Мінск. Марыя Калеснікава заклікала вайскоўцаў пераходзіць на бок народа. Але паміж вайскоўцамі і народам улады нацягнулі калючы дрот...

Фота @belsat

Мінск. У 17:15 адкрытыя для пасажыраў станцыі "Плошча Леніна", "Кастрычніцкая" і "Плошча Перамогі" на першай ветцы і станцыя "Купалаўская" на другой ветцы мінскага метро. "Минский метрополитен приносит извинения за временные неудобства".

"Уключаем псіхалагічную зброю. І паграмчэй!" Беларускае войска сёння. 100/10

Мінск. Перад мітынгоўцамі ля стэлы выступае дыпламат і экс-дырэктар Купалаўскага тэатра Павел Латушка. Ён кажа, што дзяржава мусіць перастаць жыць па паняццях і пачаць жыць па законе. Што трэба пачынаць крымінальныя справы на тых, хто здзяйсняў злачынствы супраць народа. Што ён ганарыцца тым, што ён беларус. Што па-над Беларуссю нарэшце ўзышло сонца і беларусы прачнуліся гэтай раніцай.

Мінск. Карэспандэнт @euroradio перадае ад Стэлы, што людзей збіраецца ўсё больш і яны вымушаныя ўсё бліжэй падыходзіць да шэрагаў вайскоўцаў за калючым дротам. Група мітынгоўцаў утварыла ланцуг звонку агароджы, каб не правакаваць сілавікоў.

Час ад часу да агароджы выбягаюць быццам бы п'яныя людзі, але пратэстоўцы адразу рэагуюць на гэта і не даюць здзейсніцца правакацыі.

Руху ў бок Палаца Незалежнасці і Плошчы дзяржаўнага сцяга пакуль не заўважна.

Украіна. Кіеў сёння. Будынак гарадской адміністрацыі.

Мінск. Слухачы Еўрарадыё паведамляюць, што амапаўцы, якія дзяжурылі побач з КДБ на вуліцы Камсамольскай, спешна загрузіліся ў аўтобусы і з'ехалі.

Мінск. Карэспандэнт @euroradio перадае ад стэлы, што дэманстранты рушылі па праспекце Пераможцаў у бок плошчы Дзяржаўнага сцяга. Тым часам слухачы Еўрарадыё перадаюць, што да плошчы пад'ехалі загараджальныя аўтамабілі "Рубеж" і некалькі "бусікаў" з амапаўцамі. А на вуліцы Ціміразева заўважаныя вадамёт і аўтазакі.

Мінск. АМАП перакрыў праспект Пераможцаў на шляху пратэстоўцаў да Палаца Незалежнасці і плошчы Дзяржаўнага сцяга.

Фота "Радыё Свабода"