⚡️ Мінск. Калона аўтазакаў на вуліцы Парніковай. Гэта ў непасрэднай блізкасці ад тэлецэнтра на Макаёнка, 9, дзе зараз людзі пратэстуюць супраць таго, што паказваецца па дзяржаўным тэлебачанні.

⚡️Мінск. Спынілася анлайн-вяшчанне АНТ. Прычына банальная: у будынку тэлецэнтра на вуліцы Камуністычнай нейкім магічным чынам знік інтэрнэт. Мабільны — працуе. Стацыянарны — не.

Мінск. Такія ананімкі рэгулярна прыходзяць на акаўнт Еўрарадыё і іншых СМІ, рассылаюцца ў вайбер-чатах і г. д. Мінулым разам быў аўдыязапіс пра хітры план Пуціна, а да таго яшчэ і яшчэ. Гэтую ананімку мы публікуем толькі таму, што правакатары ў натоўпе сапраўды магчымыя. І каб мірны пратэст, на які выходзяць прыхільнікі Святланы Ціханоўскай, не быў скампраментаваны, іх своечасовае выяўленне — вельмі важная справа. Калі вы бачыце чалавека, які чапляецца да іншых людзей, паводзіць сябе дзіўна, выглядае п'яным — тэрмінова адыходзьце ад яго і звяртайце на яго ўвагу іншых людзей.

Мінск. 18+. На відэа трапіла яшчэ адна трагедыя, што адбылася на Пушкінскай плошчы 10 жніўня 2020 года. Выбухам светлашумавой гранаты аднаму з пратэстоўцаў пашкодзіла нагу. Гэта адбылося праз некалькі секунд пасля таго, як упаў на асфальт Аляксандр Тарайкоўскі. Божа-божа, якая ж там была мясарубка...

@euroradio

Мінск. Купалаўскі тэатр змяніў лагатып )

Мінск. На Пушкінскай плошчы такая атмасфера, быццам бы Лукашэнка ўжо сышоў, і ўсе святкуюць.

Мінск. Уваход у станцыю метро "Пушкінская" пераўтварыўся ў мемарыял, прысвечаны выбарам. Цікава, ці зразумеюць каштоўнасць гэтага ўсяго камунальнікі, якія прыйдуць туды праз нейкіх 7-8 гадзінаў...

Ліда. Гудзе як у апошні раз. Хлопцы, дзяўчаты, цішэй! Заўтра ізноў гудзець!