«رحمة الخدمه»
«تجليبه»
~~
ابدفتر خدمتك يحسين سجلنـــــــه
لعد اخرنفس عالخدمــــه ثبتنــــــــه
▪︎▪︎▪︎
يبــو السجاد منك هاذي طلبتنــــــــــه
علـــــــــه هالخدمه يابو العتره ثبتنــه
اوخلـــــــــي ابخدمتك تقوه عقيدتنـه
بيك ايمان عدنـــــــــــــــــه ماتخيبنــه


ياشبل الصيمده اللي نجـه ذالنّـــــــون
كريم انتـــه اونعرفك ماتخيب اضنون
اقبلنـــــــــه خدم يامن قبلت الجـــون
لتخلي هواها الدنيه يجرفنـــــــــــــــه


علينــــــــه اتحنن ابلطفك يوالينـــــــه
سفن هاي الخدامـــــــــــه خل تنجينـه
لوما رحمتك يحسين ذلينــــــــــــــــــه
نريد ابخدمتك هالعزه تشملنــــــــــــــه


شرف النـــه خدامتكم يبو اليمّــــــــــه
اوفاز ابدفترك من سجلت اسمــــــــــه
اوجبريل القبلنــــــه افتخر بالخدمــــه
يحسين الخدمتك الله خالقنــــــــــــــه


خالقنــــــــــه الجليل الخدمتك يحسين
علـه هاي الخدامــــه احنه فتحنه العين
شرف النــــــــه اوسعاده اوكرم بالدارين
لون خدام خدام الك تحسبنـــــــــــــــــه


يبو السجــــــــــــاد هاي الخدمـه نهواها
اونحب لاخر نفس نتعاهد اويـــــــــــاها
وابدم المناحر احنـــــــــــــــــــــه نفداها
ابجاه امك الزهره اوحيدر اقبلنــــــــــــه


اقبلنــــــــــه يبو اليمــــــــــــه الك خدام
اوخلينـــه ابخدمتك نگضــــــــي هالايام
دنيـــه اواخره النــــــــــه الخدامه اوسام
وابهاذه الوسام احنـــــــــــــــــــه تشرفنه


نمشــــــــــي اعليك اخوك الغالي العبّاس
ارزقنه الخدامــــــــــه البيـها رفعت راس
اوخلينه اعلـــــــــــه حبها تخمد الانفاس
وامك فاطمه بالگبر تحضرنــــــــــــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

قناة الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

#كلمات_الشاعر_فالح_العامري

#اداء_الرادود_الحسيني_الموفق
🎤🎤🎤🎤🎤🎤🎤🎤🎤🎤
#ملا_علي__الفرطوسي

«لبّيك ياداعي الله»
«احسيناوي»
~~
يبن الزچيّه بيك اعتقادي
يبن الزچيّه للمــوت انادي
لبّيك يبن الزهره لبّيك يبن الزهره
▪︎▪︎▪︎
انلبـّـــــــــي آه يحسين صرخـــــه بالأزمان
راسخه تبگـــــــــــــــــه ابداخل الـــوجدان
احنــــــــــــــــه نطلقـها اليــــوم عن ايمـان
خلــّـــــــــــــــــي العالم اوتسمـــــــع الآذان
احسين منعوفــــــــــــه خلـّـــــي اشماچان
الحب ابواليمـّـــــــــــــه التضحيـــه عنوان

نهوه المنيّه ابهاي الشعـــائر
نهوه المنيّه اتصيح الحناجر
لبّيك يبن الزهره لبّيك يبن الزهره


يامعلـّمنــــــــــــــــــــــه عيشت الأحـــــرار
للظلـــــــــــــم نـرفــض ابكل زمن ثــــــوّار
تظل قــائد نـــــــــــــــه احنــــه الك انصار
شيعـــــــــه وابدربــــك نرخص الأعمــــــار
كلنــــــــــه فدوه انروح يبن حامـــي الجار
اعلينـــــــــــــه لوترضه ماتمسنـــــــــه النار

حبّك هويّه بيها افتخرنــــه
حبّك هويّه صرخة نصرنــه
لبّيك يبن الزهره لبّيك يبن الزهره


احنـــــــــــــه من نهواك ليش لامونــــــــــه
الهـم انجــــــــــــــــاوب من يسألـونـــــــــه
انگــــــــــــول كلّ الناس الك مديونـــــــــه
كل اصــــــــــــول الدين ابعزها مصيونــــه
النبـــــــــــــــــي والقرآن بيك مضمونـــــــه
ابحبـّـــــــــــــك الأرواح هيـّـــــه مفتونـــه

لاموبديّه عالفطره اجاني
لاموبديّه صرخ وجدانــي
لبّيك يبن الزهره لبّيك يبن الزهره


هالشعائـــــــــــــــرهــاي ليــش نهــواهـــــا
لئن عزّتنــــــــــــــــــــــه الگينـــــــه ويّاهـا
العيشه بالذلــّــــــــــــــه شنهومعنـــــــــاها
موته اعلــــــــــــه دربك والله ردنـــــــــاها
كربلـــــــــــه كل يــــوم نحـــــــــي ذكراها
كعبــــــــــــــــــة الأحرار اشلون ننســــــاها

والغاضريّه كعبة هوانــــه
والغاضريّه تسري ابدمانه
لبّيك يبن الزهره لبّيك يبن الزهره


مـانعـــــــــــوف احسين لاوحگ د مـّـــــــه
نگضـــــــــــــــي للأعمار ابشرف هالخدمـه
انخدمــــــــــــه وصّتنــه فاطمه امّـــــــــــه
انصيـــــــــــــح يـازهراء احسين نلتزمـــــه
من المهد للمــــــــــــوت نلهج ابأسمــــــــــه
لجـــــــل حبّ احسيــن للدمه انقدمــــــــــه

انظل فاطميـّــه فكرتنه تبگـــه
انظل فاطميّـــه صرختنه تعله
لبّيك يبن الزهره لبّيك يبن الزهره


يــامن اتعــــــــــــــــادي احسين واشياعــه
عدّتك عدهــــــــــــــــــا گربته الساعــــــــه
ساعــــــــــــــة الموعـود دنت واتباعـــــــــه
هـــــــــاذه شبل احسين اويحمل اطباعــــه
عالظلــــــــــــــم ثــــــائر فازمن طاعـــــــــه
الجدّه يطلب ثـــــــــــــار الرضّواضلاعـــــــه

هاي الرزيّه فجّرت دمعــــه
هاي الرزيّه يصرخ انسمعه
لبّيك يبن الزهره لبّيك يبن الزهره

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبري الذمة كل م̷ـــِْن يتلاعب في القصيدةاویغير اسم الشاعر فالح العامري
https://t.me/falehalameri

«استشهاد الأمام العسكري»
«فزاعيه حدي»
~~~
السامره خلي نعتنــــــــــــــــــــي
انواســـــــــــــي الزچيه فاطمـــه

▪︎▪︎▪︎
ســــــامره هاليلـــــــــــــه اظلمت
أنوار الحسن عنــــــــــــــها طفت
هيبتــــــــــــــــــهـا والعزه افگدت
فگدت شبل حامي الحمــــــــــــه
انواســـــــــــــي الزچيه فاطمـــه


شمس الولایــــــــــــه من اکسفت
سابع سمـــــــــه اعلیـــــــها بچت
ســـــــــــــامره عزیـــــات انصبت
حزنانـــــــــــــه وياها السمـــــــه
انواســـــــــــــي الزچيه فاطمـــه


چبد الحسن بالسم گضــــــــــــــه
لمصابــــــه مســـــــود الفضــــــه
للباري بآلامـــــه مضــــــــــــــــــه
للدين ركنـــــــــــــــه هدمــــــــــه
انواســـــــــــــي الزچيه فاطمـــه


بآلامــــــــــه هاليلــــــــــــه ارتحل
والنعش باهـــــــــــــــــــات انحمل
وابلحده أبــــــــــــــوالمهدي نـــزل
دنيانه عگبـــــــــــــــه مظلمـــــــه
انواســــــــــــــي الزچيه فاطمـــه


من بعده ظلت شيعتــــــــــــــــــه
اتعيش ابمصابـــــه اولوعتـــــــــه
ابدمــــع الماســـــــــي ندبتـــــــــه
نيران هجره مضرمـــــــــــــــــــــه
انواســـــــــــــــي الزچيه فاطمـــه


افراگ الولـــــــــــــي اعليها صعب
نيرانـــــــــــــــــــــــه تلهب بالگلب
وعلیـــــــــــــــه مدمعــــــها یصب
هاي المآتم قايمــــــــــــــــــــــــــه
انواســـــــــــــي الزچيه فاطمـــــه


خلـــــــــــــــــــــــــي نعزي المنتظر
دلالـــــــــــــــــــه هاليلـــــــه انفطر
منـــــــــــــــــه أخذ عــــــوده الدهر
مهدينه ناصب مآتمــــــــــــــــــــــه
انواســــــــــــــــي الزچيه فاطمـــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامري

غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

مصاب العسكري»
«تجليبه»
~~~

تعنت بالمناحه فاطمــــة الزهره
من أرض المدينـــه لرض سامره

▪︎▪︎▪︎
اجت للعسكري تحظرالتوديعــــــــه
بديـــارالغريبـه اتحظرتشييعـــــــــه
گوموخل نعین الزهره یـــاشیعـــــه
خل اویاها نسچب هالمســه العبره


خل نجري دمعنه اويــاها عالمظلوم
بديارالغرب ويلـــــي سگوه اسمــوم
راح اویحمل ابگلبه چثیره اهمــــوم
اونارالسم یويلـــــی ابچبده مستعره


وصلت فاطمــه السامــــره بالاهـــات
متکسره ابصدرها الونــــه والحسرات
والخد الزچیه حفرت الدمعـــــــــــات
هذا امصاب انساها الضلــــــــع کسره


وصلت فاطمه تتعثــــرابهمــــــــــــها
من شـافت ابنها امصابـه المــــــــــها
والمهدي تسمعــه ينتحب يمــــــــــها
ياوسفــه تيتـــــــم من زغرعمـــــــره


الزهره حضنت المهدي تنـــوح اويـاه
امه بیدها اتنشــف دمــــــــــــع عیناه
اوتگله ثارنــــــــــــــه یولیدی لاتنساه
ثار الحسن یبنـــــــي اوثار أبو العتره


المهدي اوفاطمــه ونّوفرد ونـــــــــــه
وأملاك السمـــه اوياهم غدت حنــــه
يشيعه خلــــــــــي السامره نتعنــــــه
تشييع الحسن هذه المســـــه انحظره


خلي من دمـــــــــه تجري مدامعنـــه
مصـاب العسكري هاليله فاجعنـــــــه
من گبله يريت الســـم تجرعنــــــــــه
ولاشفنه الحسن يتـــوسد ابگبـــــــره

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعر فالح العامري


https://t.me/falehalameri

مسلم المطيري

تعنت بالمناحه فاطمه الزهره
من ارض، المدينه لرض سامره

كلمات الشاعر/فالح العامري

«غریب سامرا ء»
«شیعتي»
~~~~~
آنه الأمام البلغرب سمّونـــــــــــــــي
وابعیدعن جدّي ا لنبي دفنونـــــــي
یاشیعه زوروني عالغربه عينونـــــي
آنه الأمام ا لبلغرب سمّونـــــــــــــــي
▪︎▪︎▪︎
آنـــــــه امام امن الولاده اوجدّي معروفه انسابـــه
عالبشر طاعتي انفرضت الباري اوجبها ابكتابـــــــه
صرّح المختار باسمـــــي اوسمعته كلّ الصحابــــه
تشهدالأيات النه للنبـــــي احنه القرابـــــــــــــــــــه
للهادي احنه عترتــــــــــه
اوأجر المودّه ابقربتـــــــه
مارعت حگنـــه أمّتـــــــه ذبحو اوسمّو احبابــــه

ياشيعه تشريد اوذبــــح خلصونـــه
اومابين احيا بالأرض دفنونـــــــــــه
وين اليواسوني عالغربه عينونــــــي
آنه الأمام ا لبلغرب سمّونـــــــــــــــي


بالورع والعلم والحگ والقداسه احنـــه انعرفنــه
ليش هالأمّـــه انكرتنه واغصبت منعدنـه حگنـــــه
اجتمعو ابذیچ السقیفه اوبعده جدنه مادفنـّــــــه
حگ علي الكرّار غصبوا من صبر ویّا صبرنــــــــه
غصبو فدك من فاطمــه
هالنحله من ربّ السمــه
ابحگنــــه العده متنعّمـه احنه صار الضیم النـــــه

یـــاشیعـــــه کل واحد یعیش ابدیره
من محنه نطلع نوگع احنــــه ابحیره
مچتوف جابونـي عالغربه عینونـــــــي
آنه الأمام ا لبلغرب سمّونــــــــــــــــي


ولیه یاشیعه ولونـــــــي الجدّي ماراعولـه حرمــه
حاسر الراس اجلبونــــي اوطلّعونـي ابلیله ظلمـه
لأرض سامره نفونـــــــي والگلب ینزف الدمّـــــه
والدمــــــع حفّراخدودي والغرب حيلـي يهدمــه
ابهالسفر ویلات الشفت
للمنفـه آنه امن اوصلت
ابخــان الصعالیك انزلت مارعت حرمتـي الأمـّــه

هالخــان يـــاشيعـــــــــه مرد دلّالي
من شدّة اهــوالـــــه تغـيـّـر حالـــي
يلّلي تحبّونـــــي عا لغربه عينونـــــي
آنه الأمام البلغرب سمّونــــــــــي


من بنــــي العبّاس آنــــه شفت انـــــواع النوايب
برض غربه اومالي ناصر انصبّت اعليّـه المصـايب
كل مصيبه التمر بيـّــــــه منها احس دلّالــي ذايب
اوصلت ســامره اوشفتها ماألـي ابهالديره صاحب

ذابت يشيعه ارويحتــي
اوطالت عليّه غربتـــــي
والنوب گطعواچبدتــــي امن اِجرعت سمّ النواصب

یاشیعه ریت اعیونکم شا فتنــــــــي
اهل الخیانه اسمومها جرعتنــــــــي
با للوعه شیعوني عالغربه عینونـــــــي
آنه الأمام ا لبلغرب سمّونــــــــــــي


امن المدينه ابگلب دامي غصبن اعليّه اجلبونـي
ریت شفتونــــــي یشیعه الهالأ رض لمّن نفونــي
جیت واللوعـــــه ابدلیلي عن گبرجدّي ابعدونـي
اومن عگب اهلي واحبابي هالنواصب جاورونـــي
راح اگضـي ویّــاهم عمر
بآهات واهمـــوم اوعسر
وايصیرلــي عدهــم گبر اتحارب اللي یزوروني

ابها لغربه لــوحان الأجل منعندي
واتجاور الگبري اللي مردت چبدي
ابهالجوره یاذوني عالغربه عینونـــــــي
آنه الأمام ا لبلغرب سمّونــــــــــي


امن القهروالغرب والهـــم چبدي گـبل السم تخذّم
اومن بعد سمـّـي یشیعــه والأشداعلیّــــه واعظم
گبري ماترعالــه حرمــــه اعلیــــه چم مرّه اتهدّم
اونارالأبباب الزچیـّـــــــه ابّاب داري النوب تضرم
چنّي اتصوّر حضرتــــي
تنهدم هیــّـه اوگبّتـــــي
اوتنصبغ بالدّم تربتــــي اعليه اشد من جرعة السم
باب امّي اصحاب النبي حرگـوها
احفاد الهم حضرتـــــي ایهدموها
السامرّه گصدونـي عالغربه عینونـــي
آنه الأمام ا لبلغرب سمّونــــــــــي


بني العبّاس اظلمونـــي وآنه ابن من هيـّــه تدري
گطّعو بالسّم دلیلــــي وضیّعــــــو بالغربه عمري
اشکثر راوونـــــي اذیّـه واکضمت غیضي ابصدري
مرّتین اهل الخیانــــــــه هدّمو یــاشیعـــــــــه گبري
اهل الخباثـــه وا لغــدر
ابناراحرگو بیت الطهــر
بعتابــــي عادت تستعـر
ابدماتطفـــي یشیعـــــــه لمن مایظهــــــ..رالغایب

▪︎▪︎▪︎▪︎▪︎▪︎▪︎▪︎▪︎▪︎▪︎▪︎☆
تمّت
الشاعرفالح العامري
https://t.me/falehalameri