قــال لـي: -
لمــن حبيــتهـا نهائي ما اترددت بإنـي ابوح ليها بمشاعـري ... ما هو ما ممكن اطنش واخليها تكون فرصه لغيري ... حسيــت انها لــي ومحرمه على غيـري
لمــن كلمتها ما اتوقعتها تجرجرني وراها بالشهـور 😹 لكن غايتو صبــرت عليها لحــد وافقـت ، بالجد كنت مبسوط شديييد😻
مــرت السنيــن وحبــي ليـها بزيـد واكتر حاجه لمن تغلـط بتحببني فيها اكتر
حبيت فيها عنادها وبراءتها وروحها الطفوليـه ... اما لمن تفتش لسبب عشان تزعل مني بدون مقدمات بلقاها نفسنت فيني 😹💔
بتغلط علي وبلقى نفسي راضيتها قبل تراضينـي ... ما بهون علي اخليها تنوم متضايقه لاي سبب 💚

لمــن افكـر ليه هي بالذات؟
ما بلقــى اجابه مقنعه لاني حبيتها كلها ع بعضها ... حبيت غلطها قبل صحها ... عيوبها قبل مزاياها ... حبيتها لانها مخلوقه مميزه للحــب ❤
بكون مبسـوط لمن هي تجي تحكي لي عن مشاكلها الصغيره شديد ودموعها القاعده ع الهبشه ، بحتويــها لانها مخلوقه من ضلعـي وواجب علـي سعادتها ❤

مــره كنت قاعد مع صحبــي وحكى لي عن حبيبتو وقدر شنو هو مستاء من العلاقه
ع طول جات في بالي هـي وحسيت اني مالك نعمــه وتستاهل الشكر والحمد كل ثانيـه ... ربنا بحبني لانو حببني فيها 😴❤
انا ما طالب حاجه من الدنيـا غيـر انها تكون قـدامي العمـر كلو 💚

#فــاديـه محمـد الخالـدي

وأختبــئ داخلك من ســوء العالم، وســوء نفسي يا كيــانـي ❤️😴

#فــاديـه

وبعـد : -
نـحـن أصحـاب العقـد الثـاني نركـض حـول أنفسـنا لعلنـا نـنجـد ذاتـنـا من خراب العالـم …
يخـرج ضـوء من نهايـة الطريق وعند الاقتـراب منـه يصبح ســراب، ســراب لا يبالــي بأملنـا … عـلى الحافـه خطواتنـا تحبــو وما بين البـين والبيــن يربـت أحدهـم علـينـا فنتمسـك بطـرف ثوبـه البالــي …
ان الفرق بين اعمـارنا تحت هذا العقـد لا يهـم ، ما يهمنا حقـآ هو الفرق بين أحلامنـا .. طموحاتنـا .. وجهتنـا .. وذاتنا المرتجفـه من ضغوطاتنا الغير محدوده .

#فــاديـه محمـد الخالــدي

البدوم ليك دا المستحمل عيوبك ورغم كل دا تلقاو مهتم بيك وخايف عليك
بالمختصر بفرض حبو عليك فرض وانت مصيرك تتقبلو 💚😴

#فــاديـه

الصبــاح كان عندي شويـة تجهيزات م عملتهـا … هو ع اساس يساعدني لكن صراحه اخرني 😹💔
لمن اكون عايزه افرش الملايات هو بقول الا يفرشها معاي ونكون ماسكنها الاتنين وفجأه بجرها عليو وانا معاها 🙊 فبلقـى نفسي في حضـنو 🙈
وكررها اكتر من مره
قلت ليو
*طيب خليت ليك الملايات، بالله يكونو ظابطين ما تبهدلهم لي 😒
#😹ع فكره لو ناسيه ممكن اذكرك انو انتي الما بتعرفي ليهم
*لالا م تذكرني خالص 😹وامشي الهول عشان نكون خلصنا منو
… هو مشى الهول وانا انتبهت انو الديكور ما موزون، طلعــت في الكرسـي وحاولت اوصل لكن م قدرت 😅
حسيـت انو هو وراي، نزلنـي ومحمـر لي قال
#انتي شلاقتك دي ما ح تخليها صح … لو وقعتي وحصلت ليك حاجه، انا اعمل شنو 😒
*بس طول ما انت جنبي ما ح تحصـل لي حاجه ☺
… هو رفع راسو وتاني نزلو وضحك ،يديو ع نصـي وانا خاته يدي ع رقبتـو وبتأمل ضحكتو البتشيل تعب السنين كلها
قال لي
#انا قبل كدا قلت ليك اني بحبك ولا م قلت؟
*ممممممممم، قلت كتيييير لكن كلما تقولها بحس انك اول مره تقولها لي
… باسني في راسي وقال لي
#انتي بعد كدا تمشي تجهزي نفسك وتخلي باقي الشغل دا علي
*لالا ما ينفع لازم نخلص مع بعض
#حبيبتي لو سمحتي ☺
*حااااضر
…… مشيت جهزت ولبسـت فستـان ابيـض وكويت ليو جلابيـتو
هو خلصـت ودخل استحم ولبس الجلابيه الكانت خراااافيه عليو ماشاءالله 😻❤
جبت البخـور بخرتو وحصنتـو، هو كان بعاين لي ومبتسم … قلت ليو
*في حاجه في وشي خلتك تبتسم للدرجه دي؟ 🤔
#ايواااا في حب ع عيونك، الابتسامه ع شفايفك، وملامحك المريحه شديييـد … انا م عارف عملت شنو عشان ربنا يجازيني خير ويجعلك من نصيبي … انتي عارفه انو مهما كنت قريب منك او بعيد لكن شوقي ليك بزيـد … عارفـه اني بدعي ربنا ليل ونهار انو يحفظك ويخليك لي … عارفه انو بتأمل ملامحك وما بشبع منك خاااالص … كل عيد وانتي عيـدي وفرحتـي وكل دنيتي، ويااارب تتعاد كل اللحظات الحلوه البينا في كل دقيقه ويديمك لي ويحرمك من الزوال 💋
*ممممممممم وانت عارف انو انت جيت حياتي وعوضتني عن كل لحظات حزني … جيت وكأنك بلسـم شفاني وبيك بقيت الزوله الانت هسي بتوصفها دي … انا لو حكيت عنك ما ح اقدر اوفيك حقك ولا ح اقدر اعبر عن حبي الكبييير ليك … انا فخوووره بيك وبالساعه العرفتك فيها…كل عااام وانت جنبي وساندني … كل عام وانت قوتي وراحتي النفسيه … ربنا يقدرني واسعدك اكتر لانو وجودك هو وجودي وسعادتي مربوطه بيك…
الف حمدلله عليـك 💋

…… هو سرح لي شعـري وساقني من يدي اتوضينا
ولانـو العيـد المره دي برانا وماف طريقـة نطلع
صلينا مع بعض💚
وصـوتو كان كفيـل يخليني ادعـي عشانو وعشانا وعشان البينـا 😴



…… وانتو عيـدكـم سعيـد ومليـان راحـه وأمان ياااارب

#فــاديـه محمـد الخالــدي

كـــذب المؤرخـون عندمــا قالــوا "أن الفقــد واحــد "

إن الفقــد في منظـوري يختلــف حســب أهميـة المفقـود وزمان الفقـد وسببـه
" الحــي يلاقـي الحـي " عبــاره أربكتنـي صحــة أحرفـهـا
نفقـد الحـي لكــننا نسمـع صوتـه ونضحك لضحكتـه … نشـاركــه أفراحنـا وأحزاننـا … بيـن يديـه تحديد زمـن مكوثـه بيننـا (إستبعـاد الظروف) … نناقشـه عـن سبب رحيـله وسرعـان ما يحكي لنـا قصـه يمتص بها غضبنـا … إنـه يعيش فيتنفس، يمـشي فيرتاح، يأكل فيشـرب، يخـرج فيعــود، بالمختصـر إنـه حــي يـرزق ويتمتع بتفاصيـل يــومــه

"الميـــت يعـلـم يومنــا " عبـاره تخصـف من ورق الإرتيـاح فتواري به سوأة أحــزاننـا
لكــن فاقــد الحيـاة يجعلنـا في بحث دائم عن صوره المبعثره لعلنـا نرى إبتسـامته … لكن ماذا عن صوته؟
ليـس بيده تحديد زمـن غيابه ولا سببـه … نبكـي شوقــآ لـه ونطفـي نار دموعنـا بذكرى عابره منـه فنبتسم وننـام …
إن الميــت الحاضــر بيننــا يخطـر بأحلامنــا ويوصينـا على أنفسنـا … نشتـم رائحـة فقــده في ملابسـه المكدسـه على خزانــة الذكريـات … وعنـد حدوث مناسبـه نتخيـل وجـوده أمامنـا لنسـرد له التفاصيــل ، فيتهمنا غيرنا بالجنـون

…… الفقــد لم يكـن واحـد وليس كل مفقـود مثل سواه 💔
وفـي الختـام "إنـا لله وإنا إليه راجعـون "


#فــاديـه محمــد الخالـــدي

……… فــي ديسمبــر تنتهـي الاحــلام
"لـم تكن كذبــه 💔" ………

*ال12 ليـلآ لايوجـد صـوت غير مروحة تدور … دعني أقـل لك لا صوت غيـر صوتك بداخلـي … توجـد قصاصات ورقيـه تبحث عمن يحتويها برفـق … البـاب مغلق وهناك من يتجول بالقـرب مني … في الاول حسبتـه أنت لكن سرعان ما تذكرت غيابـك …
*اليـوم أخبـرني طفـل أختي بانه يريد سيـاره رغم تراكم السيارات أمامه … سمعت صوته يصـرخ لم تمضي دقـائق على كلام أختي له بأن خالتك سوف تأتي لك بها … ليتني طفـله أصـرخ لهم فيأتو بك لـي … ليتني طفـله يا عـزيـز …
*لم أخبـرك
- بأن معدتي تؤلمني ربما أضغاث أوهـان لا أدري … ما أدركـه أن قلبي يؤلمنـي …
- رنين هاتفي لم يفارقني …ليته أنت وليتك هو …
- طلاء أظافري تبـرأ مني مثلما تبـرأ الزمن عن قصتنا …
- في كل مره تخطر ببالي يبتسم قلبـي فتتجمـل ملامحـي … اليـوم أصابني داء الذبول … لم أتعرف عليّ … كل شيء أصبح بارد حتى الصيـف لم يعـد فصـل ثابـت …
* أود إخبارك بأن أقدامي تذهب بدون مقصـد … رأيتها تحملني لفنـاء الوحـده … حاولت التخلص منها فبُتِرت ضحكتي وراحتـي النفسيـه …
- فـي نهايـة حديثـي مع نفسـي هل تستطيع قــراءة ما أكتبـه عنك لـي ؟؟؟!!!


#فــاديـه محمــد الخالــدي