــادي يجده ريت يمـــــــــــــــه
ويـــــــــــــــــه احسين اوصاله تلمه
يبــــــو الزهره صعب اعليكم المنظر


ماتنعد اجروحـــــــــــــه والطبر بيه
ياجده احضره وانشد اشبيـــــــــــه
ضامــــــــــــي الچبد ياريتك ترويه
اسگيــــــــــــــه العذب بيدك الكوثر


شاف احسين ابنـــــه عالثره اوصال
جمعــــــه ابعبايـــــــــــه للخيم شال
گطــــع من ثمر چبده احسين الآمال
گعد يمــــــــــــــــــه عله حاله تحسر


عليــــــــه عين السمـه يجري دمعها
مصابه چبد ابو اليمــــــــــه صدعها
بيده جثتـــــــــــــــــــــه لمن جمعها
شاف الطبرتـــــــــــــه اتذكر الحيدر


جابــــــــــــه للخيم والضهر مكسور
على جسمه خواتـــــــه وعمته ادور
وچبد امـــــه على المحبوب مفطور
علـــــــــــى خدها جره مدمعه احمر


ام اعللـــــــــولد احنت ظهـــــــــرها
هذا الفنت من اجلــــــــــــــه عمرها
راح الجان ضاخرتـــــــــــــه الكبرها
راح الأمل منهـــــــــــــــــه الله واكبر
🔳🔳🔳🔳🔳🔳🔳
تمت
*✍️الشاعر فالح العامري*

قناة الشاعر فالح العامري
ابحبك يحسين انجنيــــنه
من شايبنه الطفل البيـــنه

🔹لطمیات رجالیه🔹لطمیات نسائية🔹هـوســـات🔹ابوذيات🔹نعي🔹نزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب
https://t.me/falehalameri