صحيــت عاينت للساعه لقيتها 2:40 صبـاحـا، وهـو جنبي ناااايـم
عايزه اصحيو لكن ما عندي عـذر 😹
فضلت بكح وبعطس بالغصب لكن لا حياة لمن تنادي 😒
جبت المشط والفرشه وبلعب ليو بشعرو، ولسه هو نايم
في الاخر رجعتهم وجيت رقدت جنبو
هو قـال
#الحمدلله اخيرا روقتي
… لمن سمعت صوتو، قعدت وقلت ليو
*قوم طيب
… هو مغمض عيونو وكلما يحاول يجرني عليو، انا مصره اكتر انو يقوم
*عليك الله اصحى
#تعالي نومي بكره وراي شغل 😴
*لالا بس تصحى هسي
#انا عارف م عندك موضوع وعايزه تساهري بي بس
*عندي ،فتح عيونك عشاني 🥺

… هو فتح عين ومغمض عين، قال لي احكي
انا ساكته وطوالي ركبت ليو الوش الطفولي البريئ 🥺😹😹
هو قال "ياااااا الله منك "
قعد في نص السرير وخاتي يديو ع عيونو
انا شلت يديو وقالت ليو
*عاين اسمعني عندي سؤال مهم
#اسألي
*كنت بتعرف بت اسمها لبنى؟
#عليك الله صحيتيني نص الليل عشان السؤال دا؟
*رد لي 🥺
#لا ما حصل، جبتي من وين؟
*خلاص نوم خليتك
… انا رقدت وختيت المخده ع راسي، خليتو قاعد وبعاين لي، قال
#كدي ردي لي، جبتي اسمها من وين؟
*حلمت بيها فقلت اسألك اذا بتعرفها
#😹😹😹 م جاده، عايزه تجنيني صح
*م ذنبي، براها ظهرت في حلمي وما لقيت زول غيرك اسألو
#كـدي ممكن ترفعي راسك وتزحي المخده من عليو
*ح تضحك علي ، ابيييت
#انتي زحي المخده بس ما عليك
… زحيتها شايفاو مبتسم ابتسامتو الرهيبه، بدون اي كلام حضني عليو وقال
#مع انك مصيبه وقعت في راسي لكن مبسوط بيك، وحركاتك الطفوليه دي بتحببني فيك اكتر …❤️
… وكالعاده انا بخرب اللحظات دي 😹
قلت ليو طيب ممكن تخليني دقيقه عايزه اجيب حاجه … هو ضحك قال لي خليتك
جبت الفرشه وقلت ليو سرح لي يلا 🙈
قال
#انتي عارفه الساعه كم؟
*جاء ع بالي كدا، لو عايزني انوم زعلانه خليني 🥺
#بكره ح انوم في الشغل بسبب عنادك دا 😒
*طيب خلاص ما عايزه 😔

… هو ضحك وحاكاني تقليد لصوتي "طيب خلاص ما عايزه "
شال مني الفرشه ومشاني ساي لانو م عمل اي حاجه 😹
في الاخر رقد وجراني عليو 😴❤️

……… @ ………
الصبـاح صحيت الساعه 6 ما لقيتو جنبي، وقفت جنب باب الحمام بنادي عليو ماف صوت
مشيت المطبخ ماف
الغرفه التانيه ماف 💔
اتصلت ليو ما برد

… استحميت ولبست فستان عادي ورفعت شعري
لمن طلعت كانت في حركة زول، ناديت عليو ما رد
ولو دا هو مستحيل يكون رايق وما يغني او يصفر

طلعت من الغرفه حسيت انو في زول مسكني من يدي

#من روايــة مـــرادي
#قريبـــآ