«فگد المجتبی»
«حدي»
~~~
واويلاه واويلاه وامجتبی

▪︎▪︎▪︎
راح الحسن ياشيعتـــــه مظلوم خلّص دنيتــــــه
امن الهظم ذابت مهجته اهل السقیفـه خـانتــــه
گطّعــوبــــالسـم چبدتــه كلّش چبيره حيـــرتــــه
ابگلب الموالـي لـوعتـــه ابياحال زينب شـــافتـه
خلصانه اخوها ارويحته أبلوعــه اومناحه ندبتـه
القــاسم اوياها جـــابتـه عــالأبـويجذ بونّتـــــــــه
والحسن يجــري دمعتــه عالــولد يبگــه ابغربتــه
لحسيـن زيـنـب نشدتـــه ابن امي شنّهوقصّتـــــه
تخفــــي عليـّـــه علّتــــه الحسن شنهــونيّتـــــــه
چنّه يـــودّع عيلتـــــــــه وايلوج اشوفـه ابنومته
نــاداها واجذب حسـرتـه الملعونـــه جعده سمّتـه
بـاچرنشيــــــع اجنـــازته واعليـّـــه تشتـد محنته
امن احمل یزینب جثّـتـه والگبرجدّي ازيــارتـــــه
ام ّالجمـل مــــا خـلـّتــــه بسـهام نعشــه صابتــه
هالبيت چنــها ملكتــــــه والعتـره منـها غصبتـــه
حقد امن ابـــوها ورثتــه والنّعـش لمّــن ردّ تـــــه
العبّاس هاجت غيرتـــــه جرّد السيـــف ابيمنتـــه
عـــالعده هـم ابصــولتــه وكلّ الهــواشم حشمتـه
واعليــّــه صد ابنظــــرته عـرفـوه شنهـوغـايتــــه
ايحــارب يريد العــادتــه عبـّـاس من زم رايتـــــه
گلّه الحرب مـوساعتــــه والحسن هاذي اوصيّتـه
اموصّيني اخويه ابدفنته برض البقيــــع وتربتــه

واويلاه واويلاه وامجتبی

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري
غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

«حنين وانين»
«چلمه اونص»
~~
يــــازهراء يــــازهراء غاب الأخوعن عينـــــي

▪︎▪︎▪︎
ليچ اعتنه ابهذااليـــوم يحچيلچ يالزهره اهمـوم
من جعده واشرارالگوم راح الحسن عزّینـــــــــي


يايمّه سمعــــــي اعتابه وشوفي الدليل اصوابــه
واعليـّّه جارامصابـــــــه ابنارافراگه امخلـّينـــــي


راح العضيد الليلـــــــــه وافگدت حامي ادخيلــه
للهم اظل شيشيلــــــــه سلوتــــي اخلافه اونيني


راح ومضيفه خالـــــــي واخيالــــــــــه ظل ابّالي
يايمّه راح الوالــــــــــي منهوالبگه ايسلّينـــــــــي


وداع الأخـــــومن اتذكرّ بحشــــــــاي ناره التسعر
من شفت ذيـــــچ الخدّر ابفگدالأخواتواسینــــــي


يايمّـــــــــه واسمع زينب ونّتهـاالروحــــي تشعب
تگله يخويـــــــــه اتغرب ماردت باجــــي اسنيني


اسمعت الحسن جاوبـــها والدمعتــــــــه يسچبها
والحسرتــــــــــه يجذبهـا گلها ادموعچ تاذينـــــي


ياخويــــــه اظل ابمبچاي بعدك ياعزّي ورجــواي
ما اهنـــــــــه ابزادولاماي امصابك منهواينسّينـي


يايمه صعبـــــــــــه الحاله اتودعه ابدموع اعياله
وجاسم من شفتـــه اگباله ايگلـّه اليتم يچوينــي


واسمعته ايگلـّـــه هالحين نعم الابــــوهذااحسين
لــــــــــــوغدربالطف البين توگف الــــه اتجازيني

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

«مصاب المجتبی»
«تجليبه»
~~
من دمه يـاعين هلي ويـّـه احسين
هاليله
روح الزچيــّــــه فاگداخيّـــــــــــه

▪︎▪︎▪︎
يعيني رخصـي دمعچ خل يصبّ ادمـوم
اعلـــــــه ابومحمّد الخلّص هالعمرمظلوم
ودّع عيلتـــــــــــه ويحمل چثيره اهمـوم
وابواليمّه علــــــه افـراگه الگلب مالــــوم

ينظرديوانـه خالي امچــــانه
هاليله
ناره سريـــه فاگداخيّــــــه


احسين اشلون ينظرخالـــــــــــي امچانـه
امس چان ابأخَيّـــــــــــــه يزهي ديوانــه
وفاتـــــح چـــان للوفّــــــــاد ببيبــانــــــه
ويكرم لليضيفه ابعطفـــــــه واحسانـــــه

ينظرابعينـــــــه داره الحزينـــــه
هاليله
وحشه اوخليه فاگداخيّــــــــه


الاخـــــــــولوراح يخلّـف بــالگلب جمـره
لتصدّگ مچانـــــــــــــه واحـــدايـستــره
تظل ابصدر اخـــــــــوه امكسّره الحسره
يفتّ الروح منّــــــــــــــه ويــنكسرظهـره

ظهرابواليمّـــه منحنــي يمّه
هاليله
ونته شجيّـــه فاگداخيّــــه


الحسن برض البقيــــــــــع اندفن هالليله
واحسين اندفن ويّــــــه الاخوحيلــــــــه
ومن ردّ ابمنــاحــــــــــــه اتلگـّته العيلــه
والقاسم گعديم عمّـــــــــــــه يشچيــلـــه

جاسم العمّـــه يشچيله همـــه
هاليله
احسين ابرزيّه فاگداخيّــــــــه


ظم القاســـــــــم الصدره وينوح احسين
ياجاسم يگلـّـــــــــــه ادفنت ابـوك الحين
ياعمّي فجعنــــــــــــــي ابفگد ابوك البين
ويگلـّه والدك آنــــــــــــــــــــه ينورالعيـن

الله يعينــــــه اتعاله ونينــــــه
هاليله
اجروحه خفيّه فاگداخيّــــــــه


اعلــــــــه ابوالسجّاد واعياله مظلمه الدار
ودلال العقيله یلتهب بــــــــــــــــــي نـــار
اتنادي وين عنّـــــــــــــي هـالمســـه الكرّار
من بعد الحسن بينــــــــــــه تحف اخطــار

اتنادي يحيدر شبلك تحيّـر
هاليله
ابسم آل اميّه فاگداخيّــــــه


خلـّي ابهل عزه انـواسـي لبـواليمّــــــــــــه
احنه شيعتــــــــه وانشاركـــــه ابهمّــــــــه
صدرنه ابهل لطم نتشرّف انوسمـــــــــــــه
وامصابه الگلبنــــــــــه والــجفن ادمـــــــه

بالهم تفطــــر گلب ابوالاكبــر
هاليله
ادموعه جريه فاگداخيّــــــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

«انين الأخوّه»
«تجليبه»
~~~~
نــــا د ه احسين ياخويه
نــــــــــور العين ياخويه
رايح عنـّــــي يكثــر ونـّــــي
ياخويــــــه

▪︎▪︎▪︎
يبوامحمّد عفتنــــي اجرع هظم دنياي
رد تك يالأخو ابطف كـربلــــــــــه ويّاي
وي عبّاس توگـف يالحسن لحمــــــــاي
بعدجرح الضلع والطبــره وسط احشاي

گلبــــــي انصاب ياخويه
مـنّ البــــــــــاب ياخويه
لا تهجرنـــي يكثرونــّـــــــي
ياخويــــــه


هجرك عالگلب مو هيّن امصابـــــــــه
گبل سهم المثلّث هجرك الصابـــــــــه
تولّاني الدهر بسيوفه واحرابـــــــــــه
امس دمّ الأبو خضّب المحرابـــــــــــه

وانتــــه اليــــوم ياخويه
ابسمّ الگــــــــوم ياخويه
تخطفك منـّي يكثرونــّــــــي
ياخويــــــه


يـاهيبت ابـوي اوجدّ ي بـوجـــــــودك
اوزودي يالأخو بالد نيـــــــه من زودك
الدهرماظن بعد لعيالك ايعـــــــــــودك
اوتردهيبت مضيفك يــالأخو اوجودك

اوللــــوفــّـــــــاد ياخويه
جــــــــود ك عاد ياخويه
اتخيّب ضنّــي يكثرونـّــــــي
ياخويــــــه


گضه نحبك يخويـــــه اوخابت آمالي
يريت ابهالطشت گطّعـوادلّالـــــــــــي
اولاشـوفك تجود ابروحك اگبالــــــي
جعده ابهالمصيبه اشسوّت ابحالـــــي

ابچبد ي النـــار ياخويه
ليـل انهـــــــــار ياخويه
انّه ابحزنــي يكثرونـّــــــي
ياخويــــــه


تضل نارالمصايب تاكل ابجسمـــــــي
الجاسم من اصدلــــــه ایزوّد الهمــي
لـواسمعه ينوح اعليك يبن امـّــــــــي
دمع عينه احسّن ينخب العظمــــــــي

ابچــــــي اوياه ياخويه
والبلــــــــــــواه ياخويه
وايذكّرنـــي يكثرونـّـــــي
ياخويــــــه


اضل للمصابك الطف كربلـــــــه اتذكّر
اونارك بالچبدما تطفـــــــــه تـتــــوجّر
اوماانساك حتــّـــــــی ابگطعت المنحر
اوتحت ذيــــچ الحوافرصد ري يتكسّر

الهـــــــــج بيك ياخويه
مــــانـــــا سيك ياخويه
ماتحظرني يكثرونـّــــي
ياخويــــــه

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري
غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

«السلام علی الكبد المقطع »
«شيعتي مقفى»
~~~
گلبي دامــــــي لإمامــــــــــي
المجتبی

▪︎▪︎▪︎
ياهو يگصد هالمسيـــــّه چم عتب ياخذاليــّـــــه
للحسن روح الزچيــّـــــه منــّي ياخذ له تحيـــــّه
امعطّره ابعطر الرزيــــــّه اوبيها چم نار السريـّــه
ایگلّه يومه اشسوّه بيّـــه ازيارته انحرمت عليـــه

امن آلامــــــــي لأ مامــــــــــي
المجتبی


منهو يتعنّه المدينــــــه اوياخذ الروحي الحزينه
اويحمل اگليبي ابأنينه ايوصله يم تربت ولينــه
اوعالگبر ينثرحنينـــــه اوعن قرب تنظرله عينـه
گبره وآله امهدّمينــــــه اويعتب الليله علينـــــه

خذ سلامــــــي لأمامـــــــــــي
المجتبی


اتعنّـه هالليله البقيعــــــه وانظر ابعين الفجيعــه
والگبر شبل الود يعـــــــه يالها من كل فضيعــــه
الحسن مصبا ح الشريعه اوبالحشر امّه الشفيعه
حضرتــه انهدمت يشيعه ابياذنب وبياذريعــــــه

واتـّـهامـــــــــي لأمامـــــــــــي
المجتبی


امشيّده چا نت حضرته اوشامخه بالعزّه گبتــــه
اوبالشددمگصد اوامتــه اوعتبت الباري عتبتــــه
الليله اروح انظر تربتــه واغسل ابدمعك صخرته
والحسن شوفه ابغربتـه ياظليمه المثل قصتــــه

في الأ نامـــــــي لأمامـــــــــي
المجتبی


للحشرابگـــــــه اوانادي في لسانـــــــــي وفؤادي
اوشاهده كل العبـــــادي كل شعوري اوكل ودادي
للحسن مهجـــــة الهادي هوّه دينــــــي واعتقادي
وشفيعـــــــــي بالمعادي خلـّي تسمعنـــي الأعادي

كل غرامــــــــــي لأ مامــــــي
المجتبی

▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

«وداع الكرم»
«تجلیبه»
~~~
یودعونه یودعونـه ابومحمّد یودعونه
ابلطم وابنوح اوگلب مجروح

▪︎▪︎▪︎
یودعونه ابمناحـه والدمــــــع یجــري
نارالفرگـــــــه ظلـّت بــــــالگلب تسري
امنین النا یبــــــه جَتهـــــــــا فلاتدري
اوینادي احسین بعدك ماردت عمـــري

يندبونه يندبونـــه بني هاشم يندبونـه
ابلطم وابنوح اوگلب مجروح


يقذف بالطشت چبده یشوفونــــــــــه
هالمنظــــــرفلاگـدرو یحملونـــــــــــــه
سلــّوا للصوارم ثــــــاره یردونــــــــــه
نهاهم والأمرلازم یسمعــونــــــــــــــــه

یطیعونه یطیعونـــه فرض واجب یطیعونه
ابلطم وابنوح اوگلب مجروح


وصّه احسین بعیاله اوگضـه نحبـــــــه
اوجاسم سلـّمه ابحضن الاخویربــــــــه
ذخري هذا الك بالساعة الصعبــــــــــــه
من توگف اوحید ابکربله جربـــــــــــــه

یذبحونه یذبحونــــه دونك من يذبحونــه
ابلطم وابنوح اوگلب مجروح


شبل المصطفی ويلي گضـــــه مسموم
واعیاله ابمناحــــه اومالفاهـــا النــــوم
ویلي من لفتلـــــــه زینب اوکلثـــــــوم
ینادنـّه فگدنـــــه المرتضـــــــی هالیـوم

یشیلونه یشیلونــــه النعش منهن یشیلونه
ابلطم وابنوح اوگلب مجروح


زینب نـــــــادت ابنعش الحسن لاوین
اشعدکم بالأخـوگلـّولــــــــي امظعنین
تانونــــــــي ارد اودعنــّه یهـــالطیبین
واطفالــــــــه تدوّرللأ بــــــوامضیعیـن

ینشدونه ینشدونــــه لبوالیمّه ینشدونـــــه
ابلطم وابنوح اوگلب مجروح


ریضو ابنعـش ابومحمّد اشـوفنــّــــــه
ابن امّي یخوتــــــــي ارد اودعنـّـــــــه
واشوفن یاجرح دمـــــــه نشف منــّــه
وآخرنظرتـــــــي للوالـي انظرنــّــــــــه

ینزلونه ینزلونــه اشلون الها ینزلونه
ابلطم وابنوح اوگلب مجروح


شالوا نعشــــــــه اهل بیته عله الهامات
یدفنونــــه اویه جدّه اموصّي لمّن مات
ولن امّ الجمل ترفــــــــــع علیـــه رایات
ابحرم بیتـــــي تدفنون الحسن هیهـات

یمنعونه یمنعونــــه ابحرم جدّه یمنعونه
ابلطم وابنوح اوگلب مجروح


مصابك مـاجره گبلــــــه علینه امصاب
میّت والنعـش ینصـــــــاب بالنشـّـــــاب
والجدّك هذولــــــــه يدّعــون اصحــاب
سبقهم بالظلم ذاك الحـرگــــــــهـا الباب

یسمّونه یسمّونـــه خلیفه الهم یسمّونه
ابلطم وابنوح اوگلب مجروح


یعاین گام ابوالیمّــــــــه عله اخوانــــه
ابهالفتنــــــه الحسن یعرفها وصّانـــــه
لعدارض البقیع اویعلم امچانـــــــــــــه
سـارو بالنعش بگلـــــــوب حزنانـــــــه

یشیعونه یشیعونـه ابدمع جاري یشیعونه
ابلطم وابنوح اوگلب مجروح


اندفن جسم الحسن کل اخوته یمّــــــه
واعیالــه ابخدرها اتنـــــــوح ملتمـّـــــه
عرّج عالطفـــــــــوف اوشوف ابـوالیمّه
راسه عالرمـــــح واضلوعـــه متهشمـــه

یشوفونه یشوفونه ذبیح اهله یشوفونه
ابلطم وابنوح اوگلب مجروح

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري

غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

«آيالحسن»
«فايزي»
~~~
جیت ابأنینــــــی اتوادع اویـــاك
اودمعتي ابعينـي من عظم بلواك
خويه الگلب شيصبره سلـّمت لله اوامره
اتوادع اویـــاك

▪︎▪︎▪︎
يالحسـن جيتك والگلب مجــــــروح يدي
دمع الحزن عالخد يصب من فگـــــد جدي
موهيّن افـــراگك صعـب ايذوّب الچبــدي
اعلينه هالفرگـــه تنكتب وامصابـــه يبدي

يلچم اجروحـــي ياخويه فرگـاك
ابگه ابنوحـــــــي عايشه ابذكراك
لمصابك يبن الزهره سلـّمت لله اوامره
اتوادع اویـــاك


من شفت چبدك بـالطشت گلبــــــــي تروّع
ياريت عميـــــه اولاشفت چبد المگطـــــــّع
عالراس ياخويـــه الطمت واسچب المدمـع
ابصوت المصيبه حشّمت والدنــــــــه يفزع

ايشوف المصيبه ابياحاله يلگاك
يكثرنحيبــــــــــه هالليله ينعـــاك
گابلته اجذب حسره سلـّمت لله اوامره
اتوادع اویـــاك


وابحالــــي تعلم يالحسن شنهوالجرالـــــي
فتـّشت عينـــــي عالمحن ارحم ابحالـــــي
چم محنـــه راواني الزمن اولسّه ابخيالـــي
امن اجروح امّـــي مابرن اوطبرت الوالـــي

ضلع الزچيّــــــه الشافتـــه عينـاك
اوحامي الحميـّه من غدرته اعداك
هالمسه امصابك يجره سلـّمت لله اوامره
اتوادع اویـــاك


شفت الضلــع من انكسر اوهشّمه البسمار
اوشفت الأخومن انعصر وابعتبت الــــدار
ياخويــه حسّيت ابخطر من گـوم الأشرار
وتحمّلت جــــــور الدهر صـــارعت الأقدار

ويــّاك اجــاهد وابروحي افداك
جيتـك انـاشـد يالخدري بحماك
يلحسن خدري اتهجره سلـّمت لله اوامره
اتوادع اویـــاك


طبرت علي اوكسرالضلـع منهن مصابـــــي
اولفراگك الليله انفجــــع يكثرعذابــــــــي
واتسلـّه بعدك بـالدمـــــع الشدّت اصوابي
الشكواي ياخويه استمع الليله اوعتابـــي

عدمن عفتنـــــي اتلوّعني بجفاك
يالفارگتنـــــــــي مهجع ابليـّــا ك
اوطف كربله انتظره سلـّمت لله اوامره
اتوادع اویـــاك


باجر نشيـــــع اجنازتك بنياحــــــــه وآلام
يم جدنه ردنــه دفنتك تمنــــــــــع الظلام
بأمرالخبيثــــه العادتك يرمــــــونك اسهام
امّ الجمل ماعــــرفتك التعبد الاصنــــــــام

اتناسة المختـا ر وصّاها ترعا ك
هاي امّ الأشرا ر غرّتها د نيــا ك
حگنه يخويه اتنكره سلـّمت لله اوامره
اتوادع اویـــاك

▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

«ذكريات مولمه»
«تجليبه»
~~~~
راعـــي الجود ايامـــــــــــــه
اليلـــــه ايجود بآلامـــــــــــه
گضه عمره ابنارصبره گضه عمره

▪︎▪︎▪︎
خل ندرس حياة الحسن عن فكـــــره
هذا ابن الصميده اوضنـوة الزهــــــره
الأنس والجان كلها طايعــــــــه الأمره
ليش الچانت ابعصره الولـــــي اتنكره

ميعــرفــــــون انسابـــــــــــه
ينجعلـــــــــون اصحابـــــــــه
ماتنصره ابنارصبره گضه عمره


الحسن هوه الخليفـــــه من بعد حيدر
حمل هيبة محمد والــده الأكبـــــــــــر
هذا اللـي رضــــــــــــع من درة الكوثر
حجه عالبشر بالدنيــــــــه والمحشــــر

شبل اكــــــــرام معروفــــــــه
اعليهــــــم دام معروفـــــــــه
صارغدره ابنارصبره گضه عمره


بحر الجود چان الأمتــــــــــــــه ناصح
گضـــــه ايام العمـر للظالــــم ايكافـــح
مظلوم الحسن للطاغيــــــــه ايصالـــح
من هذا الصلح چان الهدف واضـــــــح

ماله انصـــار الدينـــــــــــه
ظل محتـــار والينــــــــــه
سلم امره ابنارصبره گضه عمره


ابو محمد لون سبعين الـــــه ناصــــر
ماچان ايده مدهـــا ايصالح الكـــافـر
الأمه خانتـــــــــــــه تبعت حكم جاير
ظل وحده الحسن لمصيبتــه ايكـــابر

من خانـــــــوه انصــــــــــاره
من عافـــــــوه الغــــــــــداره
بان كسره ابنارصبره گضه عمره


سبط المصطفى اتجرع قهر واسمـــوم
سم جعده اليگطع چبدتـــــــــه هاليوم
اوظل حتــه بعد موتـه الحسن مظلوم
لا واحد يزوره والگبــــــــــــــر مهـدوم

بالدمعــــــــات احبابــــــــه
بالآهــــــــــات لمصابــــــــه
ابعين عبره ابنارصبره گضه عمره


ودع دنيته بآلامـــــه واحزانـــــــــــــه
اويبچي اعلــــه الحسن هاليله ديوانه
مضيفه الچان عامر دوم بحسانــــــــه
من بعد الحسن مسدوده بيبـانــــــــــه

مـن اتـــــروح وفــــــــــــاده
اوياها اتنــوح احفــــــــــاده
من تذكره ابنارصبره گضه عمره


ناس اللـــــي امس شنت حربها اعليـه
ردت هالعصر احفادها اتعاديـــــــــــــه
ماتقبل نشيد مرقده ونبنيـــــــــــــــــه
گرب يوم الفـــرج للغايب امتانيــــــــه

يبني اگبـــور مظلومـــــــــه
صاراعصــــور مهدومـــــــــه
من يخبره ابنارصبره گضه عمره

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت

الشاعرفالح العامري

غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

«فگد الكرم والجود»
«چعب هجري»
~~~
راح مسمـــوم شبل الزچيــه
منـــــــه هالدار ظلت خليـــه

▪︎▪︎▪︎
اينادي ابو اليمه الشهم خويــــــه يافخر الزلم
بعدك اشعر باليتــــــــم اوحيلـي عگبك ينهدم

اصبر اشلـــون يصعب عليــه
منـــــــه هالدار ظلت خليـــه


اليله املاك السمــــــــــه يهل مدمعها دمــــــــــه
الفگد ضنوة فاطمـــــــه احسين ناصب مأتمـــه

زينب اتنـــوح هاي المسيــه
منـــــــه هالدار ظلت خليــه


راح بحر المكرمــــــــــه دين جده يتمــــــــــــه
والمضايف مظلمـــــــــه عگب راعي الغانمــــــه

والحسن چــــان الها هويــــــه
منـــــــه هالدار ظلت خليـــــه


الحسن صعبه امصيبتــــه عله الأمه اوشيعتــــه
من دنتله ساعتــــــــــــــه ابلوعه ودع عليتـــــه

اليلـــــــه ننعاه راعي الحميه
منـــــــه هالدار ظلت خليـــه


خلـــــــــي نگصد كربله بالدمـــــــــــــوع الهامله
انواسي ابن عقد الولــه اينوح ويــــــــــه العايله

علـــه المظلوم اعظم رزيـــه
منـــــــه هالدار ظلت خليـــه


اليله ابو اليمـــــــــه يون نـــــاصب ابداره الحزن
ماغمض منـــــــــه الجفن اليلـــــــــه اخيه يندفن

راد ويـــــــــاه بالغاضريــــه
منـــــــه هالدار ظلت خليـه

▪︎▪︎▪︎▪︎▪︎▪︎▪︎▪︎▪︎▪︎▪︎
تمت
الشاعرفالح العامري

غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

《كريم اهل البيت》
《فزاعيه》
~~
يالحسن ياشبل النبي
هذا المســـه اتعنيتك

▪︎▪︎▪︎
اتعنيتك ادموعـــــــــــــــي تهل
اهموم البگلبــــــــــــــــــي حمل
يالحسن اتمنـــــــــــــــــــه اصل
واگعد يوالــــــــــــــــــــي ابيتك


اعتاب الـــــي اهوايــــــــــه الك
تسمعنــــــــي انــــــــــــه اتاملك
ايشرفنـــــــــــــــي ابات ابمنزلك
انتــــــــــــــــــــه يعالي ابصيتك


انتـــــــــه كريم اهل العبـــــــــه
الكاصــد ابد متخيبــــــــــــــــه
اتسمعـــه اوتلبــــــي مطلبـــــــه
اسمـــــــــــــــــع طلبتي انخيتك


يـــــالحسن منك طلبتـــــــــــــي
بيدك تنشــــــف دمعتــــــــــــــي
تگضي يوالــــــــي حاجتـــــــــي
ابلوعة دليلــــــــــــــــــي اجیتك


والله المضيفـــــك لــــــــــو اصل
واحزامــــــــــــــــــــي ابابك احل
هذا الــــــــي اعظـــــــــــــم فظل
انتــــــــه الرجــــــــــــــــه خليتك


بالجـــــود صيتك معتلــــــــــــــي
هالجود خذتــــــــــه من علـــــــي
اتعنيت شخصك ياولـــــــــــــــــي
وابطلبتـــــــــــــــــــــــي اترجيتك


اترجيتك انـــــــــــــــــــه يالحسن
توگفلـــــــــــــــــــــي ابجور الزمن
اتنجينـــــــــــــــــي من هاي الفتن
يـــــــاسيدي نــــــــــــــــــــاجيتك


يالحسن انتــــــــه منيتــــــــــــــي
لودنـــــت منــــــــــــي ساعتـــــي
تحضرنــــــي انتــــــــــــه ابشدتي
من المهـــــــــــــــــــــد واليتــــــك

يالحسن يـــــــاشبل الطهـــــــــــر
لـــــــــــــــوخلص من عندي العمر
تحظرنـــــــــــــــــــي اريدك بالگبر
اويـــــــــــــــــــــوم الحشر تانيتك

▪︎▪︎▪︎▪︎▪︎▪︎▪︎▪︎▪︎▪︎▪︎
تمت

الشاعر فالح العامري

غير مبري الذمة كل م̷ـــِْن يتلاعب في القصيدة وتغيير اسم الشاعر
👇
https://t.me/falehalameri

تم نشر قصائد الإمام الحسن المجتبى عليه السلام وعلى المشرفين والمشرفات المحترمين متابعة القصائد وتصلحيها اذا يوجد فيها غلط املائي وعلى الرواديد المحترمين تلحين القصايد وشكرا

«حب الحسین»
«تجلیبه»
~~
یامن راید تعـــــــــرف المن     صـــايرحبـي
حب ّاحسین اليسري ابدمّي    اومالك گلبي
حط اذنك واسمع دگـّاته       للمـظلوم
یحچیلك حزنه وآها ته        للمظلوم

▪︎▪︎▪︎
اخذمنــّي الگلب یالراید اتشـوفـــــــه
یاحب الیحمله وعنده ســـــالوفــــــه
اومن یاهواخذ بالدنیه معـــروفـــــــه
اذاغیرالغریب ابکربلــــه عــــوفـــــــه

هذا الحب ايظل للمحشــــر    عاش ابد مّي
اومن عنده استلهم افكا ري     واخذ عزمـي
معروف ابنوحه وشوغاته    للمـظلوم
یحچیلك حزنـــــه وآهاته     للمظلوم


ابواليمـّه ابشراييني انكتب اسمــــــــه
واحسن بالعگل مغروسه هالچلمـــــــه
لئن دین الاله اتقدّس ابـــدمــــــــــــــه
فخریکسیني واتشرّف ابهل الخدمــــه

اتشرّف خادم خدّامـــــــــه     لویحسـبني
افدي بالدم هالحض بالطف    ماحالفنـــي
واسمــع من ناده ابصرخاته     للمظلوم
يحچیلك حزنه وآهاتــــــــه     للمـظلوم



لون حاضرچنت یــاسیـّــدي ویـّــــــــاك
لمـن ناديت مــامن نــــــاصراللبّـــــــــاك
ردت آنه ابزمانك بالدمــــــــه اتفــــــدّاك
عله اتراب الطفوف ابمهجتـــــي اتلگــّاك

گبل اضلوعك خیل العسکر    اترض اضلوعي
واسگي الچبدك یابوالیمّـــه    من ادموعـــــي
اوللطف اتحمّل جمراتــه     للمـظلــوم
يحچیلك حزنه وآهاتـــه      للمـظلوم



ياصوت العدالـــــه اوصرخـــة الأیمــان
یظل کل جیل طفـّــك يوقض الوجدان
اويظل گلب الیحبّك بالزمن ولهــــــــان
يبواليمّه الموالي الخدمتك عطشــــــان
الموت ابهذي الخدمه اتمنّه       یابو الیمّـــــه
واخذاجري منّ الـــــــزهره       ابهذي الخدمـه
يتفاخرظل ابخدماتــه      للمـظـوم
يحچیلك حزنه وآهاته      للمـظلـوم



دنيه وآخره سجّلنـــــــــه اصــحــــابك
هاي ارواح عدنـــــه ارخيصه جــدّامك
سجّلنه ابسجل ّالخدمــــــه خّدامـــــك
اوعله هاي الخدامـــــــه ثبّت احبـــابك
ثّبتنه اعله الحب والخدمـــه    یبن الزهره
با لمحشرحبّك ينجينـــــــــه    يوم الحسره
بالدم انطـــرّز رايـــاتــه       للمـظلــوم
يحچیلك حزنه وآها ته       للمـظلــوم



يخــي عونه اليموت ابخدمتك يحسين
اوعلـه حبــّـــــــــك يغمّض للمنيّه العين
ملائكــــــــــة السمه تهبط الـه امشيعين
وابوك ابيمنتـــــه ايــــــــوسد له الخدّين

وامّك تحضرلیل الوحشــــه     واتسلـّینه
امن اهوال البرزخ والمحشر      واتنجینه
بالجنـّه الأخلص نيّاته         للمـظلــوم
يحچیلك حزنه وآهاته       للمـظلــوم

▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمت

الشاعرفالح العامري
        👇
00989133683181
غير مبري الذمة كل م‌ـــِْن يتلاعب في القصيدة وتغيير اسم الشاعر
https://t.me/falehalameri

«حب الحسين عليه السلام»
«فايزي»
~~~
يحسين رحمه الواسعه   الواسعه النــــه
خــــــدام الك ياسيـدي   سيدي اقبلنـــه
▪︎▪︎▪︎

كل گلب اصبح مرتبط   مرتبط ويـــــــــاك
وارواح النــه من الازل   امن الازل تهــواك
يالوالي دنيــــه اواخره   اواخره بحمـــــاك
ماخاب يبن المرتضـــى   المرتضــى الوالاك

بالدنيه شفنــه خدمتك   خدمتك جنـــــه
خـــــــدام الك ياسيـدي   سيدي اقبلنــــه


يامن كسبت امن العلــي   امن العلي مجدك
ياناجـــي امة المصطفى   المصطفــى جدك
يحسين يابيت الوحـــي   الوحـــــــي مهدك
اوبالمهد جبريل افتخــر   افتخــــــرهـــــزك

يالحبك النـــــه بالمهد   بالمهد هزنـــــه
خــــدام الك ياسيـدي   سيدي اقبلنــــه


يحسين كل دگــــة گلب     گلب تسمعــــــها
ابحبك تردد يالصــــرت   يالصرت حبـــــــها
ارواح منــــــــذوره الك   الك نحسبــــــــــها
ابدفترك هالخدمـه لون   لــــــون تكتبــــــها

اعظم كرامه والشرف   والشرف نلنــه
خــــدام الك ياسيـدي   سيدي اقبلنــه


بيرغ رفعنـــــــه ابكربله   ابكربلـــــــه يحسين
هاذي الشعائــــر شاهده   شـــــــاهده كل حين
انجدد الك بيــــــها عهد   عهـــــــــد المضحين
ابدرب الشهــــــاده للابد   لـــــــــــلابد ماضين

يحسين منك تضحيــه   تضحيه اكسبنه
خــــــدام الك ياسيـدي   سيدي اقبلنــــه


اتوارثنــــــه من ابأ واجد   واجد هالخدمـــــــه
هاي العقيده الساميـــــــه   الساميه  ابدمـــــــه
الوالاك والحبك ذبــــــــح   ذبـــح ماهمــــــــــه
منك اخذ هالتضحيـــــــه   التضحيـــه اوعزمه

اتعلمنــه مثلك عالظلم   عالظلم ثرنـــــه
خــــــدام الك ياسيـدي   سيدي اقبلنــــه


يحسين تهتـف لـــــــلابد   لـــلابد باسمـــــــك
كعبتنه صارت كربلــــــــه   كربلـــــــــه اودمك
نقسم وحگ كسرالضلـــع   والضلـــــــــــع لمك
احنـــــه نحارب كل عصر   كل عصـــرخصمك

هيهـــــــات ابدا مانذل   مانذل صحنــــه
خــــــدام الك ياسيـدي   سيدي اقبلنــــه


يحسين اقبلنــــــــه خدم   خـــدم خــدامـــك
كل عام نحي بالبچــــــــي   بالبچــــــي ايامك
يامن يحيت ابكربلـــــــــه   ابكربلــــه اسلامك
ارواحنــــــــه فدوه الترب   التــــرب اجدامك

يحسين لومـا نهضتك   نهضتك ضعنـه
خــــدام الك ياسيـدي   سيدي اقبلنــــه

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎
تمّت
الشاعرفالح العامري


غير مبري الذمة كل م‌ـــِْن يتلاعب في القصيدةاویغير اسم الشاعر فالح العامري
https://t.me/falehalameri