لا نفترق لأننا نكره،
بل لأن الحياة تجرّنا في طرقٍ لا نختارها.
كنت هنا، والآن لستَ،
وليس في الأمر خيانة…
بل فقط، مسافة.

تشيزاري بافيزي

اقلام الظنون تشخبط اعله الحيل
الفجر چذبة ، الضوه ضحكة عزيز بليل
- علي مهدي

حوار
( تشع الموناليزا اعله حايطكم ) ، لها ؟
- لها طبعاً ، ولها ولها ولها ولها
حتى الرمق الاخير ..

جبار محيبس - ملاذ

بغرفتي اكبر معارك روحي خايضها
ومرة بليلة من الخوف شفت شباچي سد روحه ..
ورسمت اعلىٰ السگف احلامي گبل النوم
ونمت بعيون مفتوحة ..
وشفت مرايتي من ابعيد مكسورة
وعليها اثار دم من ايدي ممسوحة ..
وسمعت اطفال صوت صياحهم عالي بحديقتنا
وحچي وضحكات مفضوحة ..
وطفل گال الطفل بس اصعد ادفعني
رغم ما عدنا مرجوحة !
ورغم ما عدنا حتى اطفال ..
فراگك سوة بية اشياء ما تخطر ابد ؏‎ البال !
- احمد عادل

شرد اعله الرسالة الما استوعبها ؟
بمثل هاي الامور الوعي يترخص ..
يالوفاي ..
يالتوگف العشرة وياك ، مو تخلص !
هنا يا صاحبي يا بوية يا خيمة
اليحير بضوجتي وما يلتهي بضيمه ..
- علي مهدي

الحبر بالماي يصفى وما صفى رايه
انه الخاف لا ينجرح منه انسان
نمت مكتول بحچايه ..
- حسن حيدر

طاحت صورتك وي الهوى الهاب
وتذكرت گلبي واول صواب
يومين اعله حطتها ؏‎ الگاع
وبالثالث شلتها ، لاحني اعتاب ..
ردت اعرف شعور الناس وشلون
بثواني تحول الحبوهم اغراب !
بصورة وماتحملت اجفي وياك ..
شلون تحملت كل هذا الغياب ؟
- حسين الباحث

شكد جنت محتاجك ردت بس تسأل
من جنت ادور بالصور ( صورة حَل )
- عصام كريم

• uploader @Fuolbot

كل الابيات العليك انه اكتبتهن
حسستني تهدمن كلهن عليه
- عزام احمد

🩶.

4/25

اني مفتقدك حبيبي ، ومفتقدني ..

حتى بنومي ما مرتاح ، اذيه
طيفك فززاني ، شجابه اليه ؟
- رشاد قُصي

گلت اسافر للمكان الممكن يوصلني يمك وگلبي اخذني لكل مكان احساسه بارد ..
- عزام احمد

كلش شُكراً🩶.

ياما گتلج ابقي يمي
غير گلبچ ما الي ديرة
ياما گتلچ گلبي مو گد الوداع
وهالمواضيع الچبيرة ..
- احمد عادل

انتِ شتتانين بلا ومارجعتي ؟