🖤

"Alloh siz uchun tayyorlagan narsa, orzularingizdan ham afzaldir."

Hayotning tugashi aniq va inkor qilib bo'lmaydigan fakt. Demak qachon, necha yoshda ketish ahamiyatsiz. Ketguncha nima qila olganing muhim!

Bugun umr daftarimga yana bir sahifa qo'shildi. Bu faqat yoshim ortgani emas, balki Rabbimning menga bergan yana bir ne'mati, yana bir imkoniyati, yana bir sinovi va yana bir rahmatidir. Alhamdulillah.
Bu yangi yoshimda dunyo meni emas, men oxiratimni o'ylaydigan inson bo'lishni istayman. Qalbimni Qur'on nuri bilan, tilimni zikr bilan, hayotimni halollik va baraka bilan bezashni Allohdan so'rayman.
Ortimda qolgan har bir xatomni mag'firat etishini, qilgan har bir yaxshiligimni qabul qilishini va oldimdagi umrimni O'zi rozi bo'ladigan amallar bilan to'ldirishini so'rayman. Chunki eng go'zal umr — Allohning roziligi bilan o'tgan umrdir.
Bugun tug'ilgan kunim. Ammo eng katta bayram — har tong ko'zimni ochib, «Alhamdulillah» deyishga yana bir bor muvaffaq bo'lganimdir.
Ey Rabbim, agar bu yangi yoshim hayotimdagi oxirgisi bo'lsa, uni gunohlarimga kafforat, amallarimga baraka va huzuringga yuzim yorug' holda qaytishimga sabab qil. Agar oldimda yana yillar bo'lsa, ularni Sen rozi bo'ladigan yo'lda o'tkazishni nasib et.
«Alhamdulillahi 'ala kulli hāl. Hasbunallohu va ni'mal vakīl.» 🤍

Sirimni aytdim. Hech kimga aytib qo'ymang🤓