የማዳበሪያ ፋብሪካው የምግብ ሉዓላዊነት፣ የኢንዱስትሪ እድገትና በኢኮኖሚ ራስ የመቻል ጥረት ውስጥ ስትራቴጂካዊ ጠቀሜታ ያለው ኢንቨስትመንት ነው - ጠቅላይ ሚኒስትር ዐቢይ አሕመድ (ዶ/ር)
+++++++++++++++++

#ጋዜጣ_ፕላስ - በኢትዮጵያ የግብርና ትራንስፎርሜሽን፣ የምግብ ሉዓላዊነት፣ የኢንዱስትሪ እድገትና በኢኮኖሚ ራስ የመቻል ጥረት ውስጥ ስትራቴጂካዊ ጠቀሜታ ያለው ኢንቨስትመንት መሆኑ ጠቅላይ ሚኒስትር ዐቢይ አሕመድ (ዶ/ር) ገለፁ።

ጠቅላይ ሚኒስትሩ በማሕበራዊ ትስስር ገጻቸው ባሰፈሩት መልዕክት እንዳሰታወቁት፤ ባለፈው አመት ነሐሴ ከዳንጎቴ ግሩፕ ጋር በመሆን በአመት 3 ሚሊዮን ሜትሪክ ቶን ዩሪያ ማዳበሪያ የማምረት አቅም ያለው ፋብሪካ ለማቋቋም ትልቅ የባለድርሻ ስምምነት አድርገን ነበር።

በያዝነው አመት ጥቅምት ወር ደግሞ የፕሮጀክቱን ግንባታ በይፋ ጀምረናል። ይኽ ሥራ ከመሠረተ ልማት ግንባታም በላይ ነው ያሉት ጠቅላይ ሚኒስትሩ በኢትዮጵያ የግብርና ትራንስፎርሜሽን፣ የምግብ ሉዓላዊነት፣ የኢንደስትሪ እድገት እና በኢኮኖሚ ራስ የመቻል ጥረት ውስጥ ስትራቴጂካዊ ጠቀሜታ ያለው ኢንቬስትመንት መሆኑን ገልጸዋል።

የማዳበሪያ ፋብሪካው በሚጠናቀቅበት ወቅት የሀገር ውስጥ የማምረት አቅምን ያጎለብታል፣ ከውጭ በሚገባ ማዳበሪያ ላይ ያለውን ጥገኝነት ይቀንሳል፣ በሚሊዮኖች የሚቆጠሩ አርሶአደሮቻችንን ይደግፋል።

ለኢንቨስትመንትና የሥራ ዕድል ፈጠራም አዳዲስ እድሎችን ይከፍታል።

ዛሬ ማለዳ ከአሊኮ ዳንጎቴ ጋር በመሆን በጎዴ ተገኝቼ ሥራው የደረሰበትን ደረጃ ለመገምገም የፕሮጀክት ስፍራውን ጎብኝቻለሁ። በመላው የፕሮጀክቱ ስፍራ የሚታየው የሥራ ሂደቱ ፍጥነት አበረታች ነው።

ይኽን ግዙፍ እና እጅግ ጠቃሚ ሀገራዊ ፕሮጀክት ለመፈፀም ያለውን ቁርጠኝነት እና ትብብር በሚያንፀባርቅ ሁኔታ በተለያዩ የፕሮጀክቱ ክፍሎች ያሉት ግንባታዎች በእቅዳችን መሠረት እየተጓዙ ይገኛሉም ብለዋል።

#ግብዓትአቅርቦት #PMOEthiopia #DigitalTransformation #FinancialFreedom #fertilizerindustry

በምግብ ራስን መቻል ዋነኛ አጀንዳችን ነው - ጠቅላይ ሚኒስትር ዐቢይ አሕመድ(ዶ/ር)
#dangotecement #fertilizerindustry #EthiopiaDelivers #productivity #ጋዜጣፕላስ

''የማዳበሪያ ፋብሪካው በሚጠናቀቅበት ወቅት የሀገር ውስጥ የማምረት አቅምን ያጎለብታል፤ ጥገኝነት ይቀንሳል፤ በሚሊዮኖች የሚቆጠሩ አርሶ አደሮቻችንን ይደግፋል። ለኢንቨስትመንትና ለሥራ ዕድል ፈጠራ አዳዲስ ዕድሎችን ይከፍታል''

- ጠቅላይ ሚኒስትር ዐቢይ አሕመድ (ዶ/ር)

#ጋዜጣፕላስ #fertilizerindustry #productivity #ተኪምርት #gazetteplus #dangoterefinery #Dangote

#አዲስ_ዘመን_ጋዜጣ https://press.et/e-paper