احساس ان في حوار انتهى من غير
ما تاخد فرصتك في انك تقول اللي جواك
ده احساس مُرهق اوي، من اكتر الحاجات
اللي اذتني نفسياً اني حاسس ان في
حاجات كتير اوي كنت محتاج
اقولها ومقولتهاش

هذا انـه الـ ابد وياك ما گاطع
ومن يوم اختلفنه وما تصفه الراي
وانـه مخلصها من جبار للگاطع
وسمير براسي يفتر فرت الناعور
ومثل ما طابع انتَ هوَ هم طابع
جنت ساكن الجامع وادعي اليه تصير
ابشرك هسه ما گمت اوصل الشارع
- سيف الوائلي

خاب انـه وعلي كد ما اتمناك
صرت اتخيلك و اتشاقه وياك ..
صرت اتخيلك بين الاغاني
اسافرلك عمر واني بمكاني
- علي قيس

انـه حسيت انتهينه
من حجينه هواي بس ما تلفظ اسمي
و زاد همي ..
اخ يا صدمة فراگك !
من السجن طلقوا صراحي
ومن وصلت البيت شفت جنازة امي !
- يونس محسن

اجت بالليل بالوحده
وخذت باكيتي من ايدي
وكامت تسأل شلوني؟
كتلها انا ابد مو زين
وضعي يخوف وتعبان انتِ شلونج بدوني؟
جفنها يخوف الميت
مريضه وتكسر الخاطر
وانا هم مكتئب والله
الباب الغرفة ما عابر
حچيتلها على احلامي
وكلتلها صرت شاعر
وجاي احچيلها بلهفه
ومن حلمي اهلي كعدوني
جانت حيل تعبانه
وجان يخوف أحساسي
وتاليها طلعت حلمان
بس باكيتي يم راسي !
- زيد الماجد

بس عفيه عندي عيون ؏‎ الشافنه
- حسين السلطاني

والله !

جنت اشوفك بالبدايات العظيمة الحيل حلوه
ضحكة حلوه انرسمت بشفة طفل
وانتَ جنت تشوفني
برخص التراب الينجمع فوك الحجل !
- احمد عادل

اتصفح رموشج جنت من تغفين
شعرايه شعرايه بهدوئج وازيد
واتبع اثار الكحل بيهن خاف
خادش وجه وحدتهن اصبع مروّد
- حيدر داوود

عليمن بين عقلي وگلبي محتار
بهاي وهاي اباوع روحي خسرت ..
صار سنين اطگ حجار بـ حجار
و اول ما شعلت النار مطرت
اتمنى الوكت يصفالي واختار
غيرتني الظروف وما تغيرت !
احفر گبري بـ ايدي چني بسمار
واعيش الموت وي كل لحظة مرت
اخر مرة ضاحك .. من زمن صار
محد يدري روحي شلون صبرت
قوي بس خصمي غالي واغلى من ثار
جندي وخصمي اخوي وجدمه عثرت
- سيف الغزالي

جا مو زين مني اشتم هوه وصابر ؟
تَـره مقصرين كلش والحجي الناحر
انـه من عاشرت ضني الگلوب گلوب
لو ادري من الاول هيج ، ما اعاشر !
- مخلد اسعد

لا شايل عليهم ليش ما اشيل ؟
منو بيهم نظيف ويسوه اعذره ؟
انـه ماعندي غالي والبقه وياي
انطيني شويه من افرغ اخسره ..
- باهر الجنديل

وحبك الاول قضية
جنت اشوفك فرحة لايامي الحزينة
وانتَ دتسد نقصه بيه !
- احمد عادل

( راح ابقه ذاك اليفتقد ويتابعك وينصحك )

تخلص كلها بالشارع
ليله من الشته ضعفك
تحب تعيشها بـ وحدك
و تمشي ومحد يوگفك
بهاي الضلمه التحبها
اكثر مشهد يخوفك ..
لَمن ضوه السيارات
يمر من يمك يخطفك !
جاي تخاف ؟ امّن محد يعرفك
انتَ الموعد المنسي
حتى محد يصدفك ..
انتَ الگلك اشبگني
نفسه تحسه المجتفك
- محمد الشمري

من اليوم الرحت ليهسه بارد
( لحد الان ما عاجبني واحد )
الهوه ما اعرفه لكن كل الادريّ
يجي من الجهة البيها انتَ گاعد
- لشاعرها

تلمست الجرح بليل
وبصف الضوه تدنيت ، ردت اعرف حرگ لو شگ
سمعت الروح ونّت بيه
كاغد منتهي ملزگ
وياهو يصرف الملزگ ؟
تگاطيع وصبر مابيه گبل لا اجيسه يتشگگ
انـه گلبي شكر بليل لاحه الماي
واعرف من اريد انطيه لو ينطحن لو يندگ
- محسن الخياط

غير وجهج صار حفنه
سنين ماشايف گمر
مثل بلبل بيتكم بالـ6 انام
لا اغاني ولا خريف ولا سهر
هيَ لو ما عرضت امج ؟
هذا گلبي الجايكم جا ما عثر ..
بالضباب الصوت اغلى من العيون
وبس اليصيح عُبر
- كرار حيدر

انطيني مُهلة خل اشوفن وضعي زين
وخل اشوف شلون هم اكدر احب
گلبي تيهته وشرد ما ادري وين
واني صار سنين ماعندي گلب ..
- جبار رشيد

الفجر فزيت من نومي وعفت نومي
وحلم مو زين حتى مغير رسومي
هلك منطيك واني لوحدي جنت هناك
وحجيت وصيحت حَد بور زردومي
ومعاتت وياهم بالحلم ضليت
بحيث من گعدت متشگگه هدومي !
- جعفر عبد