“ခင်ဗျားတို့ ပြည်ဖျက်မီဒီယာတွေ၊ လော်ဘီတွေ နားထောင်ပါ… ရှင်းပြပါမယ်”
-
အခြေခံဥပဒေက ဘာပြောထားသလဲဆိုတော့ ၂၀၀၈ ဖွဲ့စည်းပုံအခြေခံဥပဒေ ပုဒ်မ ၁၆ မှာ “နိုင်ငံတော်ရဲ့ အကြီးအကဲနဲ့ ပြည်ထောင်စုရဲ့ အုပ်ချုပ်ရေးအကြီးအကဲကတော့ နိုင်ငံတော်သမ္မတပဲ” တဲ့။
-
ပုဒ်မ ၅၇ မှာ နိုင်ငံတော်သမ္မတနဲ့ ဒုတိယသမ္မတများ နိုင်ငံတော်ကို ကိုယ်စားပြုတယ်။ ပုဒ်မ ၅၈ မှာ “နိုင်ငံတော်သမ္မတသည် ပြည်ထောင်စုသမ္မတမြန်မာနိုင်ငံတစ်ဝန်းလုံးတွင် နိုင်ငံသားအားလုံး၏ အထွတ်အထိပ်နေရာ ရရှိတယ်လို ပြဋ္ဌာန်းထားတယ်။ ပုဒ်မ ၈၀ မှာလည်း ထပ်ပြီး အတိအလင်းဆိုထားသေးတယ်… ပြည်ထောင်စုလွှတ်တော်မှာ နိုင်ငံတော်သမ္မတ ကိုယ်တိုင် မိန့်ခွန်းပြောကြားရန် လာရောက်ပါက နိုင်ငံတော်အကြီးအကဲ နိုင်ငံတော်သမ္မတကို လေးစား ဂုဏ်ပြုတဲ့အနေနဲ့ နေရာစီစဉ် ပေးခြင်းကို ပြုလုပ်ပေးရတာ ဖြစ်ပါတယ်တဲ့။
-
ဒါကြောင့် သမ္မတကြီးဟာ လွှတ်တော်ဥက္ကဋ္ဌ ဒါမှမဟုတ် နာယက်တွေထက် “ဝါစဉ်ကြီးရုံ” မဟုတ်ဘူးနော်… နိုင်ငံတော်ရဲ့ အထွဋ်အထိပ် အကြီးဆုံးပုဂ္ဂိုလ် ဖြစ်တယ်။
-
ဒါဟာ နိုင်ငံတကာအစိုးရအဖွဲအစည်းဆိုင်ရာ ကျင့်သုံးမှုတစ်ခုဖြစ်ပြီး “လေးစားမှုကိုပြသသည့် သဘော” သက်သက်သာ ဖြစ်ပါတယ်။ ဥပဒေကိုလွဲမှားစွာ အဓိပ္ပာယ်ကောက်ယူပြီး နိုင်ငံရေးအရ ထိုးနှက်၊ အဆိုးဘက်ကို ပုံဖော်ခြင်းဟာ ဥပဒေကြောင်းအရရော ကျင့်ဝတ်အရပါ မသင့်လျော်ပါ။ ပြည်ထောင်စုလွှတ်တော် နာယကအနေနဲ့ စံနမူနာပြအဖြစ် နိုင်ငံတော်သမ္မတကို လေးစားမှုအား ပြသခြင်းသာဖြစ်တယ်ဆိုတာ နားလည်ဖို့လိုတယ်။
-
မနာလိုစိတ်နဲ့ လိုက်ပြီး အပုတ်ချမနေကြနဲ့.. ကိုယ်ပိန်းတာ လူသိတယ်။

KT, April 11

ဂုဏ်သိက္ခာညှိုးနွမ်းစေရန်နှင့် လုပ်ငန်းဆောင်ရွက်မှုများအပေါ် အထင်အမြင်လွဲမှားစေရန် ရည်ရွယ်ချက်ရှိရှိ သတင်းမှားများ ထုတ်လွှင့်နေမှုအပေါ် တန်ပြန်ရှင်းလင်းချက်

မဲခေါင်းသတင်းနှင့် အခြား လူမှုကွန်ရက်စာမျက်နှာအချို့နှင့် ပြည်ဖျက်မီဒီယာအချို့တွင် ဟိုပုံးမြို့ရှိ တပ်မတော်ကွန်ပျူတာနှင့် နည်းပညာသိပ္ပံ ကျောင်းအုပ်ကြီး ဗိုလ်မှူးချုပ် သန့်ထင်စိုးနှင့် ပတ်သက်၍ အခြေအမြစ်မရှိသော သတင်းမှားများကို မကြာခဏ လုပ်ကြံဖန်တီး ရေးသားဖြန့်ဝေနေသည်ကို တွေ့ရှိရပါသည်။ အဆိုပါ ရေးသားချက်များသည် မြေပြင်အခြေအနေနှင့် လုံးဝကိုက်ညီမှုမရှိဘဲ သတင်းတု၊ သတင်းမှားများသာ ဖြစ်ပါသည်။
-
ဗိုလ်မှူးချုပ် သန့်ထင်စိုးသည် တာဝန်ထမ်းဆောင်စဉ် ကာလအတွင်း တရားမဝင်ကုန်စည် စီးဆင်းမှုများ၊ လိုင်စင်မဲ့ မော်တော်ယာဉ်များနှင့် ပတ်သက်၍ စည်းကမ်းစနစ်တကျ ရှိစေရေးနှင့် အဂတိကင်းစင်ရေးကို ပြတ်ပြတ်သားသား ကိုင်တွယ်ဆောင်ရွက်ခဲ့သူ ဖြစ်ပါသည်။ ယခုကဲ့သို့ အဖမ်းအဆီး အရေးယူမှုများ တင်းကျပ်စွာ ဆောင်ရွက်ခဲ့ခြင်းကြောင့် ကိုယ်ကျိုးစီးပွား ထိခိုက်ခဲ့ရသော မသမာသူ လူတစ်စုက ရည်ရွယ်ချက်ရှိရှိဖြင့် နာမည်ဖျက် တိုက်ခိုက်ခြင်းသာ ဖြစ်ပါသည်။
-
သတင်းတွင် ဖော်ပြထားသော "လူယုံအရာရှိများက လိုင်စင်မဲ့ကား မှောင်ခိုသယ်နေသည်" ဆိုသည့် အချက်မှာ မည်သည့်ခိုင်လုံသော အထောက်အထားမျှ မရှိဘဲ ပုဂ္ဂိုလ်ရေးအရ ဂုဏ်သိက္ခာကျဆင်းစေရန် ရည်ရွယ်၍ အကွက်ချ ရေးသားထားခြင်း ဖြစ်ပါသည်။ အထူးသဖြင့် ကျောင်းအုပ်ကြီးကိုယ်တိုင် သင်တန်းတက်ရောက်နေသည့် ကာလကို အခွင့်ကောင်းယူကာ အောက်ခြေတပ်ဖွဲ့ဝင်များနှင့် အရာရှိများအကြား သွေးခွဲရန် ကြိုးပမ်းခြင်းသာ ဖြစ်ပါသည်။
-
တပ်မတော်အတွင်း အရာရှိကြီးများအနေဖြင့် မိမိလက်အောက်ရှိ အရာရှိ၊ စစ်သည်များ၏ စည်းကမ်းလိုက်နာမှုကို အစဉ်တစိုက် ကြပ်မတ်လျက်ရှိပြီး လိုင်စင်မဲ့ကား စီးနင်းမှုနှင့် ပတ်သက်၍လည်း တိကျသော အမိန့်နှင့် ညွှန်ကြားချက်များအတိုင်း ဆောင်ရွက်လျက်ရှိပါသည်။ သတင်းတွင် ဖော်ပြသကဲ့သို့ "မျက်ကွယ်ပြုထားသည်" ဆိုခြင်းမှာ စည်းကမ်းစနစ်တကျရှိသော တပ်မတော်၏ ပုံရိပ်ကို ထိခိုက်စေရန် လုပ်ကြံပြောဆိုခြင်းသာ ဖြစ်ပါသည်။
-
ဟိုပုံးမြို့ရှိ လောင်စာဆီဆိုင်များ ပိတ်ထားချိန်တွင် အတင်းအဓမ္မ ဖွင့်ခိုင်း၍ ဝယ်ယူနေသည်ဟူသော စွပ်စွဲချက်မှာလည်း ပြည်သူလူထုနှင့် တပ်မတော်အကြား အမုန်းပွားစေရန် ရည်ရွယ်သည့် ကောလာဟလ သတင်းအဆိပ်သင့်မှု တစ်ခုသာ ဖြစ်ပါသည်။
-
လက်ရှိတွင် သင်တန်းတက်ရောက်ကာ နိုင်ငံတော်တာဝန်များကို ကျေပွန်စွာ ထမ်းဆောင်နေသော ဗိုလ်မှူးချုပ် သန့်ထင်စိုးအား ဒုက္ခအမျိုးမျိုးရောက်စေရန်နှင့် ဂုဏ်သိက္ခာ ညှိုးနွမ်းစေရန် ရည်ရွယ်ချက်ရှိရှိဖြင့် မသမာသူများက လုပ်ကြံဖန်တီးထားသည့် သတင်းမှားများဖြစ်ကြောင်း အသိပေးအပ်ပါသည်။

KT, April 20