غربتك عن كلشي
ممكن غربة اولى
غربتك عن روحك ( الغربة الأخيرة )
- ياسر الانصاري

شگد يبرد گلبي من اقره هالقصيدة !!

احسه يگلي ..

ادري ماعندك مجال
بس بخور و مي ورد ، جيب و تعال
- يوسف الدراجي

انه مشتاقلنا كلش
لحد يقنعني هذا البُعد خيرة
انه اذا اتابع مسلسل ابچي بالحلقة الاخيرة ..
- محمد قصي

ضل بالي عليك من الزعل ذاك
لا راضيتني ولا اعرف شبيك
اريد اعرف اخبارك والله مشتاگ
ضل زعلان بس خليني احاجيك
- محسن الموسوي

شلون افهم الناس ما اگدر بدونج ؟
وهذا كل الحب اضمه
مثل مُدمن ؏‎ الخمر من راد يترك
ماتت امه !
- احمد ملاذ

حتى انتَ گلبك لعب ؟
الله ، يا للعجب !
اسحبت روحك مثل
اي واحد من انسحب ..
ومن اجلك انه طحت
ياللي عليه اسحگت !
ياما عليك اتعبت ؟
ما تستحق هالتعب ..
- الگاطع

وحشة غروب وبده يزيد السواد
وصح گمر موجود بس انتَ الغبت
وجاي ليل ومقتنع ما راح انام
انه امس لولتلي امي ومانمت
- محسن الموسوي

و إذا ما تدري ، جاي أرجف
إذا بـ ايامك تشاركني ، شتكلّف ؟
- عبدالله بيان

_

دگ ودگته بهمه
وحلفت إن طاح ما لِمه
الگلب وياك مثل حال السچچ بالصيف
شيلزمه ؟
بيني وبين نفسي شگد اذمن بيك
بس والله ماسويتها بلمَه ..
- بشار المشهداني

اليحب ويروح يدري شظل وراه بليل ؟
ام ملوعة ، وبيوت مهجومة !
- علي مهدي

زَرعت بيه خوف وشك من اي انسان
وتشوّه حُسِن ظنّي بهالبُعد گدرت ..
گمت لو شوف حلوة بـ اي طريق امشيّ
أگول بگلبي هاي شكم گلب كسرت !
- احمد عادل

بعد رحتي
گبل چنتي حلالي بحكم شرع الشوگ
بس هسة شلي ؟ بذمة رجل صرتي ..
- فاضل غضبان

وانه من يسرگي بيبانه الضوه المغرب احن ..
عيوني ما غمضَت بعدك چنها شباج السجن ..
- حسن حيدر

وين عن الناس اذبك ؟
اشتااااگ ، حد ما اگوم اسبك ..
ليش چلبت بطرف جرحي ورحت ؟
مو والله احبك !
- احمد العتابي

شمدريني الحلم يعتگ ؟
شمدريني القصيدة التنكتب للغشمة تتشگگ ؟
منو بگدي يخاف عليك ؟
احترگ دمي وطحت بارد
ومن تتأخر انتَ برجعتك للبيت
تنام امك .. و اضل گاعد !
- ايهاب الظالمي

اتمنى اصادف شخص
نفسك و نفس الطبع
بس بـ اسم ثاني ..
- محمد قصي