Laŭ nia invito, Raphael de Svisa Esperanto-Societo agordis novan version de la Svisa Kalendaro sur la retejo https://svisa-esperanto-societo.ch/kalendaro/

Teknike ĝi uzas https://icscalendar.com/

Avantaĝoj kompare kun la antaŭa versio de la Svisa Kalendaro estas interalie:

- la kalendaro aperas nun en Esperanto
- eblas rapide navigi al alia monato
- tuj videblas la tuta titolo de eventoj
- estas havebla rekta ligilo al eventa paĝo en la retejo de Eventa Servo
- estas havebla rekta ligilo al Google Maps, se adreso estas enigita

Se ankaŭ vi volas tian kalendaron en via retejo (aŭ alian, ekzemple per Google Calendar aŭ per iframe k.s.), ne hezitu kontakti nin.

Ni ĵus aldonis aŭtomatan konvertilon al Eventa Servo por la kampoj Titolo kaj Priskribo. Ekde nun, kiam iu aldonas eventon "ikse", ekzemple "Promenado cxirkaux la lago", dum konservado la enigita teksto aŭtomate estas ĉapeligita. "Promenado ĉirkaŭ la lago" - do. Nur dum kreado funkcias tiu aŭtomata konvertado; poste eblas ŝanĝi kiel oni volas.

Ni celas aŭtomatigi tian konvertadon ankaŭ por la kampo Enhavo, sed tio evidentiĝas esti malpli simple. Ĉefe ĝenas, ke foje en la kampo Enhavo estas menciita URL kun iksoj. Ni pripensas, kiel solvi tion. Ni vidos...

Estas konata cimo en Eventa Servo pri bildoj kiuj kelkfoje ne aperas. Por solvi tiun cimon, ni provos ĝisdatigi la servilon kaj apliki kelkajn agordojn.

Ĉi-nokte, de la 1:00 ĝis al 3:00 (UTC), ES estos ne-disponebla pro tiu necesa proceduro.

Ni aldonis la eblon aldoni ligilojn al raportoj. Vidu ekzemple https://eventaservo.org/e/gek2023

Eblas aldoni tiajn raportajn ligilojn al eventa paĝo ekde kiam la dato kaj horo de ĝia komenco estas atingita.

Ni programis ion novan en Eventa Servo. Estas detalo, sed tamen praktika. Jen:

Kiam oni ŝanĝis aŭtomate generitan ligilon al mallonga ligilo, la originala URL ne plu funkciis. Konkrete mi volis ekzemple ŝanĝi https://eventaservo.org/e/5dc625 al https://eventaservo.org/e/EK2024, sed mi ne faris tion, ĉar la originala ligilo eble estis jam tro vaste disvastigita.

Ekde hodiaŭ, kiam oni kreas novan mallongan ligilon, la originale kreita ligilo plusendas al la mallonga ligilo.

Mi do ĵus ja kreis https://eventaservo.org/e/EK2024

La defaŭlta URL https://eventaservo.org/E%C5%ADropo/ ŝanĝiĝis al plia legebla https://eventaservo.org/europo

Ni faris tion, ĉar kelkaj revuoj transprenis la URL-on, ĝin kopiante, kaj la rezulto surpapere aspektis terura 🙈.

Pri landonomoj https://eventaservo.org/europo/%C4%88e%C4%A5io (Ĉeĥio) ktp ni ankoraŭ cerbumas. Estas bedaŭrinde, ke multaj retumiloj ne ebligas simple kopii la unikodan varianton.

Ĉu vi sciis, ke Eventa Servo estas (la ĉefa) projekto de Fonduso Instigo? Hieraŭ @robin kaj mi "administre movis" la domajnon http://instigo.be/ de al Versio.nl al Webreus.nl

Ĉe versio.nl domanjo ("parkeerdomein") kostas € 24,99 jare; ĉe Webreus € 8,99 jare...

En novembro 2023 ni aldonis al la retejo de Eventa Servo gravan novan funkcion: “Raportoj”. Fine de 2023 estis programitaj kaj testitaj kelkaj lastaj plibonigoj kaj nun la funkcio tute pretas por ke vi ĝin ekuzu. UEA pri tio dissendis gazetaran komunikon. https://uea.org/gk/1150

Hodiaŭ ni teknike plibonigis la serĉilon de Eventa Servo. Okazis multfoje ke homoj (aŭ robotoj) serĉis por " " (blanka spaco); tiel la retejo montras ĉiujn eventojn. Tio malrapidigis nian servilon. Komence ni limigis tial la serĉfunkcion de ES por montri maksimume 30 rezultojn. Venis plendo de uzanto, do ni programis la serĉilon tiel, ke oni ne rajtas serĉi je blankaj spacoj. Do, ke la tri signoj kiujn oni tajpu por havi serĉrezulton estu veraj signoj.

Ĉu vi foje uzas la serĉilon?

Hodiaŭ aperis artikolo pri Eventa Servo en la kongresa kuriero de la UK en Aruŝo.

Saluton Yves.

ES estas for pro problemo kun la provizanto. Baldaû ĝi funkcios denove.

Ekde hodiaŭ eblas ensaluti ĉe Eventa Servo per Google.

Eblas nun facile kaj rapide aldoni ES-eventon al via persona kalendaro. Tio estas granda avantaĝo, vere. Jenaj datumoj estas kopiataj: titolo, priskribo, adreso, URL de la evento, dato(j) kaj horo(j).

Atenton! Mi volas emfazi, ke datumoj estas kopiitaj kiam vi ilin transprenas al via kalendaro per ĉi tiu nova menuo. Se la evento poste ŝanĝiĝas en Eventa Servo mem, informoj ne estas adaptitaj. Kontrolu do ĉiam per la ligilo, ĉu informoj estas aktualaj. Alternativo estas elŝuti la ICS-dosieron, kiu ja aktualiĝadas aŭ aboni la kalendaron de organizo. La tuto estas iom teknika; volonte mi private klarigas al vi, kiel funkcias.

Ĉu vi rimarkis? Hodiaŭ ni lanĉis novan version de Eventa Servo. 🎉

Delonge ni volis ŝanĝi la logikon de tio kion signifas "internacia" en la retejo. Ĝi antaŭe havis du signifojn (1: evento loka aŭ internacia, 2: evento menciita en la Internacia Kalendaro). Uzantoj plendis, ke estis malklare, kiuj eventoj estas lokaj kaj kiuj internaciaj. El internaj statistikoj evidentiĝis, ke nur malmultaj uzantoj uzis la filtrilon 'loka'.

"Internacia" en la nova versio de Eventa Servo signifas, ke ĝi aperas en la Internacia Kalendaro (https://eventaservo.org/ik). Kiu evento estas internacia (kaj menciita en la listo de la ĉefaj Esperanto-eventoj tutmonde), tion decidas la redakcio de ES.

Ĉi-nokte ni movos la programaron de Eventa Servo al nova, pli potenca servilo 💪. Nia programisto Fernando komencos je la 23:00 (GMT-3) kaj la interveno dauros ĉirkaŭ 2 horojn.

Dum kelkaj horoj nia retejo do ne estos alirebla.

Ni programis etan ŝanĝon en Eventa Servo: ni movis la butonon 'Nuligi' al apud la butono 'Forigi' en la redakta paĝo.

Tiel espereble estos pli klara la diferenco inter 'forigi eventon' kaj 'nuligi eventon'.

Nuligi la eventon ne forigas ĝin de la listo, sed aperigas ĝin (ruĝe trastrekite) kiel nuligitan. Tiel homoj informiĝos, ke la evento ne okazos.

Pluraj junaj aktivuloj kontaktis nin pri la eblo indiki, ĉu evento celas junulojn aŭ la ĝeneralan publikon.

Hodiaŭ ni aldonis al Eventa Servo novan filtrilon 'Por junuloj'.