Батл працягваецца! Пецярбург адказаў Лукашэнку: маўляў, нармальна яны абслугоўвалі беларускія МАЗы. Самастойна і па рэгламенце, і займалася гэтым дзяржаўнае, а не прыватнае прадпрыемства. А яны ўсё адно гарэлі. Раўнд!

Расія дае Беларусі адтэрміноўку па крэдыце за БелАЭС. Выплаты асноўнага доўга павінны былі пачацца яшчэ ў красавіку 2023, але тэрмін перанеслі на 1 красавіка 2024 года.

Пра тое, што Беларусь не паспявае споўніць абавязкі па крэдыту, было вядома яшчэ ў сакавіку 2023. Тады ж і быў падпісаны пратакол пра адтэрміноўку. Дзярждума РФ ратыфікавала яго толькі цяпер. Таксама змянілі і валюту выплат – на расійскія рублі.

Украіна падвышае пільнась з-за вучэнняў у Беларусі. Асабліва пры мяжы – бо адна з фаз адбудзецца ў Брэсцкай вобласці.

– Гэта, вядома, не стварае вайсковай пагрозы, але з'яўляецца пэўнай небяспекай. Мы таксама, у сваю чаргу, падвышаем пільнасць і гатовымі нашы сілы для адэкватнага рэагавання. Гэта звычайная ваенная практыка, – кажа амандуючы Аб'яднанымі Сіламі УСУ Сяргей Наеў.

Калі пагроза будзе нарастаць, на памежжа перакінуць дадатковыя сілы. Пакуль што там працуе "стабілізацыйная групоўка".

Каго глядзець/слухаць сёння на @euroradio? Трымайце анонс на чацвер (час пазначаны мінскі).

13:00 – паэтэса, спявачка, вядоўца, журналістка, заснавальніца Школы традыцыйнага строя Кацярына Ваданосава і SandArt-мастачка Аляксандра Канафальская

14:00 – Ідэя Х: радавы Нацгвардыі ЗША, digital-маркетолаг, актывіст беларускай суполкі Філадэльфіі Яўген Луцкі

15:00 – палітычны аналітык Віталь Цыганкоў

Пытанні да нашых гасцей можна пакідаць пад гэтым пастом!

Апазіцыйная партыя БСДП (Грамада) ліквідаваная. Такое рашэнне прыняў Вярхоўны суд.

– Гэта не канец. Пакуль ёсць наш калектыў і людзі, якія вераць у будучую дэмакратычную Беларусь, у яе сацыял-дэмакратычны выбар, мы як фенікс паўстанем з попелу, – пракаментаваў гэта старшыня партыі Ігар Барысаў.

Грамада трапіла пад зачыстку, як і іншыя апазіцыйныя партыі ў Беларусі, пазбаўленыя рэгістрацыі і ліквідаваныя праз суд.

Засталася апошняя непралукашэнкаўская партыя левых "Справядлівы свет". Яе лёс таксама хутка вырашыць суд. Першае пасяджэнне адбудзецца ўжо заўтра, 22 верасня.

Як сумясціць спевы, народныя строі і пескаграфію ў адным канцэрце? У эфіры @euroradio – паэтэса, спявачка, вядоўца, журналістка, заснавальніца Школы традыцыйнага строя Кацярына Ваданосава і SandArt-мастачка Аляксандра Канафальская.

Што надзвычайнага ў сумяшчэнні выступаў музычнага калектыву і SandArt-мастачкі? Ці варта беларусам працягваць чапляцца за вобразы страчанага краю і жыць успамінамі ды настальгіяй? Што адбываецца з беларускай культурай у эміграцыі? Абмяркоўваем гэта ў сёняшнім эфіры.

Далучайцеся!
https://www.youtube.com/watch?v=uHEIHK6eJ_g

З ліцэя БДУ сыходзіць дырэктарка. Ганна Чубарава заняла гэтую пасаду ў жніўні 2021. Прычыны звальнення невядомыя. Таксама яшчэ не агалосілі імя новага кіраўніка ўстановы.

У тг-канале ліцэя з'явілася кранальнае развітальнае відэа пра Ганну Чубараву і словы падзякі ёй ад калег і вучняў за "прафесіяналізм у якасці настаўніка, адміністратара і дырэктара".

Што цікава, у ліцэі БДУ не затрымліваюцца кіраўнікі. Папярэднік Чубаравай Ігар Варакса працаваў на гэтым месцы таксама менш, чым два гады.