هاي يا قوم
الحمدلله ع سلامتكم
كيف التقديم كان؟
سؤال ريوباز و المفيد الاساسي كانوا عاطيكم تسميات؟

الحمدلله ع سلامة

سؤال فيروسات غلط علمياً😕😁😁😁😁❤️

بشكل عام
انا لم أقم بتدريس مادة العلوم إلا لمجموعة خاصة من طلاب قريتي يلي طلبوا مني درسهم
سؤال الفيروسات ما بيهمني شو مكتوب بكتابكن لانو أساسا قسم كبير من معلومات كتابكم غلط علمياً و لازمها تصويب
كنت من شوي مع نقاش مع موجهة اختصاصية و اخر شي وصلت لعبارة الساكت عن الحق شيطان اخرس
بغض النظر السؤال ممكن ينحل ع الاستبعاد بس في طلاب كتار مغلطين بالسؤال
فيروس الانفلونزا لا ينتسخ لا ينتسخ بطريقة الانتساخ التعاكسي(فعالية RT) و لا يعد مثال عن الفيروسات الارتجاعية
و لا اتوقع من نقاشي مع الموجهة الكريمة انه يتوصلوا لحذف السؤال
اسئلة ع مستوى جمهورية لازم تتناقش ع كل الأصعدة و بمناقشة كل الخيارات خيار خيار
حرام مستقبل الطلاب يروح هيك......ولو قسم بسيط استفاد من حذف سؤال بس ع الأقل التراجع و الاعتذار عن الغلط أفضل من الإصرار على الغلط
مو معقول طلاب طل و اساتذة ع النت عم تعرف تكتب اسئلة امتحانات لطلابها افضل و أدق من اسئلة الفحص
هزلللللت الحمدلله على السلامه و موفقين

مساء الخميس انشالله تعالى رح ناقش موضوع اللغة الفرنسية لطلاب الشهادة الثانوية ٢٠٢٦😁❤️

انسخوا الرابط و بعتوه لرفقاتكم

يلي اخوه تاسع😁❤️

https://t.me/EDRSHA5SA71
كلشي بيتوقع فوق ٢٣٠

يسعد صباحكم🩵🩵
كنا نشرب متة مع الدراسة
هلأ مع المسلسلات😂😂😂

عليكم تضيفوا اصدقائكم لانو الشغل رح يبلش الاسبوع الجاي ( بعد يوم الثلاثاء لانو بكون خلصت فحص)
لا تفكروا نسيتكم

كيفكم
اول شي الف مبروك للجميع و لي ما حالفه الحظ اول مرة نشالله بيحالفه تاني مرة
ثانياً مشان شغلة المفاضلات و المعدلات انتبهوا شو رح قلكم
سابقاً من دورة ٢٠٢٤ ل دورة ٢٠١٧ كان في ٣ شغلات:
دورة تكميلية ترفع كتير طلاب لفوق 230
مفاضلة الموازي كان بالسنوات السابقة الها 50٪ من المقاعد بكل كلية
مفاضلة ذوي شهداء(سابقاً) يلي الهم حصة بالمقاعد تعتبر مانها قليلة ما يقارب 20 ل 50 مقعد هيك شي
أولا: معاد في دورة تكميلية ف مثلا اذا يزيد بكل دورة فوق ١٠٠٠ طالب (مثل كل مين جايب فوق ٢٢٥) هدول ١٠٠٠ معاد يزيدوا و بقوا محلهم
كانت تكميلي تقريبا ترفع ما يقارب ١٠٠٠ طالب

ثانياً: مفاضلة الموازي معاد موجودة يعني اذا تحضيري بحمص تطلب ٤٠٠ مقعد كان ٢٠٠ مقعد للموازي
هلق لا خلص هل ٤٠٠ مقعد للعام خلص للعام فهاد شي كمان بيخلي مثلاً التحضيرية تنزل( طبعاً حمص بتطلب اكثر من ٤٠٠ مقعد تحضيري)

ثالثاً: مقاعد ذوي شهداء راحت اذا كان الهم حصة ب ٥٠ مقعد مثلا بالتحضيري بحمص هل ٥٠ صاروا متاحين لطلاب العام
فلذلك كلشي جايب فوق ٢٢٠ او فوق ٢٢٥ لا يفقد الامل كثير كثير بالتحضيري لانو ممكن تهبط ل ٢٢٠ حسب شقد في اعداد جايبة فوق ٢٣٠
و شغلة اخيرة قد ما كان في طلاب ما رح يكون مجالهم اكثر من ٢٠٠٠ طالب ........

هلق هاد توقع شخصي بس منطقي حسب المعطيات الموجودة

بالتوفيق يارب❤️❤️❤️😊

"الحمدلله حمداً كثيراً طيباً مباركاً فيه، بتوفيقٍ من رب العالمين ومِنْ ثُم ََّدعم أهلي والدكتور لي حَصلتُ على علامة قريبة جداً من التامة في مادة اللّغة الفرنسية. كُل الشّكر والامتِنانْ له على تعبه وصبرِه معي، وأُباركُ لكل الزُملاء الناجحين. ولِمَنْ لم يحالِفُهم الحَظ هذهِ المرة، اسْتمروا بالمحاولة ، فالنّجاحُ قادمْ بإذنِ اللّه."

كيفكم
رح نبلش من جمعة خبروا رفقاتكم

طلابي الاعزاء دورة عام 2026

بعد ساعات من التفكير بالقرار و صراحة بكيت لما كنت مفكر فيه
من عام 16-10-2020 انطلقت مشواري بشرح مادة اللغة الفرنسية لنهاية دورة 2025 ما يقارب 6 سنوات

تعرفت ع كتير ناس صاروا من أعز الاصدقاء ع قلبي و بحبهم كتير و كتير مريت بمحطات مهمة بهل الحياة

اليوم وصلت لمنعطف مهم بحياتي و صار لازم اخد قرار... مرات قرارتنا بتأذينا بس منكون مجبورين ناخدها
صار في عندي توجهات تانية بحياتي و تحديات جديدة بدها وقت كتير مني
هي القناة مارح تنحذف لانو بدها ياها تبقى لكل الطلاب و تساعد كل الطلاب و بتتمنى تتذكروني كل واحد استفاد من هل القناة بتمنى ما ينساني ❤️
مسيرتي بتدريس مادة اللغة الفرنسية على النت انتهت...... بحبكم كتير و بتمنى تحافظوا ع القناة❤️

السلام عليكم
رح.أحكيلكم اليوم قصتي بأيام البكلوريا
لعل وعسى أنه حدا يستفاد وما يقع بأغلاطي
أول شي بدأت دراسةو حماس بعد ما خلصت امتحان حادي عشر بأسبوع كنت كثيير متحمسة لبلش
ومن أول شهر ستة وأنا أدرس طبعا ما كنت مسجلة لا معهد ولا مدرسة خاصة
كان اعتمادي على نفسي وكنت تابع على النت بس رياضيات أخذت كم درس خصوصي
طبعا بلشت فيزيا ورياضيات وعلوم بس
والحمدلله كنت كثيير ماشية تمام
يعني بس بدأت المدارس كنت مخلصة اول وحدة فيزياء وعلوم كنت مخلصة عصبية ومستقبلات ومبلشة هرمونات
ورياضيات كنت مخلصة كتاب الجزء الثاني كامل
يعني الفكرة يلي حابب وصلها أني كنت ماشية وأموري كلها تمام ومن دون ملل
وضليت هيك لآخر الفصل الأول
وكان عندنا امتحان الفصل الأول فيزيا وزاري وكنت كثيير متحمسة لروح سكر العلامة
ورحت على الامتحان وحليت وما أخذت معي الأسئلة ساعة وكان الوقت كله ساعتين
حليت والحمدلله طلعت عم أتأكد طلع معي بس غلطة وحدة ضليت ساكتة بس طبعا تضايقت أنه ليش قلة انتباه 😢
وبعدها كان في عندنا امتحان رياضيات وكمان أنا من عشاق الرياضيات مهووووسة كثير فيها كنت كثير شارك بالصف مع الأستاذ وحل وما اترك شي حتى انطلاقة الوحدة كنت أقرئها😂
المهم إجى وقت امتحان الرياضيات النصفي قدمت ممتاز بس الوقت ما كفاني حل كلشي بس كنت رضيانة عن نفسي أني حليت حل ممتاز ✨
رجعت على البيت ولا لقيت امي بتقلي ريم كل المنطقة بتحكي باسمك قلتلها ليش قالتلي جبتي أعلى علامة بالفيزيا طلعت العلامات 🌚
وكانت علامتي 390 وبنفس اليوم كمان طلعت علامة الرياضيات وكانت علامتي 540 طبعا فرحت والله بس ليش لأنه أسئلة أساتذتي تعجيزية 😂
وخلال دراستي بالفصل الأول كنت دائما ملتزمة بورد قرٱن كل يوم وحس أنه في بركة بوقتي بس أقرأ القرآن
ضليت بحماسي لشهر الانقطاع وبنفس المستوى وما تركت مواد ما درستا إلا الفرنسي لشهر 2 لبلشت فيها بس عندي اساس فيها
وطبعا الكل صار يشوفني ويقلي دكتورة وما بعرف شو حتى أنه أستاذ الرياضيات بالمدرسة كتبلي ورقة وحط اسمي وكتبلي دكتورة المستقل طبعا أنه بالنسبة إلي عادي وبحمسني هالشي
ولكن بالنسبة للطلاب يلي حوالي شي بيقهر
المهم ضليت ملتزمة وادرس وما تركت شي ما درسته الفرنسي بلشت فيها والتزمت مع طالب طب.كان يشرحها على التلغرام وساعدني والله فيها ما بنسى فضله علي
وصار وقت قبل الامتحان الأخير كان اول مادة فيزياء وهون أنا من حماسي تركتلها 10 ايام وطبعا بتخلص بسهولة مع حل أسئلة كثيرة
درستها وحليت وعملت يلي علي
بس رحت على الامتحان ما عاد عرفت شو عم حل نسيت القوانين ما عاد أتذكر شي يلي بقلي توتر بقله لا لأنه بعمري ما توترت من امتحان
حليت وطلعت طبعا كان أبدا مو ظابط
كملت موادي وكانن تقديم ممتاز لحد ما وصلت لامتحان الرياضيات
طبعا أنا هون الرياضيات ملعبي وفايتة بدي سكرها وكنت كثييييرر متحمسة لشوف الأسئلة وبلش حل
بلشت بأول ورقة أخذت معي ربع ساعة انبسطت قلت الحمدلله معي وقت بلحق خلص الباقي
وبلشت بالصفحة الثانية وصرت بنصها وما بعرف شو يلي صارلي حسيت حالي رح أنام وأنا عم حل ما ضل في تركيز اختل توازني هون انتبهوا علي واخذوني لبرا
طبعا ضلوا نص ساعة لحتى جابوا الإسعاف فورا قاسولي ضغطي طلع 18
كيف هيك ما بعرف كيف وصل لهالدرجة ما بعرف🙂🙂
راح علي وقت كثييييرر خلال الامتحان ومن بعد هالامتحان.كنت بدي أنسحب وأصلا انا مريضة وما فيني أدرس 😢
حسيت أنه كل أحلامي راحت هالشعور يلي الله لا يطعمه لحدا كثير صعب
بس ضليت قول خير الحمدلله على كل حال
وطبعا اهلي ما سمحولي انسحب وعند آخر امتحان قالولي خلص والله رح تعيدي السنة الجاي بس قدمي ومن دون دراسة
طبعا هون أنا آخر امتحان هو اكثر امتحان قدمته ممتاز ومن دون دراسة ليش لأنه لعرفت أنه كل يلي كان صايبني هو عين وبلشت اعرف شو المشكلة
رح تقلولي ما بنثق والله ما حدا قدي ما كان يفكر بهالأمور لوقعت فيها 🌚
خلصت امتحان وخلص رح عيد مع السنة الجاي
ولكن انا هون بفكر انا بدي رياضيات وبحبها وكنت قول زمان أنه بدي رياضيات بس انه لازم جمع علامات ممتازة وفوتها عادي
طلعت النتيجة وكنت بعرف قدي بجمع حاسبتهم بالضبط
جمعت 180من220
وطبعا مو مستواي أبدا بس الحمدلله على كل حال
قالولي أهلي بدك تعيدي ما في مشكلة إحنا معك بدك تكملي كمان عادي
قلتلهم لحتى فكر
بالأخير استخرت واخترت رياضيات
وسجلتها والكل عارضني 🌚
وحاليا أنا بوقف قدامكن وبقول كثييييررر مبسوطة بالفرع يلي أنا فيه
والحمدلله متميزة بين طلاب دفعتي
وصار معي كثير شغلات حلوة ولا كنت متوقعة تصير معي والله
يعني رب العالمين عطاني الخير كله والله
بالنهاية حبيت قلكن لا تحكوا لحدا عن حماسكن وبالأخص الناس يلي حواليك
هاي تجربتي إن شاء الله تكون وصلت الفكرة يلي بدي وصلها 🩵🩵
بالتوفيق للجميع وإن شاء الله قدر المستطاع رح ضل ساعدكن 🔥🔥🔥

ما بعرف إذا في طلاب بالغروب بس اذا فيه أن شاء الله تستفادوا🔥🔥