මේ සිදුවීම ඇති වෙන්නෙ හෙලිකොප්ටර් එකේ පෙති වල භ්‍රමණ සීඝ්‍රතාව/සංඛ්‍යාතය වීඩියෝකරු භාවිත කළ කැමරාවේ Frame rate එකට සමාන වෙනකොට.

අපි ආදි කාලයෙ කැමරාවක් උදාහරණයට ගමු. ඒකෙ තියෙයි ෆිල්ම් රෝලක්. ඒකෙ වෙන වෙනම Frames තියෙයි / සෑම පිංතූරයක් සඳහාම කොටු එක බැගින් තියෙයි . ඉතින් ඒ විදිහට Frames හරහා තමයි , පොඩි පොඩි පිංතූර සිය ගණනක/ දහස් ගණනක එකතුවක් විදිහට තමයි වීඩියෝ එකක් අවසානයේ නිර්මාණය වෙන්නෙ. මුල්කාලීන කාටුන් නිර්මාණ සැලකුවොත් ඒවා 12fps (තත්පරයට frames 12ක්) rate එකකින් තමයි නිර්මාණය වුනේ . ඒ කියන්නෙ එක තත්පරයක් තුළ පිංතූර 12ක් වේගයෙන් ගමන් කරනව තිරය තුළ. ඊළඟට තාක්ෂණයෙ දියුණුව සමඟ 16, 18, 24fps ආවා. තවදුරටත් 30 , 60 ආදී වශයෙන් දියුණු වුනා. කෙසේනමුත් සම්මත රාමු සීඝ්‍රතාව වශයෙන් පවතින්නෙ 24fps.

මිනිස් ඇසට ගෝචර රාමු සීඝ්‍රතාව 30ත් 60ත් අතර ප්‍රමාණයක තමයි පවතින්නෙ. කාටහරි හිතෙන්න පුළුවන් ඇයි තත්පරයට රාමු 100, 200 පාවිච්චි නොකරන්නෙ කියල 😅

ඔයාල කවුරු හරි සැනෙලි පහන ගැන දන්නවා නම් ඔයාට මේක අමුතු මැජික් එකක් විදිහට පේන්නෙ නම් නෑ හැබැයි 😁.
#frames #physics #tec #science

♣️Experiments & Wisdom♣️

☘Now on whatsapp☘